โคโลสี 4
4
1เม่ย บัว โหฒว เฒี้ยว เญย เมี่ยน อ้า! เม่ย บัว อ๋อย หฒุ โหฒว แป้ง ฟิม หย่า โหฒว เฮญี้ยว ย่วน ปุน เม่ย บัว เญย โน่ว, เหว่ย หฒุ เม่ย บัว ฮิ้ว ตุ๊ เม่ย บัว ม่าย เต้า เฒี้ยว เยียม วั้ว ทิน-ต้อง.#เอเฟโซ 6:9
เปาโล ขวิน เมี่ยน
2เม่ย บัว อ๋อย หฒุ หฒั่นๆ เจี้ยน เต๋า เก๋า, กีง เจี๊ยน เฮญี้ยว หย่า แล์ง ฒี่ง ทิน-ฮู่ง. 3หย่า อ๋อย หฒุ เถง เยีย บัว เต๋า เก๋า, โท้ ทิน-ฮู่ง ปุน เยีย บัว ม่าย ฉัง#4:3 กีก หว่า ก๊อง คอย เต้า แก้ง. ปุน เยีย บัว ฒุ่น ก๊อง กีตู่ บย๋าง ย่าง เญย สี่. เยีย อี้ หฒั่น หลาย โหฒว น้าย หญู่ง กง หฒุ หววน เจี๊ยน โล่. 4อ๋อย หฒุ โท้ ทิน-ฮู่ง เถง เยีย ไฮ่ ก๊อง เม่ง น้าย เต๋ย บย๋าง ย่าง เญย สี่ ฮนั้ง เยีย หอบ หฒุ ก๊อง นอ.
5อ๋อย หฒุ หล่ง ธง-เม่ง เหธา ไม้ เสียน เญย เมี่ยน จิว ทง. หย่า อ๋อย หฒุ ไม้ ตู๋ง กวั่ง เฒี่ยง โห่.#เอเฟโซ 5:16 6เม่ย บัว อ๋อย หฒุ ก๊อง หว่า คู่ หมวัง ยู์ง เมี่ยน, ฮนั้ง อัน เฑ้า ปุน กะน้าย ม่าย เหมวย นอ, เหว่ย ปุน เม่ย บัว ฮิ้ว ตุ๊ ฮนั้ง หาย นอ เตา ตุ๊ หอบ เต้าๆ เมี่ยน หน่าย เญย หว่า.
เซ้ด เมว์ย หว่า
7บัว ฮนั้ม ไห่ เญย ก๋อ-โย์ว, ทีคิกัด, อ๋อย ก๊อง เหฑ่ง เยีย เญย เหยียด ฒู้ง สี่ บั๋ว เม่ย บัว. นิ่น เซ เหฒียบ ฒัวะ ฟู-สู เญย เมี่ยน หย่า เหธา เยีย จวั่ง โหฒว เฒี้ยว เญย โปว.#กง-โฒ่ 20:4; 2 ทิโมไท 4:12; เอเฟโซ 6:21-22 8เซ เหว่ย น้าย เยีย พ้าย นิ่น มี่ง เม่ย บัว หน่าย, อ๋อย ปุน นิ่น บั๋ว เม่ย บัว, เยีย บัว เยียม น้าย ฮนั้ง หาย นอ หย่า ปุน นิ่น ออน เม่ย บัว เญย เฮญี้ยว. 9แอ๋ง ม่าย เต้า ฮนั้ม ไห่, เหฒียบ ฒัวะ เญย ก๋อ-โย์ว, เซ เม่ย บัว กั้น เญย เมี่ยน, โอเนสิมัด,#ฟีเลโมน 10-12 เหธา เจี๊ยน นิ่น มี่ง. นิ่น บัว อี ล่าน อ๋อย เฒาะ เยีย บัว เยียม น้าย เญย สี่ ก๊อง เหฑ่ง บั๋ว เม่ย บัว.
