2 ฒุ่น ต่อย โต้ว 4
4
หฒั่ง ทิน-ฮู่ง เญย เปย๊า เญย จา-สี่
(เป๊ย หมั่ง 1 ฮู่ง โต้ว 7:23-51)
1นิ่น หล่ง ต้ง ซิ โหฒว นอม เหฒี่ย-ต้อง ด๊าว หญี่ เหฒียบ เดาะ, จั๊ง หญี่ เหฒียบ เดาะ, ฮลัง เหฒียบ เดาะ.#ธ้วด อียิบ 27:1-2 2นิ่น แอ๋ง โต๋ นอม ต้ม ปุ้น#4:2-5 เป๊ย หมั่ง 1 ฮู่ง โต้ว 7:23. จุ้น เญย. ปุ้น ฑุ่ย กู้ หงว่าย น้าย ปูง เถา วั้ว ปูง จั๊ง เหฒียบ เดาะ. ปุ้น หย่า ฮลัง ปยา เดาะ. เดาะ ฮวีง ก๋อม ตุ๊ ฟ่า เหฒียบ เดาะ. 3เยียม ปุ้น ฑุ่ย กะเดี๊ย ม่าย ง่ง#4:3 ไฟ หะโล่ว. เญย ฝัง. เหยียด เดาะ ม่าย เหฒียบ เต้า. โต๋ วั้ว หฒั่น โต๋ เป๋น อี เลี์ยว หย่า เหธา ต้ม ปุ้น เป๋น เหยียด ดุ้น.
4ต้ม ปุ้น ตน เจี๊ยน เหฒียบ เหญ่ย เต้า ง่ง โก๊ว. ปัว เต้า ง่ง โก๊ว ฮวิน ป๊ะ ปูง, ปัว เต้า ฮวิน ไฟ ปูง, ปัว เต้า ฮวิน น่าม ปูง, ปัว เต้า ฮวิน ตง ปูง. ต้ม ปุ้น ตน ง่ง กู้ หงว่าย. ง่ง เญย กู้ ค้วด เหยียด ฒู้ง เยียม กะญั์ว แหมง. 5ต้ม ปุ้น โฮ์ เหยียด ปั์ว-ฒ้าง. ปุ้น ฑุ่ย หย่า ฮนั้ง ฒ้าน เญย ฑุ่ย นอ, ฝัง เฒ้ย ฮนั้ง แปะ เหาะ เปี้ยง หย่า ไฮ่ ฒ่าง ตุ๊ ปัว ธิน ฟาม-แป๊ะ ท้ง#4:5 ฮิบลู หว่า ก๊อง 3,000 บัด. เซ เล่ย ไม้ โก 66,000 ลิด. ววม.
6นิ่น แอ๋ง โหฒว เหฒียบ นอม ปุ้น เหว่ย หล่ง หฑาว กะน้าย. ปยา นอม ตน เจี๊ยน น่าม ปูง, ปยา นอม ตน เจี๊ยน ป๊ะ ปูง. น้าย เต๋ย ปุ้น หล่ง หฑาว ฝ่ง ห่อ ปั๊ว เหฒี่ย เญย กะน้าย. ต้ม ปุ้น ไซ เมี่ยน หล่ง หฑาว ปั์ว-เหฒา.#ธ้วด อียิบ 30:17-21
7นิ่น แอ๋ง หฒิว ตี่ง ต้าย เญย หญู่ง เฒ้ย โหฒว เหฒียบ นอม เจียม ตัง-จ๋า อัน เจี๊ยน เปย๊า กะญั์ว. น่าม ปูง อัน ปยา นอม, ป๊ะ ปูง อัน ปยา นอม.#ธ้วด อียิบ 25:31-40
8แอ๋ง โหฒว เหฒียบ นอม เตี้ย อัน หฒั่ง ทิน-ฮู่ง เญย เปย๊า กะญั์ว. น่าม ปูง อัน ปยา นอม, ป๊ะ ปูง อัน ปยา นอม. นิ่น แอ๋ง โหฒว เหยียด แป๊ะ นอม เจียม-หฑ่อม.#ธ้วด อียิบ 25:23-30
9นิ่น บัว เหว่ย ไซ เมี่ยน โหฒว ทีง หย่า โหฒว ต้ม ทีง. เปียะ ต้ม ทีง เญย หลาด เญย แก้ง นิ่น ปวัง เจี๊ยน ต้ง ซิ. 10ต้ม ปุ้น#4:10 เป๊ย หมั่ง 1 ฮู่ง โต้ว 7:23. นิ่น อัน เจี๊ยน หฒั่ง ทิน-ฮู่ง เญย เปย๊า ตง ปูง เหธา น่าม ปูง บุด๋ง เญย เก๊าะ.
