2 ฮู่ง โต้ว 5
5
นาอามาน ตุ๊ หฒ่อ หลง
1นาอามาน โหฒว ซีเลีย#5:1 ซีเลีย ม่าย กั้น นอม บั๋ว เห่ว อาลัม. ฮู่ง เญย ต้ม แปง-เปย๊ย. นิ่น เญย เฒี้ยว ฝุน นิ่น โหฒว หล่ง เจี๊ยน เญย เมี่ยน หย่า ท่าย นิ่น, เหว่ย หฒุ เฒี้ยว หล่ง นิ่น เถง ซีเลีย กั๊วะ ตุ๊ ฮี่ง. นิ่น เป๋น เหยียด เต้า เบ๊าะ จ๋า เฮ้น เญย เมี่ยน, มป่า นิ่น ปุ๊ด ก้ม ฮู้ แป่ง.#ลูกา 4:27
2ม่าย หฑุ่น ซีเลีย เญย เหฒีย กวั้น แปง มี่ง เบ๊าะ อิสะลาเอน เต่ย-ปูง วั้ว หฒั่น นิ่น บัว ธ้าง ตุ๊ เต้า เซียะ-ไฝ. น้าย เต้า เซียะ-ไฝ ฟู-สู นาอามาน เญย เอ๊า. 3วั้ว เต้า เซียะ ก๊อง บั๋ว นิ่น เญย เฒี้ยว, นาอามาน เญย เอ๊า, “เฝย ตุ๊ เยีย เญย เฒี้ยว มี่ง ปวั้ง เยียม สะมาเลีย เญย โต่ว หว่า เมี่ยน. น้าย เต้า เมี่ยน ไฮ่ หฒ่อ นิ่น เญย แป่ง หลง.”
4นาอามาน ฯฒฯ มี่ง บั๋ว นิ่น เญย เฒี้ยว, ซีเลีย เญย ฮู่ง เตี๋ย, วั้ว เต้า อิสะลาเอน เซียะ ฮนั้ง หาย นอ ก๊อง, 5ซีเลีย เญย ฮู่ง ก๊อง, “เม่ย กุ๊น มี่ง อ๊ะ ม่าะ! เยีย ฯฒฯ ฝูง เฝียน มี่ง ปุน อิสะลาเอน เญย ฮู่ง.” นาอามาน ฯฒฯ ธ้วด เจ๊า, ต้อ เจี๊ยน หญี่ แป๊ะ เหฒียบ จ้อย ญ่าน#5:5 ฮิบลู หว่า ก๊อง 10 ตะลัน. เซ เล่ย ไม้ โก 340 กีโล. เหธา เฝย เหฒียบ ฟาม จ้อย#5:5 ฮิบลู หว่า ก๊อง 6,000 เซเขน. เซ เล่ย ไม้ โก 70 กีโล. เจียม เหธา เหฒียบ เหยี่ยม ลุย-โหว มี่ง. 6นิ่น ต้อ มี่ง ปุน อิสะลาเอน เญย ฮู่ง วั้ว เฒ้ย เฝียน ฮนั้ง น้าย นอ ก๊อง, “เยีย ฝูง น้าย เฒ้ย เฝียน เหธา เยีย เญย ต้ม เจียน, นาอามาน, มี่ง เม่ย หน่าย เหว่ย โท้ เม่ย หฒ่อ นิ่น เญย ด๊บ ฮู้ แป่ง หลง.”
7อิสะลาเอน เญย ฮู่ง โตะ ลิ์ว น้าย เฒ้ย เฝียน, นิ่น เป๊ด นิ่น เญย ลุย หย่า ก๊อง, “เยีย โหฒว ทิน-ฮู่ง? ไฮ่ ปุน เมี่ยน ไต่, ปุน เมี่ยน นั่ง ไฟ? น้าย เต้า เมี่ยน หธีง ฝูง เฝียน เห่ว เยีย หฒ่อ น้าย เต้า เมี่ยน เญย ก้ม ฮู้ แป่ง หลง. หมั่ง ม่าะ! นิ่น ขูง ล์อ สี่ เหธา เยีย แฑง ฮนั้ง.”
