2 ซามูเอน 8
8
ดาวิด เบ๊าะ จ๋า ตุ๊ เต่ย-ปูง จั๊ง เจี๊ยน มี่ง
(เป๊ย หมั่ง 1 ฒุ่น ต่อย โต้ว 18:1-13)
1โฮ์ ต้าย ดาวิด มี่ง เบ๊าะ ฮี่ง ฟีลิสะเตีย เมี่ยน, เฒาะ นิ่น บัว เยียม นิ่น เญย ปั์ว-เดี๊ย. นิ่น หย่า ธ้าง ตุ๊ ฟีลิสะเตีย เมี่ยน เญย เมเท้กอัมมา มู้ง.
2ดาวิด หย่า เบ๊าะ ฮี่ง โมอับ เมี่ยน. นิ่น อ๊าบ นิ่น บัว เปว๋ย กะเดี๊ย เดา ไบ้ เจี๊ยน ฯฒฯ หล่ง ฮลาง เดาะ. ปัว โก๊ว เญย อี โก๊ว ไต๋ กวั่ง, เลี่ยว เหยียด โก๊ว ตุ๊ แหม่ง ธ้วด.#8:2 ไฟ “นิ่น ไต๋ กวั่ง อี เลี์ยว เมี่ยน, เลี่ยว เหยียด เลี์ยว ฮนั้ง”. โมอับ เมี่ยน ฯฒฯ เยียม นิ่น เญย ปั์ว-เดี๊ย หย่า อ๋อย หฒุ ธ้วด โฑว ปุน นิ่น.
3ดาวิด แอ๋ง มี่ง เบ๊าะ โสบา เญย ฮู่ง, เลโหบ เญย ตอน, ฮาดัดเอเซ, ต๋อย ฮาดัดเอเซ ธ้วด มี่ง เหว่ย แอ๋ง อ๋อย เหลียบ ว้วน นิ่น เญย กั๊วะ เยียม ยูเฟติด ด้าย เฮลน เญย ต๋อง. 4ดาวิด ธ้าง ตุ๊ นิ่น เญย เก้ ม์า แปง เหยียด ธิน เธี้ยด แป๊ะ เต้า เหธา ยั่ง เดา เญย แปง อี หว่าน เต้า. นิ่น ฮงะ ทอ เบ๊าะ จ๋า ม์า-เธีย เญย ม์า เญย ต้ม หลวั่ง จาน ตั๋ง, ขูง เลี่ยว เบ๊าะ จ๋า เธีย เญย เหยียด แป๊ะ เต้า ม์า ฮนั้ง.
5ดามัดกัด เญย ซีเลีย เมี่ยน#8:5-6 ซีเลีย เมี่ยน ไฟ อาลัม เมี่ยน. อี้ จ๋า ฮนอย เมี่ยน เห่ว ซีเลีย เก้า ธั้ม มป่า ต้ง วั้ว นอม ต๋อง เญย เมี่ยน. ธ้วด ต้าย เถง โสบา เญย ฮู่ง, ฮาดัดเอเซ, วั้ว หฒั่น, ดาวิด ไต๋ นิ่น บัว เญย แปง อี หว่าน อี ธิน เต้า. 6ฆะฮ้า ดาวิด เยียม ดามัดกัด ฒี่ง เญย อาลัม เต่ย เหลียบ แปง-เธี้ยง. อาลัม เมี่ยน#8:6 ไฟ ซีเลีย เมี่ยน. ฯฒฯ หฒุ เยียม ดาวิด เญย ปั์ว-เดี๊ย หย่า ธ้วด โฑว-ฒิ่น ปุน นิ่น. ไม้ กุ๊น ดาวิด มี่ง หาย, เฒี้ยว ปุน นิ่น ฮี่ง เจี๋ย.
7ดาวิด หย่า ธ้าง ฮาดัดเอเซ เญย เจียน นั้น เจี๊ยน เญย เจียม-ท้อง-ป้าย ต้อ มี่ง เยลูซาเลม. 8ดาวิด แอ๋ง มี่ง ฮาดัดเอเซ เญย อี นอม ฒี่ง, เบทา เหธา เบโลไท, ธ้าง ตุ๊ ต้ง ซิ ธั้ม ไห่.
