2 ฮู่ง โต้ว 6
6
โป๊ว เบี้ยว ววม
1วั้ว กวั้น โต่ว หว่า เมี่ยน ก๊อง บั๋ว เอลีซา, “หมั่ง ม่าะ! เยีย บัว เหธา เม่ย จวั่ง เยียม เญย ต๋อง เหบ ไห่. 2โท้ ปุน เยีย บัว มี่ง จอแดน ด้าย เฮลน, เหยียด เต้า แก๊ะ ติ้ว เดี๋ยง โหฒว เปย๊า เยียม วั้ว.”
เอลีซา ก๊อง, “กุ๊น มี่ง ม่าะ!”
3ม่าย เต้า วั้ว เต๋ย เมี่ยน ก๊อง, “โท้ เม่ย เหธา เม่ย เญย โปว บัว มี่ง ม่าะ!”
เอลีซา ก๊อง, “เยีย มี่ง เญย.” 4นิ่น ฯฒฯ เหธา นิ่น บัว มี่ง.
มี่ง เถา จอแดน ด้าย เฮลน, นิ่น บัว เจี์ย กอน ก๋อย เดี๋ยง. 5ม่าย เต้า เมี่ยน ก๋อย เดี๋ยง วั้ว หฒั่น, โป๊ว ดุ๊ด มี่ง ด๊อด เหฌี่ย ววม. นิ่น ฯฒฯ เห่ว, “โอ๊, ต้ม ก๋อ อ้า! น้าย ฒูง โป๊ว เซ เยีย ก๊า ต้าย.”
6ทิน-ฮู่ง เญย เมี่ยน หน่าย ก๋า, “โป๊ว ด๊อด หาย นอม ต๋อง?” นิ่น นุ ปุน เอลีซา หมั่ง ลิ์ว, เอลีซา ฯฒฯ เฆน หฆัน เดี๋ยง ฒอย เหฌี่ย วั้ว นอม ต๋อง ปุน วั้ว ฒูง เฮลียะ-โป๊ว เบี้ยว ฝาว ต้าย. 7เอลีซา ก๊อง, “เฒาะ ธ้วด ต้าย ม่าะ!” วั้ว เต้า เมี่ยน ฯฒฯ ซูง ปั์ว เฒาะ ธ้วด ต้าย.
ซีเลีย แปง หฒุ เซวย
8ซีเลีย กั๊วะ เญย ฮู่ง เหธา อิสะลาเอน เมี่ยน เบ๊าะ จ๋า. ซีเลีย เญย ฮู่ง เหธา นิ่น เญย แปง-เปย๊ย ก๊อง, “เยีย อ๋อย เยียม น้าย เยียม วั้ว เหลียบ เยีย เญย เธี้ยง.”
9มป่า ทิน-ฮู่ง เญย เมี่ยน ปุน หว่า มี่ง บั๋ว อิสะลาเอน เญย ฮู่ง, “อ๋อย หฒุ ไฝ ฟิม, ไม้ ตู๋ง ยั่ง วั้ว นอม ต๋อง มี่ง, เหว่ย หฒุ ซีเลีย เมี่ยน อ๋อย เหฌี่ย วั้ว เดี๊ย.” 10อิสะลาเอน เญย ฮู่ง ฯฒฯ พ้าย เมี่ยน มี่ง ฒ่า หมั่ง ทิน-ฮู่ง เญย เมี่ยน ก๊อง วั้ว นอม ต๋อง. เอลีซา ฮนั้ง หน่าย ต๊น ปุน ฮู่ง เตี๋ย บู้ง ไม้ เฒ้ย เหยียด หฑุ่น อี หฑุ่น.
11ซีเลีย เญย ฮู่ง เหว่ย น้าย เต๋ย สี่ เฉีย เจี์ย ไห่. นิ่น ฯฒฯ เห่ว นิ่น เญย แปง-เปย๊ย ต้าย ก๊อง, “เยียม เม่ย บัว น้าย ม่าย หาย เต้า เถง อิสะลาเอน เญย ฮู่ง, เม่ย บัว ไม้ อ๋อย บั๋ว เยีย ไฟ?”
