กง-โฒ่ 19
19
เปาโล เยียม เอเฟโซ ฒุ่น โต์
1อาปอโล เยียม โคลินโท ฒี่ง วั้ว หฒั่น, เปาโล ยั่ง วั้ว เจี๋ย วั้ว ติ้ว เจ๊า มี่ง เถา เอเฟโซ ฒี่ง. เยียม หน่าย นิ่น ปวัด เต๋ย เสียน เยซู เญย เมี่ยน. 2เปาโล หน่าย นิ่น บัว, “เม่ย บัว เสียน เยซู วั้ว หฒั่น, เม่ย บัว ตุ๊ ฒิบ สีง ลี่ง เญย ไฟ?”
นิ่น บัว เตา, “เยีย บัว เลี่ยม ไม้ ไฮ์ เจี๋ย ม่าย เต้า สีง ลี่ง.”
3เปาโล แอ๋ง หน่าย, “วั้ว หญู่ง เม่ย บัว เจี๋ย หาย หญู่ง เล์ย?”
นิ่น บัว เตา, “เยีย บัว เจี๋ย โยฮัน เญย เล์ย.”
4เปาโล ก๊อง, “โยฮัน เถง เมี่ยน เจี๋ย วั้ว หญู่ง ววม เญย เล์ย เซ ปุน ธีง เมี่ยน ก๊อย เฮญี้ยว กวั่ง ฒุ์ย. มป่า โยฮัน ฒุ่น บั๋ว อิสะลาเอน เมี่ยน นิ่น ต้าย ด่าง, แอ๋ง ม่าย เต้า ฆะฮ้า ต้าย. เมี่ยน อ๋อย หฒุ เสียน วั้ว เต้า, เซ ต้ง เยซู อ๊ะ.”#มัดทาย 3:11; มาโค 1:4,7-8; ลูกา 3:4,16; โยฮัน 1:26-27 5ไฮ์ เปาโล ฮนั้ง น้าย นอ ก๊อง ลิ์ว, นิ่น บัว เต๊ง เฒี้ยว เยซู เญย บั๋ว เจี๋ย ววม เญย เล์ย. 6เปาโล มาน เจี๊ยน นิ่น บัว, สีง ลี่ง ฯฒฯ เหฌี่ย เถา นิ่น บัว. นิ่น บัว ก๊อง ธ้วด กั้น หญู่ง หว่า หย่า โต่ว ทิน-ฮู่ง เญย หว่า. 7น้าย เต๋ย เมี่ยน เหฑีย ม่าย เหฒียบ เหญ่ย เต้า.
8เปาโล หล่ง ปัว หฮลา เหญียะ มี่ง วั้ว หวุ่ย ต้อง ก๊อง โต์-เล์ย. นิ่น หลวน เล์ย ก๊อง ทิน-ฮู่ง โหฒว เฒี้ยว กุ๊น เมี่ยน เญย สี่ ขวิน เมี่ยน เสียน. 9มป่า เยียม วั้ว ม่าย เต๋ย เมี่ยน เฮญี้ยว แหง่ง, ไม้ คั้ง เสียน, แอ๋ง ตอง หฒวัง ต้าน เยซู เญย เจ๊า.
เปาโล ฯฒฯ ไม้ เหธา นิ่น บัว เยียม วั้ว อ๊ะ. นิ่น ต้อ เจี๊ยน ไซ-ก๋อ เหธา นิ่น มี่ง ทีลันนัด เญย เหาะ ต้อง, ฮนอยๆ เยียม วั้ว หลวน เล์ย. 10นิ่น ฮนั้ง น้าย นอ โหฒว ตุ๊ อี หฮญัง, เถา เอเซีย แซ้ง เญย เมี่ยน, ไม้ กุ๊น ยิวไท เมี่ยน ไฟ ฝีงๆ จั๋น, เหยียด ฒู้ง ตุ๊ ไฮ์ เฒี้ยว เญย โต์.
เสวา เญย ตอน
11ทิน-ฮู่ง หล่ง เปาโล เญย ปั์ว โหฒว ธ้วด เหล่ง เจ๊ย บัวะ ฮ่อง เญย สี่. 12เปาโล หล่ง เจี๋ย เญย สิ จ๊าว เหธา นิ่น ท้อง ลุย-โหว วั้ว คว้าย เดีย, เมี่ยน ต้อ มี่ง อัน แป่ง เมี่ยน เญย ซิน, แป่ง ฯฒฯ หลง. เลี่ยม เมี้ยน หย่า หฒุ หฒุ่น ธ้วด หมี่ อ๊ะ.
