หฑั่ม เล์ย-หลัด 18
18
ไซ เมี่ยน เหธา เลวี เมี่ยน ตุ๊ เญย ป่วน
1โหฒว ไซ เญย เลวี เมี่ยน เหธา เลวี ฝีง เญย เหยียด ฒู้ง เมี่ยน เยียม อิสะลาเอน เมี่ยน กะญั์ว ไม้ ม่าย นิ่น บัว เญย ป่วน หย่า ไม้ ตุ๊ หฑิบ หาย หญู่ง. นิ่น บัว หญั่น เญย, ฮบ เญย, เซ เมี่ยน ฝ่ง ห่อ ปั๊ว เหฒี่ย ปุน เฒี้ยว เญย กะน้าย. น้าย เซ นิ่น บัว หอบ หฒุ ตุ๊ เญย ป่วน. 2นิ่น บัว ไม้ ตุ๊ เหธา นิ่น บัว เญย ก๋อ-โย์ว ม่าย หฑิบ เญย ป่วน. เฒี้ยว เป๋น นิ่น บัว หฑิบ เญย ป่วน ฮนั้ง นิ่น เหธา นิ่น บัว แล์ง เจี๋ย เญย หว่า นอ.#ซ้าว เมี่ยน 18:20
3แปะ ฝีง ฝ่ง ห่อ เหฒี่ย เญย แซง-คู้ ไม้ กุ๊น ง่ง โก๊ว ไฟ ปะกี ยู่ง, อ๋อย หฒุ เฒาะ ปั์ว-ฒุ่ย เหธา อี ปูง ขัม-ปุย เหธา กะเซีย อ๊อ#18:3 หฒิว ฮิบลู หว่า เอ๋ย เล์ย เซ กะเซีย-บัวะ. ต๋าย ไฮ่ ก๊อง หฒุ กะเซีย-บัวะ, จ้าง โล หาย. มป่า ม่าย เต๋ย โซว ก๊อง กะเซีย อ๊อ. ปุน ไซ เมี่ยน. 4อ๋อย หฒุ ต้อ เม่ย บัว เญย ต้าว ถอง ล่าง หฒิ, เซียง-อะหงุ่น ติ๊ว เหธา กะลั้น โย่ว, เหธา เม่ย บัว เญย ต้าว ปาน ปะกี ยู่ง เปยย จิว ปุน นิ่น บัว, 5เหว่ย หฒุ เฒี้ยว, เม่ย บัว เญย ทิน-ฮู่ง, เยียม เม่ย บัว ฝีงๆ บุด๋ง กิ๊น นิ่น บัว เหธา นิ่น บัว เญย เฒ้ย-ฟุน ต้าย โซ้ว เจี๊ยน เต๊ง เฒี้ยว เญย บั๋ว เหยียด ลิ์ว ฟู-สู.
6สี ก๊อง หาย เต้า เลวี เมี่ยน เยียม อิสะลาเอน เญย หาย นอม ฒี่ง ม่าย เฮญี้ยว อ๋อย มี่ง เฒี้ยว กิ๊น วั้ว นอม ต๋อง, เซว่ย นิ่น มี่ง หย่า ตุ๊. 7นิ่น ฯฒฯ เต๊ง เฒี้ยว, นิ่น เญย ทิน-ฮู่ง เญย บั๋ว ฟู-สู, ฮนั้ง เหธา นิ่น จวั่ง ฝีง เญย เลวี เมี่ยน เยียม เฒี้ยว เญย หฑะเฮมียน ฟู-สู วั้ว นอ. 8ไม้ กุ๊น นิ่น หม่าย นิ่น เญย จา-ตี้ง ตุ๊ ญ่าน มป่า นิ่น หญั่น เญย ฮบ เญย อ๋อย หฒุ ตุ๊ เหธา วั้ว เต๋ย เลวี เมี่ยน ฟี่ บัวะ.