12ม่าย เต้า นิ่น เญย แปง-เปย๊ย ก๊อง, “เยีย เญย เฒี้ยว, ฮู่ง เตี๋ย อ่า, ไม้ ม่าย หาย เต้า. เซ ต้ง เยียม อิสะลาเอน วั้ว เต้า โต่ว หว่า เมี่ยน, เอลีซา, เฒาะ ฮู่ง เตี๋ย เยียม กั้น เญย เกน ก๊อง เญย โจ๋วๆ หว่า ก๊อง บั๋ว อิสะลาเอน เญย ฮู่ง.”
13ฮู่ง เตี๋ย ก๊อง, “มี่ง หมั่ง ก๋า นิ่น เยียม หาย, เยีย ฯฒฯ ไฮ่ พ้าย เมี่ยน มี่ง เฒาะ นิ่น.”
ม่าย เต้า ต้าย บั๋ว ฮู่ง เตี๋ย, “นิ่น เยียม โดทาน.”
14ฮู่ง เตี๋ย ฯฒฯ พ้าย ม์า เหธา เบ๊าะ จ๋า เญย ม์า-เธีย เหธา ต้ม แปง-กวั้น. นิ่น บัว ลู่ง ม์วน หฒั่น มี่ง เถา, ฯฒฯ เว่ย เจี๊ยน วั้ว นอม ฒี่ง.
15ตะเหญ่ย ดอม, ทิน-ฮู่ง เญย เมี่ยน เญย โปว เจี์ย ซิน ต้าย เฑี้ยว เญย, ธ้วด แก้ง ขะเดา ปวัด แปง เหธา ม์า เหธา ม์า-เธีย เว่ย เจี๊ยน ฒี่ง อ๊ะ. วั้ว เต้า โปว หน่าย ก๋า เอลีซา, “โอ๊, ต้ม ก๋อ อ้า! ฝู่ง โหฒว อ๊ะ?”
16เอลีซา เตา, “ไม้ ตู๋ง กั้ม เหฑีย. เหธา บัว เยียม น้าย เต๋ย เก้า ธั้ม เหธา นิ่น บัว เยียม วั้ว เต๋ย.”
17เอลีซา ฯฒฯ เต๋า เก๋า ก๊อง, “โอ เฒี้ยว อ่า, โท้ ปุน น้าย เต้า เมี่ยน เญย มฒีง ไฮ่ หมั่ง ตุ๊ ปวัด.” เฒี้ยว ฯฒฯ ปุน วั้ว เต้า โปว เญย มฒีง ไฮ่ หมั่ง ตุ๊ ปวัด. นิ่น หมั่ง ฯฒฯ ปวัด ม่าย โต์ว เญย ม์า-เธีย เหธา ม์า เยียม วั้ว บง เว่ย ก๋อม เอลีซา.
18วิน-วั้ง ต้าย เบ๊าะ วั้ว หฒั่น, เอลีซา เต๋า เก๋า โท้ เฒี้ยว, “โท้ ปุน น้าย เต๋ย เมี่ยน เญย มฒีง บั๊ว.” เฒี้ยว เอย เอลีซา โท้ เญย หว่า ปุน นิ่น บัว เญย มฒีง บั๊ว เหฑ่ง.
19เอลีซา ก๊อง บั๋ว นิ่น บัว, “เซ ไม้ เฒ์ย น้าย ติ้ว เจ๊า หย่า ไม้ เฒ์ย น้าย นอม ฒี่ง. กุ๊น กัน เจี๊ยน เยีย มี่ง, เยีย ฯฒฯ ต้อ เม่ย บัว มี่ง เถา เม่ย บัว ล์อ วั้ว เต้า เมี่ยน.” นิ่น ฯฒฯ ต้อ นิ่น บัว มี่ง เถา สะมาเลีย.
20นิ่น บัว เปียะ ฒี่ง กะญั์ว, เอลีซา เต๋า เก๋า ก๊อง, “เฒี้ยว อ่า, โท้ ปุน น้าย เต๋ย เมี่ยน เญย มฒีง ไฮ่ หมั่ง ตุ๊ ปวัด.” เฒี้ยว ปุน นิ่น บัว เญย มฒีง หมั่ง ตุ๊ ปวัด, นิ่น บัว ฯฒฯ ปวัด เยียม สะมาเลีย ฒี่ง กะญั์ว.
