1 ฮู่ง โต้ว 11
11
ซาโลมอน เล่ย ทิน-ฮู่ง
1ซาโลมอน ฮนั้ม ไห่ กั้น ฝีง เมี่ยน เญย เซียะ ธั้ม ไห่. ธ้วด ลิ์ว ฟาโล ฮู่ง เญย เซียะ นิ่น หล่ง โมอับ เมี่ยน, อัมโมน เมี่ยน, เอโดม เมี่ยน, ไซดอน เมี่ยน เหธา ฮิดไท เมี่ยน เญย เซียะ.#หฑั่ม เล์ย-หลัด 17:17 2น้าย เซ เฒี้ยว ก๊อง บั๋ว อิสะลาเอน เมี่ยน, “ไม้ ตู๋ง เหธา น้าย เต๋ย จั๋น ตอง จา, หย่า ไม้ ตู๋ง ปุน นิ่น บัว เหธา เม่ย บัว ตอง จา, เหว่ย หฒุ นิ่น บัว ฒู้ง อ๋อย แปง เม่ย บัว มี่ง กัน นิ่น บัว เญย เฒี่ยน.”#ธ้วด อียิบ 34:16; หฑั่ม เล์ย-หลัด 7:3-4 มป่า ซาโลมอน หฒะเก้ง ฮนั้ม ตุ๊ โญ่ว ไห่ น้าย เต๋ย เซียะ. 3นิ่น หล่ง เธี้ยด แป๊ะ เต้า ฮู่ง เซียะ โหฒว เอ๊า, หย่า ม่าย ฟาม-แป๊ะ เต้า จ๊า-เฒ่ย เอ๊า. นิ่น เญย เอ๊า หย่า แปง นิ่น เญย เฮญี้ยว มี่ง กั้น ปูง. 4ซาโลมอน หฮญัง-เจ๊ย โก๋ เญย เฒี่ยง โห่, นิ่น เญย เอ๊า บัว แปง นิ่น เญย เฮญี้ยว มี่ง กัน เหญี่ย เญย เฒี่ยน. นิ่น ไม้ หล่ง เหฑ่ง เฮญี้ยว กัน เฒี้ยว, นิ่น เญย ทิน-ฮู่ง, ฮนั้ง นิ่น เญย เตีย, ดาวิด, หล่ง เหฑ่ง เฮญี้ยว กัน นอ. 5ซาโลมอน กัน ไซดอน เมี่ยน เญย อัดทาโล้ด เฒี่ยน เญ์ย,#11:5 ไฟ อัดโทเล้ด เฒี่ยน เญ์ย. หย่า กัน อัมโมน เมี่ยน กั้ม เฑี้ย ไห่ เญย โมเล้ก เฒี่ยน. 6ฮนั้ง หน่าย, หฒิว เฒี้ยว ปวัด, ซาโลมอน โหฒว เอ๊าะ ไห่ เญย สี่. นิ่น ไม้ หล่ง เหฑ่ง เฮญี้ยว กัน เฒี้ยว ฮนั้ง นิ่น เญย เตีย, ดาวิด, กัน นอ.
7เยียม เยลูซาเลม ตง ปูง แหมง เญย บง กู้ หงว่าย, ซาโลมอน โหฒว นอม ฮลัง เญย ต๋อง หฒั่ง โมอับ เมี่ยน เญย กั้ม เฑี้ย ไห่ เญย เคโม้ด เฒี่ยน เหธา อัมโมน เมี่ยน เญย กั้ม เฑี้ย ไห่ เญย โมเล้ก เฒี่ยน. 8นิ่น แอ๋ง ฟี่ ฮนั้ง เญย โหฒว เหว่ย ปุน นิ่น เญย เหยียด ฒู้ง กั้น ฝีง เอ๊า ไฮ่ ปั๊ว ฮูง ฝ่ง ห่อ กะน้าย เหฒี่ย นิ่น บัว เญย เฒี่ยน.
