1 ซามูเอน 11
11
เซาโล เบ๊าะ ฮี่ง อัมโมน เมี่ยน
1อัมโมน เมี่ยน เญย ฮู่ง, นาหาด, มี่ง เหลียบ เธี้ยง เว่ย ก๋อม อ๋อย เบ๊าะ ยาเบดกิเลอาด. ยาเบด มู้ง เญย เหยียด ฒู้ง แปะ ฝีง ก๊อง บั๋ว นาหาด, “โท้ เหธา เยีย บัว เหลียบ เจี์ย แหง่ง หว่า, เยีย บัว ฯฒฯ แล์ง ฟู-สู เม่ย.”
2มป่า อัมโมน เมี่ยน, นาหาด, ก๊อง บั๋ว นิ่น บัว, “เยีย เหธา เม่ย บัว เหลียบ เจี์ย แหง่ง หว่า ตุ๊ เญย, มป่า เม่ย บัว อ๋อย หฒุ แล์ง เหยียด หญู่ง ด่าง. เยีย อ๋อย เกว๋ย ธ้วด เม่ย บัว เต้าๆ เมี่ยน เญย บย่าว แหมง มฒีง, โหฒว ปุน อิสะลาเอน เญย หฒวัง เมี่ยน หฒุ ไญ้.”
3ยาเบด มู้ง เญย เมี่ยน โก๋ ก๊อง บั๋ว นาหาด, “โท้ เม่ย ปุน เฒี่ยง โห่ เยีย บัว เสี่ย ฮนอย. ฒั้ว เยีย พ้าย โต่ว เฝียน เมี่ยน มี่ง ก๋อม อิสะลาเอน เต่ย. สี ก๊อง ไม้ ม่าย หาย เต้า ไฮ่ เหฌียว ตุ๊ เยีย บัว นอ, เยีย บัว ฯฒฯ แล์ง ธ้วด ต้าย เหญี่ยม เมา ปุน เม่ย.”
4โต่ว เฝียน เมี่ยน มี่ง เถา เซาโล เยียม เญย กิเบอา ฒี่ง, เฒาะ น้าย เต๋ย เจ๊า-โหล่ว ก๊อง ปุน แปะ ฝีง หมวัง. เหยียด ฒู้ง แปะ ฝีง ฯฒฯ ปู๋ง-ซีง ปู๋ง-เฉีย เญี้ยม ตุ๊ บุย ไห่. 5วั้ว หฒั่น เซาโล จังๆ เยียม เด่ย ฮ่อง เจี๊ยน ง่ง หฑวน ต้าย. เซาโล ฯฒฯ หน่าย นิ่น บัว, “แปะ ฝีง โหฒว หาย หญู่ง ชะ เญี้ยม?” นิ่น บัว ฯฒฯ เฒาะ ยาเบด เมี่ยน เญย เจ๊า-โหล่ว ก๊อง ปุน นิ่น หมวัง.
6เซาโล ไฮ์ น้าย เต๋ย เฝียน, ทิน-ฮู่ง เญย สีง ลี่ง ธั้มๆ เญย ต้าย เยียม เจี๊ยน นิ่น. เซาโล หฒะเก้ง เฉีย เจี์ย ไห่. 7นิ่น ฯฒฯ เฒาะ เหยียด ต๋อย ง่ง ต้าย ฮงะ เป๋น เหฒีย เต๋ย ปุน โต่ว เฝียน เมี่ยน ต้อ มี่ง ก๋อม อิสะลาเอน เต่ย หย่า ก๊อง, “หาย เต้า ไม้ ธ้วด ต้าย กัน เซาโล เหธา ซามูเอน นอ, อ๋อย หฒุ ฮนั้ง น้าย นอ โหฒว ปุน วั้ว เต้า เญย ง่ง.” เฒี้ยว ปุน แปะ ฝีง กั้ม เหฑีย ไห่. นิ่น บัว ฯฒฯ ต้ง ติ่ว เฮญี้ยว ธ้วด ต้าย. 8เซาโล เยียม เบเซ้ก ติ่ว ฑ่อย แปง. อิสะลาเอน เญย แปง เหยียด ฒู้ง ม่าย ฟ่า เหฒียบ หว่าน เต้า, ยูดา เญย แปง ม่าย ปัว หว่าน เต้า.
