1 ซามูเอน 13
13
เหธา ฟีลิสะเตีย เมี่ยน เบ๊าะ จ๋า
1เซาโล ฝาว เหว่ย โหฒว ฮู่ง วั้ว หฒั่น นิ่น เญย หฮญัง-เจ๊ย ตุ๊ ฟ่า เหฒียบ หฮญัง.#13:1 ฮิบลู หว่า ขูง ก๊อง ...หฮญัง, ไม้ ม่าย ก๊อง บัวะ เหฒีย หฮญัง วั้ว นอม หฑั่ง. ม่าย เต๋ย ฟาน เป๋น กีก หว่า เญย โซว ก๊อง 30 หฮญัง. นิ่น กุ๊น อิสะลาเอน กั๊วะ เฝย เหฒียบ เหญ่ย หฮญัง.#13:1 ฮิบลู หว่า ขูง ก๊อง ...เหธา 2 หฮญัง. หฒิว กง-โฒ่ 13:21 ก๊อง 40 หฮญัง.
2เซาโล เยียม อิสะลาเอน เมี่ยน บุด๋ง กิ๊น ปัว ธิน เต้า เมี่ยน. อี ธิน เต้า กัน เซาโล เยียม มิกม้าด เหธา เบดเอน เญย บง-ไอ๊ ต๋อง. ม่าย เหยียด ธิน เต้า กัน โยนาทาน เยียม เบนยามิน เต่ย เญย กิเบอา ฒี่ง. เหฒ่ง เหฌี่ย เญย เมี่ยน นิ่น เห่ว เก๊าะ-เมี่ยน หฑวน เก๊าะ-เมี่ยน เญย เปย๊า.
3โยนาทาน เบ๊าะ ฮี่ง เยียม เกบา มู้ง เญย ฟีลิสะเตีย เมี่ยน โก๋ว เต่ย-ปูง แปง เญย หฒ่าม. ฟีลิสะเตีย เมี่ยน หย่า ฮิ้ว ตุ๊ หมี่ อ๊ะ. เซาโล ฯฒฯ พ้าย เมี่ยน มี่ง ก๋อม เต่ย-ปูง ปย๊ม จอง เห่ว ฮิบลู เมี่ยน ต้าย กั๊บ ฒุ้น ธ้วด มี่ง เบ๊าะ จ๋า.”#13:3 ฟาน หฒะ ก๊อง “...ปย๊ม จอง ก๊อง, ‘ปุน ฮิบลู เมี่ยน หมวัง ไฮ์.’” เอ๋ย เล์ย เซ อ๋อย เห่ว นิ่น บัว ธ้วด มี่ง เบ๊าะ จ๋า. 4อิสะลาเอน เญย หฒวัง เมี่ยน หมวัง ไฮ์ ก๊อง, “เซาโล เบ๊าะ ฟีลิสะเตีย เมี่ยน โก๋ว เต่ย-ปูง แปง เญย หฒ่าม หมี่ อ๊ะ. ฟีลิสะเตีย เมี่ยน หย่า หฒะเก้ง ฑอง ไห่ อิสะลาเอน เมี่ยน. เซาโล ฯฒฯ เห่ว แปะ ฝีง ต้าย เหธา นิ่น กั๊บ ฒุ้น เยียม กินกาน.”
5ฟีลิสะเตีย เมี่ยน กั๊บ ฒุ้น อ๋อย เหธา อิสะลาเอน เมี่ยน เบ๊าะ จ๋า. นิ่น บัว ม่าย เบ๊าะ จ๋า เญย ม์า-เธีย ปัว หว่าน จ๋า, เก้ ม์า แปง จุ๊ ธิน เต้า, เหธา ยั่ง เดา เญย แปง ด่ง ค้อย-เฮลน เญย ซา-เฒียว ธั้ม. นิ่น บัว มี่ง เหลียบ เธี้ยง เยียม เบดอาเวน เญย ตง ปูง แหมง, มิกม้าด วั้ว. 6อิสะลาเอน เมี่ยน ปวัด กั้น หฒุ สี่ เฮนี้ย ไห่ อ๊ะ, แปง หย่า หฒุ โค้ว เจี๋ย ด่าง, แปะ ฝีง ฯฒฯ เปย๋า มี่ง ปี๋ง แบ๋ง-ค้วด, แบ๋ง-ง่าม, หละเปย๊ย-ฉัง, เดา-ค้วด เหธา ววม-ค้วด. 7ม่าย เต๋ย ฮิบลู เมี่ยน ฒู้ง เปย๋า เจี๋ย จอแดน ด้าย มี่ง เถา กาด เหธา กิเลอาด เต่ย.
