1 ซามูเอน 15
15
เหธา อามาเล้ก เมี่ยน เบ๊าะ จ๋า
1ซามูเอน ก๊อง บั๋ว เซาโล, “เฒี้ยว พ้าย เยีย ต้าย หล่ง โย่ว ออน เม่ย โหฒว ฮู่ง กุ๊น นิ่น เญย แปะ ฝีง, อิสะลาเอน เมี่ยน. เหว่ย น้าย อี้ หฒั่น โท้ หมวัง เฒี้ยว เญย หว่า.#1 ซามูเอน 10:1 2เน่น เจี๋ย เญย เฒี้ยว ฮนั้ง น้าย ก๊อง, ‘เยีย อ๋อย ตี่ง อามาเล้ก เมี่ยน เญย ฒุ์ย เหว่ย หฒุ ฒิ่น ด่าง อิสะลาเอน เมี่ยน ธ้วด อียิบ เต่ย-ปูง เญย เฒี่ยง โห่, อามาเล้ก เมี่ยน ตั๊ง เจี๊ยน อิสะลาเอน เมี่ยน เญย เจ๊า.#ธ้วด อียิบ 17:8-14; หฑั่ม เล์ย-หลัด 25:17-19 3อี้ หฒั่น เม่ย มี่ง เบ๊าะ อามาเล้ก เมี่ยน, หย่า เหมียด เหฑ่ง นิ่น บัว ม่าย เญย เหยียด ฒู้ง กะน้าย. ไม้ ตู๋ง เลี่ยว เหยียด หญู่ง. อ๋อย หฒุ ไต๋ เหฑ่ง มจั่ง, มเซียะ, ฝุเจว๊ย เหธา ฮบ เจี๊ยน หญอ เญย กู้งว์า. เลี่ยม ง่ง, ปะกี ยู่ง, ล่อ ท่อ เหธา ล่อ อ๋อย หฒุ ไต๋ เหฑ่ง.’”#15:3 เป๊ย หมั่ง ธ้วด อียิบ 22:20.
4เหว่ย น้าย เซาโล ติ่ว ฑ่อย แปง ต้าย เยียม เทลาอิม. นิ่น ซ้าว ยั่ง เดา เญย แปง, ม่าย หญี่ เหฒียบ หว่าน เต้า. ยูดา ฝีง ม่าย เหยียด หว่าน เต้า. 5เซาโล ฯฒฯ มี่ง เถา อามาเล้ก เมี่ยน เญย ฒี่ง, เยียม วั้ว ฮ์อง ปี๋ง เจี๊ยน. 6เซาโล ก๊อง บั๋ว เคไน เมี่ยน, “มี่ง อ๊ะ. เม่ย บัว อ๋อย หฒุ ซิ้ม ฆอย อามาเล้ก เมี่ยน. เหฑีย เยีย ปุน เม่ย บัว เหธา นิ่น บัว เหยียด เหฌี่ย หฒุ เหมียด เหฑ่ง. เหว่ย หฒุ อิสะลาเอน เมี่ยน ธ้วด อียิบ เต่ย-ปูง วั้ว หฒั่น เม่ย บัว ค้อ-เลี่ยน นิ่น บัว.” เคไน เมี่ยน ฯฒฯ เล่ย ฆอย อามาเล้ก เมี่ยน หมี่ อ๊ะ.
7เซาโล ฯฒฯ เบ๊าะ ฮี่ง อามาเล้ก เมี่ยน, เยียม ฮาวิลา มี่ง เถา ซูวา, เยียม อียิบ เญย ตง ปูง แหมง วั้ว. 8นิ่น หล่ง หฑุ ด๊าว ไต๋ เหฑ่ง อามาเล้ก แปะ ฝีง, หย่า เฒาะ ตุ๊ อามาเล้ก เมี่ยน เญย ฮู่ง, อากัก, ไม้ ไต๋. 9มป่า เซาโล เหธา แปะ ฝีง เลี่ยว อากัก เญย แหม่ง, หย่า เลี่ยว เก้า หลง เจี๋ย เญย ปะกี ยู่ง, ง่ง, ง่ง ตอน-จุ่น เหธา ปะกี ยู่ง ตอน แอ๋ง เหธา เหยียด ฒู้ง หลง เญย กะน้าย, ไม้ คั้ง เหมียด. ขูง เหมียด หมั่ง เผีย เญย, ไม้ หฒี่ ฒิ่น เญย กะน้าย ฮนั้ง.