13ม่าย เต๋ย ยิวไท เมี่ยน โย่ว เจี๊ยน เฒว่ย ล์าง เฒว่ย มู้ง มี่ง เถง หฒุ่น เฮยี่ย ไกว๊ เมี้ยน ธ้วด เมี่ยน เญย ซิน. นิ่น บัว เสย หมั่ง ก๋า นิ่น บัว หล่ง เฒี้ยว เยซู เญย บั๋ว ไฮ่ หฒุ่น ตุ๊ เมี้ยน ธ้วด ไฟ ไม้ ธ้วด. นิ่น บัว บั๋ว เมี้ยน, “เยีย เต๊ง เปาโล ฒุ่น วั้ว เต้า เยซู หฒุ่น เม่ย บัว ธ้วด มี่ง.” 14ม่าย ยิวไท เมี่ยน เญย เหยียด เต้า ไซ เมี่ยน เปย๊ย, บั๋ว เห่ว เสวา, ม่าย เสี่ย เต้า ตอน ฮนั้ง น้าย นอ โหฒว.
15วั้ว เต้า เมี้ยน เตา นิ่น บัว, “เยซู เยีย ฮิ้ว เญย, เปาโล เยีย เฒียะ ตุ๊ เญย. มป่า เม่ย บัว นี? ต้ง หาย เต้า?”
16ม่าย เฮยี่ย ไกว๊ เมี้ยน เยียม ซิน วั้ว ล่าน เมี่ยน ฯฒฯ ปิว มี่ง เญา เจี๊ยน ป์อง ฮี่ง นิ่น บัว เหยียด ฒู้ง. นิ่น บัว แล่ง แก๊ง เญย เปย๋า ธ้วด วั้ว นอม เปย๊า, เหยียด ฒู้ง มุน เหฑ่ง. 17เยียม เอเฟโซ ฒี่ง, ไม้ กุ๊น ยิวไท เมี่ยน ไฟ ฝีงๆ จั๋น ไฮ์ น้าย เต๋ย สี่, นิ่น บัว กั้ม เหฑีย ไห่. เมี่ยน ฯฒฯ แอ๋ง จา ท่าย เฒี้ยว เยซู เญย บั๋ว ธั้ม.
18เอเฟโซ ฒี่ง เสียน เยซู เญย เมี่ยน ธั้ม เญย ต้าย ตอง หฒวัง เหญี่ยม ฒุ์ย ก๊อง นิ่น บัว โหฒว เจี๋ย เญย สี่. 19โหฒว ฟ้าด เญย เมี่ยน ธั้ม เญย ต้อ นิ่น บัว เญย ฟ้าด-โซว ต้าย ดุย เจี๊ยน ตอง หฒวัง เมี่ยน ปั๊ว กวั่ง เหฑ่ง หมี่ อ๊ะ. น้าย เต๋ย โซว เญย จ๋า-ฒิ่น ฝุน ต้าย หฒี่ ตุ๊ ปยา หว่าน โล์-ฮนอย เญย ฒิ่น.#19:19 เหยียด นอม โล์-ฮนอย เญย ฒิ่น เซ ผุย เหยียด ฮนอย เญย กง-ฒิ่น. 20น้าย คัง สี่ ธ้วด ลิ์ว, เฒี้ยว เญย โต์ ฒุ่น จั๊ง เจี๊ยน มี่ง หย่า กุ๊น โหฒว กุ๊น เฮ้น.
