2 ซามูเอน 2
2
ดาวิด โหฒว ยูดา เญย ฮู่ง
1น้าย เต๋ย สี่ เจี๋ย ลิ์ว, ฆะฮ้า ดาวิด หน่าย เฒี้ยว, “เยีย หอบ หฒุ มี่ง ยูดา เญย เหยียด นอม ฒี่ง ไฟ?”
เฒี้ยว ก๊อง, “กุ๊น มี่ง อ๊ะ.”
ดาวิด แอ๋ง หน่าย, “อ๋อย หฒุ มี่ง หาย นอม ฒี่ง?”
เฒี้ยว เตา, “เฮโบโลน ฒี่ง.”
2ดาวิด ฯฒฯ ต้อ เจี๊ยน นิ่น เญย อี เต้า เอ๊า, เซ ยิดเลเอน เมี่ยน, อาหิโนอัม, เหธา คานเมน เมี่ยน, นาบาน เญย เอ๊า-กว๊า, อาบีกายิน.#1 ซามูเอน 25:42-43 3ดาวิด หย่า ต้อ เจี๊ยน กัน นิ่น วั้ว เต๋ย เมี่ยน, เหธา นิ่น บัว เก๊าะ-เมี่ยน เญย ฮมวั้ง ต่อย มี่ง. นิ่น บัว ฯฒฯ เยียม เฮโบโลน ฒี่ง เหธา เว่ย ก๋อม เญย มู้ง. 4ยูดา เมี่ยน ฯฒฯ ต้าย เถา เฮโบโลน หล่ง โย่ว ออน ดาวิด โหฒว ยูดา เญย เฒ้ย-ฟุน เญย ฮู่ง.
ม่าย เมี่ยน ต้าย ก๊อง บั๋ว ดาวิด, “เซ ยาเบดกิเลอาด เมี่ยน หฒัง เซาโล.”#1 ซามูเอน 31:11-13 5ดาวิด ฯฒฯ พ้าย โต่ว เฝียน เมี่ยน มี่ง ล์อ ยาเบดกิเลอาด เมี่ยน, ก๊อง บั๋ว นิ่น บัว, “โท้ เฒี้ยว เหธย ฟุ ปุน เม่ย บัว เหว่ย หฒุ เม่ย บัว ฮนั้ง น้าย นอ โหฒว หลง ปุน เม่ย บัว เญย เฒี้ยว, เซาโล, ต้อ นิ่น หฒัง เจี๊ยน. 6อี้ หฒั่น โท้ เฒี้ยว เหฒียบ ฒัวะ เญย ฮนั้ม หย่า แป้ง ฟิม เญย ต้อ เม่ย บัว. เยีย หย่า อ๋อย โหฒว หลง ปุน เม่ย บัว เหว่ย หฒุ เม่ย บัว ฮนั้ง น้าย นอ โหฒว. 7อี้ หฒั่น เม่ย บัว อ๋อย หฒุ เฮ้น, ต๊าม โฮล เญย, เหว่ย หฒุ เม่ย บัว เญย เฒี้ยว, เซาโล, ไต่ หมี่ อ๊ะ. ยูดา ฝีง เญย เมี่ยน ฒู้ง ออน เยีย โหฒว นิ่น บัว เญย ฮู่ง กุ๊น นิ่น บัว.”
ออน อิดโบเซ้ด โหฒว ฮู่ง กุ๊น อิสะลาเอน
8เซาโล เญย จุน-แปง เญย ต้ม แปง-เปย๊ย, เน เญย ตอน, อับเน, ต้อ เซาโล เญย ตอน, อิดโบเซ้ด, เปย๋า เจี๋ย วั้ว หง่าน หฒิ จอแดน ด้าย เถา มาหะนาอิม หมี่ อ๊ะ. 9เยียม หน่าย อับเน เหลียบ อิดโบเซ้ด โหฒว ฮู่ง กุ๊น กิเลอาด เต่ย เหธา อาเซ เมี่ยน, ยิดเลเอน เมี่ยน, เอฟาอิม เมี่ยน, เบนยามิน เมี่ยน เหธา อิสะลาเอน เญย หฒวัง เมี่ยน.
10เซาโล เญย ตอน, อิดโบเซ้ด, ฝาว เหว่ย โหฒว ฮู่ง กุ๊น อิสะลาเอน วั้ว หฒั่น นิ่น เญย หฮญัง-เจ๊ย ตุ๊ เฝย เหฒียบ หฮญัง. นิ่น หย่า กุ๊น ตุ๊ อี หฮญัง. มป่า ยูดา เญย เฒ้ย-ฟุน กัน ดาวิด. 11ดาวิด เยียม เฮโบโลน โหฒว ฮู่ง กุ๊น ยูดา เญย เฒ้ย-ฟุน เสี่ย หฮญัง เหธา จุ๊ หฮลา เหญียะ.
