2 ซามูเอน 16
16
ดาวิด เหธา ซิบา
1ดาวิด เจี๋ย หฒิ บง-นี้ง ไม้ โก, เมฟีโบเซ้ด เญย โปว, ซิบา, เคน เจี๊ยน อี เต้า ปุ่ย เจี๊ยน ออน เญย ล่อ ต้าย ปวั้ง นิ่น. ล่อ ทอ เจี๊ยน หญี่ แป๊ะ นอม ฌั้ว, เหยียด แป๊ะ ดุ้น อะหงุ่น เปี๊ยว-ฆาย, เหยียด แป๊ะ นอม ฆาย กอง เญย เปี๊ยว, เหธา เหยียด ด๊บ-บัวะ อะหงุ่น ติ๊ว ต้าย.#2 ซามูเอน 9:9-10
2ฮู่ง เตี๋ย หน่าย ซิบา, “เม่ย ต้อ น้าย เต๋ย กะน้าย ต้าย โหฒว หาย หญู่ง?”
ซิบา เตา, “ล่อ เซ เหว่ย ปุน ฮู่ง เตี๋ย เญย เปย๊า ฒง เมี่ยน เก้. ฌั้ว เหธา ฆาย กอง เปี๊ยว เซ เหว่ย กัน เญย เมี่ยน หญั่น,#16:2 ม่าย เต๋ย โซว ก๊อง เมี่ยน หลุน เมี่ยน. อะหงุ่น ติ๊ว เซ เหว่ย ปุน เยียม เต่ย-ปูง-ฮวาง เมา โค้ว เญย เมี่ยน ฮบ.”
3ฮู่ง เตี๋ย แอ๋ง หน่าย, “เม่ย เญย เฒี้ยว เญย ฟุน เยียม หาย?”
ซิบา เตา, “นิ่น เยียม เจี๊ยน เยลูซาเลม เหว่ย หฒุ นิ่น ก๊อง, ‘อี้ ฮนอย อิสะลาเอน เมี่ยน ฒู้ง อ๋อย เฒาะ เยีย เญย อง เญย กั๊วะ ถุย หฑวน เกวย เยีย.’”#2 ซามูเอน 19:24-27
4ฮู่ง เตี๋ย ก๊อง บั๋ว ซิบา, “อี้ หฒั่น เมฟีโบเซ้ด ม่าย เญย เหยียด ฒู้ง เป๋น เม่ย เญย หมี่ อ๊ะ.”
ซิบา ก๊อง, “เยีย เฒาะ เยียะ ป๋าย ฮู่ง เตี๋ย. เยีย เญย เฒี้ยว, ฮู่ง เตี๋ย อ้า! โท้ ปุน เยีย เยียม ฮู่ง เญย หฑะเฮมียน ปุน ฮู่ง เตี๋ย อะเฮน้ย.”
ดาวิด หฒุ ซิเมอี เหฒียว
5ดาวิด ฮู่ง เถา บาฮูลิม วั้ว หฒั่น, ม่าย เต้า เซาโล เญย เธียน-เธะ, เซ เกลา เญย ตอน, ซิเมอี, ธ้วด ต้าย เหยียด ปิ่น ยั่ง, เหยียด ปิ่น เหฒียว เจี๊ยน มี่ง. 6นิ่น เฒาะ หละเปย๊ย ฒอย ดาวิด เหธา ฮู่ง เตี๋ย เญย หฒวัง เจียน, ไม้ กุ๊น แปะ ฝีง เหธา เบ๊าะ จ๋า เฮ้น เญย แปง เยียม นิ่น เญย บย่าว แหมง หฒาย แหมง. 7ซิเมอี เหฒียว หว่า ก๊อง, “เม่ย น้าย เต้า กะน้าย-หว่าย ไต๋ เมี่ยน เญย เมี่ยน#16:7 ฮิบลู หว่า เซ “ปุน ฑย้าม เหลี่ยว ธ้วด เญย เมี่ยน”. อ้า! มี่ง ฆอย อ๊ะ. มี่ง ฆอย อ๊ะ. 8อี้ หฒั่น เฒี้ยว จ๊าว วิน ปุน เม่ย เหว่ย เม่ย เยียม เซาโล เญย เปย๊า ฒง เมี่ยน เหลี่ยว ธ้วด เญย เหยียด ฒู้ง ฑย้าม, ตี๊ นิ่น โหฒว ฮู่ง. เฒี้ยว หย่า เฒาะ เม่ย เญย กั๊วะ จิว ปุน เม่ย เญย ตอน, อับซาโลม, หมี่ อ๊ะ. หมั่ง ม่าะ! เม่ย หฒุ ป่าย หมี่ อ๊ะ, เหว่ย หฒุ เม่ย เซ ไต๋ เมี่ยน ปุน ฑย้าม เหลี่ยว ธ้วด เญย เมี่ยน.”