8ทิน-ฮู่ง เญย เมี่ยน, เอลีซา, ไฮ์ ก๊อง ฮู่ง เตี๋ย เป๊ด นิ่น เญย ลุย, นิ่น ฯฒฯ พ้าย เมี่ยน มี่ง ก๊อง, “เม่ย เหว่ย หาย ติ่ว เป๊ด เม่ย เญย ลุย? กุ๊น เห่ว หน่าย เต้า เมี่ยน ต้าย เยีย น้าย. นิ่น ฯฒฯ ฮิ้ว ตุ๊ เยียม อิสะลาเอน เต่ย-ปูง ม่าย เต้า โต่ว หว่า เมี่ยน.” 9นาอามาน ฯฒฯ ต้อ เจี๊ยน นิ่น เญย เหยียด ฒู้ง ม์า เหธา ม์า-เธีย มี่ง ตี้ง เจี๊ยน เอลีซา เญย แก้ง ด่าง. 10เอลีซา เห่ว เต้า โต่ว เฝียน เมี่ยน ธ้วด มี่ง บั๋ว นาอามาน, “มี่ง จอแดน ด้าย หฑาว เสี่ย หฑุ่น ซิน. เม่ย เญย อ๊อ ฯฒฯ หลง ฮนั้ง โล์ วั้ว นอ. เม่ย หย่า ธีง-เหฑ่ง หมี่ อ๊ะ.”
11มป่า นาอามาน เฉีย เจี์ย เจี๊ยน มี่ง หมี่ อ๊ะ. นิ่น ก๊อง, “เยีย หล่าย นิ่น อ๋อย ธ้วด ต้าย ล์อ เยีย, โซ้ว เจี๊ยน เต๋า เก๋า เห่ว เฒี้ยว, นิ่น เญย ทิน-ฮู่ง, เญย บั๋ว, หย่า หฮวัง ปั์ว เยียม ปุ๊ด แป่ง เญย ต๋อง กู้ หงว่าย, หฒ่อ เยีย เญย ก้ม ฮู้ แป่ง หลง. 12ดามัดกัด เญย ด้าย, อาบานา เหธา ฟานปา, ไม้ เฒ์ย เก้า หลง อิสะลาเอน เญย ติ้วๆ ววม ไฟ? เยีย เยียม วั้ว หฑาว หย่า ไฮ่ ตุ๊ ธีง-เหฑ่ง ต้าย ไม้ เฒ์ย?” นิ่น ฯฒฯ ต๋าว ซิน เฉีย เจี์ย เจี๊ยน มี่ง หมี่ อ๊ะ.
13มป่า นาอามาน เญย โปว มี่ง เถา นิ่น เญย หฑะเฮมียน ก๊อง, “ต้ม ก๋อ อ่า,#5:13 ฮิบลู หว่า ก๊อง เยีย เญย เตีย อ่า. สี ก๊อง วั้ว เต้า โต่ว หว่า เมี่ยน เห่ว เม่ย โหฒว เหยียด หญู่ง โฮล เญย สี่, ต้ม ก๋อ มต้าย โหฒว เญย ไม้ เฒ์ย? ฮนั้ง หน่าย, นิ่น บั๋ว ต้ม ก๋อ, ‘มี่ง หฑาว ฯฒฯ ธีง-เหฑ่ง อ๊ะ,’ ไม้ เฒ์ย เก้า อ๋อย หฒุ โหฒว ไฟ?” 14นาอามาน ฯฒฯ เอย เจี๊ยน ทิน-ฮู่ง เญย เมี่ยน เญย หว่า เหฌี่ย จอแดน ด้าย เหฒียม เสี่ย หฑุ่น. นิ่น เญย อ๊อ ฯฒฯ หฑวน โล์ ฮนั้ง ฝุเจว๊ย เญย อ๊อ นอ, นิ่น หย่า ธีง-เหฑ่ง หมี่ อ๊ะ.