เฒี้ยว ทุด กวั่ง เซาโล, ไม้ ตุ๊ โหฒว ฮู่ง
10 เฒี้ยว บั๋ว ซามูเอน, 11“เยีย เหลียบ เซาโล โหฒว ฮู่ง อี้ หฒั่น เยีย ฮนั้ม-หฑวน อ๊ะ, เหว่ย หฒุ นิ่น ฮวิน ฆาง, ไม้ กัน เยีย, ไม้ เอย เจี๊ยน เยีย เญย เล์ย-หลัด โหฒว.” ซามูเอน เฑ่า ไห่#15:11 ม่าย เต๋ย โซว ก๊อง เฉีย เจี์ย ไห่. ฯฒฯ เต๋า เก๋า เฒี่ยง ม์วน โจ้ว เฒี้ยว เถา ลู่ง ฌัง.
12ตะเหญ่ย ดอม ซามูเอน เจี์ย ซิน เฑี้ยว เญย อ๋อย มี่ง ล์อ เซาโล. มป่า ม่าย เมี่ยน บั๋ว ซามูเอน, “เซาโล มี่ง เถา คานเมน ล์าง เหว่ย ท่าย กั้น เหลียบ นอม จั๋ง-โห่. ฆะฮ้า นิ่น ต๋าว ซิน เหฌี่ย กินกาน หมี่ อ๊ะ.”
13ซามูเอน เถา เซาโล วั้ว หฒั่น, เซาโล ก๊อง บั๋ว นิ่น, “โท้ เฒี้ยว เหธย ฟุ ปุน เม่ย โอ่. เยีย เอย เจี๊ยน เฒี้ยว หัด เญย หว่า โหฒว เหฒียง อ๊ะ.”
14ซามูเอน ก๊อง, “วั้ว หญู่ง, ปะกี ยู่ง เห่ว เญย เฉีย เปียะ เยีย เญย มน่อม. เยีย หย่า ไฮ์ ง่ง เห่ว เญย เฉีย. ม่าย หาย หญู่ง เอ๋ย เล์ย?”
15เซาโล เตา, “นิ่น บัว เยียม อามาเล้ก เมี่ยน วั้ว ต้อ ต้าย, เหว่ย หฒุ แปะ ฝีง เลี่ยว เหฌี่ย เก้า หลง เจี๋ย เญย ปะกี ยู่ง เหธา ง่ง เหว่ย เหฒี่ย ปุน เฒี้ยว, เม่ย เญย ทิน-ฮู่ง. เหฒ่ง เหฌี่ย เญย เหยียด ฒู้ง เยีย บัว เหมียด เหฑ่ง หมี่ อ๊ะ.”
16ซามูเอน ฯฒฯ ก๊อง บั๋ว เซาโล, “เก๋า อ๊ะ! เยีย อ๋อย ก๊อง ปุน เม่ย ฮิ้ว ตุ๊ อะหฮมวัง เฒี้ยว บั๋ว เยีย เญย หว่า.”
เซาโล เตา, “กุ๊น ก๊อง ม่าะ!”
17ซามูเอน ฯฒฯ ก๊อง, “ไม้ กุ๊น เม่ย ปวัด กั้น เป๋น ไฝ-ฟิ้ว เมี่ยน, เม่ย ตุ๊ โหฒว ฝีงๆ อิสะลาเอน เมี่ยน เญย เปย๊ย เฒ้ย ไม้ เฒ์ย? เฒี้ยว หล่ง โย่ว ออน เม่ย โหฒว ฮู่ง กุ๊น อิสะลาเอน เมี่ยน. 18เฒี้ยว พ้าย เม่ย ธ้วด มี่ง หย่า หัด เม่ย, ‘มี่ง อ๊ะ! อ๋อย หฒุ เหมียด เหฑ่ง อามาเล้ก เมี่ยน, เซ ป์าม ฒุ์ย เญย เมี่ยน. อ๋อย หฒุ เบ๊าะ เถา นิ่น บัว หฒุด เหฑ่ง.’ 19เม่ย เหว่ย หาย ติ่ว ไม้ หมวัง เฒี้ยว เญย หว่า? เม่ย เหว่ย หาย ติ่ว ก๊าน เจี๊ยน ธ้าง กะน้าย, หฒิว เฒี้ยว หมั่ง โหฒว หว่าย สี่?”
