2 ฮู่ง โต้ว 3
3
อิสะลาเอน เญย ฮู่ง, โยลัม
1เยโฮซาฟัด โหฒว ยูดา เญย ฮู่ง เหฒียบ เป๊ด หฮญัง วั้ว หฮญัง, อาหับ เญย ตอน, โยลัม,#3:1 โยลัม ไฟ เยโฮลัม. ฝาว เหว่ย โหฒว อิสะลาเอน เญย ฮู่ง. นิ่น เยียม สะมาเลีย กุ๊น เหฒียบ เหญ่ย หฮญัง. 2เอย เฒี้ยว หมั่ง, โยลัม โหฒว หว่าย สี่, มป่า ไม้ ฮนั้ง นิ่น เญย เตี๋ย หม่า โหฒว เญย, เหว่ย หฒุ นิ่น เหมียด นิ่น เญย เตีย โหฒว ต้าย หฒั่ง บาอัน เฒี่ยน เญย หละเปย๊ย-ต่ง. 3มป่า นิ่น หธ่อ ป์าม ฒุ์ย ฮนั้ง ฒิ่น ด่าง เนบัด เญย ตอน, เยโลโบอัม, ต้ง นิ่น ปุน อิสะลาเอน เมี่ยน ป์าม ฒุ์ย. โยลัม หย่า ไม้ คั้ง ตี้ง.
เอลีซา โต่ว หว่า ก๊อง โมอับ อ๋อย หฒุ เซวย
4โมอับ เญย ฮู่ง, เมซา, ยู์ง ปะกี ยู่ง. หฮญังๆ#3:4 ฮิบลู หว่า ไม้ ม่าย หฮญังๆ น้าย โจ๋ว หว่า มป่า เอ๋ย เล์ย เซ ฮนั้ง หน่าย. นิ่น อ๋อย หฒุ ฝูง เหฒียบ หว่าน เต้า ปะกี ยู่ง เหธา เหฒียบ หว่าน เต้า ปะกี ยู่ง โก๊ว เญย เปยย มี่ง ปุน อิสะลาเอน เญย ฮู่ง. 5มป่า อาหับ ไต่ ลิ์ว, โมอับ เญย ฮู่ง แหง่ง เจี๊ยน อิสะลาเอน เญย ฮู่ง. 6โยลัม ฮู่ง ฯฒฯ เยียม สะมาเลีย ธ้วด หย่า ติ่ว ฑ่อย อิสะลาเอน เญย แปง. 7นิ่น หย่า ปุน เฝียน มี่ง บั๋ว ยูดา เญย ฮู่ง, เยโฮซาฟัด. นิ่น ก๊อง, “โมอับ เญย ฮู่ง แหง่ง เจี๊ยน เยีย. เม่ย เหธา เยีย มี่ง เบ๊าะ โมอับ ไฟ?”
เยโฮซาฟัด เตา, “เยีย อ๋อย มี่ง เญย. เยีย ฮนั้ง เม่ย นอ. เยีย เญย แปะ ฝีง หย่า ฮนั้ง เม่ย เญย แปะ ฝีง, เยีย เญย ม์า หย่า ฮนั้ง เม่ย เญย ม์า.”
8เยโฮซาฟัด หน่าย, “เยีย บัว อ๋อย หฒุ ยั่ง หาย ติ่ว เจ๊า มี่ง เบ๊าะ?”
โยลัม เตา, “ยั่ง เอโดม เญย เต่ย-ปูง-ฮวาง วั้ว ติ้ว เจ๊า มี่ง.”
9อิสะลาเอน เญย ฮู่ง เหธา ยูดา เญย ฮู่ง เหธา เอโดม เญย ฮู่ง ฯฒฯ ธ้วด เจ๊า. นิ่น บัว ฮวีง มี่ง เสี่ย ฮนอย เญย เจ๊า, ฯฒฯ ล์อ ไม้ ตุ๊ ววม ปุน แปง-กวั้น เหธา แซง-คู้ ฮบ.
10อิสะลาเอน เญย ฮู่ง ก๊อง, “หฒุ โค้ว อ๊า โล่ะ! เฒี้ยว ปุน เยีย บัว ปัว เต้า ฮู่ง กั๊บ ฒุ้น เหว่ย เฒาะ เยีย บัว จิว ปุน เยียม โมอับ เมี่ยน เญย ปั์ว-เดี๊ย ไฟ?”
11มป่า เยโฮซาฟัด ก๊อง, “เยียม น้าย ไม้ ม่าย เฒี้ยว เญย โต่ว หว่า เมี่ยน เหว่ย ปุน บัว ไฮ่ ปั่ง นิ่น หน่าย เฒี้ยว ไฟ?”
