2 ฒุ่น ต่อย โต้ว 5
5
1ซาโลมอน โหฒว เหฒียง หฒั่ง เฒี้ยว เญย เปย๊า เญย เหยียด ฒู้ง กง, นิ่น ต้อ นิ่น เญย เตีย, ดาวิด, ฝูง ปุน ทิน-ฮู่ง เญย เหยียด ฒู้ง กะน้าย, เซ เจียม, ญ่าน เหธา หญู่งๆ จา-สี่, ต้อ ต้าย อัน เจี๊ยน หฒั่ง ทิน-ฮู่ง เญย เปย๊า เซียว จ๋าย เญย กะน้าย เญย ต๋อง.#2 ซามูเอน 8:11; 1 ฒุ่น ต่อย โต้ว 18:11
ต้อ แล์ง แหง่ง หว่า ฟาง เปียะ หฒั่ง ทิน-ฮู่ง เญย เปย๊า
(เป๊ย หมั่ง 1 ฮู่ง โต้ว 8:1-9)
2ซาโลมอน ฮู่ง เห่ว อิสะลาเอน เมี่ยน เญย เมี่ยน โก๋ เหธา ฝีงๆ เญย เปย๊ย-เฒ้ย, เหธา ปู้ง ป่วน เญย เปย๊ย-เฒ้ย, ต้าย เถา เยลูซาเลม เหว่ย ต้อ เฒี้ยว เญย แล์ง แหง่ง หว่า ฟาง เยียม ดาวิด เญย ฒี่ง, สิโอน, ต้าย.#2 ซามูเอน 6:12-15; 1 ฒุ่น ต่อย โต้ว 15:25-28 3เถา เธี้ยด หฮลา, ต๋อย เจี๋ย ฒิบ เญย เฒี่ยง โห่, อิสะลาเอน เญย หฒวัง เมี่ยน มี่ง กั๊บ ฒุ้น ฮู่ง เตี๋ย วั้ว.
4อิสะลาเอน เมี่ยน เญย หฒวัง เมี่ยน โก๋ ต้าย เถา วั้ว หฒั่น, เลวี เมี่ยน ฯฒฯ โป้ว แล์ง แหง่ง หว่า ฟาง. 5นิ่น บัว ต้อ แล์ง แหง่ง หว่า ฟาง เหธา หวุ่ย ปวั้ง เญย ด๊บ-ลิ่ว เหธา เหยียด ฒู้ง ธีง-เหฑ่ง จา-ต๋อง. ไซ เมี่ยน เหธา เลวี เมี่ยน แกง ฝาว ต้าย. 6ซาโลมอน ฮู่ง เหธา กั๊บ ฒุ้น เยียม นิ่น เญย หฑะเฮมียน เญย อิสะลาเอน เมี่ยน เหยียด ฒู้ง เยียม แล์ง แหง่ง หว่า ฟาง หฑะเฮมียน ฝ่ง ห่อ ปะกี ยู่ง เหธา ง่ง เหว่ย โหฒว เหฒี่ย เญย กะน้าย ธั้ม! ไห่, ฒู้ง ฝุน ไม้ ธีง, ซ้าว ไม้ ฮี่ง.