เอเฟโซ ฒี่ง หลุ่น เหฑ่ง
21น้าย เต๋ย สี่ ธ้วด ลิ์ว, เปาโล ตี่ง เฮญี้ยว#19:21 เปาโล ตี่ง เฮญี้ยว ไฟ “สีง ลี่ง ปุน นิ่น ตี่ง เฮญี้ยว”. เจี๋ย มาซีโดเนีย เต่ย-ปูง เหธา อาคายา แซ้ง แอ๋ง มี่ง เถา เยลูซาเลม ฒี่ง. นิ่น ก๊อง, “มี่ง ลิ์ว เยลูซาเลม, เยีย หย่า อ๋อย หฒุ มี่ง หมั่ง โลมา ฒี่ง.” 22นิ่น พ้าย อี เต้า นิ่น เญย ปอง-ปั์ว เมี่ยน, ทิโมไท เหธา เอลัดทัด, มี่ง มาซีโดเนีย เต่ย-ปูง ด่าง. นิ่น กั้น แอ๋ง เยียม ฮนอย ป๊า เอเซีย แซ้ง วั้ว.
23วั้ว หฒั่น หลาย เยซู เญย เจ๊า, เอเฟโซ ฒี่ง ธ้วด ต้ม สี่. 24ม่าย เต้า ญ่าน หฒั่ง, บั๋ว เห่ว เดเม้ดลิอัด. นิ่น หล่ง ญ่าน ต๊า อานเทมิด หมิ่ว-เปย๊า ตอน. ฮนั้ง น้าย โหฒว ปุน เหยียด ฒู้ง ญ่าน หฒั่ง หฒ่อน ตุ๊ ด๊าว-ต้าว ธั้ม. 25เดเม้ดลิอัด เห่ว เหยียด ฒู้ง ญ่าน หฒั่ง เหธา ปั่ง น้าย หญู่ง แซง-เอ๋ย ตุ๊ ญ่าน เญย เมี่ยน ต้าย ฒุ้น ก๊อง บั๋ว นิ่น บัว, “ก๋อ-โย์ว อ้า! เม่ย บัว ฮิ้ว ตุ๊ บัว คู่ เยียม คู่ หญั่น เซ เหว่ย น้าย หญู่ง กง. 26เม่ย บัว ตุ๊ ปวัด หย่า ตุ๊ ไฮ์ วั้ว เต้า โล้, เปาโล, ฮนั้ง หาย นอ โหฒว. นิ่น ไม้ ตาน เยียม เอเฟโซ ฒี่ง โหฒว ฮนั้ง. นิ่น มี่ง อ๊า ลั่ม ก๋อม เอเซีย แซ้ง ดั๊ว เมี่ยน ธั้ม ไห่ กวั่ง โล์-เจ๊า หมี่ อ๊ะ. นิ่น ก๊อง เมี่ยน เญย ปั์ว โหฒว ต้าย เญย กะน้าย เซ ไม้ เฒ์ย เฒี่ยน. 27ฮนั้ง น้าย, ไม้ ตาน ขูง บัว เญย แซง-เอ๋ย ด๊อด ฮนั้ง. กั้ม เหฑีย เมี่ยน หมั่ง เผีย อานเทมิด เฒี่ยน เญ์ย เญย เปย๊า. เอเซีย แซ้ง เหธา ลู่ง เดี๊ย เมี่ยน หฒั่ง น้าย เต้า อานเทมิด เฒี่ยน เญ์ย เญย ฌัง-หล่าง หย่า หฒุ ด๊อด เหฑ่ง อ๊ะ.”
28หฒวัง เมี่ยน ไฮ์ น้าย เต๋ย หว่า นิ่น บัว เก้ง! เฉีย เจี์ย ไห่, เหน่า เจี๊ยน ก๊อง, “เอเฟโซ เมี่ยน เญย อานเทมิด เฒี่ยน โหฒว โฮล.” 29ไม้ เล่า เหยียด นอม ฒี่ง หลุ่น เหฑ่ง. นิ่น บัว ฯฒฯ เญา เจี๊ยน เบี์ยน เปาโล ต้าย วั้ว เต๋ย มาซีโดเนีย เมี่ยน, กายอัด เหธา อาลิดทาคัด, เฒี่ยง กวั้น เญย ล์มๆ เญย ถิว เปียะ นิ่น บัว เญย อะหฑย่าว เธี้ยง. 30เปาโล กั้น หย่า อ๋อย มี่ง หฒวัง เมี่ยน เญย หฑะเฮมียน วั้ว มป่า เสียน เยซู เญย เมี่ยน ไม้ ปุน นิ่น มี่ง. 31ม่าย เต๋ย เอเซีย แซ้ง เญย ต้ม เจียน โหฒว เปาโล เญย ต่อย, ปุน หว่า มี่ง โท้ นิ่น ไม้ ตู๋ง เปียะ อะหฑย่าว เธี้ยง.