อิสะลาเอน ฮู่ง เญย เหยียด เต้า แปง-เปย๊ย เตา, “ซาฟัด เญย ตอน, เอลีซา, เยียม น้าย. ฒิ่น ด่าง นิ่น ฟู-สู เอลียา.”#3:11 ม่าย เต๋ย โล์-ฮนอย โซว ก๊อง “นิ่น โต๋ ววม เอลียา เญย ปั์ว.” เอ๋ย เล์ย เซ นิ่น ฟู-สู เอลียา, โหฒว นิ่น เญย ปอง-ปั์ว เมี่ยน.
12เยโฮซาฟัด ก๊อง, “นิ่น หฒะเก้ง โต่ว เฒี้ยว เญย หว่า.” อิสะลาเอน เญย ฮู่ง เหธา เยโฮซาฟัด เหธา เอโดม เญย ฮู่ง ฯฒฯ มี่ง ล์อ เอลีซา.
13เอลีซา ก๊อง บั๋ว อิสะลาเอน เญย ฮู่ง, “เยีย เหธา เม่ย ม่าย หาย หญู่ง เกวน หฒุ? มี่ง ล์อ เม่ย เญย เตีย เหธา เม่ย เญย มา เญย โต่ว หว่า เมี่ยน ม่าะ!”
อิสะลาเอน เญย ฮู่ง เตี๋ย เตา, “ไม้ ตุ๊, เหว่ย หฒุ เซ เฒี้ยว เห่ว เยีย บัว ปัว เต้า ฮู่ง เตี๋ย กั๊บ ฒุ้น อ๋อย เฒาะ เยีย บัว จิว ปุน เยียม โมอับ เมี่ยน เญย ปั์ว-เดี๊ย.”
14เอลีซา ก๊อง, “เยีย เฒี้ยง เจี๊ยน เฒี่ยง เจี๊ยน เญย เฒี้ยว, เน่น เจี๋ย เญย ทิน-ฮู่ง, ต้ง เยีย ฟู-สู วั้ว เต้า แล์ง, สี ก๊อง เยีย ไม้ ท่าย เหธา เม่ย เยียม น้าย เต้า ยูดา เญย ฮู่ง, เยโฮซาฟัด นอ, เยีย ฒู้ง ไม้ หมั่ง เม่ย หย่า ไม้ กุ๊น เม่ย อ๊ะ. 15มป่า อี้ หฒั่น ต้อ เต้า พัด ต้าน ป้า เญย เมี่ยน ต้าย เยีย น้าย.”
พัด ต้าน ป้า เญย เมี่ยน พัด วั้ว หฒั่น, เฒี้ยว เญย ชะ#3:15 ฟาน หฒะ ก๊อง เฒี้ยว เญย ปั์ว. เหฌี่ย ต้าย เยียม เอลีซา. 16นิ่น ฯฒฯ ก๊อง, “เฒี้ยว ฮนั้ง น้าย นอ ก๊อง, ‘อ๋อย หฒุ เว้ด หฒวน ปวั๊ง น้าย นอม ฮ์อง.’ 17เหว่ย หฒุ เฒี้ยว ฮนั้ง น้าย นอ ก๊อง, ‘เม่ย บัว ไม้ ตุ๊ ปวัด หฑยาว ไฟ บยู่ง มป่า น้าย นอม ฮ์อง อ๋อย ม่าย ววม ปวั๊ง เหฑ่ง. เม่ย บัว เหธา เม่ย บัว เญย ง่ง กวั้น, แซง-คู้ กวั้น, ฯฒฯ ตุ๊ ฮบ.’ 18เอย เฒี้ยว หมั่ง, น้าย เซ ไฝ-ฟิ้ว สี่. นิ่น หย่า อ๋อย เฒาะ โมอับ เมี่ยน จิว ปุน เยียม เม่ย บัว เญย ปั์ว-เดี๊ย. 19เม่ย บัว อ๋อย เบ๊าะ ป่าย นอมๆ ม่าย ฒี่ง หลาด ว้วน เญย ฒี่ง เหธา โฮล เจี๋ย เญย นอมๆ มู้ง. เม่ย บัว ฒู้ง ตุ๊ ก๋อย นิ่น บัว ติ้วๆ หลง เญย เดี๋ยง, หย่า ฒด เจี๊ยน เหยียด ฒู้ง ววม-ฒี้ง, แอ๋ง หล่ง หละเปย๊ย โหฒว หว่าย นิ่น บัว เญย เหยียด ฒู้ง เก้า หลง เจี๋ย เญย ลี่ง เต่ย.”
20ตะเหญ่ย ดอม, เล่ย ไม้ โก ฝ่ง ห่อ เหฒี่ย เญย เฒี่ยง โห่, ม่าย ววม เยียม เอโดม เต่ย เหลี่ยว เจี๊ยน ต้าย ปวั๊ง วั้ว เต๋ย ต๋อง.