21อิสะลาเอน เญย ฮู่ง ปวัด นิ่น บัว, นิ่น หน่าย เอลีซา, “ต้ม ก๋อ อ่า,#6:21 ฮิบลู หว่า ก๊อง เยีย เญย เตีย อ่า. เยีย อ๋อย หฒุ ไต๋ นิ่น บัว กวั่ง ไฟ? เยีย อ๋อย หฒุ ไต๋ นิ่น บัว กวั่ง ไฟ?”
22เอลีซา เตา, “ไม้ ตู๋ง ไต๋ นิ่น บัว. เม่ย หล่ง เม่ย กั้น เญย หฑุ ด๊าว, หล่ง จวัง-หฒิน ไต๋ เม่ย เบ๊าะ จ๋า ธ้าง ตุ๊ เญย เมี่ยน ไฟ? อ๋อย หฒุ เบ่น หฮนาง ปุน นิ่น บัว หญั่น หย่า ปุน ววม นิ่น บัว ฮบ แอ๋ง ปู๋ง นิ่น บัว หฑวน นิ่น บัว กั้น เญย เฒี้ยว วั้ว.” 23ฮู่ง เตี๋ย ฯฒฯ เหว่ย นิ่น บัว เบ่น หญั่น ฮบ โฮล เญย. นิ่น บัว หญั่น ลิ์ว ฮบ ลิ์ว นิ่น ปู๋ง นิ่น บัว มี่ง อ๊ะ. นิ่น บัว ฯฒฯ หฑวน นิ่น บัว กั้น เญย เฒี้ยว วั้ว.
เยียม หน่าย ต้าย, ซีเลีย เมี่ยน ไม้ เปียะ อิสะลาเอน เต่ย-ปูง ธ้าง กะน้าย.
วิน-วั้ง เว่ย เจี๊ยน สะมาเลีย
24โหฒว เกา, ฆะฮ้า ซีเลีย เญย ฮู่ง, เบนฮาดัด, ติ่ว ฑ่อย นิ่น เญย เหยียด ฒู้ง แปง ธ้วด มี่ง เว่ย เจี๊ยน สะมาเลีย. 25เยียม สะมาเลีย หง่อ หฮนาง โค้ว ไห่ อ๊ะ. นิ่น บัว หฒุ เว่ย เจี๊ยน เล่า เญย, เถา เหยียด นอม ล่อ มฆ้อง หม่าย ตุ๊ หญี่ เหฒียบ หลัวะ ลู์ง#6:25 ฮิบลู หว่า ก๊อง 80 เซเขน. เซ เล่ย ไม้ โก เหยียด กีโล. ญ่าน, ด๊าม-เมาะ#6:25 ฮิบลู หว่า ก๊อง “เหยียด ค้าบ เปยย โก๊ว เญย เหยียด โก๊ว.” เซ เล่ย ไม้ โก 0.3 ลิด. เฮยี่ย ธง#6:25 ฮิบลู หว่า ก๊อง แปะ ก๊บ ไฆ้. ไม้ ม่าย หาย เต้า ฮิ้ว ตี่ง เป๋น หาย หญู่ง. เหฑีย ไฮ่ เป๋น เฮยี่ย ธง ไฟ เฮยี่ย โจว มเปย. หม่าย ตุ๊ เล่ย ไม้ โก เหยียด ลู์ง ฮม์ ฒิ่น#6:25 ฮิบลู หว่า ก๊อง 5 เซเขน. เซ เล่ย ไม้ โก 55 กัม. ญ่าน.
26ม่าย ฮนอย อิสะลาเอน เญย ฮู่ง ยั่ง ฒี่ง หลาด กู้ หงว่าย เจี๋ย, ม่าย เต้า มเซียะ ตอน เห่ว นิ่น, “เยีย เญย เฒี้ยว, ฮู่ง เตี๋ย อ้า! โท้ เถง เยีย ม่าะ!”
27ฮู่ง เตี๋ย เตา, “สี ก๊อง เฒี้ยว ไม้ เถง เม่ย, เยีย ฮนั้ง หาย นอ ไฮ่ ล์อ เจ๊า เถง เม่ย? เซ เยียม เบ๊าะ เบย้า เธี้ยง ไฟ เญว่ย อะหงุ่น เปี๊ยว เญย ฒ่อง ไฮ่ เถง ไฟ?” 28ฮู่ง เตี๋ย แอ๋ง หน่าย นิ่น, “เม่ย ม่าย หาย หญู่ง สี่?”