15นาอามาน เหธา กัน นิ่น เญย เหยียด ฒู้ง เมี่ยน หฑวน เถา ทิน-ฮู่ง เญย เมี่ยน วั้ว, โซ้ว เจี๊ยน เอลีซา เญย หฑะเฮมียน ก๊อง, “อี้ หฒั่น เยีย ฮิ้ว ตุ๊ เยียม ลู่ง เดี๊ย ไม้ ม่าย ทิน-ฮู่ง ธ้วด ลิ์ว เยียม อิสะลาเอน เต่ย-ปูง. อี้ หฒั่น โท้ ฒิบ เยีย, เม่ย เญย โปว, อ๋อย จิว ปุน เญย ฒี่ง เหญ่ย.”
16เอลีซา เตา, “เยีย เฒี้ยง เจี๊ยน เฒี่ยง เจี๊ยน เญย เฒี้ยว, ต้ง เยีย ฟู-สู วั้ว เต้า แล์ง หว่า, เยีย ไม้ ฒิบ เหยียด หญู่ง.” ไม้ กุ๊น นาอามาน ชะ โท้ นิ่น หล่ง, นิ่น แหง่ง เจี๊ยน ไม้ หล่ง.
17นาอามาน ก๊อง, “เม่ย หฒะเก้ง ไม้ หล่ง นอ, โท้ เม่ย ปุน เก๋า อี เต้า ล่อ ทอ เญย เนีย เยีย, เม่ย เญย โปว, เหว่ย หฒุ เยียม น้าย มี่ง เม่ย เญย โปว ไม้ ฝ่ง ห่อ ปั๊ว เหฒี่ย เญย กะน้าย ไฟ หล่ง หาย หญู่ง เหฒี่ย หาย เต้า เฒี่ยน ธ้วด ลิ์ว เหฒี่ย ปุน เฒี้ยว. #5:17 นาอามาน โท้ เนีย เหว่ย หฒุ นิ่น เสียน สี ก๊อง อ๋อย หฒั่ง หาย เต้า เฒี่ยน, อ๋อย หฒุ เยียม วั้ว เต้า เฒี่ยน เญย เดา หธีง ต้าย ไฮ่ หฒั่ง ตุ๊ หอบ. 18มป่า โท้ เฒี้ยว กวั่ง เยีย, เม่ย เญย โปว, โหฒว เญย น้าย เหยียด หญู่ง สี่. เซ เยีย เญย เฒี้ยว เปียะ ลิมโมน เฒี่ยน เญย หมิ่ว-เปย๊า โด๊ะ เหฌี่ย ป๋าย เญย เฒี่ยง โห่, นิ่น หย่า ปั่ง เยีย เญย ปั์ว เปียะ, เยีย หย่า เยียม วั้ว โด๊ะ เหฌี่ย. เยีย เยียม ลิมโมน เญย หมิ่ว-เปย๊า โด๊ะ เหฌี่ย เญย เฒี่ยง โห่, โท้ เฒี้ยว กวั่ง ฆอย เยีย, เม่ย เญย โปว, เญย ฒุ์ย.”
19เอลีซา ก๊อง, “เม่ย กุ๊น แป้ง ออน เญย หฑวน.”
นาอามาน ธ้วด เจ๊า มี่ง ไม้ แก้ง โก ด่ง หาย, 20ทิน-ฮู่ง เญย เมี่ยน, เอลีซา เญย โปว, เกหะซี, เยียม เฮญี้ยว ฮนั้ม, “เยีย เญย เฒี้ยว ปะหละ ค้อ-เลี่ยน นาอามาน, ไม้ หล่ง เหยียด หญู่ง นิ่น ต้อ ต้าย เญย กะน้าย. เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง เยีย อ๋อย ถิว มี่ง หฒุ่น หฒ่าย โท้ เต๋ย นิ่น เญย กะน้าย.”