9นิ่น บัว ฯฒฯ ก๊อง บั๋ว วั้ว เต๋ย โต่ว เฝียน เมี่ยน, “เม่ย บัว อ๋อย หฒุ ฮนั้ง น้าย นอ ก๊อง บั๋ว ยาเบดกิเลอาด เมี่ยน. ฌัง ฮนอย, หญุด โตะ เญย เฒี่ยง โห่, เม่ย บัว ฯฒฯ ตุ๊ เหฌียว อ๊ะ.” โต่ว เฝียน เมี่ยน หฑวน มี่ง ก๊อง บั๋ว ยาเบด เมี่ยน วั้ว หฒั่น, นิ่น บัว หฒะเก้ง อะเฮน้ย ไห่ อ๊ะ. 10ยาเบด เมี่ยน ฯฒฯ ก๊อง บั๋ว อัมโมน เมี่ยน, “ฌัง ฮนอย เยีย บัว แล์ง ธ้วด ต้าย เหญี่ยม เมา ปุน เม่ย บัว. เม่ย บัว กุ๊น เซว่ย เอ๋ย โหฒว ปุน เยีย บัว หฒิว เม่ย บัว ปวัด หอบ หฒุ โหฒว.”
11ตะเหญ่ย ฮนอย เซาโล เฒาะ แปะ ฝีง ปุน โหฒว ปัว กวั้น. ลู่ง เบี์ยวๆ ฌัง เญย เฒี่ยง โห่ นิ่น บัว เปียะ อัมโมน เมี่ยน เญย เธี้ยง ไต๋ อัมโมน เมี่ยน เถา หญุด โตะ เญย เฒี่ยง โห่. เหฒ่ง เหฌี่ย ตุ๊ แหม่ง ธ้วด วั้ว เต๋ย ฟ้าด หฑาน เหฑ่ง ตง เต้า ไฟ เต้า เญย เปย๋า, ไม้ ม่าย เป๋น เหยียด ต๋อย อ๊ะ.
12แปะ ฝีง ฯฒฯ ก๊อง บั๋ว ซามูเอน “ก๊อง, ‘เซาโล หฒะเก้ง อ๋อย กุ๊น เยีย บัว ไฟ?’ วั้ว เต๋ย เมี่ยน เซ หาย เต้า? เฒาะ นิ่น บัว ธ้วด ต้าย ปุน เยีย บัว ไต๋ กวั่ง มี่ง.”
13มป่า เซาโล ก๊อง, “อี้ ฮนอย ไม้ ตู๋ง ปุน หาย เต้า หฒุ ไต๋ ไต่, เหว่ย หฒุ อี้ ฮนอย เฒี้ยว เหฌียว บัว อิสะลาเอน เมี่ยน.”
14ซามูเอน ฯฒฯ ก๊อง บั๋ว หฒวัง แปะ ฝีง, “ต้าย ม่าะ! บัว ล่ม ฑ่อย มี่ง กินกาน, เยียม วั้ว เซียง-เหลียบ เจี์ย เซาโล โหฒว บัว เญย ฮู่ง.” 15เหยียด ฒู้ง แปะ ฝีง ฯฒฯ มี่ง กินกาน หมี่ อ๊ะ. เยียม กินกาน นิ่น บัว ตอง เจี๊ยน เฒี้ยว เหลียบ เซาโล โหฒว ฮู่ง. นิ่น บัว เยียม เฒี้ยว เญย หฑะเฮมียน ฝ่ง ห่อ เหฒี่ย เหว่ย จิว ทง เญย กะน้าย. เซาโล เหธา หฒวัง แปะ ฝีง ฯฒฯ เยียม วั้ว หฒะเก้ง เฌียน-โย่ว ออน-เหลาะ ไห่.
Currently Selected:
1 ซามูเอน 11: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