วั้ว เต้า มเซียะ ตอน เตา, “น้าย เต้า มเซียะ ตอน ก๊อง บั๋ว เยีย, ‘เฒาะ เม่ย เญย ตอน ปุน บัว อี้ ฮนอย หญั่น ม่าะ! ฌัง ฮนอย หญั่น เยีย เญย.’ 29เยีย บัว ฯฒฯ โฒ้ว เยีย เญย ตอน หญั่น หมี่ อ๊ะ. ตะเหญ่ย ฮนอย เยีย ก๊อง บั๋ว นิ่น, ‘เฒาะ เม่ย เญย ตอน ปุน บัว หญั่น ม่าะ!’ มป่า นิ่น เฒาะ นิ่น เญย ตอน ปี๋ง หมี่ อ๊ะ.”#หฑั่ม เล์ย-หลัด 28:57; หน่าน ฒี่ง ฑูง 4:10
30ฮู่ง เตี๋ย ไฮ์ วั้ว เต้า มเซียะ ตอน เญย หว่า นิ่น เป๊ด นิ่น กั้น เญย ลุย. วั้ว หฒั่น ฮู่ง เตี๋ย ยั่ง ฒี่ง หลาด กู้ หงว่าย มี่ง. แปะ ฝีง หมั่ง ปวัด กะญั์ว วั้ว เหยี่ยม ลุย เป๋น ล่าม่า เดีย-โธว. 31นิ่น ก๊อง, “สี ก๊อง อี้ ฮนอย ซาฟัด เญย ตอน, เอลีซา, เญย มฆ้อง หธ่อ ตุ๊ เฒี่ยง เจี๊ยน นิ่น เญย บะเต้า กู้ หงว่าย, โท้ ทิน-ฮู่ง เฮนี้ยๆ เญย ตี่ง เยีย เญย ฒุ์ย.”
32วั้ว หฒั่น เอลีซา เฒว์ย เจี๊ยน นิ่น เญย เปย๊า กะญั์ว. เมี่ยน โก๋ หย่า เหธา นิ่น เฒว์ย วั้ว. ฮู่ง เตี๋ย พ้าย เต้า เมี่ยน มี่ง ด่าง, มป่า มี่ง ไม้ แก้ง เถา, เอลีซา ก๊อง บั๋ว วั้ว เต๋ย เมี่ยน โก๋, “เม่ย บัว ปวัด เญย ไฟ? วั้ว เต้า ไต๋ เมี่ยน เญย เมี่ยน พ้าย เมี่ยน ต้าย ฮงะ เยีย เญย มฆ้อง ดุ๊ด. หมั่ง เจี๊ยน อ๊ะ, วั้ว เต้า เมี่ยน ต้าย เถา อ๋อย หฒุ เฒาะ แก้ง กวน เจี๊ยน หย่า ฟ้ง เจี๊ยน ไม้ ปุน เปียะ. นิ่น เญย เฒี้ยว หย่า กัน เจี๊ยน นิ่น ต้าย ไม้ เฒ์ย?”#6:32 ฮิบลู หว่า ก๊อง, “นิ่น เญย เฒี้ยว เญย เหฒา-เบี่ย เญย เฉีย กัน เจี๊ยน นิ่น ต้าย ไม้ เฒ์ย?”.
33เอลีซา ก๊อง เจี๊ยน หว่า ฒู้ง ไม้ แก้ง เซ้ด, ฮู่ง เตี๋ย#6:33 ฮู่ง เตี๋ย ไฟ “ฮู่ง เตี๋ย พ้าย ต้าย วั้ว เต้า”. เถา ต้าย อ๊ะ. ฮู่ง เตี๋ย ก๊อง, “น้าย เต๋ย เหฒะ หน่าน เยียม เฒี้ยว ต้าย. เยีย ฝู่ง แอ๋ง อ๋อย หฒุ ฒั้ว เฒี้ยว? ”
Currently Selected:
2 ฮู่ง โต้ว 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
2 ฮู่ง โต้ว 6
6
โป๊ว เบี้ยว ววม
1วั้ว กวั้น โต่ว หว่า เมี่ยน ก๊อง บั๋ว เอลีซา, “หมั่ง ม่าะ! เยีย บัว เหธา เม่ย จวั่ง เยียม เญย ต๋อง เหบ ไห่. 2โท้ ปุน เยีย บัว มี่ง จอแดน ด้าย เฮลน, เหยียด เต้า แก๊ะ ติ้ว เดี๋ยง โหฒว เปย๊า เยียม วั้ว.”