21โมอับ เญย หฒวัง เมี่ยน ไฮ์ ก๊อง น้าย เต๋ย ฮู่ง เตี๋ย ต้าย เหธา นิ่น บัว เบ๊าะ จ๋า, ตะฟ่าน ไฮ่ ต้อ ตุ๊ เบ๊าะ จ๋า เญย หวัวะ กิ่น เญย เต้าๆ มจั่ง ตอน, ไม้ กุ๊น โก๋ หลุน, ติ่ว ฑ่อย ต้าย, มี่ง ฒั้ว เจี๊ยน นิ่น บัว เญย กั๊บ-จ๋าย. 22ลู่ง ดอม นิ่น บัว เจี์ย ซิน เฑี้ยว เญย ปวัด บะฮนอย หฒิว ววม. โมอับ เมี่ยน หมั่ง มี่ง ปวัด ววม ซิ ฮนั้ง ฑย้าม นอ. 23นิ่น บัว ก๊อง, “โอ๊! น้าย ฑย้าม อ๊า โล่ะ! ด่ง หาย ฒู้ง วั้ว เต๋ย ฮู่ง เตี๋ย ไต๋ จ๋า อ๊ะ. โมอับ เมี่ยน อ้า! บัว มี่ง ธ้าง นิ่น บัว เญย กะน้าย อ๊ะ.”
24มป่า โมอับ เมี่ยน มี่ง เถา อิสะลาเอน เญย เธี้ยง, อิสะลาเอน เมี่ยน ธ้วด ต้าย เบ๊าะ นิ่น บัว เถา นิ่น บัว เปย๋า. อิสะลาเอน เมี่ยน หฒุ่น เจี๊ยน มี่ง เปียะ นิ่น บัว เญย เต่ย-ปูง ไต๋ โมอับ เมี่ยน. 25นิ่น บัว ป่าย หว่าย โมอับ เมี่ยน เญย ฒี่ง. เก๊าะ-เมี่ยน เฒาะ หละเปย๊ย ฒอย เปียะ ฑงๆ หลง เญย ลี่ง เต่ย เถา น้าย เต๋ย ลี่ง เต่ย ขูง หละเปย๊ย ปวั๊ง เหฑ่ง. นิ่น บัว หย่า ฒด ดิบ นอมๆ ววม-ฒี้ง หย่า ก๋อย เหยียด ฒู้ง หลง เญย เดี๋ยง. ขูง เหฒ่ง คีนหะเลเซ้ด หธ่อ ม่าย หละเปย๊ย ฒี่ง หลาด ฮนั้ง. หล่ง ด๊บ-ฮลาง#3:25 เป๊ย หมั่ง ต้ม เจียน 20:16. ปู๋ง หละเปย๊ย เญย แปง ฯฒฯ เว่ย ก๋อม เบ๊าะ วั้ว นอม ฒี่ง.
26โมอับ เญย ฮู่ง ปวัด นิ่น เบ๊าะ ไม้ ฮี่ง วิน-วั้ง, นิ่น ฯฒฯ ต้อ เธี้ยด แป๊ะ เต้า หล่ง หฑุ ด๊าว เญย แปง, อ๋อย เป๊ด ธ้วด เถา เอโดม ฮู่ง วั้ว มป่า นิ่น บัว ไม้ ไฮ่. 27นิ่น ฯฒฯ เฒาะ นิ่น เญย ตอน-โฮล, ต้ง หอบ หฒุ หฑิบ เจี๊ยน นิ่น โหฒว ฮู่ง วั้ว เต้า, เยียม ฒี่ง หลาด กู้ หงว่าย ฝ่ง ห่อ ปั๊ว เหฒี่ย. อิสะลาเอน เมี่ยน หฒะเก้ง! กั้ม เหฑีย ไห่.#3:27 ฟาน หฒะ ฮิบลู หว่า ก๊อง “อิสะลาเอน เมี่ยน หฒุ เฒี้ยว โน์ว ไห่.” อิสะลาเอน เมี่ยน กั้ม เหฑีย ไห่ เหว่ย หฒุ นิ่น บัว ไม้ ฮิ้ว ตุ๊ โมอับ เมี่ยน เญย เฒี่ยน, เคโม้ด, อ๋อย ฮนั้ง หาย นอ โหฒว ปุน นิ่น บัว. ไฟ นิ่น บัว กั้ม เหฑีย เหว่ย หฒุ นิ่น บัว ไม้ ฮิ้ว ตุ๊ เฒี้ยว, อิสะลาเอน เมี่ยน เญย ทิน-ฮู่ง, อ๋อย ฮนั้ง หาย นอ โหฒว ปุน นิ่น บัว. นิ่น บัว ฯฒฯ ถุย ธ้วด ฒี่ง แอ๋ง หฑวน นิ่น บัว กั้น เญย เต่ย-ปูง.
Currently Selected:
2 ฮู่ง โต้ว 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