9 เฒี้ยว เฉีย เจี์ย ไห่ ซาโลมอน, เหว่ย หฒุ ซาโลมอน เญย เฮญี้ยว เล่ย เฒี้ยว, อิสะลาเอน เมี่ยน เญย ทิน-ฮู่ง, ต้ง หิ่น ธ้วด ปุน นิ่น ปวัด อี หฑุ่น เญย ทิน-ฮู่ง. 10ไม้ กุ๊น เฒี้ยว หัด ซาโลมอน ไม้ ตู๋ง กัน เหญี่ย เญย เฒี่ยน, นิ่น ไม้ เอย เฒี้ยว หัด เญย หว่า โหฒว. 11เหว่ย น้าย เฒี้ยว ก๊อง บั๋ว ซาโลมอน. “หลาย เม่ย ฮนั้ง น้าย นอ ฮนั้ม, เม่ย หย่า ไม้ เอย เจี๊ยน เยีย แล์ง เญย แหง่ง หว่า เหธา เยีย หัด เญย เล์ย-หลัด, เยีย ฒู้ง อ๋อย เฒาะ เม่ย เญย กั๊วะ เป๊ด มี่ง จิว ปุน เต้า เม่ย เญย เจียน. 12มป่า เหว่ย เม่ย เญย เตีย, ดาวิด, เยียม เม่ย เฒี่ยง เจี๊ยน เญย เฒี่ยง โห่, เยีย ไม้ แก้ง โหฒว. ฒั้ว เม่ย เญย ตอน โหฒว ฮู่ง เญย เฒี่ยง โห่ เยีย หธีง เป๊ด ธ้วด. 13มป่า เยีย ไม้ เฒาะ เฒี่ยง นอม กั๊วะ เป๊ด ธ้วด. เหว่ย เยีย เญย โปว, ดาวิด, หย่า เหว่ย เยีย กิ๊น ต้าย เญย ฒี่ง, เยลูซาเลม, เยีย ฯฒฯ เลี่ยว เหยียด ฝีง ปุน เม่ย เญย ตอน.”
ซาโลมอน เญย วิน-วั้ง
14 เฒี้ยว ปุน เต้า เอโดม เมี่ยน, เซ เอโดม ฮู่ง เญย เหยียด เต้า ฟุน-ฟะ, บั๋ว เห่ว ฮาดัด, โหฒว ซาโลมอน เญย วิน-วั้ง. 15ฒิ่น ด่าง ดาวิด เยียม เอโดม เบ๊าะ จ๋า, ต้ม แปง-เปย๊ย, โยอาบ, ฝาว มี่ง ปย๊บ หฒุ ไต๋ ไต่ เญย เมี่ยน วั้ว หฒั่น, นิ่น หย่า ไต๋ เหฑ่ง เอโดม เญย เหยียด ฒู้ง มจั่ง ตอน. 16โยอาบ เหธา อิสะลาเอน เญย หฒวัง เมี่ยน เยียม หน่าย จุ๊ หฮลา เหญียะ ฒั้ว เถา นิ่น บัว ไต๋ เหฑ่ง เอโดม เมี่ยน เญย เหยียด ฒู้ง มจั่ง ตอน. 17วั้ว หฒั่น ฮาดัด หธ่อ ไฝ เญย. นิ่น เหธา เต๋ย เอโดม เมี่ยน, เซ นิ่น เญย เตีย เญย เจียน, เปย๋า มี่ง เยียม อียิบ เต่ย-ปูง. 18นิ่น บัว เยียม มีเดียน ธ้วด เจ๊า มี่ง เถา ปาลาน. เยียม ปาลาน นิ่น บัว แอ๋ง ต้อ เต๋ย เมี่ยน มี่ง เถา อียิบ, มี่ง ล์อ อียิบ เต่ย-ปูง เญย ฟาโล ฮู่ง. ฮู่ง เตี๋ย ปุน เปย๊า เหธา ลี่ง เต่ย แอ๋ง จวัง หญั่น ฮบ ปุน ฮาดัด.