เอลีซา ก๊อง, “กุ๊น มี่ง ม่าะ!”
3ม่าย เต้า วั้ว เต๋ย เมี่ยน ก๊อง, “โท้ เม่ย เหธา เม่ย เญย โปว บัว มี่ง ม่าะ!”
เอลีซา ก๊อง, “เยีย มี่ง เญย.” 4นิ่น ฯฒฯ เหธา นิ่น บัว มี่ง.
มี่ง เถา จอแดน ด้าย เฮลน, นิ่น บัว เจี์ย กอน ก๋อย เดี๋ยง. 5ม่าย เต้า เมี่ยน ก๋อย เดี๋ยง วั้ว หฒั่น, โป๊ว ดุ๊ด มี่ง ด๊อด เหฌี่ย ววม. นิ่น ฯฒฯ เห่ว, “โอ๊, ต้ม ก๋อ อ้า! น้าย ฒูง โป๊ว เซ เยีย ก๊า ต้าย.”
6ทิน-ฮู่ง เญย เมี่ยน หน่าย ก๋า, “โป๊ว ด๊อด หาย นอม ต๋อง?” นิ่น นุ ปุน เอลีซา หมั่ง ลิ์ว, เอลีซา ฯฒฯ เฆน หฆัน เดี๋ยง ฒอย เหฌี่ย วั้ว นอม ต๋อง ปุน วั้ว ฒูง เฮลียะ-โป๊ว เบี้ยว ฝาว ต้าย. 7เอลีซา ก๊อง, “เฒาะ ธ้วด ต้าย ม่าะ!” วั้ว เต้า เมี่ยน ฯฒฯ ซูง ปั์ว เฒาะ ธ้วด ต้าย.
ซีเลีย แปง หฒุ เซวย
8ซีเลีย กั๊วะ เญย ฮู่ง เหธา อิสะลาเอน เมี่ยน เบ๊าะ จ๋า. ซีเลีย เญย ฮู่ง เหธา นิ่น เญย แปง-เปย๊ย ก๊อง, “เยีย อ๋อย เยียม น้าย เยียม วั้ว เหลียบ เยีย เญย เธี้ยง.”
9มป่า ทิน-ฮู่ง เญย เมี่ยน ปุน หว่า มี่ง บั๋ว อิสะลาเอน เญย ฮู่ง, “อ๋อย หฒุ ไฝ ฟิม, ไม้ ตู๋ง ยั่ง วั้ว นอม ต๋อง มี่ง, เหว่ย หฒุ ซีเลีย เมี่ยน อ๋อย เหฌี่ย วั้ว เดี๊ย.” 10อิสะลาเอน เญย ฮู่ง ฯฒฯ พ้าย เมี่ยน มี่ง ฒ่า หมั่ง ทิน-ฮู่ง เญย เมี่ยน ก๊อง วั้ว นอม ต๋อง. เอลีซา ฮนั้ง หน่าย ต๊น ปุน ฮู่ง เตี๋ย บู้ง ไม้ เฒ้ย เหยียด หฑุ่น อี หฑุ่น.
11ซีเลีย เญย ฮู่ง เหว่ย น้าย เต๋ย สี่ เฉีย เจี์ย ไห่. นิ่น ฯฒฯ เห่ว นิ่น เญย แปง-เปย๊ย ต้าย ก๊อง, “เยียม เม่ย บัว น้าย ม่าย หาย เต้า เถง อิสะลาเอน เญย ฮู่ง, เม่ย บัว ไม้ อ๋อย บั๋ว เยีย ไฟ?”