เซาโล หธ่อ เยียม วั้ว กินกาน. เหยียด ฒู้ง แปะ ฝีง ซิน หฒิน เจี๊ยน กัน นิ่น. 8เซาโล เยียม วั้ว ฒั้ว เสี่ย ฮนอย, หฒิว ซามูเอน ตี่ง เญย เฒี่ยง โห่,#1 ซามูเอน 10:8 มป่า ซามูเอน ไม้ แก้ง ต้าย กินกาน. แปะ ฝีง ฯฒฯ เจี์ย กอน มี่ง หฑาน อ๊ะ. 9ฮนั้ง หน่าย, เซาโล ก๊อง, “กุ๊น ต้อ ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย ต้าย เยีย น้าย.” เซาโล ฯฒฯ ฝ่ง ห่อ ปั๊ว เหฒี่ย เญย กะน้าย. 10เซาโล จังๆ ฝ่ง ห่อ ปั๊ว เหฒี่ย ลิ์ว, ซามูเอน ฯฒฯ เถา ต้าย อ๊ะ. เซาโล ธ้วด มี่ง ฒิบ, เหธา นิ่น ก๊อง หวุ่ย ปวั้ง หว่า.
11ซามูเอน ก๊อง, “เม่ย โหฒว หาย หญู่ง สี่ แล่?”
เซาโล เตา, “เยีย ปวัด แปะ ฝีง กวั่ง เยีย มี่ง หฑาน, เม่ย หย่า ไม้ หฒิว เม่ย ตี่ง เญย ฮนอย ต้าย. ฟีลิสะเตีย เมี่ยน หย่า กั๊บ ฒุ้น เยียม มิกม้าด. 12เยีย ฯฒฯ ก๊อง, ‘อี้ หฒั่น ฟีลิสะเตีย เมี่ยน อ๋อย ต้าย กินกาน เหธา เยีย เบ๊าะ จ๋า. เยีย ไม้ แก้ง ตุ๊ โท้ เฒี้ยว ค้อ-เลี่ยน.’ เยีย ฯฒฯ ไฮ์ อ๋อย หฒุ อ๊าบ กั้น ฝ่ง ห่อ ปั๊ว เหฒี่ย เญย กะน้าย.”
13ซามูเอน ก๊อง บั๋ว เซาโล, “เม่ย โหฒว หฮงง เญย สี่ อ๊ะ. เม่ย ไม้ เอย เจี๊ยน เฒี้ยว, เม่ย เญย ทิน-ฮู่ง, จิว ปุน เม่ย เญย หลี่ง, ต้ง เฒี้ยว หัด เหฒียง ปุน เม่ย เญย หลี่ง. สี ก๊อง เม่ย เอย นอ, นิ่น ฒู้ง อ๋อย ปุน เม่ย เหธา เม่ย เญย เฒ้ย-ฟุน เหยียด ลิ์ว กุ๊น อิสะลาเอน เต่ย-ปูง. 14มป่า อี้ หฒั่น เม่ย เญย ฮู่ง โห่ ไม้ ไฮ่ เยียม เล่า. เฒี้ยว ล์อ ปวัด ล่าน เมี่ยน ม่าย เฮญี้ยว ฮนั้ง เฒี้ยว กั้น เญย เฮญี้ยว นอ,#กง-โฒ่ 13:22 หย่า เหลียบ นิ่น โหฒว เปย๊ย เฒ้ย กุ๊น เฒี้ยว เญย แปะ ฝีง, เหว่ย หฒุ เม่ย ไม้ เอย เจี๊ยน นิ่น หัด เม่ย เญย หว่า.”
