1 เทสะโลนิกา 2
2
เปาโล เยียม เทสะโลนิกา ฒี่ง โหฒว เญย กง
1หฒวัง ก๋อ-โย์ว อ่า, เม่ย บัว กั้น ฮิ้ว ตุ๊, เยีย บัว มี่ง เม่ย บัว หน่าย เซ ไม้ เฒ์ย มี่ง ไม้ ลั่ม หล่ง. 2เม่ย บัว ฮิ้ว ตุ๊ ฒิ่น ด่าง ไม้ แก้ง มี่ง วั้ว หฒั่น, เยีย บัว เยียม ฟีลิบพอย ฒี่ง หฒุ เสี่ยว โค้ว, หฒุ เมี่ยน โหฒว โตะ, ก๊อง โตะ ปุน เยีย บัว หฒุ ไญ้. มป่า ไม้ กุ๊น เมี่ยน เหธา เยีย บัว ต๋อย-เตก ด่ง หน่าย ธั้ม, เยีย บัว เขา ทิน-ฮู่ง ปุน เยีย บัว ต๊าม โฮล เญย ฒุ่น ทิน-ฮู่ง เญย คู้ เฝียน ปุน เม่ย บัว.#กง-โฒ่ 16:19-24; 17:1-9 3เยีย บัว ขวิน เมี่ยน เสียน เยซู, เยีย บัว ไม้ เฒ์ย ก๊อง จ๊า ไฟ ฮนั้ม ธ้วด ไม้ ธีง-เหฑ่ง เญย เจ๊า, ไฟ หล่ง กู๊ ไกว๋ เญย หฒะเอ๋ย ดั๊ว เมี่ยน. 4ต๋าว หฑวน ทิน-ฮู่ง เสย ลิ์ว เยีย บัว, ปวัด เยีย บัว หอบ นิ่น เญย เฮญี้ยว, ฯฒฯ จิว คู้ เฝียน ปุน เยีย บัว. เยีย บัว ฯฒฯ ฒุ่น คู้ เฝียน ไม้ เฒ์ย เหว่ย ปุน เมี่ยน อะเฮน้ย. เยีย บัว อ๋อย โหฒว เหว่ย ปุน ทิน-ฮู่ง อะเฮน้ย, ต้ง เสย เยีย บัว เญย เฮญี้ยว วั้ว เต้า. 5เม่ย บัว หย่า ฮิ้ว ตุ๊, เยีย บัว มี่ง เม่ย บัว หน่าย เยีย บัว ไม้ ก๊อง หว่า กาม ดั๊ว เจี๋ย เมี่ยน, หย่า ไม้ ม่าย อ้อม เฮญี้ยว เม้า กะน้าย. น้าย ทิน-ฮู่ง กั้น เถง เยีย บัว โหฒว ฒอง-เหฒง. 6เยีย บัว ไม้ ล์อ เมี่ยน เธง เยีย บัว. ไม้ ล์อ เม่ย บัว หย่า ไม้ ล์อ หาย เต้า เธง เยีย บัว.
7ไม้ กุ๊น เยีย บัว โหฒว กีตู่ เญย กง-โฒ่ ฯฒฯ ม่าย เล์ย เฝย หลุ่ย เม่ย บัว,#2:7 น้าย เต๋ย หว่า ม่าย เต๋ย โซว อัน 2:6 วั้ว เหยี่ยม. ม่าย เต๋ย อัน น้าย 2:7 เหยี่ยม. เยีย บัว เยียม เม่ย บัว หน่าย เญย เฒี่ยง โห่ เยีย บัว โหฒว ส่วน เญย, ฮนั้ง มา โก๋ว หลง กั้น เญย ฝุเจว๊ย นอ. 8เยีย บัว ฮนั้ม ไห่ เม่ย บัว ฯฒฯ ไม้ ตาน ฒุ่น ทิน-ฮู่ง เญย คู้ เฝียน ปุน เม่ย บัว, เลี่ยม เยีย บัว กั้น เญย แหม่ง หย่า อะเฮน้ย ปุน เม่ย บัว, เหว่ย หฒุ เม่ย บัว หฒะเก้ง! โหฒว เยีย บัว ฮนั้ม ไห่ เญย เมี่ยน. 9ก๋อ-โย์ว อ่า, เม่ย บัว ฒู้ง จั๋ง ตุ๊ เยีย บัว ธ้วด ชะ โหฒว กง โค้ว. เยีย บัว ฒุ่น ทิน-ฮู่ง เญย คู้ เฝียน ปุน เม่ย บัว วั้ว หฒั่น, เยีย บัว ฮนอยๆ ม์วนๆ หย่า โหฒว กง โค้ว เหว่ย ไม้ อ๋อย เฝย หลุ่ย เม่ย บัว หาย เต้า.