7ไซ เมี่ยน ฯฒฯ ต้อ เฒี้ยว เญย แล์ง แหง่ง หว่า ฟาง เปียะ หฒั่ง ทิน-ฮู่ง เญย เปย๊า เถา อัน ฟาง เญย ต๋อง, เซ สีง ติ่น กะญั์ว, เก้า ธีง-เหฑ่ง เจี๋ย วั้ว ฉง, เยียม เคลูบิม เญย ด๊าด กะเดี๊ย. 8เคลูบิม ยัง เจี๊ยน ด๊าด แล์ง แหง่ง หว่า ฟาง เยียม เญย ต๋อง กู้ หงว่าย หย่า เฑีย เจี๊ยน แล์ง แหง่ง หว่า ฟาง เหธา แกง ฟาง เญย เดี๋ยง. 9แกง ฟาง เญย เดี๋ยง ด๊าว เญย. ต๋อย เหฒียง สีง ติ่น กะญั์ว เจี๋ย วั้ว ฉง เญย หฑะเฮมียน แหมง, เซ เยียม ธีง-เหฑ่ง เญย ต๋อง, หมั่ง ตุ๊ ปวัด น้าย เต๋ย เดี๋ยง. มป่า เยียม ธีง-เหฑ่ง เญย ต๋อง กะเหญี่ย แหมง หมั่ง ไม้ ปวัด อ๊ะ. น้าย เต๋ย เดี๋ยง หธ่อ เยียม หน่าย เถา อี้ จ๋า ฮนอย. 10แล์ง แหง่ง หว่า ฟาง ขูง ม่าย โมเซ เยียม โฮเล้บ บง อัน วั้ว เต๋ย อี คว้าย หละเปย๊ย-เป๊น. ธ้วด ลิ์ว หน่าย ไม้ ม่าย หาย หญู่ง. น้าย เต๋ย อี คว้าย หละเปย๊ย-เป๊น เซ อิสะลาเอน เมี่ยน ธ้วด อียิบ เต่ย-ปูง, ฆะฮ้า เฒี้ยว เหธา นิ่น บัว เหลียบ เญย แหง่ง หว่า.#หฑั่ม เล์ย-หลัด 10:5
11ต้ง วั้ว หฒั่น เยียม เจี๊ยน วั้ว เญย ไซ เมี่ยน สา กั้น ธีง-เหฑ่ง ต้าย หย่า ไม้ ปุน ฆอย หฒิว นิ่น บัว เญย กวั้น. ไซ เมี่ยน เยียม ธีง-เหฑ่ง ต๋อง ธ้วด ต้าย วั้ว หฒั่น, 12ม่าย ป๋าว ฑูง เญย เลวี เมี่ยน, อาสาบ, เฮมาน เหธา เยดูทูน, เหธา นิ่น บัว เญย ตอน บัว เหธา หฒวัง ก๋อ-โย์ว. นิ่น บัว ฒุ เจี๊ยน ล่าม่า เดีย-หม่วน เญย ลุย-โหว, โซ้ว เจี๊ยน เหฒี่ย-ต้อง เญย ตง ปูง แหมง. นิ่น บัว นั้น เจี๊ยน ธ่าว เฒ้ย เหธา ต้ม ต้าน ป้า, ฟิ้ว-ต้าน ป้า. แอ๋ง ม่าย เหยียด แป๊ะ หญี่ เหฒียบ เต้า ปย๊ม หฑัด เญย ไซ เมี่ยน เหธา นิ่น บัว เยียม วั้ว. 13ปย๊ม หฑัด เญย เมี่ยน เหธา ป๋าว ฑูง เญย เมี่ยน อ๋อย หฒุ ปุน เมี่ยน หมวัง ตุ๊ ไฮ์ นิ่น บัว เธง เฒี้ยว, แล์ง ฒี่ง เฒี้ยว เญย ฑูง ต้ง ตั้ง ธ้วด เฉีย. นิ่น บัว หย่า ปย๊ม หฑัด แอ๋ง ฆ้าบ ธ่าว เฒ้ย, หล่ง เหฒีย หญู่ง โหฒว ฑูง เญย จา-สี่ เหธา เจี๊ยน ป๋าว ฑูง เญย เมี่ยน เธง เฒี้ยว ก๊อง,
“นิ่น เซ หลง ไห่,
เหว่ย หฒุ นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.”#1 ฒุ่น ต่อย โต้ว 16:34; 2 ฒุ่น ต่อย โต้ว 7:3; เอสะลา 3:11; สีง ฑูง 100:5; 106:1; 107:1; 118:1; 136:1; เยเลมี 33:11
สีง ติ่น, เซ เป๋น หฒั่ง เฒี้ยว เญย เปย๊า, ม่าย บ๋วน เยียม ปวั๊ง เหฑ่ง.#ธ้วด อียิบ 40:34-35 14หลาย บ๋วน, ไซ เมี่ยน ไม้ ไฮ่ โหฒว กง ฟู-สู เหว่ย หฒุ เฒี้ยว เญย ฌัง-หล่าง เยียม ปวั๊ง ทิน-ฮู่ง เญย เปย๊า.
Currently Selected:
2 ฒุ่น ต่อย โต้ว 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