21เกหะซี ฯฒฯ ก๊าน เจี๊ยน กัน นาอามาน มี่ง. นาอามาน ปวัด เต้า เมี่ยน ถิว เจี๊ยน ต้าย, นิ่น ฯฒฯ เหฌี่ย เธีย ฒิบ. นิ่น ก๊อง, “ม่าย หาย หญู่ง เจ๊า ไฟ?”
22เกหะซี เตา, “ไม้ ม่าย หาย หญู่ง เหลาะ. เยีย เญย เฒี้ยว พ้าย เยีย ต้าย ก๊อง, ‘อะจัง ม่าย อี เต้า วั้ว กวั้น โต่ว หว่า เมี่ยน เญย เมี่ยน หลุน เมี่ยน เยียม เอฟาอิม เญย บง-ไอ๊ ต๋อง ต้าย. โท้ ปุน หญี่ เหฒียบ เยี้ยด จ้อย#5:22 ฮิบลู หว่า ก๊อง เหยียด ตะลัน. เซ เล่ย ไม้ โก 34 กีโล. ญ่าน นิ่น บัว เหธา อี เหยี่ยม ลุย-โหว.’”
23นาอามาน ก๊อง, “โท้ ต้อ เฝย เหฒียบ เหญ่ย จ้อย#5:23 ฮิบลู หว่า ก๊อง 2 ตะลัน. เซ เล่ย ไม้ โก 68 กีโล. ญ่าน มี่ง ม่าะ!” นิ่น ชะ โท้ เกหะซี หล่ง ฯฒฯ เฒาะ เฝย เหฒียบ เหญ่ย จ้อย ญ่าน ตั๊บ อี นอม บัวะ, แอ๋ง เฒาะ อี เหยี่ยม ลุย-โหว ตั๊บ เจี๊ยน. นิ่น หย่า ปุน อี เต้า โปว ดาม เจี๊ยน มี่ง. วั้ว เต๋ย โปว ดาม เจี๊ยน มี่ง ด่าง เกหะซี. 24เถา บง-ไอ๊, เกหะซี เฒาะ โปว ดาม เญย กะน้าย เฮยี้ยด เจี๊ยน เปย๊า ฯฒฯ เห่ว วั้ว เต๋ย โปว หฑวน. นิ่น บัว หย่า หฑวน หมี่ อ๊ะ. 25ฆะฮ้า นิ่น เปียะ มี่ง โซ้ว เจี๊ยน นิ่น เญย เฒี้ยว, เอลีซา, เญย หฑะเฮมียน.
เอลีซา หน่าย, “เกหะซี อ่า, เม่ย มี่ง หาย หฑวน?”
เกหะซี เตา, “เยีย, เม่ย เญย โปว, ไม้ มี่ง หาย.”
26มป่า เอลีซา ก๊อง บั๋ว นิ่น, “วั้ว เต้า เมี่ยน ต๋าว ซิน ต้าย ฒิบ เม่ย เญย เฒี่ยง โห่, เยีย เญย เฮญี้ยว ไม้ เหธา เม่ย มี่ง ไฟ? อี้ หฒั่น เซ เถา เฒี่ยง โห่ ฒิบ ญ่าน ฒิบ ลุย-โหว ไฟ ฒิบ กะลั้น หฮวีง, อะหงุ่น หฮวีง, ง่ง กวั้น, ปะกี ยู่ง กวั้น, โน่ว เก๊า โน่ว เป์ย เญย เฒี่ยง โห่ ไฟ? 27เหว่ย น้าย นาอามาน เญย ก้ม ฮู้ แป่ง ฯฒฯ เจี๋ย เม่ย เหธา เม่ย เญย เฒ้ย-ฟุน เหยียด ลิ์ว อ๋อย ปุ๊ด.” เกหะซี ฯฒฯ เยียม เอลีซา เญย หฑะเฮมียน ธ้วด มี่ง. นิ่น ปุ๊ด ก้ม ฮู้ แป่ง. นิ่น เญย ด๊บ บ๊บ แปะ เญย, ฮนั้ง ซอง นอ.