อิสะลาเอน เมี่ยน เหธา ยูดา เมี่ยน เบ๊าะ จ๋า
12เน เญย ตอน, อับเน, เหธา เจี๊ยน เซาโล เญย ตอน, อิดโบเซ้ด, เญย แปง เยียม มาหะนาอิม ธ้วด ต้าย มี่ง เถา กิเบโอน ฒี่ง. 13เสลุยา เญย ตอน, โยอาบ, #2:13 เสลุยา เซ ดาวิด เญย ต่อ. โยอาบ ฯฒฯ เป๋น ดาวิด เญย ฟุน. เหธา เจี๊ยน ดาวิด เญย แปง ธ้วด มี่ง เถา กิเบโอน เซียว ววม เญย ค้วด#2:13 น้าย นอม ค้วด เยียม ฒี่ง กะญั์ว นิด เจี๊ยน ฒี่ง หลาด. เซ หฒุ เยียม วั้ว เญย หละเปย๊ย ต้าย เซียว ววม. ค้วด โด 22 เดาะ, จั๊ง 22 เดาะ. กะเฮลน ปวั้ง อับเน บัว. นิ่น บัว ฯฒฯ เฒว์ย เจี๊ยน, เหยียด กวั้น เฒว์ย น้าย ปูง ฌ่าง เฮลน, เหยียด กวั้น เฒว์ย วั้ว ปูง ฌ่าง เฮลน.
14อับเน ก๊อง บั๋ว โยอาบ, “ปุน เมี่ยน หลุน เมี่ยน เจี์ย ซิน ต้าย ตอง เจี๊ยน เยีย บัว สาย ม่าะ!”
โยอาบ เตา, “กุ๊น ปุน นิ่น บัว สาย อ๊ะ.”
15หฒิว นิ่น บัว ตี่ง เหฒียง เญย โสว โหม่ว นิ่น บัว เจี์ย ซิน ต้าย. เหว่ย เบนยามิน เหธา เซาโล เญย ตอน, อิดโบเซ้ด, ม่าย เหฒียบ เหญ่ย เต้า. เหว่ย ดาวิด หย่า ม่าย เหฒียบ เหญ่ย เต้า. 16เหยียด เต้า ต๋อย เหยียด เต้า เญา เจี๊ยน มฆ้อง, หล่ง หฑุ ด๊าว, ล่าน ฑบ ล่าน เญย หละญ้าบ, เหยียด ฒู้ง คีง เหฌี่ย ไต่ เหฑ่ง หมี่ อ๊ะ. เหว่ย น้าย เยียม กิเบโอน น้าย นอม ต๋อง ม่าย บั๋ว เห่ว เฮนขัดฮัดซูลิม.#2:16 เอ๋ย เล์ย เซ หฑุ ด๊าว เธี้ยง.
17วั้ว ฮนอย เบ๊าะ เญย จ๋า หฒะเก้ง เฮนี้ย ไห่. อับเน เหธา อิสะลาเอน เมี่ยน หฒุ เซวย ดาวิด เญย แปง.
18เสลุยา เญย ปัว เต้า ตอน, โยอาบ, อาบีไช เหธา อาสาเฮน เยียม หน่าย. อาสาเฮน เญย เหฒา ถิว ตุ๊ เซี้ยบ ฮนั้ง เฮยี่ย ไฌ่ นอ. 19อาสาเฮน หฒุ่น เจี๊ยน อับเน มี่ง, หย่า ไม้ มี่ง หฒาย, ไม้ มี่ง บย่าว. 20อับเน ฮวิน หฑวน หมั่ง หย่า หน่าย, “เม่ย อาสาเฮน ไฟ?”
อาสาเฮน เตา, “เฒ์ย เญย.”
21อับเน ก๊อง บั๋ว นิ่น, “กุ๊น มี่ง หฒาย ไฟ มี่ง บย่าว ม่าะ! เฒาะ เต้า เมี่ยน หลุน เมี่ยน แอ๋ง ลู้ นิ่น เบ๊าะ จ๋า เญย กะน้าย.” มป่า อาสาเฮน หฒุ่น เจี๊ยน นิ่น มี่ง, ไม้ ตี้ง.
22อับเน แอ๋ง ขวิน หฑุ่น อาสาเฮน, “ตี้ง เหฌี่ย, ไม้ ตู๋ง หฒุ่น เยีย ม่าะ! เยีย ฝู่ง อ๋อย หฒุ ไต๋ เม่ย? เยีย ไต๋ เม่ย, ฮนั้ง หาย นอ ไฮ่ หมั่ง เม่ย เญย ก๋อ, โยอาบ, เญย เฮมียน?”