12ม่าย เต้า นิ่น เญย แปง-เปย๊ย ก๊อง, “เยีย เญย เฒี้ยว, ฮู่ง เตี๋ย อ่า, ไม้ ม่าย หาย เต้า. เซ ต้ง เยียม อิสะลาเอน วั้ว เต้า โต่ว หว่า เมี่ยน, เอลีซา, เฒาะ ฮู่ง เตี๋ย เยียม กั้น เญย เกน ก๊อง เญย โจ๋วๆ หว่า ก๊อง บั๋ว อิสะลาเอน เญย ฮู่ง.”
13ฮู่ง เตี๋ย ก๊อง, “มี่ง หมั่ง ก๋า นิ่น เยียม หาย, เยีย ฯฒฯ ไฮ่ พ้าย เมี่ยน มี่ง เฒาะ นิ่น.”
ม่าย เต้า ต้าย บั๋ว ฮู่ง เตี๋ย, “นิ่น เยียม โดทาน.”
14ฮู่ง เตี๋ย ฯฒฯ พ้าย ม์า เหธา เบ๊าะ จ๋า เญย ม์า-เธีย เหธา ต้ม แปง-กวั้น. นิ่น บัว ลู่ง ม์วน หฒั่น มี่ง เถา, ฯฒฯ เว่ย เจี๊ยน วั้ว นอม ฒี่ง.
15ตะเหญ่ย ดอม, ทิน-ฮู่ง เญย เมี่ยน เญย โปว เจี์ย ซิน ต้าย เฑี้ยว เญย, ธ้วด แก้ง ขะเดา ปวัด แปง เหธา ม์า เหธา ม์า-เธีย เว่ย เจี๊ยน ฒี่ง อ๊ะ. วั้ว เต้า โปว หน่าย ก๋า เอลีซา, “โอ๊, ต้ม ก๋อ อ้า! ฝู่ง โหฒว อ๊ะ?”
16เอลีซา เตา, “ไม้ ตู๋ง กั้ม เหฑีย. เหธา บัว เยียม น้าย เต๋ย เก้า ธั้ม เหธา นิ่น บัว เยียม วั้ว เต๋ย.”
17เอลีซา ฯฒฯ เต๋า เก๋า ก๊อง, “โอ เฒี้ยว อ่า, โท้ ปุน น้าย เต้า เมี่ยน เญย มฒีง ไฮ่ หมั่ง ตุ๊ ปวัด.” เฒี้ยว ฯฒฯ ปุน วั้ว เต้า โปว เญย มฒีง ไฮ่ หมั่ง ตุ๊ ปวัด. นิ่น หมั่ง ฯฒฯ ปวัด ม่าย โต์ว เญย ม์า-เธีย เหธา ม์า เยียม วั้ว บง เว่ย ก๋อม เอลีซา.
18วิน-วั้ง ต้าย เบ๊าะ วั้ว หฒั่น, เอลีซา เต๋า เก๋า โท้ เฒี้ยว, “โท้ ปุน น้าย เต๋ย เมี่ยน เญย มฒีง บั๊ว.” เฒี้ยว เอย เอลีซา โท้ เญย หว่า ปุน นิ่น บัว เญย มฒีง บั๊ว เหฑ่ง.
19เอลีซา ก๊อง บั๋ว นิ่น บัว, “เซ ไม้ เฒ์ย น้าย ติ้ว เจ๊า หย่า ไม้ เฒ์ย น้าย นอม ฒี่ง. กุ๊น กัน เจี๊ยน เยีย มี่ง, เยีย ฯฒฯ ต้อ เม่ย บัว มี่ง เถา เม่ย บัว ล์อ วั้ว เต้า เมี่ยน.” นิ่น ฯฒฯ ต้อ นิ่น บัว มี่ง เถา สะมาเลีย.
20นิ่น บัว เปียะ ฒี่ง กะญั์ว, เอลีซา เต๋า เก๋า ก๊อง, “เฒี้ยว อ่า, โท้ ปุน น้าย เต๋ย เมี่ยน เญย มฒีง ไฮ่ หมั่ง ตุ๊ ปวัด.” เฒี้ยว ปุน นิ่น บัว เญย มฒีง หมั่ง ตุ๊ ปวัด, นิ่น บัว ฯฒฯ ปวัด เยียม สะมาเลีย ฒี่ง กะญั์ว.