20เซาโล ก๊อง บั๋ว ซามูเอน, “เยีย หฒะเก้ง หมวัง เฒี้ยว เญย หว่า หย่า เอย เจี๊ยน เฒี้ยว พ้าย เยีย มี่ง โหฒว เญย โหฒว. เยีย เฒาะ ตุ๊ อามาเล้ก เมี่ยน เญย ฮู่ง, อากัก, ต้าย หย่า เหมียด เหฑ่ง อามาเล้ก เมี่ยน. 21มป่า แปะ ฝีง เฒาะ ธ้าง ต้าย เญย กะน้าย, เซ ปะกี ยู่ง, ง่ง เหธา อ๋อย หฒุ เหมียด เก้า หลง เจี๋ย เญย กะน้าย, ต้อ ต้าย เหว่ย เยียม กินกาน หล่ง เหฒี่ย ปุน เฒี้ยว, เม่ย เญย ทิน-ฮู่ง.”
22ซามูเอน ก๊อง,
“เฒี้ยว อะเฮน้ย ปั๊ว เหฒี่ย เหธา เหฒี่ย เหว่ย จิว ทง เญย กะน้าย
เก้า ธั้ม อะเฮน้ย หมวัง เฒี้ยว เญย หว่า ไฟ?
เมี่ยน หมวัง หว่า เซ เก้า หลง ฝ่ง ห่อ ปั๊ว เหฒี่ย.
เมี่ยน เอย เจี๊ยน โหฒว เซ เก้า หลง เหยียด ฒู้ง ปะกี ยู่ง โก๊ว เญย เฮมย,
23หลาย เมี่ยน แหง่ง เฒี้ยว เซ ฮนั้ง โบ๊ว กว๋า เญย ฒุ์ย.
โหฒว เหมา#15:23 ม่าย เต๋ย โซว ก๊อง โหฒว มน่อม โฮ์. เซ เอ๊าะ เญย ฒุ์ย ฮนั้ง ป๋าย หมิ่ว-ฝัง.
หลาย เม่ย กวั่ง เฒี้ยว เญย หว่า, เฒี้ยว หธีง ต้าย ทุด เม่ย เญย ฮู่ง เหว่ย.”
24เซาโล ก๊อง บั๋ว ซามูเอน, “เยีย ป์าม ฒุ์ย หมี่ อ๊ะ, เหว่ย หฒุ เยีย แหง่ง เจี๊ยน เฒี้ยว เญย หลี่ง เหธา เม่ย เญย หว่า. เยีย กั้ม เหฑีย แปะ ฝีง หธีง ต้าย หมวัง นิ่น บัว. 25อี้ หฒั่น โท้ กวั่ง ฆอย เยีย เญย ฒุ์ย, หย่า เหธา เยีย หฑวน เหว่ย ปุน เยีย หฒั่ง เฒี้ยว.
26มป่า ซามูเอน ก๊อง บั๋ว เซาโล, “เยีย ไม้ เหธา เม่ย หฑวน, เหว่ย หฒุ เม่ย กวั่ง เฒี้ยว เญย หว่า. เฒี้ยว ทุด เม่ย เญย ฮู่ง เหว่ย, ปุน เม่ย ไม้ ตุ๊ กุ๊น อิสะลาเอน เมี่ยน.”
