2 ซามูเอน 6
6
ดาวิด ต้อ แล์ง แหง่ง หว่า ฟาง หฑวน
(เป๊ย หมั่ง 1 ฒุ่น ต่อย โต้ว 13:1-14; 15:25—16:6,43)
1ดาวิด แอ๋ง เห่ว เยียม อิสะลาเอน กิ๊น ต้าย เญย เมี่ยน กั๊บ ฒุ้น. เหยียด ฒู้ง ม่าย ปัว หว่าน เต้า. 2ดาวิด เหธา นิ่น เญย หฒวัง เมี่ยน ฯฒฯ เยียม ยูดา เญย บาอาลา#6:2 ไฟ บาอาเล. ธ้วด มี่ง เหว่ย ต้อ ทิน-ฮู่ง เญย แล์ง แหง่ง หว่า ฟาง เยียม วั้ว ต้าย. น้าย นอม ฟาง กัน เน่น เจี๋ย เญย เฒี้ยว เญย บั๋ว เห่ว, ต้ง เยียม วั้ว เต๋ย อี เต้า เคลูบิม บุด๋ง#6:2 ฟาน หฒะ ก๊อง กู้ หงว่าย. เญย เหว่ย.#ธ้วด อียิบ 25:22 3นิ่น บัว เฒาะ ทิน-ฮู่ง เญย แล์ง แหง่ง หว่า ฟาง เยียม บง กู้ หงว่าย, อาบีนาดับ เญย เปย๊า, ธ้วด ต้าย อัน นอม เซียง-ง่ง เธีย. อาบีนาดับ เญย อี เต้า ตอน, อุดซา เหธา อาหิโย, เยี์ยน เซียง-เธีย เญย เจ๊า.#1 ซามูเอน 7:1-2 4นิ่น บัว เฒาะ ทิน-ฮู่ง เญย แล์ง แหง่ง หว่า ฟาง เยียม บง กู้ หงว่าย, อาบีนาดับ เญย เปย๊า, ธ้วด ต้าย วั้ว หฒั่น, อาหิโย มี่ง ด่าง, ฟาง ฆะฮ้า. 5ดาวิด เหธา อิสะลาเอน เญย หฒวัง เมี่ยน เยียม เฒี้ยว เญย หฑะเฮมียน หล่ง เหฑ่ง ชะ โหฒว เหน่า หญิด. นิ่น บัว ป๋าว ฑูง, พัด ต้ม ต้าน ป้า, ฟิ้ว-ต้าน ป้า, เบ๊าะ ล่อ เบ๊าะ โฑ์, ฆ้าบ ธ่าว เฒ้ย.
6นิ่น บัว ต้าย เถา นาโคน เญย เบ๊าะ เบย้า เธี้ยง, ยั่ง ง่ง ดิ๊ หฒุ ค้า เต๋ย ดอบ. อุดซา ฯฒฯ ซูง ปั์ว ป๊า เจี๊ยน ทิน-ฮู่ง เญย แล์ง แหง่ง หว่า ฟาง. 7เฒี้ยว เฉีย เจี์ย ไห่ อุดซา เหว่ย หฒุ นิ่น ซูง ปั์ว ป๊า แล์ง แหง่ง หว่า ฟาง. ทิน-ฮู่ง ฯฒฯ เยียม หน่าย ไต๋ นิ่น. นิ่น ฯฒฯ เยียม ทิน-ฮู่ง เญย แล์ง แหง่ง หว่า ฟาง กะเฮลน ไต่ หมี่ อ๊ะ.
8ดาวิด เฉีย เจี์ย เหว่ย หฒุ เฒี้ยว เญย กะเฉีย แป๊ด ธ้วด ไต๋ อุดซา. วั้ว นอม ต๋อง ฯฒฯ ม่าย บั๋ว เห่ว เปเล้ดอุดซา#6:8 เปเล้ดอุดซา เญย เอ๋ย เล์ย เซ “กะเฉีย แป๊ด ธ้วด โหฒว ปุน อุดซา”. เถา อี้ จ๋า ฮนอย.
