ดานีเอน 9
9
ดานีเอน เหว่ย นิ่น จวั่ง ฝีง เญย เมี่ยน เต๋า เก๋า
1ธ้วด เสย เป๋น มีเดีย เมี่ยน, อาหะสุเอลัด#9:1 อาหะสุเอลัด น้าย นอม บั๋ว ก๊อง เป๋น ฮิบลู หว่า. กีก หว่า ก๊อง เซซิด. เญย ตอน, ดาลิอัด, เหลียบ โหฒว เคนเดีย กั๊วะ เญย ฮู่ง ต้าว หฮญัง วั้ว หฮญัง, 2เซ นิ่น เฒว์ย เหว่ย กุ๊น ตะเยี้ยด หฮญัง, เยีย ดานีเอน, โตะ โซว ปวัด ฯฒฯ ฮิ้ว ตุ๊ หฒิว เฒี้ยว บั๋ว โต่ว หว่า เมี่ยน, เยเลมี, เญย หว่า, เยลูซาเลม อ๋อย หฒุ เป๋น เดา-ฮวาง ปวั๊ง เธี้ยด เหฒียบ หฮญัง.#เยเลมี 25:11; 29:10 3เยีย ฯฒฯ ฮวิน มี่ง ล์อ เฒี้ยว ทิน-ฮู่ง. เยีย เฒย ไม้ หญั่น หาย หญู่ง, ฒุ เจี๊ยน ล่าม่า เดีย-โธว, แอ๋ง เฒว์ย เจี๊ยน ซ้าย-ดุย เต๋า เก๋า โจ้ว ทิน-ฮู่ง.
4เยีย เต๋า เก๋า เหญี่ยม ฒุ์ย ปุน เฒี้ยว, เยีย เญย ทิน-ฮู่ง. เยีย ก๊อง,
“โอ เฒี้ยว อ่า, โฮล ไห่, บัวะ ฮ่อง ไห่ เญย ทิน-ฮู่ง. เม่ย เอย เจี๊ยน เม่ย แล์ง เจี๋ย เญย แหง่ง หว่า, หย่า เหฒียบ ฒัวะ เญย ฮนั้ม ต้ง ฮนั้ม เม่ย หย่า เอย เม่ย เญย เล์ย-หลัด เญย เมี่ยน. 5เยีย บัว ป์าม ฒุ์ย โหฒว ต่อง สี่, โหฒว เอ๊าะ เญย เจ๊า, แหง่ง เจี๊ยน เล่ย ฆอย เม่ย เญย เล์ย-หลัด เหธา เล์ย. 6เยีย บัว ไม้ หมวัง เม่ย เญย โปว, หฒวัง โต่ว หว่า เมี่ยน, ก๊อง เญย หว่า, ต้ง เต๊ง เม่ย เญย เม่ง ก๊อง บั๋ว เยีย บัว เญย ฮู่ง เตี๋ย เหธา โหฒว โฮล เญย เมี่ยน เหธา เยีย บัว เญย อง-ถาย เหธา กั๊วะ หฒั่ง เญย เหยียด ฒู้ง แปะ ฝีง.
7“โอ เฒี้ยว อ่า, เม่ย หฒั่นๆ โหฒว ตุ๊ หอบ, มป่า เยีย บัว หฒุ ป่าย เฮมียน ฮนั้ง อี้ จ๋า ฮนอย. เซ เยีย บัว ยูดา เมี่ยน, เหธา เยลูซาเลม เญย แปะ ฝีง เหธา อิสะลาเอน เญย เหยียด ฒู้ง เมี่ยน, ไม้ กุ๊น เยียม ฟัด ไฟ โก, ต้ง เยียม เม่ย หฒุ่น เยีย บัว ธ้วด มี่ง เยียม เญย นอมๆ กั๊วะ, เหว่ย หฒุ เยีย บัว ไม้ เหฒียบ ฒัวะ เญย โหฒว ปุน เม่ย. 8โอ เฒี้ยว อ่า, เยีย บัว เหธา เยีย บัว เญย ฮู่ง เตี๋ย, โหฒว โฮล เญย เมี่ยน เหธา เยีย บัว เญย อง-ถาย ป์าม ฒุ์ย ต่อง เม่ย ฯฒฯ หฒุ ป่าย เฮมียน. 9ไม้ กุ๊น เยีย บัว แหง่ง เฒี้ยว, เยีย บัว เญย ทิน-ฮู่ง, เม่ย ค้อ-เลี่ยน แอ๋ง กวั่ง เยีย บัว เญย ฒุ์ย. 10เยีย บัว ไม้ หมวัง เฒี้ยว, เยีย บัว เญย ทิน-ฮู่ง เญย หว่า, ต้ง เม่ย หล่ง เม่ย เญย โปว, หฒวัง โต่ว หว่า เมี่ยน, จิว ปุน เยีย บัว เญย เล์ย-หลัด. 11อิสะลาเอน เญย หฒวัง เมี่ยน ป์าม เม่ย เญย เล์ย-หลัด, ไม้ คั้ง หมวัง เม่ย เญย หว่า.
