2 โคลินโท 3
3
โหฒว เซียง-แหง่ง หว่า เญย โปว
1น้าย เม่ย บัว ไฮ์ ฮนั้ง เยีย บัว ปู๋ง หว่า-เหมา แอ๋ง เธง เยีย บัว กั้น ไฟ? เม่ย บัว ปวัด เยีย บัว ฮนั้ง ม่าย เต๋ย เมี่ยน นอ, เฉียม หฒุ เฝียน ปุน เม่ย บัว ฮิ้ว ตุ๊ เยีย บัว, ไฟ เฉียม หฒุ เม่ย บัว เฟี้ย เฝียน ปุน เยีย บัว ต้อ มี่ง ปุน เมี่ยน ฮิ้ว ตุ๊ เยีย บัว ไฟ? 2เม่ย บัว กั้น โหฒว เยีย บัว เญย เฝียน, เฟี้ย เจี๊ยน เยีย บัว เญย เฮญี้ยว ปุน หฒวัง เมี่ยน โตะ หย่า ฮิ้ว. 3เม่ย บัว ปิ๋ว เม่ง เม่ย บัว เป๋น กีตู่ เญย เฝียน จิว ปุน เยีย บัว ต้อ มี่ง. เซ ไม้ เฒ์ย หล่ง หมัด เฟี้ย วั้ว หละเปย๊ย-เป๊น.#ธ้วด อียิบ 24:12 เซ เฒี่ยง เจี๊ยน เญย ทิน-ฮู่ง เญย สีง ลี่ง เฟี้ย เจี๊ยน เมี่ยน เญย เฮญี้ยว กะญั์ว.#เยเลมี 31:33; เอเสเคน 11:19; 36:26
4เยีย บัว ฮนั้ง น้าย นอ ก๊อง เหว่ย หฒุ เยีย บัว เสียน กีตู่ ฯฒฯ ฮิ้ว ตุ๊ ทิน-ฮู่ง เซ เขา ตุ๊ ว้วน เญย. 5เยีย บัว ไม้ เฒ์ย ฝุน เยีย บัว กั้น ม่าย หาย หญู่ง ปั้น เหฒ่ย โหฒว น้าย หญู่ง กง. เซ ทิน-ฮู่ง ปุน เยีย บัว ม่าย ปั้น เหฒ่ย โหฒว, 6ปุน เยีย บัว ไฮ่ เอย เจี๊ยน เซียง-แหง่ง หว่า ฟู-สู นิ่น. น้าย เซียง-แหง่ง หว่า เซ เยีย บัว ไม้ เฒ์ย เอย เฟี้ย ต้าย เญย เล์ย-หลัด โหฒว. เยีย บัว เอย ทิน-ฮู่ง เญย สีง ลี่ง โหฒว. เฟี้ย ต้าย เญย เล์ย-หลัด ปุน เมี่ยน หฒุ ไต่. สีง ลี่ง ปุน เมี่ยน ม่าย เฒี่ยง แหม่ง.#เยเลมี 31:31
7ปุน เมี่ยน หฒุ ไต่ เญย เล์ย-หลัด หล่ง หฑั่ง ดี้ง เจี๊ยน หละเปย๊ย-เป๊น. ปุน เล์ย-หลัด วั้ว หฒั่น, ทิน-ฮู่ง เญย ฌัง-หล่าง หย่า หิ่น ธ้วด ต้าย หฒิว ปุน โมเซ เญย เฮมียน ฌัง-หล่าง ไห่. ไม้ กุ๊น วั้ว หญู่ง ฌัง-หล่าง ไฮ่ หมิด เจี๊ยน เหฌี่ย, อิสะลาเอน เมี่ยน หมั่ง ไม้ ตุ๊ โมเซ เญย เฮมียน.#ธ้วด อียิบ 34:29 8ฮนั้ง หน่าย, สีง ลี่ง โหฒว เญย กง ไม้ เฒ์ย เก้า ม่าย ฌัง-หล่าง ธั้ม ไฟ? 9สี ก๊อง ปุน เมี่ยน หฒุ ตี่ง ฒุ์ย วั้ว ติ้ว เจ๊า ด่ง หน่าย ม่าย ฌัง-หล่าง นอ, เหฌียว เมี่ยน วั้ว ติ้ว เจ๊า เหยียด เฒย เก้า ม่าย ฌัง-หล่าง. 10ฒิ่น ด่าง เญย ฌัง-หล่าง อี้ หฒั่น ไม้ ฌัง-หล่าง อ๊ะ. เหว่ย หฒุ อี้ หฒั่น ม่าย เก้า ฌัง เจี๋ย เญย ฌัง-หล่าง หฒิว เจี๊ยน อ๊ะ. 11สี ก๊อง ไฮ่ เยียม โต่ว ป๊า วั้ว หญู่ง ม่าย ฌัง-หล่าง นอ, เหยียด ลิ์ว เยียม เญย เหยียด เฒย ม่าย ฌัง-หล่าง.
12เยีย บัว ฮนั้ง น้าย นอ ม่าย ลั่ม ฮนั้ม, ฯฒฯ ปู๋ง หล่าง เญย ฒุ่น โต์. 13เยีย บัว ไม้ ฮนั้ง โมเซ อ๋อย หฒุ หล่ง เดีย ปวัง เฮมียน#ธ้วด อียิบ 34:33 เหว่ย ปุน อิสะลาเอน เมี่ยน ไม้ ไฮ่ หมั่ง นิ่น เฮมียน เญย ฌัง-หล่าง หมิด เจี๊ยน เหฌี่ย. 14มป่า อิสะลาเอน เมี่ยน เฮญี้ยว แหง่ง ไห่. เถา อี้ ฮนอย นิ่น บัว หาย หฒั่น โตะ โล์-แหง่ง หว่า เญย โซว, นิ่น บัว เญย เฮญี้ยว หธ่อ ฮนั้ง ม่าย คว้าย เดีย ปวัง เจี๊ยน นอ. เมี่ยน เสียน ลิ์ว กีตู่, วั้ว คว้าย เดีย หธีง ต้าย ตุ๊ เฒาะ ฆอย หมี่ อ๊ะ. 15เถา อี้ ฮนอย นิ่น บัว หาย หฒั่น โตะ โมเซ เญย เล์ย-หลัด, เซ ฮนั้ง วั้ว คว้าย เดีย หธ่อ ปวัง เจี๊ยน เฮญี้ยว นอ. 16มป่า หาย เต้า ฮวิน ต้าย ล์อ เฒี้ยว, วั้ว คว้าย เดีย เฒาะ ฆอย หมี่ อ๊ะ.#ธ้วด อียิบ 34:34 17เฒี้ยว เซ ต้ง สีง ลี่ง. เฒี้ยว เญย สีง ลี่ง เยียม หาย, เยียม วั้ว เมี่ยน ตุ๊ ปู๋ง ฆอย อ๊ะ. 18ฮนั้ง น้าย บัว เหยียด ฒู้ง แอ๊ง#3:18 แอ๊ง ไฟ ปวัด. เฒี้ยว เญย ฌัง-หล่าง เหว่ย หฒุ เดีย ไม้ ปวัง บัว เญย เฮมียน. วั้ว หญู่ง ฌัง-หล่าง เยียม เฒี้ยว, เซ สีง ลี่ง ต้าย, ก๊อย เหยี่ยน บัว, ปุน บัว กุ๊น โหฒว กุ๊น ฒวั้ง นิ่น, กุ๊น โหฒว กุ๊น ม่าย ฌัง-หล่าง.
Currently Selected:
2 โคลินโท 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