9วั้ว ฮนอย ดาวิด กั้ม เหฑีย เฒี้ยว. นิ่น ก๊อง, “เฒี้ยว เญย แล์ง แหง่ง หว่า ฟาง เยีย ฝู่ง ไฮ่ ก๊าม ต้อ มี่ง เยีย เญย ต๋อง?” 10ดาวิด ฯฒฯ ไม้ คั้ง ต้อ เฒี้ยว เญย แล์ง แหง่ง หว่า ฟาง มี่ง เปียะ ดาวิด เญย ฒี่ง. นิ่น ฯฒฯ หวี่ง กั้น ติ้ว เจ๊า ต้อ มี่ง อัน กัด เมี่ยน, โอเบดเอโดม, เญย เปย๊า. 11เฒี้ยว เญย แล์ง แหง่ง หว่า ฟาง เยียม โอเบดเอโดม เญย เปย๊า ปัว หฮลา เหญียะ. เฒี้ยว เหธย ฟุ ปุน นิ่น หย่า เหธย ฟุ ปุน นิ่น เญย เหยียด เปย๊า เมี่ยน.#1 ฒุ่น ต่อย โต้ว 26:4-5
12ม่าย เมี่ยน ก๊อง บั๋ว ดาวิด ฮู่ง, “เหว่ย ทิน-ฮู่ง เญย แล์ง แหง่ง หว่า ฟาง เฒี้ยว เหธย ฟุ ปุน โอเบดเอโดม เญย เหยียด เปย๊า เมี่ยน เหธา นิ่น ม่าย เญย เหยียด ฒู้ง กะน้าย.” ดาวิด ฯฒฯ มี่ง เฌียนๆ โย่วๆ เญย ต้อ ทิน-ฮู่ง เญย แล์ง แหง่ง หว่า ฟาง เยียม โอเบดเอโดม เญย เปย๊า ต้าย เถา ดาวิด เญย ฒี่ง. 13แกง เฒี้ยว เญย แล์ง แหง่ง หว่า ฟาง วั้ว เต๋ย หลาม จุ๊ เบี่ย, ดาวิด หล่ง เต้า ง่ง โก๊ว เหธา เต้า ง่ง ตอน-จุ่น ฝ่ง ห่อ เหฒี่ย. 14ดาวิด ฒุ เจี๊ยน หล่ง ล่าม่า เดีย โหฒว ต้าย เญย เอโฟ้ด. นิ่น ตอง เจี๊ยน เฒี้ยว หล่ง เหฑ่ง ชะ หธัง เหย. 15ดาวิด เหธา อิสะลาเอน เญย หฒวัง เฒ้ย-ฟุน เห่ว เจี๊ยน หย่า ม่าย ปย๊ม จอง เญย เฉีย บุย, ต้อ เจี๊ยน เฒี้ยว เญย แล์ง แหง่ง หว่า ฟาง ต้าย เถา เยลูซาเลม.
16 เฒี้ยว เญย แล์ง แหง่ง หว่า ฟาง เปียะ ดาวิด เญย ฒี่ง วั้ว หฒั่น, เซาโล เญย เซียะ, มีคาน, หมั่ง ธ้วด ฟง ม่วน ปวัด ดาวิด ฮู่ง เยียม เฒี้ยว เญย หฑะเฮมียน ปิว มี่ง ปิว ต้าย เญย หธัง เหย. มีคาน ฯฒฯ เยียม เฮญี้ยว หมั่ง เผีย นิ่น อ๊ะ.
17นิ่น บัว ต้อ เฒี้ยว เญย แล์ง แหง่ง หว่า ฟาง เปียะ ต้าย อัน เจี๊ยน หลิ่ว เล์ย เหฒียง เญย ต๋อง เยียม ดาวิด ธอง ต้าย เหว่ย ฟาง วั้ว นอม ด๊บ-ลิ่ว. ดาวิด หย่า เยียม เฒี้ยว เญย หฑะเฮมียน ฝ่ง ห่อ ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย. 18ฝ่ง ห่อ เหฒี่ย ลิ์ว ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย, ดาวิด เต๊ง เน่น เจี๋ย เญย เฒี้ยว เญย บั๋ว ปวัง หว่า ปุน แปะ ฝีง. 19ฆะฮ้า ดาวิด แอ๋ง ปุน เต้าๆ อิสะลาเอน เมี่ยน, ไม้ กุ๊น มจั่ง มเซียะ, เหยียด เต้า ปุน เหยียด นอม ฌั้ว, เหยียด ดุ้น อ๊อ-ฒิ เหธา เต๋ย อะหงุ่น เปี๊ยว-ฆาย. เก๊าะ-เมี่ยน ฯฒฯ หฑวน เก๊าะ-เมี่ยน เญย เปย๊า.#1 ฒุ่น ต่อย โต้ว 16:43
20ดาวิด หฑวน เปย๊า อ๋อย ปวัง หว่า ปุน นิ่น เญย เปย๊า ฒง เมี่ยน, เซาโล เญย เซียะ, มีคาน, ธ้วด ต้าย ฒิบ ดาวิด หย่า ก๊อง, “อิสะลาเอน เญย ฮู่ง อี้ ฮนอย หฒะเก้ง ปุน นิ่น กั้น ตุ๊ เม่ง เต้า ไห่, ตอง เจี๊ยน นิ่น เญย โปว เญย โน่ว เป์ย ไจ๊ ลุย-โหว ฮนั้ง เต้า หฒ่าน ไห่ เญย เมี่ยน ไจ๊ ลุย-โหว, ไม้ ฮิ้ว ตุ๊ ไญ้.”
21ดาวิด ก๊อง บั๋ว มีคาน, “เยีย เยียม เฒี้ยว เญย หฑะเฮมียน. นิ่น กิ๊น เยีย ตี๊ เม่ย เญย เตีย เหธา เตีย เญย เหยียด ฒู้ง โต้ว ฒง, เหลียบ เยีย โหฒว เฒี้ยว เญย แปะ ฝีง, อิสะลาเอน เมี่ยน, เญย ฮู่ง. เยีย หย่า อ๋อย ตอง เจี๊ยน เฒี้ยว โหฒว เหน่า หญิด. 22เยีย ฒู้ง อ๋อย ฒัด กั้น เหฌี่ย ไอ๊ เถา เยีย กั้น เญย มฒีง หมั่ง ปวัด เยีย เซ ห่า ฮ่อง เมี่ยน. มป่า เม่ย ก๊อง วั้ว เต๋ย โน่ว เป์ย, นิ่น บัว ฒู้ง อ๋อย ท่าย เยีย.”
23เซาโล เญย เซียะ, มีคาน, เถา ไต่ เญย เฒี่ยง โห่ นิ่น ไม้ ยู์ง ฝุเจว๊ย.
Currently Selected:
2 ซามูเอน 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
