หฑั่ม เล์ย-หลัด 19
19
เสีย แหม่ง เญย ฒี่ง
(เป๊ย หมั่ง ซ้าว เมี่ยน 35:9-28; โยซูวา 20:1-9)
1 เฒี้ยว, เม่ย บัว เญย ทิน-ฮู่ง, เฒาะ นิ่น อ๋อย จิว ปุน เม่ย บัว วั้ว นอม เต่ย-ปูง วั้ว เต๋ย กั๊วะ เญย เมี่ยน ไพ กวั่ง วั้ว หฒั่น, เม่ย บัว หย่า ตุ๊ หฒุ่น นิ่น บัว ธ้วด, เปียะ มี่ง เยียม เจี๊ยน นิ่น บัว เญย ฒี่ง เหธา นิ่น บัว เญย เปย๊า, 2อ๋อย หฒุ เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ วั้ว นอม เต่ย-ปูง กั้น หธะเหล่ง กิ๊น ธ้วด ปัว นอม ฒี่ง.#ธ้วด อียิบ 21:12-14 3อ๋อย หฒุ คอย เจ๊า มี่ง เถา วั้ว เต๋ย ฒี่ง, หย่า เฒาะ เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ เญย เต่ย-ปูง ปุน โหฒว ปัว โก๊ว เหว่ย ปุน ธะ-โป่ว ไต๋ เมี่ยน เญย เมี่ยน ไฮ่ เปย๋า มี่ง วั้ว เต๋ย ฒี่ง เยียม.
4เยียม น้าย มี่ง ก๊อง เมี่ยน ไต๋ เมี่ยน เปย๋า มี่ง เยียม เสีย แหม่ง ฒี่ง เหว่ย เหฌียว แหม่ง เญย เจ๊า-โหล่ว, เซ เมี่ยน ธะ-โป่ว ไต๋ หฒุ เมี่ยน ไต่, ไม้ เฒ์ย ล่าน หั่น ล่าน ไต๋. 5ฮนั้ง เมี่ยน เหธา เต้า จวั่ง ล์าง เญย ต่อย เปียะ หล่ม ก๋อย เดี๋ยง. นิ่น เฝง โป๊ว ก๋อย เดี๋ยง วั้ว หฒั่น, โป๊ว ดุ๊ด มี่ง เบ๊าะ หฒุ นิ่น เญย ต่อย ไต่. นิ่น ฯฒฯ เปย๋า มี่ง เหยียด นอม น้าย เต๋ย ฒี่ง เหฌียว นิ่น เญย แหม่ง. 6ไม้ เฒย แอ๊ะ, อ๋อย จ๊าว เมี่ยน แหม่ง วิน วั้ว เต้า เฉีย เจี์ย! ไห่, หฒุ่น นิ่น. สี ก๊อง เจ๊า ปะหละ โก, หฒุ่น ตุ๊ หฒ่าย หย่า ไต๋ นิ่น ไม้ กุ๊น ไม้ หอบ หฒุ ไต่, เหว่ย หฒุ นิ่น ไม้ เฒ์ย หั่น นิ่น เญย ต่อย หธีง ไต๋. 7เหว่ย น้าย เยีย หัด เม่ย บัว อ๋อย หฒุ กั้น หธะเหล่ง กิ๊น ธ้วด ปัว นอม ฒี่ง.
8สี ก๊อง เฒี้ยว, เม่ย บัว เญย ทิน-ฮู่ง, ธับ เม่ย บัว เญย กั๊บ-จ๋าย ธ้วด หฒิว นิ่น โฮ้ว ปุน เม่ย บัว เญย อง-ถาย, หย่า เฒาะ นิ่น แล์ง ปุน นิ่น บัว เญย เต่ย-ปูง เหยียด ฒู้ง จิว ปุน เม่ย บัว, 9หย่า ตะฟ่าน เม่ย บัว เอย เจี๊ยน เยีย อี้ ฮนอย หัด เม่ย บัว เญย เหยียด ฒู้ง เล์ย, เซ ฮนั้ม เฒี้ยว, เม่ย บัว เญย ทิน-ฮู่ง, หฒั่นๆ ยั่ง นิ่น เญย เจ๊า, เม่ย บัว อ๋อย หฒุ แอ๋ง กั้น หธะเหล่ง ทิบ ปัว นอม ฒี่ง. 10อ๋อย หฒุ ทิบ น้าย เต๋ย ฒี่ง เหว่ย ปุน ไม้ โหฒว ต่อง เญย เมี่ยน เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว หฑิบ เญย เต่ย-ปูง ไม้ หฒุ ไต๋ ไต่. เม่ย บัว กั้น หย่า ไม้ หฒุ เหว่ย น้าย เต๋ย สี่ หฒุ ดาม-ตอง.