19ฮาดัด หอบ ฟาโล เญย เฮญี้ยว ไห่, ฟาโล ฯฒฯ เฒาะ นิ่น กั้น เญย เอ๊า เญย เฑี์ย, เซ ทาเปเน้ด ฮู่ง หม่า เญย เฑี์ย, ปุน ฮาดัด หล่ง โหฒว เอ๊า. 20ทาเปเน้ด เญย เฑี์ย ยู์ง เต้า ตอน ปุน ฮาดัด. น้าย เต้า ตอน เญย บั๋ว เห่ว เกนูบัด. ทาเปเน้ด ปุน เกนูบัด เยียม ฟาโล เญย ฮู่ง ติ่น กวั่ง หญอ. นิ่น ฯฒฯ เหธา ฟาโล กั้น เญย ตอน เยียม วั้ว.
21เยียม เกา อียิบ เต่ย-ปูง, ฮาดัด ไฮ์ ก๊อง ดาวิด เกวย เสย หมี่ อ๊ะ,#11:21 เป๊ย หมั่ง 1 ฮู่ง โต้ว 1:21. ต้ม แปง-เปย๊ย, โยอาบ, หย่า ไต่ หมี่ อ๊ะ. ฮาดัด ฯฒฯ ก๊อง บั๋ว ฟาโล, “โท้ ปุน เยีย มี่ง อ๊ะ, ปุน เยีย ตุ๊ หฑวน เยีย กั้น เญย กั๊วะ.”
22ฟาโล หน่าย ก๋า, “เม่ย เหธา เยีย เยียม น้าย เม่ย ธา หาย หญู่ง หธีง ต้าย อี้ หฒั่น อ๋อย หฑวน เม่ย กั้น เญย เต่ย-ปูง?”
ฮาดัด เตา, “ไม้ ธา หาย หญู่ง. มป่า โท้ เม่ย ปุน เยีย หฑวน.”
23ทิน-ฮู่ง แอ๋ง ปุน เต้า เมี่ยน, เซ เอลียาดา เญย ตอน, เลโซน, โหฒว ซาโลมอน เญย วิน-วั้ง. ฒิ่น ด่าง เลโซน เปย๋า นิ่น เญย เฒี้ยว, โสบา เญย ฮู่ง, ฮาดัดเอเซ. 24ดาวิด เบ๊าะ ป่าย, ไต๋ เหฑ่ง โสบา เมี่ยน วั้ว หฒั่น, เลโซน ฯฒฯ หยัวะ ตุ๊ กวั้น เมี่ยน ฟ้าน เต่ย-ปูง. นิ่น กั้น โหฒว เปย๊ย. น้าย กวั้น เมี่ยน มี่ง ดามัดกัด ฒี่ง, เยียม หน่าย เหลียบ นิ่น โหฒว ฮู่ง. 25เยียม ซาโลมอน เฒี่ยง เจี๊ยน เญย ฮนอย-เหญียะ, เลโซน โหฒว อิสะลาเอน เมี่ยน เญย วิน-วั้ง, เหธว หลุ่น เต่ย-ปูง ฮนั้ง ฮาดัด นอ. เลโซน โหฒว ฮู่ง กุ๊น ซีเลีย เต่ย-ปูง#11:25 ซีเลีย เต่ย-ปูง เญย กั้น นอม บั๋ว เซ อาลัม เต่ย-ปูง. หย่า ฑอง อิสะลาเอน เมี่ยน.
เฒี้ยว เหธา เยโลโบอัม แล์ง หว่า
26แอ๋ง ม่าย เนบัด เญย ตอน, เยโลโบอัม, แหง่ง ซาโลมอน. เยโลโบอัม โหฒว ซาโลมอน เญย เจียน, เซ เยียม เสเลดา ต้าย เญย เอฟาอิม เมี่ยน. นิ่น เญย มา เซ เอ๊า-กว๊า, บั๋ว เห่ว เสลุวา.