11หุลาม หย่า โหฒว แธง, กะน้าย-เธ้น เหธา ปุ้น.
ฮนั้ง หน่าย หุลาม โหฒว เหฒียง หฒั่ง ทิน-ฮู่ง เญย เปย๊า เญย เหยียด ฒู้ง กง. นิ่น โหฒว เญย เซ เหว่ย ซาโลมอน ฮู่ง.
12อี นอม ต้ม เดี้ยว,
ต้ม เดี้ยว เตว๊ย-เมว์ย, ฝัง เฒ้ย ฮนั้ง หฑ่อม วั้ว เต๋ย อี นอม กะน้าย,
อี คว้าย ต้ง ซิ มู์ง เหว่ย ฒอง เยียม ต้ม เดี้ยว เตว๊ย-เมว์ย ฮนั้ง หฑ่อม วั้ว เต๋ย อี นอม กะน้าย,
13เฝย แป๊ะ นอม หฒิ เลี่ยว เปี๊ยว เหว่ย ฒอง วั้ว เต๋ย อี คว้าย มู์ง. (เหยียด คว้าย มู์ง หล่ง อี เลี์ยว หฒิ เลี่ยว เปี๊ยว ฒอง เยียม ต้ม เดี้ยว เตว๊ย-เมว์ย ฮนั้ง แปะ เหาะ เปี้ยง เญย ฝัง วั้ว เต๋ย อี นอม กะน้าย,)
14เตี้ย ล์ง เหธา เตี้ย ล์ง เญย ปุ้น,
15ต้ม ปุ้น#4:15 เป๊ย หมั่ง 1 ฮู่ง โต้ว 7:23. เหธา เยียม ปุ้น กะเดี๊ย วั้ว เต๋ย เหฒียบ เหญ่ย เต้า ง่ง โก๊ว,
16แธง, กะน้าย-เธ้น เหธา ป๊ะ อ๊อ เญย ต้ม ปะเกน-ญ้าบ.
น้าย เต๋ย เหยียด ฒู้ง กะน้าย หุลามอาบี หล่ง ฑ้าด ต้าย ฌัง เญย ต้ง ซิ เถง ซาโลมอน ฮู่ง เหว่ย หฒั่ง เฒี้ยว เญย เปย๊า โหฒว เหฒียง. 17ฮู่ง เตี๋ย ปุน เมี่ยน เยียม จอแดน เดา-แป้ง, สุกโค้ด เหธา เสเลดา#4:17 ไฟ ซาเลทาน. บุด๋ง, หล่ง ปะไน่ เนีย โหฒว เต๋ย จา-ต๋อง เญย ฒ่อง เหว่ย โต๋ กะน้าย. 18ซาโลมอน โหฒว น้าย เต๋ย เหยียด ฒู้ง กะน้าย ธั้ม! ไห่, ฒู้ง ไม้ ไฮ่ เฑียง น้าย เต๋ย ต้ง ซิ เญย เฮนี้ย-ต้าว.
19ซาโลมอน แอ๋ง โหฒว เยียม หฒั่ง ทิน-ฮู่ง เญย เปย๊า เญย หญู่งๆ จา-ต๋อง. นิ่น โหฒว
ปั๊ว ฮูง เญย เจียม-เตี้ย,
อัน ฌั้ว เก๋ง ทิน-ฮู่ง เญย เตี้ย,
20หล่ง เฒียน เจียม โหฒว ตัง-จ๋า เหธา ตัง-ฒ้าน เญย ตัง เอย เจี๊ยน เล์ย อัน เจี๊ยน สีง ติ่น กะญั์ว เจี๋ย วั้ว ฉง หฑะเฮมียน แหมง ปั๊ว,
21ตัง-จ๋า เญย เปี้ยง เหธา ตัง-ฒ้าน เหธา กะน้าย-ฌับ. เหยียด ฒู้ง หล่ง เฒียน เจียม โหฒว,
22แอ๋ง หล่ง เฒียน เจียม โหฒว จั๊บ ตัง-โธ้ เญย ฌิ้ว, ปุ้น, ฮูง-โล่ว,#4:22 ม่าย เต๋ย โซว ก๊อง ต้ม ปะเกน. ตั๊บ โต์ว-ถาน เญย เจย. แอ๋ง ม่าย หฒั่ง ทิน-ฮู่ง เญย เปย๊า เญย เจียม-แก้ง, เซ เปียะ เก้า ธีง-เหฑ่ง เจี๋ย วั้ว ฉง เหธา เปียะ โฮล เจี๋ย วั้ว ฉง เญย แก้ง.
Currently Selected:
2 ฒุ่น ต่อย โต้ว 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