21อิสะลาเอน เญย ฮู่ง ปวัด นิ่น บัว, นิ่น หน่าย เอลีซา, “ต้ม ก๋อ อ่า,#6:21 ฮิบลู หว่า ก๊อง เยีย เญย เตีย อ่า. เยีย อ๋อย หฒุ ไต๋ นิ่น บัว กวั่ง ไฟ? เยีย อ๋อย หฒุ ไต๋ นิ่น บัว กวั่ง ไฟ?”
22เอลีซา เตา, “ไม้ ตู๋ง ไต๋ นิ่น บัว. เม่ย หล่ง เม่ย กั้น เญย หฑุ ด๊าว, หล่ง จวัง-หฒิน ไต๋ เม่ย เบ๊าะ จ๋า ธ้าง ตุ๊ เญย เมี่ยน ไฟ? อ๋อย หฒุ เบ่น หฮนาง ปุน นิ่น บัว หญั่น หย่า ปุน ววม นิ่น บัว ฮบ แอ๋ง ปู๋ง นิ่น บัว หฑวน นิ่น บัว กั้น เญย เฒี้ยว วั้ว.” 23ฮู่ง เตี๋ย ฯฒฯ เหว่ย นิ่น บัว เบ่น หญั่น ฮบ โฮล เญย. นิ่น บัว หญั่น ลิ์ว ฮบ ลิ์ว นิ่น ปู๋ง นิ่น บัว มี่ง อ๊ะ. นิ่น บัว ฯฒฯ หฑวน นิ่น บัว กั้น เญย เฒี้ยว วั้ว.
เยียม หน่าย ต้าย, ซีเลีย เมี่ยน ไม้ เปียะ อิสะลาเอน เต่ย-ปูง ธ้าง กะน้าย.
วิน-วั้ง เว่ย เจี๊ยน สะมาเลีย
24โหฒว เกา, ฆะฮ้า ซีเลีย เญย ฮู่ง, เบนฮาดัด, ติ่ว ฑ่อย นิ่น เญย เหยียด ฒู้ง แปง ธ้วด มี่ง เว่ย เจี๊ยน สะมาเลีย. 25เยียม สะมาเลีย หง่อ หฮนาง โค้ว ไห่ อ๊ะ. นิ่น บัว หฒุ เว่ย เจี๊ยน เล่า เญย, เถา เหยียด นอม ล่อ มฆ้อง หม่าย ตุ๊ หญี่ เหฒียบ หลัวะ ลู์ง#6:25 ฮิบลู หว่า ก๊อง 80 เซเขน. เซ เล่ย ไม้ โก เหยียด กีโล. ญ่าน, ด๊าม-เมาะ#6:25 ฮิบลู หว่า ก๊อง “เหยียด ค้าบ เปยย โก๊ว เญย เหยียด โก๊ว.” เซ เล่ย ไม้ โก 0.3 ลิด. เฮยี่ย ธง#6:25 ฮิบลู หว่า ก๊อง แปะ ก๊บ ไฆ้. ไม้ ม่าย หาย เต้า ฮิ้ว ตี่ง เป๋น หาย หญู่ง. เหฑีย ไฮ่ เป๋น เฮยี่ย ธง ไฟ เฮยี่ย โจว มเปย. หม่าย ตุ๊ เล่ย ไม้ โก เหยียด ลู์ง ฮม์ ฒิ่น#6:25 ฮิบลู หว่า ก๊อง 5 เซเขน. เซ เล่ย ไม้ โก 55 กัม. ญ่าน.
26ม่าย ฮนอย อิสะลาเอน เญย ฮู่ง ยั่ง ฒี่ง หลาด กู้ หงว่าย เจี๋ย, ม่าย เต้า มเซียะ ตอน เห่ว นิ่น, “เยีย เญย เฒี้ยว, ฮู่ง เตี๋ย อ้า! โท้ เถง เยีย ม่าะ!”
27ฮู่ง เตี๋ย เตา, “สี ก๊อง เฒี้ยว ไม้ เถง เม่ย, เยีย ฮนั้ง หาย นอ ไฮ่ ล์อ เจ๊า เถง เม่ย? เซ เยียม เบ๊าะ เบย้า เธี้ยง ไฟ เญว่ย อะหงุ่น เปี๊ยว เญย ฒ่อง ไฮ่ เถง ไฟ?” 28ฮู่ง เตี๋ย แอ๋ง หน่าย นิ่น, “เม่ย ม่าย หาย หญู่ง สี่?”