Currently Selected:
2 ฮู่ง โต้ว 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
2 ฮู่ง โต้ว 5
5
นาอามาน ตุ๊ หฒ่อ หลง
1นาอามาน โหฒว ซีเลีย#5:1 ซีเลีย ม่าย กั้น นอม บั๋ว เห่ว อาลัม. ฮู่ง เญย ต้ม แปง-เปย๊ย. นิ่น เญย เฒี้ยว ฝุน นิ่น โหฒว หล่ง เจี๊ยน เญย เมี่ยน หย่า ท่าย นิ่น, เหว่ย หฒุ เฒี้ยว หล่ง นิ่น เถง ซีเลีย กั๊วะ ตุ๊ ฮี่ง. นิ่น เป๋น เหยียด เต้า เบ๊าะ จ๋า เฮ้น เญย เมี่ยน, มป่า นิ่น ปุ๊ด ก้ม ฮู้ แป่ง.#ลูกา 4:27
2ม่าย หฑุ่น ซีเลีย เญย เหฒีย กวั้น แปง มี่ง เบ๊าะ อิสะลาเอน เต่ย-ปูง วั้ว หฒั่น นิ่น บัว ธ้าง ตุ๊ เต้า เซียะ-ไฝ. น้าย เต้า เซียะ-ไฝ ฟู-สู นาอามาน เญย เอ๊า. 3วั้ว เต้า เซียะ ก๊อง บั๋ว นิ่น เญย เฒี้ยว, นาอามาน เญย เอ๊า, “เฝย ตุ๊ เยีย เญย เฒี้ยว มี่ง ปวั้ง เยียม สะมาเลีย เญย โต่ว หว่า เมี่ยน. น้าย เต้า เมี่ยน ไฮ่ หฒ่อ นิ่น เญย แป่ง หลง.”
4นาอามาน ฯฒฯ มี่ง บั๋ว นิ่น เญย เฒี้ยว, ซีเลีย เญย ฮู่ง เตี๋ย, วั้ว เต้า อิสะลาเอน เซียะ ฮนั้ง หาย นอ ก๊อง, 5ซีเลีย เญย ฮู่ง ก๊อง, “เม่ย กุ๊น มี่ง อ๊ะ ม่าะ! เยีย ฯฒฯ ฝูง เฝียน มี่ง ปุน อิสะลาเอน เญย ฮู่ง.” นาอามาน ฯฒฯ ธ้วด เจ๊า, ต้อ เจี๊ยน หญี่ แป๊ะ เหฒียบ จ้อย ญ่าน#5:5 ฮิบลู หว่า ก๊อง 10 ตะลัน. เซ เล่ย ไม้ โก 340 กีโล. เหธา เฝย เหฒียบ ฟาม จ้อย#5:5 ฮิบลู หว่า ก๊อง 6,000 เซเขน. เซ เล่ย ไม้ โก 70 กีโล. เจียม เหธา เหฒียบ เหยี่ยม ลุย-โหว มี่ง. 6นิ่น ต้อ มี่ง ปุน อิสะลาเอน เญย ฮู่ง วั้ว เฒ้ย เฝียน ฮนั้ง น้าย นอ ก๊อง, “เยีย ฝูง น้าย เฒ้ย เฝียน เหธา เยีย เญย ต้ม เจียน, นาอามาน, มี่ง เม่ย หน่าย เหว่ย โท้ เม่ย หฒ่อ นิ่น เญย ด๊บ ฮู้ แป่ง หลง.”
7อิสะลาเอน เญย ฮู่ง โตะ ลิ์ว น้าย เฒ้ย เฝียน, นิ่น เป๊ด นิ่น เญย ลุย หย่า ก๊อง, “เยีย โหฒว ทิน-ฮู่ง? ไฮ่ ปุน เมี่ยน ไต่, ปุน เมี่ยน นั่ง ไฟ? น้าย เต้า เมี่ยน หธีง ฝูง เฝียน เห่ว เยีย หฒ่อ น้าย เต้า เมี่ยน เญย ก้ม ฮู้ แป่ง หลง. หมั่ง ม่าะ! นิ่น ขูง ล์อ สี่ เหธา เยีย แฑง ฮนั้ง.”