32กั๊บ ฒุ้น เญย เมี่ยน เธ้วๆ เหน่าๆ เญย. ม่าย เต๋ย เห่ว น้าย, ม่าย เต๋ย เห่ว วั้ว. เมี่ยน เก้า ธั้ม เจี๋ย ฒู้ง ไม้ ฮิ้ว ตุ๊ นิ่น บัว เหว่ย หาย ติ่ว กั๊บ ฒุ้น เยียม หน่าย. 33ยิวไท เมี่ยน ฟ้ง อาเล้กซานเด ธ้วด วั้ว ด่าง แหมง. แอ๋ง ม่าย เต๋ย บั๋ว นิ่น ฮนั้ง หาย นอ ก๊อง. อาเล้กซานเด ฯฒฯ หฮวัง ปั์ว อ๋อย ไจ๊ ซิน บั๋ว หฒวัง เมี่ยน. 34มป่า เมี่ยน เฒียะ ตุ๊ นิ่น เซ ยิวไท เมี่ยน ฯฒฯ ต้ง ตั้ง เหน่าๆ เญย เห่ว เล่ย ไม้ โก อี นอม เฒี่ยง โห่. นิ่น บัว เห่ว เจี๊ยน ก๊อง, “เอเฟโซ เมี่ยน เญย อานเทมิด เฒี่ยน โหฒว โฮล.”
35โหฒว เกา, ม่าย เต้า เอเฟโซ ฒี่ง เญย เจียน ธ้วด ต้าย ป๊า นิ่น บัว เซ้ก มี่ง แอ๋ง ก๊อง บั๋ว นิ่น บัว, “เอเฟโซ ฒี่ง เญย เมี่ยน อ้า! หาย เต้า หย่า ฮิ้ว ตุ๊ บัว เอเฟโซ เมี่ยน โก๋ว อานเทมิด เฒี่ยน เญ์ย เหธา เยียม ลู่ง ด๊อด ต้าย เญย หละเปย๊ย-ฝัง#19:35 ไฟ ธีง-เหฑ่ง ฝัง. กีก หว่า เซ ไม้ หนั่ง เม่ง. ไม้ เฒ์ย? 36ไม้ ม่าย หาย เต้า ไฮ่ ก๊อง ไม้ เฒ์ย. ฮนั้ง น้าย, เม่ย บัว กุ๊น ปู๋ง เฮญี้ยว, ไม้ ตู๋ง เหธว อ๊ะ. 37เม่ย บัว ต้อ น้าย เต๋ย เมี่ยน ต้าย น้าย. นิ่น บัว ไม้ หนิ่ม หมิ่ว-เปย๊า เญย หาย หญู่ง กะน้าย, หย่า ไม้ ก๊อง โตะ บัว เญย เฒี่ยน เญ์ย. 38สี ก๊อง เดเม้ดลิอัด เหธา นิ่น จวั่ง กง เญย หฒั่ง เมี่ยน ม่าย สี่ อ๋อย โก๋ หาย เต้า, บัว ม่าย เบ่น สี่ เญย ฮนอย หย่า ม่าย ตุ๋น สี่ เจียน เถง ตุ๋น. นิ่น บัว ไฮ่ มี่ง วั้ว โก๋ ตุ๊ เญย. 39สี ก๊อง เม่ย บัว แอ๋ง ม่าย หาย หญู่ง สี่, อ๋อย หฒุ ฒั้ว เถา คอย ต้ม หฒวัง เญย เบ่น สี่ หวุ่ย ฯฒฯ ไฮ่ มี่ง วั้ว ก๊อง. 40กั้ม เหฑีย อี้ ฮนอย ธ้วด เญย สี่ ฮู่ง จา ฒู้ง อ๋อย โก๋ มเปย, เหว่ย หฒุ บัว เลี่ยม ไม้ ม่าย ต๋อง ไจ๊ อี้ ฮนอย เหธว หลุ่น ฒี่ง น้าย เต๋ย สี่.” 41ก๊อง ป่า นิ่น ฯฒฯ เห่ว หฒวัง เมี่ยน หฑวน เหฑ่ง.
Currently Selected:
กง-โฒ่ 19: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