27ซามูเอน กวิ้น ซิน อ๋อย มี่ง วั้ว หฒั่น, เซาโล แปง เจี๊ยน ซามูเอน เญย ลุย-จั๊วะ, หย่า เป๊ด หมี่ อ๊ะ.#1 ซามูเอน 28:17; 1 ฮู่ง โต้ว 11:30-31 28ซามูเอน ก๊อง บั๋ว เซาโล, “อี้ ฮนอย เฒี้ยว เป๊ด อิสะลาเอน กั๊วะ ธ้วด เม่ย เญย ปั์ว-เดี๊ย หมี่ อ๊ะ, หย่า จิว ปุน กั้น เต้า เก้า หลง เม่ย. 29อิสะลาเอน เญย ชะ วั้ว เต้า, ไม้ ก๊อง-แปะ หย่า ไม้ ก๊อย หฒะเอ๋ย, เหว่ย หฒุ นิ่น ไม้ เฒ์ย ป้าม เมี่ยน. นิ่น ไม้ ก๊อย หฒะเอ๋ย.”
30เซาโล ก๊อง, “เยีย ป์าม ฒุ์ย หมี่ อ๊ะ, มป่า อี้ หฒั่น โท้ เม่ย ตอง เจี๊ยน เยีย เญย แปะ ฝีง เญย เมี่ยน โก๋ เหธา อิสะลาเอน เมี่ยน ท่าย เยีย, ฯฒฯ เหธา เยีย หฑวน, เหว่ย ปุน เยีย ป๋าย เฒี้ยว, เม่ย เญย ทิน-ฮู่ง.” 31ซามูเอน ฯฒฯ เหธา เจี๊ยน เซาโล หฑวน. เซาโล หย่า หฒั่ง เฒี้ยว.
32ซามูเอน ก๊อง, “เม่ย บัว อ๋อย หฒุ ต้อ อามาเล้ก เมี่ยน เญย ฮู่ง, อากัก, ต้าย เยีย น้าย.”
อากัก ฯฒฯ ฌัง เฮมียน ฌัง เหมว่ย เญย ต้าย เยียม ซามูเอน เญย หฑะเฮมียน. อากัก เยียม เฮญี้ยว ฮนั้ม, “เยีย เปย๋า ดุ๊ด หฒุ ไต่ เญย โค้ว หน่าน หมี่ อ๊ะ.”#15:32 ม่าย เต๋ย โซว ก๊อง “อากัก ซิน หฒิน ญั่นๆ เญย ต้าย เยียม ซามูเอน เญย หฑะเฮมียน. นิ่น เยียม เฮญี้ยว ฮนั้ม, ‘หฒุ ไต๋ ไต่ เญย โค้ว หน่าน หฒะเก้ง กั้ม เหฑีย ไห่’”.
33ซามูเอน ก๊อง บั๋ว อากัก,
“เม่ย เญย หฑุ ด๊าว ฮนั้ง หาย นอ โหฒว ปุน มเซียะ ตอน กวั่ง ฝุเจว๊ย,
เม่ย เญย มา เยียม หฒวัง มเซียะ ตอน บุด๋ง หย่า ฟี่ ฮนั้ง เญย อ๋อย หฒุ กวั่ง ฝุเจว๊ย.”
ซามูเอน ฯฒฯ เยียม กินกาน ตอง เจี๊ยน เฒี้ยว ฮงะ อากัก เป๋น เหฒีย หฆัน, เหฒีย หฆัน เญย.
34ซามูเอน ฯฒฯ มี่ง ลามา ฒี่ง หมี่ อ๊ะ. เซาโล หย่า หฑวน นิ่น กั้น เญย เปย๊า เยียม เซาโล เญย ป๊วน-ฒี่ง, กิเบอา. 35ซามูเอน เถา นิ่น เกวย เสย เญย ฮนอย, ไม้ ต้าย ปวั้ง เซาโล. มป่า ซามูเอน เหว่ย เซาโล เฮญี้ยว มุน ไห่. เฒี้ยว หย่า ฮนั้ม-หฑวน เหว่ย หฒุ นิ่น เหลียบ เซาโล โหฒว ฮู่ง กุ๊น อิสะลาเอน เมี่ยน.
Currently Selected:
1 ซามูเอน 15: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