23มป่า อาสาเฮน ไม้ คั้ง ตี้ง, หธ่อ หฒุ่น เจี๊ยน มี่ง. อับเน ฯฒฯ หล่ง ธัง-แป๋ง ฑบ อาสาเฮน เญย กะเซีย. ธัง ฒู้ง ฑบ ทง ธ้วด ฆะฮ้า แหมง. อาสาเฮน เยียม หน่าย คีง เหฌี่ย เดา ไต่ หมี่ อ๊ะ. หาย เต้า ต้าย เถา นิ่น คีง เหฌี่ย ไต่ เญย ต๋อง ฯฒฯ ตี้ง โซ้ว เจี๊ยน วั้ว.
24มป่า โยอาบ เหธา อาบีไช หฒุ่น เจี๊ยน อับเน มี่ง. บะฮนอย ด๊อด เญย เฒี่ยง โห่ นิ่น บัว เถา อัมมา บง- ไอ๊, เยียม กิเบโอน เต่ย-ปูง-ฮวาง เญย วั้ว นอม กียา เญย หฑะเฮมียน แหมง. 25เบนยามิน เมี่ยน กั๊บ ฒุ้น เหธา อับเน เป๋น เหยียด กวั้น โซ้ว เจี๊ยน เหยียด นอม บง-นี้ง กู้ หงว่าย.
26อับเน เห่ว เจี๊ยน โยอาบ, “หฑุ ด๊าว อ๋อย หฒุ เหยียด ลิ์ว ไต๋ เมี่ยน ไฟ? เม่ย บัว ไม้ ฮิ้ว ตุ๊ เถา เซ้ด เมว์ย ขูง ไฮ่ ธ้วด โค้ว เญย เจ๊า? เม่ย ฒั้ว เถา หาย หฒั่น หธีง หัด เม่ย เญย เมี่ยน ตี้ง เหฌี่ย, ไม้ หฒุ่น นิ่น บัว เญย ก๋อ-โย์ว?”
27โยอาบ ก๊อง, “เยีย เฒี้ยง เจี๊ยน เหยียด ลิ์ว เฒี่ยง เญย ทิน-ฮู่ง ก๊อง, สี ก๊อง เม่ย ไม้ ก๊อง วั้ว โจ๋ว หว่า, น้าย เต๋ย เมี่ยน อ๋อย หฒุ่น เจี๊ยน เถา ฌัง ดอม.”
28โยอาบ ฯฒฯ ปย๊ม จอง. หฒวัง เมี่ยน ฯฒฯ ตี้ง, ไม้ แอ๋ง หฒุ่น อิสะลาเอน เมี่ยน อ๊ะ, หย่า ไม้ แอ๋ง เบ๊าะ จ๋า.
29อับเน เหธา นิ่น เญย เมี่ยน เฒี่ยง ม์วน ยั่ง เจ๊า เจี๋ย อาลาบา, แอ๋ง เจี๋ย จอแดน ด้าย. นิ่น บัว แอ๋ง เจี๋ย เหฑ่ง บิ๊ดโลน#2:29 บิ๊ดโลน ไฟ เฒี่ยง อ๋าน ยั่ง. ฮ์อง มี่ง เถา มาหะนาอิม.
30โยอาบ หฒุ่น เกา อับเน, แอ๋ง ต๋าว ซิน หฑวน ต้าย. นิ่น ปุน นิ่น เญย เมี่ยน กั๊บ ฒุ้น เญย เฒี่ยง โห่, ธี่ ธ้วด อาสาเฮน, ดาวิด เญย แปง ธา เหฒียบ จั๊ว เต้า. 31มป่า ดาวิด เญย เมี่ยน ไต๋ ฟาม-แป๊ะ หลัวะ เหฒียบ เต้า กัน อับเน เญย เบนยามิน เมี่ยน. 32โยอาบ แอ๋ง เหธา กัน นิ่น เญย เมี่ยน ฯฒฯ ต้อ อาสาเฮน เญย เซย มี่ง เถา เบดเลเฮม หฒัง เจี๊ยน นิ่น เญย เตีย เญย โฒ้ว. ฆะฮ้า นิ่น บัว เฒี่ยง ม์วน ยั่ง เจ๊า. ลู่ง เบี์ยวๆ ฌัง เญย เฒี่ยง โห่ นิ่น บัว เถา เฮโบโลน หมี่ อ๊ะ.
Currently Selected:
2 ซามูเอน 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