8ทิน-ฮู่ง เญย เมี่ยน, เอลีซา, ไฮ์ ก๊อง ฮู่ง เตี๋ย เป๊ด นิ่น เญย ลุย, นิ่น ฯฒฯ พ้าย เมี่ยน มี่ง ก๊อง, “เม่ย เหว่ย หาย ติ่ว เป๊ด เม่ย เญย ลุย? กุ๊น เห่ว หน่าย เต้า เมี่ยน ต้าย เยีย น้าย. นิ่น ฯฒฯ ฮิ้ว ตุ๊ เยียม อิสะลาเอน เต่ย-ปูง ม่าย เต้า โต่ว หว่า เมี่ยน.” 9นาอามาน ฯฒฯ ต้อ เจี๊ยน นิ่น เญย เหยียด ฒู้ง ม์า เหธา ม์า-เธีย มี่ง ตี้ง เจี๊ยน เอลีซา เญย แก้ง ด่าง. 10เอลีซา เห่ว เต้า โต่ว เฝียน เมี่ยน ธ้วด มี่ง บั๋ว นาอามาน, “มี่ง จอแดน ด้าย หฑาว เสี่ย หฑุ่น ซิน. เม่ย เญย อ๊อ ฯฒฯ หลง ฮนั้ง โล์ วั้ว นอ. เม่ย หย่า ธีง-เหฑ่ง หมี่ อ๊ะ.”
11มป่า นาอามาน เฉีย เจี์ย เจี๊ยน มี่ง หมี่ อ๊ะ. นิ่น ก๊อง, “เยีย หล่าย นิ่น อ๋อย ธ้วด ต้าย ล์อ เยีย, โซ้ว เจี๊ยน เต๋า เก๋า เห่ว เฒี้ยว, นิ่น เญย ทิน-ฮู่ง, เญย บั๋ว, หย่า หฮวัง ปั์ว เยียม ปุ๊ด แป่ง เญย ต๋อง กู้ หงว่าย, หฒ่อ เยีย เญย ก้ม ฮู้ แป่ง หลง. 12ดามัดกัด เญย ด้าย, อาบานา เหธา ฟานปา, ไม้ เฒ์ย เก้า หลง อิสะลาเอน เญย ติ้วๆ ววม ไฟ? เยีย เยียม วั้ว หฑาว หย่า ไฮ่ ตุ๊ ธีง-เหฑ่ง ต้าย ไม้ เฒ์ย?” นิ่น ฯฒฯ ต๋าว ซิน เฉีย เจี์ย เจี๊ยน มี่ง หมี่ อ๊ะ.
13มป่า นาอามาน เญย โปว มี่ง เถา นิ่น เญย หฑะเฮมียน ก๊อง, “ต้ม ก๋อ อ่า,#5:13 ฮิบลู หว่า ก๊อง เยีย เญย เตีย อ่า. สี ก๊อง วั้ว เต้า โต่ว หว่า เมี่ยน เห่ว เม่ย โหฒว เหยียด หญู่ง โฮล เญย สี่, ต้ม ก๋อ มต้าย โหฒว เญย ไม้ เฒ์ย? ฮนั้ง หน่าย, นิ่น บั๋ว ต้ม ก๋อ, ‘มี่ง หฑาว ฯฒฯ ธีง-เหฑ่ง อ๊ะ,’ ไม้ เฒ์ย เก้า อ๋อย หฒุ โหฒว ไฟ?” 14นาอามาน ฯฒฯ เอย เจี๊ยน ทิน-ฮู่ง เญย เมี่ยน เญย หว่า เหฌี่ย จอแดน ด้าย เหฒียม เสี่ย หฑุ่น. นิ่น เญย อ๊อ ฯฒฯ หฑวน โล์ ฮนั้ง ฝุเจว๊ย เญย อ๊อ นอ, นิ่น หย่า ธีง-เหฑ่ง หมี่ อ๊ะ.