10เหธา เยีย หฒุ หววน เจี๊ยน โล่ วั้ว เต้า อาลิดทาคัด จั๋ง เถา เม่ย บัว. บานาบัด เญย แป๊ะ-มั์ว ตอน, มาโค,#กง-โฒ่ 12:12,25; 13:13; 15:37-39; 19:29; 27:2; ฟีเลโมน 24 หย่า จั๋ง เถา เม่ย บัว. เยีย หย่า บั๋ว เจี๋ย เม่ย บัว, สี ก๊อง มาโค เถา เม่ย บัว หน่าย, อ๋อย หฒุ ฒิบ หลง นิ่น โอ่. 11เยซู, แอ๋ง ม่าย นอม บั๋ว เห่ว ยุสะทัด วั้ว เต้า, หย่า จั๋ง เถา เม่ย บัว. ขูง ม่าย น้าย เต๋ย ปัว ล่าน เสียน เยซู เญย ยิวไท เมี่ยน เหธา เยีย จวั่ง ทิน-ฮู่ง เญย กั๊วะ เญย กง โหฒว. นิ่น บัว หย่า ออน เยีย เญย เฮญี้ยว ธั้ม ไห่.
12เอปาฟา โหฒว เม่ย บัว กั้น เญย เมี่ยน หย่า โหฒว กีตู่ เยซู เญย โปว. นิ่น หย่า จั๋ง เถา เม่ย บัว. เอปาฟา หฒั่นๆ เหว่ย เม่ย บัว เหฌี่ย ชะ เต๋า เก๋า โท้ ทิน-ฮู่ง ปุน เม่ย บัว เสียน ตุ๊ ว้วน, เอย เสียน เญย เจ๊า เป๋น ต้ม เมี่ยน, ไฮ่ กัน เหฑ่ง ทิน-ฮู่ง ตุ้น ยุ่น เญย หฒะเอ๋ย.#โคโลสี 1:7; ฟีเลโมน 23 13เยีย เถง เอปาฟา โหฒว ฒอง-เหฒง นิ่น เหว่ย เม่ย บัว หย่า เหว่ย เลาดีเซีย เหธา ฮีเอลาบุลี ฒี่ง เญย เมี่ยน โหฒว กง โค้ว. 14บัว ฮนั้ม ไห่ เญย เดีย-ไซ, ลูกา, เหธา เดม้าด#2 ทิโมไท 4:10-11; ฟีเลโมน 24 หย่า จั๋ง เถา เม่ย บัว.
15โท้ บั๋ว เลาดีเซีย ฒี่ง เญย ก๋อ-โย์ว เหธา นิมฟา แอ๋ง เหธา เยียม นิ่น เญย เปย๊า เญย จิว-ปาง, เยีย จั๋ง เถา นิ่น บัว. 16เมี่ยน โตะ น้าย เฒ้ย เฝียน ปุน เม่ย บัว หมวัง ลิ์ว, อ๋อย หฒุ จุ๋ย มี่ง ปุน เลาดีเซีย ฒี่ง เญย จิว-ปาง เมี่ยน โตะ. เม่ย บัว หย่า อ๋อย หฒุ โตะ เลาดีเซีย จิว-ปาง จุ๋ย ต้าย เญย เฝียน.
17หย่า อ๋อย หฒุ บั๋ว อานคิบปัด,#ฟีเลโมน 2 “อ๋อย หฒุ เจี๊ยนๆ โหฒว เถา เหฒียง เฒี้ยว พ้าย เม่ย โหฒว เญย กง.”
18เยีย กั้น นั้น ปั๊ด เฟี้ย น้าย เต๋ย หว่า, “เยีย, เปาโล, จั๋ง เถา เม่ย บัว. โท้ เม่ย บัว จั๋ง เจี๊ยน เยีย หฒุ หววน เจี๊ยน น้าย โล่.#4:18 กีก หว่า ก๊อง “โท้ จั๋ง เจี๊ยน เยีย หฒุ หลิ่ม โด้ เจี๊ยน”.
“โท้ ทิน-ฮู่ง เหธย เอน ปุน เม่ย บัว.”
Currently Selected:
โคโลสี 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