วั้ว เต้า มเซียะ ตอน เตา, “น้าย เต้า มเซียะ ตอน ก๊อง บั๋ว เยีย, ‘เฒาะ เม่ย เญย ตอน ปุน บัว อี้ ฮนอย หญั่น ม่าะ! ฌัง ฮนอย หญั่น เยีย เญย.’ 29เยีย บัว ฯฒฯ โฒ้ว เยีย เญย ตอน หญั่น หมี่ อ๊ะ. ตะเหญ่ย ฮนอย เยีย ก๊อง บั๋ว นิ่น, ‘เฒาะ เม่ย เญย ตอน ปุน บัว หญั่น ม่าะ!’ มป่า นิ่น เฒาะ นิ่น เญย ตอน ปี๋ง หมี่ อ๊ะ.”#หฑั่ม เล์ย-หลัด 28:57; หน่าน ฒี่ง ฑูง 4:10
30ฮู่ง เตี๋ย ไฮ์ วั้ว เต้า มเซียะ ตอน เญย หว่า นิ่น เป๊ด นิ่น กั้น เญย ลุย. วั้ว หฒั่น ฮู่ง เตี๋ย ยั่ง ฒี่ง หลาด กู้ หงว่าย มี่ง. แปะ ฝีง หมั่ง ปวัด กะญั์ว วั้ว เหยี่ยม ลุย เป๋น ล่าม่า เดีย-โธว. 31นิ่น ก๊อง, “สี ก๊อง อี้ ฮนอย ซาฟัด เญย ตอน, เอลีซา, เญย มฆ้อง หธ่อ ตุ๊ เฒี่ยง เจี๊ยน นิ่น เญย บะเต้า กู้ หงว่าย, โท้ ทิน-ฮู่ง เฮนี้ยๆ เญย ตี่ง เยีย เญย ฒุ์ย.”
32วั้ว หฒั่น เอลีซา เฒว์ย เจี๊ยน นิ่น เญย เปย๊า กะญั์ว. เมี่ยน โก๋ หย่า เหธา นิ่น เฒว์ย วั้ว. ฮู่ง เตี๋ย พ้าย เต้า เมี่ยน มี่ง ด่าง, มป่า มี่ง ไม้ แก้ง เถา, เอลีซา ก๊อง บั๋ว วั้ว เต๋ย เมี่ยน โก๋, “เม่ย บัว ปวัด เญย ไฟ? วั้ว เต้า ไต๋ เมี่ยน เญย เมี่ยน พ้าย เมี่ยน ต้าย ฮงะ เยีย เญย มฆ้อง ดุ๊ด. หมั่ง เจี๊ยน อ๊ะ, วั้ว เต้า เมี่ยน ต้าย เถา อ๋อย หฒุ เฒาะ แก้ง กวน เจี๊ยน หย่า ฟ้ง เจี๊ยน ไม้ ปุน เปียะ. นิ่น เญย เฒี้ยว หย่า กัน เจี๊ยน นิ่น ต้าย ไม้ เฒ์ย?”#6:32 ฮิบลู หว่า ก๊อง, “นิ่น เญย เฒี้ยว เญย เหฒา-เบี่ย เญย เฉีย กัน เจี๊ยน นิ่น ต้าย ไม้ เฒ์ย?”.
33เอลีซา ก๊อง เจี๊ยน หว่า ฒู้ง ไม้ แก้ง เซ้ด, ฮู่ง เตี๋ย#6:33 ฮู่ง เตี๋ย ไฟ “ฮู่ง เตี๋ย พ้าย ต้าย วั้ว เต้า”. เถา ต้าย อ๊ะ. ฮู่ง เตี๋ย ก๊อง, “น้าย เต๋ย เหฒะ หน่าน เยียม เฒี้ยว ต้าย. เยีย ฝู่ง แอ๋ง อ๋อย หฒุ ฒั้ว เฒี้ยว? ”
Mien Bible (Thai Script) © Thailand Bible Society, 2007