15นาอามาน เหธา กัน นิ่น เญย เหยียด ฒู้ง เมี่ยน หฑวน เถา ทิน-ฮู่ง เญย เมี่ยน วั้ว, โซ้ว เจี๊ยน เอลีซา เญย หฑะเฮมียน ก๊อง, “อี้ หฒั่น เยีย ฮิ้ว ตุ๊ เยียม ลู่ง เดี๊ย ไม้ ม่าย ทิน-ฮู่ง ธ้วด ลิ์ว เยียม อิสะลาเอน เต่ย-ปูง. อี้ หฒั่น โท้ ฒิบ เยีย, เม่ย เญย โปว, อ๋อย จิว ปุน เญย ฒี่ง เหญ่ย.”
16เอลีซา เตา, “เยีย เฒี้ยง เจี๊ยน เฒี่ยง เจี๊ยน เญย เฒี้ยว, ต้ง เยีย ฟู-สู วั้ว เต้า แล์ง หว่า, เยีย ไม้ ฒิบ เหยียด หญู่ง.” ไม้ กุ๊น นาอามาน ชะ โท้ นิ่น หล่ง, นิ่น แหง่ง เจี๊ยน ไม้ หล่ง.
17นาอามาน ก๊อง, “เม่ย หฒะเก้ง ไม้ หล่ง นอ, โท้ เม่ย ปุน เก๋า อี เต้า ล่อ ทอ เญย เนีย เยีย, เม่ย เญย โปว, เหว่ย หฒุ เยียม น้าย มี่ง เม่ย เญย โปว ไม้ ฝ่ง ห่อ ปั๊ว เหฒี่ย เญย กะน้าย ไฟ หล่ง หาย หญู่ง เหฒี่ย หาย เต้า เฒี่ยน ธ้วด ลิ์ว เหฒี่ย ปุน เฒี้ยว. #5:17 นาอามาน โท้ เนีย เหว่ย หฒุ นิ่น เสียน สี ก๊อง อ๋อย หฒั่ง หาย เต้า เฒี่ยน, อ๋อย หฒุ เยียม วั้ว เต้า เฒี่ยน เญย เดา หธีง ต้าย ไฮ่ หฒั่ง ตุ๊ หอบ. 18มป่า โท้ เฒี้ยว กวั่ง เยีย, เม่ย เญย โปว, โหฒว เญย น้าย เหยียด หญู่ง สี่. เซ เยีย เญย เฒี้ยว เปียะ ลิมโมน เฒี่ยน เญย หมิ่ว-เปย๊า โด๊ะ เหฌี่ย ป๋าย เญย เฒี่ยง โห่, นิ่น หย่า ปั่ง เยีย เญย ปั์ว เปียะ, เยีย หย่า เยียม วั้ว โด๊ะ เหฌี่ย. เยีย เยียม ลิมโมน เญย หมิ่ว-เปย๊า โด๊ะ เหฌี่ย เญย เฒี่ยง โห่, โท้ เฒี้ยว กวั่ง ฆอย เยีย, เม่ย เญย โปว, เญย ฒุ์ย.”
19เอลีซา ก๊อง, “เม่ย กุ๊น แป้ง ออน เญย หฑวน.”
นาอามาน ธ้วด เจ๊า มี่ง ไม้ แก้ง โก ด่ง หาย, 20ทิน-ฮู่ง เญย เมี่ยน, เอลีซา เญย โปว, เกหะซี, เยียม เฮญี้ยว ฮนั้ม, “เยีย เญย เฒี้ยว ปะหละ ค้อ-เลี่ยน นาอามาน, ไม้ หล่ง เหยียด หญู่ง นิ่น ต้อ ต้าย เญย กะน้าย. เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง เยีย อ๋อย ถิว มี่ง หฒุ่น หฒ่าย โท้ เต๋ย นิ่น เญย กะน้าย.”