“หลาย เยีย บัว ป์าม ฒุ์ย ต่อง เม่ย, เยีย บัว ฯฒฯ หฒุ ต้ง เม่ย เญย โปว, โมเซ, เฟี้ย เจี๊ยน เล์ย-หลัด โซว วั้ว เต๋ย เหฒียว เญย เหธา โฮ้ว เญย หว่า. 12เม่ย เอย เจี๊ยน เม่ย ก๊อง เญย หว่า โหฒว, ฯฒฯ ปุน เยีย บัว เหธา กุ๊น เยีย บัว วั้ว เต๋ย หฒุ ต้ม เหฒะ หน่าน. เยียม ลู่ง เดี๊ย ไม้ ม่าย หาย นอม ต๋อง หฒุ เจี๋ย ฮนั้ง เยลูซาเลม. 13ฮนั้ง เฟี้ย เจี๊ยน โมเซ เญย เล์ย-หลัด นอ, เยีย บัว หฒุ น้าย เต๋ย เหยียด ฒู้ง เหฒะ หน่าน. มป่า เยีย บัว หธ่อ ไม้ ล์อ เฒี้ยว, เยีย บัว เญย ทิน-ฮู่ง, เญย เอน, ฮวิน หฑวน ต้าย เล่ย ฆอย เยีย บัว เญย ฒุ์ย, เอย เจี๊ยน เม่ย เญย เฒียน เล์ย โหฒว. 14เฒี้ยว หลิ่ว เล์ย เหฒียง หย่า ปุน เยีย บัว หฒุ น้าย เต๋ย เหฒะ หน่าน, เหว่ย หฒุ เฒี้ยว, เยีย บัว เญย ทิน-ฮู่ง, โหฒว หาย หญู่ง, นิ่น โหฒว ตุ๊ หอบ. มป่า เยีย บัว หธ่อ ไม้ หมวัง เม่ย เญย หว่า.
15“โอ เฒี้ยว, เยีย บัว เญย ทิน-ฮู่ง อ่า, เม่ย หล่ง เม่ย เฮ้น ไห่ เญย ปั์ว ต้อ เม่ย เญย แปะ ฝีง ธ้วด อียิบ เต่ย-ปูง, เม่ย กั้น หย่า ตุ๊ เม่ง เต้า เถา อี้ จ๋า ฮนอย. เยีย บัว ป์าม ฒุ์ย, เยีย บัว โหฒว เอ๊าะ สี่. 16โอ เฒี้ยว อ่า, หฒิว เม่ย โหฒว หอบ เญย เหยียด ฒู้ง สี่, โท้ กวั่ง ฆอย ไม้ ตู๋ง เฉีย เจี์ย, ไม้ ตู๋ง โน์ว เม่ย เญย ฒี่ง, เม่ย เญย ธีง-เหฑ่ง บง, เยลูซาเลม. เยีย บัว เญย ฒุ์ย เหธา เยีย บัว เญย อง-ถาย เญย ฒุ์ย ปุน เยลูซาเลม เหธา เม่ย เญย แปะ ฝีง หฒุ เว่ย ก๋อม เญย หฒวัง เมี่ยน ฮว้วด.