ขวิน ไม้ ตู๋ง โหฒว ทิน-ฮู่ง โหยว ไห่, กั้ม เฑี้ย ไห่ เญย สี่
9เม่ย บัว ตุ๊ เปียะ เฒี้ยว, เม่ย บัว เญย ทิน-ฮู่ง, เหธย ปุน เญย เต่ย-ปูง, ไม้ ตู๋ง หฒวด เยียม วั้ว เญย ฝีงๆ เมี่ยน โหฒว โหยว ไห่, กั้ม เฑี้ย ไห่ เญย สี่. 10ไม้ ตู๋ง ปุน เม่ย บัว เญย หาย เต้า เมี่ยน เฒาะ นิ่น บัว เญย ตอน ไฟ เซียะ โหฒว ปั๊ว เหฒี่ย เญย กะน้าย. เยียม เม่ย บัว กะญั์ว หย่า ไม้ ตู๋ง ปุน หาย เต้า โจ้ว ธิม, หมั่ง แหม่ง, โหฒว ฟ้าด,#ธ้วด อียิบ 22:18; เลวี 19:26 11ปู๋ง ตีง ปู๋ง เจี๋ยม, ก๊าน เฮย, โบ๊ว กว๋า ไฟ โบ๊ว ฟิน.#เลวี 19:31 12ตะฟ่าน โหฒว น้าย หญู่ง สี่ เญย เมี่ยน, เฒี้ยว โหยว ไห่. หลาย โหฒว น้าย หญู่ง สี่, เฒี้ยว, เม่ย บัว เญย ทิน-ฮู่ง, หฒุ่น นิ่น บัว ธ้วด เม่ย บัว เญย วั้ว ด่าง แหมง. 13เม่ย บัว อ๋อย หฒุ เยียม เฒี้ยว, เม่ย บัว เญย ทิน-ฮู่ง เญย หฑะเฮมียน, โหฒว ไม้ ม่าย ต๋อง เฆ่ม เญย เมี่ยน.#มัดทาย 5:48
เฒี้ยว แล์ง ปุน เต้า โต่ว หว่า เมี่ยน
14เม่ย บัว อ๋อย หฒุ่น ธ้วด วั้ว เต๋ย ฝีงๆ เมี่ยน เซ หมวัง โจ้ว ธิม เหธา หมั่ง แหม่ง เญย เมี่ยน. มป่า เม่ย บัว แอ๊ะ, เฒี้ยว, เม่ย บัว เญย ทิน-ฮู่ง, ไม้ ปุน เม่ย บัว ฮนั้ง วั้ว เต๋ย เมี่ยน นอ โหฒว. 15เฒี้ยว, เม่ย บัว เญย ทิน-ฮู่ง, อ๋อย ปุน เต้า โต่ว หว่า เมี่ยน ฮนั้ง เยีย นอ, เยียม เม่ย บัว เญย ก๋อ-โย์ว บุด๋ง ธ้วด ต้าย. เม่ย บัว อ๋อย หฒุ หมวัง นิ่น เญย หว่า.#กง-โฒ่ 3:22; 7:37 16เซ ฮนั้ง เยียม โฮเล้บ บง เม่ย บัว โท้ เฒี้ยว, เม่ย บัว เญย ทิน-ฮู่ง. เม่ย บัว ก๊อง, “ไม้ ตู๋ง ปุน เยีย บัว แอ๋ง ไฮ์ เฒี้ยว, เยีย บัว เญย ทิน-ฮู่ง เญย เฉีย. หย่า ไม้ ตู๋ง ปุน เยีย บัว แอ๋ง ปวัด น้าย กว๋า ต้ม โต์ว. ไม้ เฒย แอ๊ะ, เหฑีย เยีย บัว หฒุ ไต่.”#ธ้วด อียิบ 20:18-19
17 เฒี้ยว ก๊อง บั๋ว เยีย, “นิ่น บัว ฮนั้ง น้าย ก๊อง เซ หลง เญย. 18เยีย อ๋อย ปุน เต้า โต่ว หว่า เมี่ยน ฮนั้ง เม่ย นอ, เยียม นิ่น บัว เญย ก๋อ-โย์ว บุด๋ง ธ้วด ต้าย. เยีย อ๋อย ก๊อง เญย หว่า เยีย จิว ปุน นิ่น. นิ่น ฯฒฯ เฒว่ย เยี้ยด เฒว่ย เหญ่ย โต่ว เยีย บั๋ว นิ่น เญย เหยียด ฒู้ง หว่า ปุน นิ่น บัว หมวัง. 19หาย เต้า ไม้ หมวัง น้าย เต้า โต่ว หว่า เมี่ยน เต๊ง เยีย เญย บั๋ว โต่ว เญย หว่า, เยีย กั้น ฯฒฯ ตี่ง วั้ว เต้า เญย ฒุ์ย.#กง-โฒ่ 3:23 20มป่า สี ก๊อง ม่าย หาย เต้า โต่ว หว่า เมี่ยน เต๊ง เยีย เญย บั๋ว โต่ว ต้ง เยีย ไม้ บั๋ว นิ่น เญย หว่า, ไฟ เต๊ง กั้น เต้า เฒี่ยน เญย บั๋ว โต่ว หว่า, วั้ว เต้า ฒู้ง อ๋อย หฒุ ไต่.”
21เหฑีย เม่ย บัว เยียม เฮญี้ยว ฮนั้ม, “เยีย บัว ฮนั้ง หาย นอ ไฮ่ เฒียะ ตุ๊ เมี่ยน โต่ว เญย หว่า เซ ไม้ เฒ์ย เฒี้ยว ก๊อง เญย หว่า?” 22สี ก๊อง โต่ว หว่า เมี่ยน เต๊ง เฒี้ยว เญย บั๋ว โต่ว หว่า, ธ้วด ต้าย เญย สี่ หย่า ไม้ ต๋อย นิ่น โต่ว เญย หว่า, วั้ว เต๋ย หว่า ไม้ เฒ์ย เฒี้ยว ก๊อง เญย หว่า. วั้ว เต้า โต่ว หว่า เมี่ยน กั้น ฮนั้ม ธ้วด ต้าย ก๊อง ฮนั้ง. ไม้ ตู๋ง กั้ม เหฑีย นิ่น.
Currently Selected:
หฑั่ม เล์ย-หลัด 18: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