9เสลุยา เญย ตอน, อาบีไช, ก๊อง บั๋ว ฮู่ง เตี๋ย, “ฝู่ง ปุน น้าย เต้า จู๊-ไต่ เหฒียว เยีย เญย เฒี้ยว, ฮู่ง เตี๋ย? โท้ ปุน เยีย เจี๋ย มี่ง ฮงะ นิ่น เญย มฆ้อง ดุ๊ด.”
10มป่า ฮู่ง เตี๋ย ก๊อง, “เสลุยา เญย อี เต้า ตอน อ้า! เยีย เหธา เม่ย บัว ม่าย หาย หญู่ง เกวน หฒุ? สี ก๊อง นิ่น เหฒียว เหว่ย หฒุ เฒี้ยว บั๋ว นิ่น ‘อ๋อย หฒุ เหฒียว ดาวิด ม่าะ!’ วั้ว หญู่ง หาย เต้า ไฮ่ ก๊อง, ‘เม่ย เหว่ย หาย ติ่ว ฮนั้ง น้าย โหฒว?’”
11ดาวิด แอ๋ง ก๊อง บั๋ว อาบีไช เหธา นิ่น เญย หฒวัง เจียน, “หมั่ง ม่าะ! เยีย เญย เธียน ตอน อ๋อย เฒาะ เยีย เญย แหม่ง. ฮนั้ง หน่าย, น้าย เต้า เบนยามิน เมี่ยน เซว่ย นิ่น เหฒียว เหว่ย หฒุ เฒี้ยว เห่ว นิ่น โหฒว. 12เหฑีย เฒี้ยว ไฮ่ ปวัด เยีย เญย โค้ว หน่าน,#16:12 ฮิบลู หว่า ก๊อง ฒุ์ย-หนิบ. กีก หว่า ก๊อง โค้ว หน่าน. เฒี้ยว หย่า เหว่ย เยีย อี้ ฮนอย หฒุ น้าย เต๋ย เหฒียว เญย หว่า ไฮ่ วิ่น ปุน เยีย ตุ๊ หลง.”
13ดาวิด เหธา นิ่น เญย เมี่ยน ฯฒฯ กัน เจี๊ยน เจ๊า มี่ง. ซิเมอี เยียม ดาวิด เญย ต๋อย-หง่าน กัน ฒอง เหยียด ปิ่น มี่ง เหยียด ปิ่น เหฒียว. นิ่น เฒาะ หละเปย๊ย ฒอย นิ่น บัว หย่า เญา เนีย-บูง ฟ้าด นิ่น บัว. 14ฮู่ง เตี๋ย เหธา กัน นิ่น วั้ว เต๋ย หฒวัง เมี่ยน ฯฒฯ เถา จอแดน ด้าย#16:14 ฮิบลู หว่า ไม้ ม่าย จอแดน ด้าย. กีก หว่า ม่าย เญย. โค้ว เหฑ่ง. นิ่น บัว ฯฒฯ เยียม หน่าย ฮิด ขวน.