27เยียม น้าย มี่ง ก๊อง เยโลโบอัม ฮนั้ง หาย นอ#11:27 ฮนั้ง หาย นอ ไฟ เหว่ย หาย ติ่ว. แหง่ง ฮู่ง เตี๋ย เญย เจ๊า-โหล่ว. ซาโลมอน หฒ่อ มินโล#11:27 เป๊ย หมั่ง 2 ซามูเอน 5:9. หย่า หฒ่อ นิ่น เญย เตีย, ดาวิด, เญย ฒี่ง, เซ หฒ่อ ฒี่ง หลาด ทง เญย ต๋อง. 28เยโลโบอัม เซ ม่าย ปั้น เหฒ่ย เญย เมี่ยน. ซาโลมอน ปวัด น้าย เต้า หฮญัง-เจ๊ย หลุน เญย มจั่ง ตอน, ซาโลมอน ฯฒฯ พ้าย นิ่น กุ๊น อ๊าบ โหฒว กง, โยเซ้บ เญย เฒ้ย-ฟุน#11:28 เซ มะนัดเส เหธา เอฟาอิม เมี่ยน. เญย เหยียด ฒู้ง กง-เมี่ยน.
29ม่าย ฮนอย เยโลโบอัม เยียม เยลูซาเลม ธ้วด มี่ง. เยียม ซีโล เญย โต่ว หว่า เมี่ยน, อาหิยา, เยียม เจ๊า หฒั่ง ปวั้ง หฒุ นิ่น. อาหิยา ฒุ เจี๊ยน เซียง-ลุย. นิ่น บัว อี เต้า เยียม วั้ว น่า, เล่ง เญย ต๋อง. 30อาหิยา เฒาะ นิ่น กั้น ฒุ เจี๊ยน เญย เซียง-ลุย เป๊ด โหฒว เหฒียบ เหญ่ย คว้าย. 31นิ่น ฯฒฯ ก๊อง บั๋ว เยโลโบอัม, “กุ๊น เฒาะ เหฒียบ คว้าย มี่ง เหว่ย หฒุ เฒี้ยว, อิสะลาเอน เญย ทิน-ฮู่ง, ก๊อง, ‘เยีย อ๋อย เฒาะ เยียม ซาโลมอน เญย ปั์ว-เดี๊ย เญย กั๊วะ เป๊ด ธ้วด มี่ง หย่า ปุน เหฒียบ ฝีง เม่ย. 32มป่า เหว่ย เยีย เญย โปว, ดาวิด, หย่า เหว่ย เยีย เยียม อิสะลาเอน เญย หฒวัง ฝีง กิ๊น น้าย นอม เยลูซาเลม ฒี่ง, เยีย เลี่ยว เหยียด ฝีง ปุน ซาโลมอน กุ๊น. 33เยีย ฮนั้ง น้าย โหฒว เหว่ย หฒุ นิ่น กวั่ง เยีย มี่ง หฒั่ง ไซดอน เมี่ยน เญย อัดทาโล้ด เฒี่ยน เญ์ย,#11:33 เป๊ย หมั่ง 1 ฮู่ง โต้ว 11:5. เหธา โมอับ เมี่ยน เญย เคโม้ด เฒี่ยน, เหธา อัมโมน เมี่ยน เญย โมเล้ก เฒี่ยน. นิ่น ไม้ ยั่ง เยีย เญย โต์-เล์ย. เอย เยีย หมั่ง นิ่น หย่า โหฒว ไม้ หอบ, ไม้ กัน เยีย เญย หลี่ง เหธา เล์ย-หลัด ฮนั้ง นิ่น เญย เตีย, ดาวิด, นอ.