อิสะลาเอน เมี่ยน ไม้ ม่าย เบ๊าะ จ๋า เญย หวัวะ กิ่น
15ซามูเอน ฯฒฯ เยียม กินกาน มี่ง เถา เบนยามิน เต่ย เญย กิเบอา ฒี่ง. เซาโล ซ้าว กัน นิ่น เญย เมี่ยน, ม่าย เล่ย ไม้ โก หลัวะ แป๊ะ เต้า.
16เซาโล เหธา นิ่น เญย ตอน, โยนาทาน, เหธา กัน นิ่น เญย เมี่ยน เยียม เบนยามิน เต่ย เญย เกบา มู้ง. มป่า ฟีลิสะเตีย เมี่ยน เหลียบ เธี้ยง เยียม มิกม้าด. 17ม่าย ปัว กวั้น หฒะ แปง เยียม ฟีลิสะเตีย เญย เธี้ยง ธ้วด ต้าย. ม่าย เหยียด กวั้น หูง เจี๊ยน มี่ง ซูอัน เต่ย เญย โอฟาลา มู้ง. 18ม่าย กวั้น หูง เจี๊ยน มี่ง เบดโฮโลน. แอ๋ง ม่าย กวั้น หูง เจี๊ยน กั๊บ-จ๋าย, ต้ง หมั่ง เหฌี่ย เสโบอิม ฮ์อง ฮวิน มี่ง เต่ย-ปูง-ฮวาง วั้ว นอม ต๋อง.
19วั้ว หฒั่น ก๋อม อิสะลาเอน เต่ย-ปูง ล์อ ไม้ ตุ๊ เหยียด เต้า เฮลียะ-หฒั่ง เหว่ย หฒุ ฟีลิสะเตีย เมี่ยน ก๊อง, “เฑ่า เหย ฮิบลู เมี่ยน ไฮ่ เหว่ย กั้น ต๊า หฑุ ด๊าว ต๊า ธัง.” 20มป่า เต้าๆ อิสะลาเอน เมี่ยน อ๋อย หฒุ มี่ง ฟีลิสะเตีย เมี่ยน วั้ว เหฑียว นิ่น บัว เญย ไล่ เปย๊ย เหธา พอง เหธา โป๊ว เหธา หฑุ ลิ่ม. 21เหฑียว ไล่ เปย๊ย เหธา พอง เญย จ๋า-ฒิ่น เซ หญี่ ฒิ่น ญ่าน.#13:21 ฮิบลู หว่า ก๊อง เหยียด พิม. เซ เล่ย ไม้ โก 8 กัม ญ่าน. เหฑียว โป๊ว เหธา แหฒง หฒุ่น ง่ง ปย๊า เตว๊ย-เมว์ย เญย เฮลียะ เญย จ๋า-ฒิ่น เซ เหยียด ฒิ่น#13:21 ฮิบลู หว่า ก๊อง “เหยียด เซเขน ปัว โก๊ว เญย เหยียด โก๊ว.” เซ เล่ย ไม้ โก 4 กัม. ญ่าน.
22เหว่ย น้าย, เถา เบ๊าะ จ๋า เญย ฮนอย, กัน เซาโล เหธา โยนาทาน เญย เมี่ยน ไม้ ม่าย เหยียด เต้า เญย ปั์ว ม่าย หฑุ ด๊าว เหธา ธัง. ขูง เซาโล เหธา นิ่น เญย ตอน, โยนาทาน กั้น, ม่าย ฮนั้ง.
23ฟีลิสะเตีย เมี่ยน โก๋ว เต่ย-ปูง เญย แปง ธ้วด มี่ง เถา เจี๋ย บง-ฉัง, เปียะ มิกม้าด วั้ว นอม ต๋อง.
Currently Selected:
1 ซามูเอน 13: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