10เม่ย บัว เถง เยีย บัว โหฒว ฒอง-เหฒง, ทิน-ฮู่ง หย่า เถง เยีย บัว โหฒว ฒอง-เหฒง, เซ เยีย บัว เยียม เม่ย บัว เสียน เยซู เญย เมี่ยน บุด๋ง โหฒว ธีง-เหฑ่ง เญย, หอบ เญย, ไม้ ลั่ม ต้าน ต๋อง. 11เม่ย บัว ฮิ้ว ตุ๊ เยีย บัว ต๋าย เม่ย บัว ฮนั้ง เตีย ต๋าย นิ่น กั้น เญย ฝุเจว๊ย นอ. 12เยีย บัว เถง เม่ย บัว หฒูง ชะ, นุ์น เม่ย บัว เญย เฮญี้ยว, หฒั่นๆ ขวิน เม่ย บัว เยียม เสย หฒั่ง อ๋อย หฒุ เยียม ผุย ทิน-ฮู่ง, ต้ง เห่ว เม่ย บัว ต้าย เปียะ นิ่น เญย กั๊วะ หย่า จวั่ง นิ่น เญย ฌัง-หล่าง วั้ว เต้า.
13แอ๋ง ม่าย เหยียด ติ่ว ปุน เยีย บัว หฒั่นๆ แล์ง ฒี่ง ทิน-ฮู่ง. เซ เหว่ย หฒุ เยีย บัว ฒุ่น ทิน-ฮู่ง เญย โต์, เม่ย บัว หมวัง ลิ์ว หย่า ฒิบ. เม่ย บัว หย่า ฮิ้ว ตุ๊ เซ ไม้ เฒ์ย ป้าม เมี่ยน เญย โต์, เซ หฒะเก้ง ทิน-ฮู่ง เญย โต์, ต้ง เยียม เม่ย บัว เสียน เยซู เญย เมี่ยน กะญั์ว โหฒว กง เญย โต์. 14ก๋อ-โย์ว อ่า, เม่ย บัว ปวั้ง เญย สี่ เซ ฮนั้ง เยียม ยิวไท แซ้ง, ทิน-ฮู่ง เญย จิว-ปาง, ต้ง เสียน กีตู่ เยซู วั้ว เต๋ย ปวั้ง เญย นอ, เหว่ย หฒุ เม่ย บัว หฒุ กั้น เญย ป๊วน-ฝีง เมี่ยน โหฒว โตะ ฮนั้ง นิ่น บัว หฒุ ยิวไท เมี่ยน โหฒว โตะ วั้ว นอ.#กง-โฒ่ 17:5 15ยิวไท เมี่ยน ไต๋ เฒี้ยว เยซู, หย่า ไต๋ โต่ว หว่า เมี่ยน, หย่า หฒุ่น เยีย บัว ธ้วด มี่ง. นิ่น บัว โหฒว ไม้ หอบ ทิน-ฮู่ง, หย่า เหธา หม่าน เมี่ยน ม่าย วิน.#กง-โฒ่ 9:23,29; 13:45,50; 14:2,5,19; 17:5,13; 18:2 16นิ่น บัว ตั๊ง เจี๊ยน ไม้ อ๋อย ปุน เยีย บัว ฒุ่น โต์ ปุน จั๋น เหว่ย ปุน จั๋น ตุ๊ เหฌียว. ฮนั้ง หน่าย, นิ่น บัว หฒั่นๆ ป์าม ฒุ์ย หย่า ป์าม เถา ปวั๊ง โสว โหม่ว. อี้ หฒั่น นิ่น บัว ฒู้ง หฒุ ทิน-ฮู่ง โน์ว เจี๊ยน อ๊ะ.
เปาโล อ๋อย มี่ง หมั่ง เทสะโลนิกา จิว-ปาง
17หฒวัง ก๋อ-โย์ว อ่า, เยีย บัว หฒุ เล่ย ฆอย หธาม ป๊า เม่ย บัว วั้ว หฒั่น, เซ ซิน เล่ย ฮนั้ง, เฮญี้ยว ไม้ เล่ย. เยีย บัว หฒะเก้ง! จั๋ง ไห่ เม่ย บัว หย่า อ๋อย ปวัด ไห่ เม่ย บัว เญย เฮมียน. 18เยีย บัว เก้ง อ๋อย มี่ง เม่ย บัว หน่าย. เยีย, เปาโล, ฒู้ง เจี์ย เหยียด อี หฑุ่น เฮญี้ยว อ๋อย มี่ง, มป่า ซาตาน ตั๊ง เจี๊ยน เยีย บัว. 19เฒี้ยว เยซู แอ๋ง ต้าย วั้ว หฒั่น, หาย หญู่ง ปุน เยีย บัว ม่าย ลั่ม ฮนั้ม, หย่า โหฒว ปุน เยีย บัว ออน-เหลาะ, หย่า ปุน เยีย บัว อะเฮน้ย เหว่ย โหฒว เยีย บัว เญย นี้ง? เซ เม่ย บัว ไม้ เฒ์ย? 20เม่ย บัว หฒะเก้ง! โหฒว เยีย บัว เญย ฌัง-หล่าง, หย่า โหฒว เยีย บัว เญย ออน-เหลาะ.
Currently Selected:
1 เทสะโลนิกา 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