17“โอ เยีย เญย ทิน-ฮู่ง อ่า, อี้ หฒั่น โท้ หมวัง เม่ย เญย โปว เต๋า เก๋า โจ้ว เญย หว่า. โอ เฒี้ยว อ่า, โท้ เหว่ย เม่ย กั้น ปุน เม่ย เญย เฮมียน แอ๊ง ธ้วด ฌัง หฒิว เม่ย เญย สีง ติ่น, เซ หฒุ ป่าย หว่าย เญย สีง ติ่น. 18โอ เยีย เญย ทิน-ฮู่ง อ่า, โท้ แปง มน่อม หมวัง. โท้ หนูง ฆอย เม่ย เญย มฒีง หมั่ง เยีย บัว หฒุ เญย โค้ว หน่าน เหธา กัน เม่ย เญย บั๋ว เห่ว วั้ว นอม หฒุ ป่าย หว่าย เญย ฒี่ง. เยีย บัว เต๋า เก๋า โจ้ว เม่ย เซ ไม้ เฒ์ย เหว่ย เยีย บัว กั้น โหฒว ตุ๊ หอบ, เซ เหว่ย เม่ย ม่าย เฮญี้ยว ค้อ-เลี่ยน. 19โอ เฒี้ยว อ่า, โท้ หมวัง. โอ เฒี้ยว อ่า, โท้ กวั่ง ฆอย. โท้ เฒี้ยว หมวัง ไฮ์ หย่า โหฒว อ๊ะ. เยีย เญย ทิน-ฮู่ง อ่า, เว่ย เม่ย กั้น ไม้ ตู๋ง ไง่, เหว่ย หฒุ เม่ย เญย ฒี่ง เหธา เม่ย เญย แปะ ฝีง กัน เม่ย เญย บั๋ว เห่ว.”
กาเบเลียน พ้อ เม่ง ฒิ่น โฮ์ หว่า
20เยีย เต๋า เก๋า เจี๊ยน มี่ง, เหญี่ยม เยีย กั้น เญย ฒุ์ย เหธา เยีย จวั่ง อิสะลาเอน ฝีง เญย เมี่ยน เญย ฒุ์ย, หย่า เหว่ย เยีย เญย ทิน-ฮู่ง เญย ธีง-เหฑ่ง บง เยียม เฒี้ยว, เยีย เญย ทิน-ฮู่ง, เญย หฑะเฮมียน. 21หธ่อ เต๋า เก๋า เจี๊ยน วั้ว หฒั่น, เยีย ปวัด ต้ง ฒิ่น ด่าง เยียม วั้ว หฑุ่น หล่าว ย่าง เญย สี่ วั้ว เต้า เมี่ยน, กาเบเลียน, เซี้ยบๆ เญย ได๋ ต้าย ล์อ เยีย. วั้ว หฒั่น เซ ลู่ง ม์าน-หฮมวัง, ฝ่ง ห่อ เหฒี่ย เญย เฒี่ยง โห่.#ลูกา 1:19,26 22กาเบเลียน ก๊อง เม่ง บั๋ว เยีย, “โอ ดานีเอน อ่า, เยีย อี้ หฒั่น ต้าย ปุน เม่ย ม่าย ธง-เม่ง หย่า ไฮ่ เปียะ เฮญี้ยว. 23เม่ย เจี์ย กอน เต๋า เก๋า โจ้ว วั้ว หฒั่น ทิน-ฮู่ง ฯฒฯ เตา เม่ย. เยีย ต้าย บั๋ว เม่ย เหว่ย หฒุ นิ่น ฮนั้ม เม่ย ธั้ม เญย. เหว่ย น้าย เม่ย อ๋อย หฒุ หลงๆ เญย ฮนั้ม แอ๋ง เปียะ เฮญี้ยว น้าย เต๋ย หิ่น ย่าง เญย สี่.
24“ทิน-ฮู่ง ตี่ง เหว่ย เม่ย เญย แปะ ฝีง เหธา เม่ย เญย ธีง-เหฑ่ง ฒี่ง ม่าย เธี้ยด เหฒียบ นอม เล์ย-ป๋าย#9:24 ฟาน หฒะ ก๊อง เธี้ยด เหฒียบ หฮญัง เญย เสี่ย หฑุ่น”.#เอเสเคน 4:5-6 อ๋อย โหฒว ปุน ป์าม ฒุ์ย เญย เจ๊า ตั๋ง เหฑ่ง, หฑาว เหฑ่ง, ฟิ เหฑ่ง ฒุ์ย, ต้อ เหยียด ลิ์ว แป้ง ฟิม เญย เจ๊า เปียะ ต้าย, ปุน หิ่น ย่าง เญย สี่ เหธา ฒิ่น โฮ์ เญย หว่า เหธา หล่ง โย่ว ออน เก้า ธีง-เหฑ่ง เจี๋ย วั้ว ฉง#9:24 ไฟ “เก้า ธีง-เหฑ่ง เจี๋ย เญย กะน้าย” ไฟ “เก้า ธีง-เหฑ่ง เจี๋ย วั้ว เต้า”. เญย เจ๊า-โหล่ว ธ้วด ต้าย เฒียน.