11มป่า สี ก๊อง ม่าย เต้า เมี่ยน ฑอง เหธา นิ่น จวั่ง ล์าง เมี่ยน ฯฒฯ ปี๋ง เจี๊ยน ฒั้ว เบ๊าะ ไต่ นิ่น, วั้ว เต้า ฯฒฯ เปย๋า มี่ง เถา เหยียด นอม วั้ว เต๋ย เสีย แหม่ง ฒี่ง, 12นิ่น กั้น เญย ป๊วน-ฒี่ง เญย เมี่ยน โก๋ อ๋อย หฒุ พ้าย เมี่ยน มี่ง เฒาะ นิ่น หฑวน ต้าย จิว ปุน จ๊าว เมี่ยน แหม่ง วิน วั้ว เต้า ไต๋ นิ่น ไต่. 13เม่ย บัว ไม้ ตู๋ง ค้อ-เลี่ยน นิ่น. เยียม อิสะลาเอน เมี่ยน บุด๋ง อ๋อย หฒุ ปุน ไม้ ม่าย ไต๋ ไม้ โหฒว ต่อง เญย เมี่ยน เญย สี่, เหว่ย ปุน เม่ย บัว ตุ๊ หลง.
ไม้ ตู๋ง ซุ้ย กั๊บ-จ๋าย เญย ต่ง
14เม่ย บัว เยียม เฒี้ยว, เม่ย บัว เญย ทิน-ฮู่ง จิว ปุน เม่ย บัว เญย เต่ย-ปูง, ไม้ ตู๋ง ซุ้ย จวั่ง ล์าง เมี่ยน เญย เดา-เต่ย กั๊บ-เหฆน โหฒว จั๋ง-โห่ เญย หละเปย๊ย-ต่ง. น้าย เซ ฒิ่น ปาน เมี่ยน ตี่ง ต้าย เญย กั๊บ-จ๋าย.#หฑั่ม เล์ย-หลัด 27:17
โหฒว ฒอง-เหฒง เญย เมี่ยน
15ไม้ กุ๊น เมี่ยน ป์าม หาย หญู่ง ฒุ์ย ไฟ โหฒว ต่อง หาย หญู่ง สี่, ดุ เต้า เมี่ยน โหฒว ฒอง-เหฒง เซ ไม้ เก๋า ตี่ง นิ่น เญย ฒุ์ย. อ๋อย หฒุ ม่าย อี ไฟ ปัว เต้า โหฒว ฒอง-เหฒง หธีง ตี่ง.#ซ้าว เมี่ยน 35:30; หฑั่ม เล์ย-หลัด 17:6; มัดทาย 18:16; โยฮัน 8:17; 2 โคลินโท 13:1; 1 ทิโมไท 5:19; ฮิบลู 10:28
16สี ก๊อง ม่าย เต้า เมี่ยน โหฒว จ๊า ฒอง-เหฒง อ๋อย ห่อย เมี่ยน,#ธ้วด อียิบ 20:16; 23:1; เลวี 19:16; หฑั่ม เล์ย-หลัด 5:20 17น้าย เต๋ย อี เต้า ม่าย สี่ เญย เมี่ยน อ๋อย หฒุ มี่ง เยียม เฒี้ยว เญย หฑะเฮมียน, ตอง เจี๊ยน ต้ง วั้ว หฒั่น โหฒว ไซ เมี่ยน เญย กง เญย ไซ เมี่ยน เหธา เซี้ยม ฒุ์ย เจียน. 18เซี้ยม ฒุ์ย เจียน ฯฒฯ หลงๆ เญย ฒ่า หม่วน นิ่น บัว เญย สี่. สี ก๊อง ฒ่า ธ้วด ฒอง-เหฒง เมี่ยน ก๊อง-แปะ, โหฒว จ๊า ฒอง-เหฒง ห่อย นิ่น เญย ก๋อ-โย์ว, 19อ๋อย หฒุ โหฒว ปุน นิ่น ฮนั้ง นิ่น เจี์ย เฮญี้ยว โหฒว ปุน นิ่น เญย ก๋อ-โย์ว นอ. อ๋อย หฒุ ปุน น้าย เต๋ย เอ๊าะ สี่ เยียม เม่ย บัว บุด๋ง หฒุด เหฑ่ง.#1 โคลินโท 5:13 20หฒวัง เมี่ยน ไฮ์ น้าย เต๋ย สี่ ฯฒฯ กั้ม เหฑีย ไห่. เยียม เม่ย บัว บุด๋ง เหยียด ลิ์ว ไม้ ม่าย เมี่ยน ก๊าม โหฒว น้าย หญู่ง เอ๊าะ สี่. 21ไม้ ตู๋ง ค้อ-เลี่ยน น้าย หญู่ง เมี่ยน. อ๋อย หฒุ แหม่ง จ๊าว แหม่ง, มฒีง จ๊าว มฒีง, ญ่า จ๊าว ญ่า, ปั์ว จ๊าว ปั์ว, เหฒา จ๊าว เหฒา.#ธ้วด อียิบ 21:23-25; เลวี 24:19-20; มัดทาย 5:38
Currently Selected:
หฑั่ม เล์ย-หลัด 19: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