34“‘มป่า เยีย ไม้ เฒาะ หฒวัง กั๊วะ เยียม ซาโลมอน เญย ปั์ว-เดี๊ย ธ้วด. เยีย เหว่ย เยีย กิ๊น ต้าย เญย โปว, ดาวิด, กัน หลง เยีย เญย หลี่ง เหธา เล์ย-หลัด, ปุน ซาโลมอน เฒี่ยง เสย ตุ๊ กุ๊น. 35เยีย อ๋อย เฒาะ กั๊วะ เยียม นิ่น เญย ตอน เญย ปั์ว-เดี๊ย ธ้วด หย่า เฒาะ เหฒียบ ฝีง จิว ปุน เม่ย. 36เยีย อ๋อย จิว เหยียด ฝีง ปุน นิ่น เญย ตอน เหว่ย ปุน เยีย เญย โปว, ดาวิด, หฒั่นๆ ม่าย เฒ้ย-ฟุน#11:36 ฮิบลู หว่า ก๊อง ตัง. เยียม เยีย กิ๊น ต้าย เหว่ย เหลียบ เยีย เญย เม่ง น้าย นอม เยลูซาเลม ฒี่ง. 37เยโลโบอัม อ่า, เยีย ปุน เม่ย เซว่ย เอ๋ย กุ๊น เถา หาย หย่า เหลียบ เม่ย โหฒว ฮู่ง กุ๊น อิสะลาเอน เมี่ยน. 38สี ก๊อง เม่ย หมวัง เยีย หัด เม่ย เญย เหยียด ฒู้ง หว่า หย่า ยั่ง เยีย เญย โต์-เล์ย, กัน เยีย เญย หลี่ง เหธา เล์ย-หลัด, ฯฒฯ เอย เยีย หมั่ง โหฒว ตุ๊ หอบ ฮนั้ง เยีย เญย โปว, ดาวิด, โหฒว นอ, เยีย อ๋อย เหธา เม่ย เยียม. เยีย ฯฒฯ เหลียบ ว้วน เม่ย เญย ฮู่ง โต้ว ฮนั้ง เยีย เหลียบ ดาวิด เญย นอ, หย่า เฒาะ อิสะลาเอน จิว ปุน เม่ย. 39หลาย ซาโลมอน เญย ฒุ์ย, เยีย อ๋อย ปุน ดาวิด เญย เฒ้ย-ฟุน หฒุ ตี่ง ฒุ์ย, มป่า ไม้ เฒ์ย เหยียด ลิ์ว.’”
40ซาโลมอน ล์อ ฉัง ไต๋ เยโลโบอัม, มป่า เยโลโบอัม เปย๋า มี่ง อียิบ, เถา อียิบ เญย ซิซัก ฮู่ง, เยียม หน่าย เถา ซาโลมอน ไต่ มี่ง.
ซาโลมอน เกวย เสย
(2 ฒุ่น ต่อย โต้ว 9:29-31)
41ธ้วด ลิ์ว น้าย เต๋ย สี่, ซาโลมอน โหฒว เญย เหยียด ฒู้ง เหธา นิ่น เญย ธง-เม่ง หว่า เฟี้ย เจี๊ยน ซาโลมอน เญย ฮู่ง โต้ว ตาน. 42ซาโลมอน เยียม เยลูซาเลม กุ๊น อิสะลาเอน เมี่ยน เฝย เหฒียบ หฮญัง. 43ซาโลมอน เกวย เสย หมี่ อ๊ะ,#11:43 เป๊ย หมั่ง 1 ฮู่ง โต้ว 1:21. หย่า หฒัง เจี๊ยน นิ่น เญย เตีย, ดาวิด, เญย ฒี่ง. นิ่น เญย ตอน, เลโหโบอัม, หฑิบ เจี๊ยน นิ่น โหฒว ฮู่ง.
Currently Selected:
1 ฮู่ง โต้ว 11: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