25“เหว่ย น้าย อ๋อย หฒุ ฮิ้ว ตุ๊, อ๋อย หฒุ เปียะ เฮญี้ยว เยียม พ้าย เซียง-เหธย เจี์ย เยลูซาเลม วั้ว เต๋ย หว่า เถา ออน ต้าย วั้ว เต้า เปย๊ย เฒ้ย ธ้วด ต้าย เญย เฒี่ยง โห่ บุด๋ง, ม่าย เสี่ย นอม เล์ย-ป๋าย#9:25 ไฟ “เสี่ย หฮญัง เญย เสี่ย หฑุ่น”. เหธา หลัวะ เหฒียบ เหญ่ย นอม เล์ย-ป๋าย.#9:25 ไฟ “หลัวะ เหฒียบ เหญ่ย หฮญัง เญย เสี่ย หฑุ่น”. น้าย นอม ฒี่ง ฯฒฯ เหลียบ เจี์ย, ม่าย เฮย-ห่อง, ม่าย หฒวน, มป่า ต๋อย หฒุ หน่าน ฒี่ง เญย เฒี่ยง โห่. 26เจี๋ย ลิ์ว หลัวะ เหฒียบ เหญ่ย นอม เล์ย-ป๋าย,#9:26 ไฟ “หลัวะ เหฒียบ เหญ่ย หฮญัง เญย เสี่ย หฑุ่น”. ออน ต้าย วั้ว เต้า ฯฒฯ หฒุ ไพ กวั่ง. นิ่น ไม้ ม่าย หาย หญู่ง อ๊ะ. อ๋อย ต้าย วั้ว เต้า เปย๊ย เฒ้ย เญย แปะ ฝีง ฯฒฯ เหมียด วั้ว นอม ฒี่ง เหธา สีง ติ่น. เซ้ด เมว์ย เญย ฮนอย ฯฒฯ ต้าย เถา ฮนั้ง ววม เหยียม, หย่า ม่าย เบ๊าะ จ๋า เญย สี่ เถา เซ้ด เมว์ย, หย่า ม่าย เหฒะ หน่าน เญย สี่ หฒิว ตี่ง เหฒียง. 27นิ่น เหธา เมี่ยน ธั้ม เหลียบ เจี์ย เหยียด นอม เล์ย-ป๋าย#9:27 ไฟ เสี่ย หฮญัง. เญย แหง่ง หว่า. มป่า เจี๋ย ลิ์ว ด๊าม-นอม เล์ย-ป๋าย#9:27 ไฟ ปัว หฮญัง-เปี๋ยน. นิ่น อ๋อย ปุน ฝ่ง ห่อ เหธา ปั๊ว เหฒี่ย เญย เจ๊า-โหล่ว ตี้ง. โหฒว ปุน หญู่งๆ หว่าย วั้ว เต้า ต้ม เฮยี่ย โหยว ฯฒฯ เถา อ๊ะ.#9:27 ม่าย เต๋ย ทิบ หว่า ก๊อง “...ปุน ปั๊ว เหฒี่ย เญย เจ๊า-โหล่ว ตี้ง หย่า ปุน หญู่งๆ หว่าย วั้ว เต้า ต้ม เฮยี่ย โหยว เหลียบ เจี์ย เยียม หฒั่ง เฒี้ยว เญย เปย๊า ฮลัง เญย ต๋อง”. เถา ตี่ง ต้าย เญย เซ้ด เมว์ย โต๋ ธ้วด ปุน นิ่น.”#ดานีเอน 11:31; 12:11; มัดทาย 24:15; มาโค 13:14
Currently Selected:
ดานีเอน 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