อับซาโลม เยียม เยลูซาเลม
15อับซาโลม เหธา อิสะลาเอน เญย หฒวัง เมี่ยน ฯฒฯ ต้าย เถา เยลูซาเลม. อาหิโทเฟน หย่า เหธา เจี๊ยน ต้าย. 16ดาวิด เญย โล์-แกง ต่อย, อานคี เมี่ยน, หุไซ, มี่ง ล์อ อับซาโลม. หุไซ ก๊อง, “โท้ ปุน ฮู่ง เตี๋ย เฒี่ยง ตุ๊ หม่าน ฝุย. โท้ ปุน ฮู่ง เตี๋ย เฒี่ยง ตุ๊ หม่าน ฝุย.”
17อับซาโลม หน่าย หุไซ, “เม่ย ฮนั้ง น้าย นอ เหฒียบ ฒัวะ เญย โหฒว ปุน เม่ย เญย โล์-แกง ต่อย? เม่ย เหว่ย หาย ติ่ว ไม้ กัน นิ่น มี่ง?”
18หุไซ ก๊อง บั๋ว อับซาโลม, “ไม้ เฒ์ย. เฒี้ยว เหธา น้าย เต๋ย แปะ ฝีง เหธา อิสะลาเอน เญย หฒวัง เมี่ยน กิ๊น หาย เต้า, เยีย ฯฒฯ กัน วั้ว เต้า หย่า เหธา นิ่น เยียม. 19แอ๋ง ม่าย ติ่ว. เยีย หอบ หฒุ ฟู-สู หาย เต้า? เยีย ไม้ เฒ์ย อ๋อย ฟู-สู วั้ว เต้า เญย ตอน ไฟ? เยีย ฮนั้ง หาย นอ ฟู-สู เม่ย เญย เตีย, เยีย อ๋อย ฮนั้ง วั้ว นอ ฟู-สู เม่ย.”
20อับซาโลม ก๊อง บั๋ว อาหิโทเฟน “เถง ฮนั้ม หมั่ง ก๋า, เยีย บัว อ๋อย หฒุ ฮนั้ง หาย นอ โหฒว?”
21อาหิโทเฟน ก๊อง บั๋ว อับซาโลม, “อ๋อย หฒุ มี่ง เปว๋ย ต้ง เม่ย เญย เตีย เลี่ยว เจี๊ยน ฒั้ว ฮู่ง ติ่น วั้ว เต๋ย จ๊า-เฒ่ย เอ๊า. อิสะลาเอน เญย เหยียด ฒู้ง เมี่ยน ฯฒฯ ฮิ้ว ตุ๊ เม่ย ปุน เม่ย เญย เตีย ฑอง เม่ย. ตะฟ่าน กัน เม่ย เญย เมี่ยน ฯฒฯ เฮ้น เจี๊ยน ฝาว.” 22นิ่น บัว ฯฒฯ ธอง ด๊บ-ลิ่ว เยียม ฮู่ง ติ่น เญย เปย๊า-ง่อ#16:22 นิ่น บัว เญย เปย๊า-ง่อ แป้ง เญย. กู้ หงว่าย. อับซาโลม ฯฒฯ ตอง เจี๊ยน อิสะลาเอน เญย หฒวัง เมี่ยน เปียะ มี่ง เปว๋ย นิ่น เญย เตีย เญย จ๊า-เฒ่ย เอ๊า.#2 ซามูเอน 12:11-12
23เยียม วั้ว เต๋ย ฮนอย-เหญียะ, อาหิโทเฟน ธ่าง ล่าง ต๊า เญย หฒะเอ๋ย เซ ฮนั้ง เมี่ยน ตุ๊ ทิน-ฮู่ง เญย หว่า. เลี่ยม ดาวิด เหธา อับซาโลม ท่าย นิ่น ธ่าง ล่าง เญย หฒะเอ๋ย.
Currently Selected:
2 ซามูเอน 16: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