9ฮามัด ฮู่ง, โทอี, ไฮ์ ก๊อง ดาวิด เบ๊าะ ฮี่ง โสบา เญย ฮู่ง, ฮาดัดเอเซ เญย เหยียด ฒู้ง จุน-แปง, 10โทอี ฯฒฯ พ้าย นิ่น เญย ตอน, โยลัม, มี่ง หวุ่ย ปวั้ง ดาวิด ฮู่ง, ก๊อง หว่า เถง นิ่น อะเฮน้ย เหว่ย นิ่น ตุ๊ เบ๊าะ ฮี่ง ฮาดัดเอเซ, เหว่ย หฒุ ฮาดัดเอเซ หฒั่นๆ มี่ง เหธา โทอี เบ๊าะ จ๋า. โยลัม หย่า ต้อ เจี๊ยน หล่ง เจียม ญ่าน เหธา ต้ง ซิ โหฒว ต้าย เญย หญู่งๆ จา-สี่ ต้าย ฝูง ดาวิด.
11ดาวิด ฮู่ง หย่า เฒาะ น้าย เต๋ย จา-สี่ เหธา เจี๊ยน นิ่น เบ๊าะ ฮี่ง ฝีงๆ เมี่ยน ธ้าง ต้าย เญย เจียม ญ่าน, 12เซ นิ่น เฒาะ เยียม เอโดม, โมอับ, อัมโมน เมี่ยน, ฟีลิสะเตีย เมี่ยน เหธา อามาเล้ก เมี่ยน เหธา โสบา ฮู่ง, เลโหบ เญย ตอน, ฮาดัดเอเซ ธ้าง ต้าย เญย กะน้าย ฝูง ปุน เฒี้ยว.
13ดาวิด เยียม เฑ้า-ฮ์อง ไต๋ เอโดม เมี่ยน#8:13 ฮิบลู หว่า เญย โซว ก๊อง ซีเลีย เมี่ยน ไฟ อาลัม เมี่ยน. ม่าย เต๋ย กีก หว่า โซว ก๊อง เอโดม. เหยียด หว่าน เหฮยียด ธิน เต้า. หฑวน ต้าย นิ่น ตุ๊ เม่ง เต้า โฮล ไห่.#8:13 เป๊ย หมั่ง สีง ฑูง 60 ฒาง เญย โห่-ต้าว.
14นิ่น เหลียบ แปง-เธี้ยง เยียม เอโดม. นิ่น เหลียบ แปง-เธี้ยง เยียม ก๋อม เอโดม เต่ย. เอโดม เมี่ยน ฯฒฯ หฒุ เยียม ดาวิด เญย ปั์ว-เดี๊ย. ไม้ กุ๊น นิ่น มี่ง หาย, เฒี้ยว ปุน ดาวิด ฮี่ง เจี๋ย.
ดาวิด เญย เจียน
(เป๊ย หมั่ง 1 ฒุ่น ต่อย โต้ว 18:14-17)
15ฮนั้ง หน่าย ดาวิด กุ๊น ก๋อม เหฑ่ง อิสะลาเอน เต่ย-ปูง หย่า เหว่ย นิ่น เญย หฒวัง แปะ ฝีง โหฒว หอบ, โหฒว แป้ง ฟิม. 16เสลุยา เญย ตอน, โยอาบ, โหฒว เก้า โฮล เจี๋ย เญย ต้ม แปง-เปย๊ย. อาหิลู้ด เญย ตอน, เยโฮซาฟัด, โหฒว เฟี้ย โซว-ตาน เญย เจียน. 17อาหิทู้บ เญย ตอน, สาโดก, เหธา อาบียาทา เญย ตอน, อาหิเมเล้ก, โหฒว ไซ เมี่ยน. เสไลอา โหฒว โซว-ปิ๊ว. 18เยโฮยาดา เญย ตอน, เบไนยา, กุ๊น เคเลที เมี่ยน เหธา เพเล้ด เมี่ยน. ดาวิด เญย ตอน บัว ตุ๊ โหฒว เป๊ย เฒ้ย.#8:18 ฮิบลู หว่า ก๊อง ไซ เมี่ยน.
Currently Selected:
2 ซามูเอน 8: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