21เกหะซี ฯฒฯ ก๊าน เจี๊ยน กัน นาอามาน มี่ง. นาอามาน ปวัด เต้า เมี่ยน ถิว เจี๊ยน ต้าย, นิ่น ฯฒฯ เหฌี่ย เธีย ฒิบ. นิ่น ก๊อง, “ม่าย หาย หญู่ง เจ๊า ไฟ?”
22เกหะซี เตา, “ไม้ ม่าย หาย หญู่ง เหลาะ. เยีย เญย เฒี้ยว พ้าย เยีย ต้าย ก๊อง, ‘อะจัง ม่าย อี เต้า วั้ว กวั้น โต่ว หว่า เมี่ยน เญย เมี่ยน หลุน เมี่ยน เยียม เอฟาอิม เญย บง-ไอ๊ ต๋อง ต้าย. โท้ ปุน หญี่ เหฒียบ เยี้ยด จ้อย#5:22 ฮิบลู หว่า ก๊อง เหยียด ตะลัน. เซ เล่ย ไม้ โก 34 กีโล. ญ่าน นิ่น บัว เหธา อี เหยี่ยม ลุย-โหว.’”
23นาอามาน ก๊อง, “โท้ ต้อ เฝย เหฒียบ เหญ่ย จ้อย#5:23 ฮิบลู หว่า ก๊อง 2 ตะลัน. เซ เล่ย ไม้ โก 68 กีโล. ญ่าน มี่ง ม่าะ!” นิ่น ชะ โท้ เกหะซี หล่ง ฯฒฯ เฒาะ เฝย เหฒียบ เหญ่ย จ้อย ญ่าน ตั๊บ อี นอม บัวะ, แอ๋ง เฒาะ อี เหยี่ยม ลุย-โหว ตั๊บ เจี๊ยน. นิ่น หย่า ปุน อี เต้า โปว ดาม เจี๊ยน มี่ง. วั้ว เต๋ย โปว ดาม เจี๊ยน มี่ง ด่าง เกหะซี. 24เถา บง-ไอ๊, เกหะซี เฒาะ โปว ดาม เญย กะน้าย เฮยี้ยด เจี๊ยน เปย๊า ฯฒฯ เห่ว วั้ว เต๋ย โปว หฑวน. นิ่น บัว หย่า หฑวน หมี่ อ๊ะ. 25ฆะฮ้า นิ่น เปียะ มี่ง โซ้ว เจี๊ยน นิ่น เญย เฒี้ยว, เอลีซา, เญย หฑะเฮมียน.
เอลีซา หน่าย, “เกหะซี อ่า, เม่ย มี่ง หาย หฑวน?”
เกหะซี เตา, “เยีย, เม่ย เญย โปว, ไม้ มี่ง หาย.”
26มป่า เอลีซา ก๊อง บั๋ว นิ่น, “วั้ว เต้า เมี่ยน ต๋าว ซิน ต้าย ฒิบ เม่ย เญย เฒี่ยง โห่, เยีย เญย เฮญี้ยว ไม้ เหธา เม่ย มี่ง ไฟ? อี้ หฒั่น เซ เถา เฒี่ยง โห่ ฒิบ ญ่าน ฒิบ ลุย-โหว ไฟ ฒิบ กะลั้น หฮวีง, อะหงุ่น หฮวีง, ง่ง กวั้น, ปะกี ยู่ง กวั้น, โน่ว เก๊า โน่ว เป์ย เญย เฒี่ยง โห่ ไฟ? 27เหว่ย น้าย นาอามาน เญย ก้ม ฮู้ แป่ง ฯฒฯ เจี๋ย เม่ย เหธา เม่ย เญย เฒ้ย-ฟุน เหยียด ลิ์ว อ๋อย ปุ๊ด.” เกหะซี ฯฒฯ เยียม เอลีซา เญย หฑะเฮมียน ธ้วด มี่ง. นิ่น ปุ๊ด ก้ม ฮู้ แป่ง. นิ่น เญย ด๊บ บ๊บ แปะ เญย, ฮนั้ง ซอง นอ.
Mien Bible (Thai Script) © Thailand Bible Society, 2007