1 โยฮัน 5
5
บัว ฮี่ง เจี๋ย ป้าม เกน
1หาย เต้า เสียน เยซู โหฒว กีตู่, วั้ว เต้า โหฒว ทิน-ฮู่ง เญย น่าม โญ์ว. หาย เต้า ฮนั้ม เตีย ฯฒฯ เลี่ยม วั้ว เต้า เญย ตอน ฮนั้ม. 2บัว ฮนั้ง น้าย นอ ฮิ้ว ตุ๊ บัว ฮนั้ม ทิน-ฮู่ง เญย น่าม โญ์ว, เซ เหว่ย หฒุ บัว ฮนั้ม ทิน-ฮู่ง หย่า เอย เจี๊ยน นิ่น เญย หลี่ง โหฒว. 3บัว ฮนั้ม ทิน-ฮู่ง เซ ฮนั้ง น้าย. บัว เอย เจี๊ยน นิ่น เญย หลี่ง โหฒว.#โยฮัน 14:15 นิ่น เญย หลี่ง หย่า ไม้ อะ ตุ๊ กัน, 4เหว่ย หฒุ ทิน-ฮู่ง เญย น่าม โญ์ว เต้าๆ ฮี่ง เจี๋ย ป้าม เกน หมี่ อ๊ะ. ปุน บัว ตุ๊ ฮี่ง เจี๋ย ป้าม เกน, เซ บัว เญย เสียน ฟิม. 5หาย เต้า ไฮ่ ฮี่ง เจี๋ย ป้าม เกน? เซ ต้ง เสียน เยซู โหฒว ทิน-ฮู่ง เญย ตอน วั้ว เต้า ฮนั้ง.
ม่าย ปัว หญู่ง เถง เยซู โหฒว ฒอง-เหฒง
6เยซู กีตู่ ต้าย นิ่น ม่าย ววม เหธา ฑย้าม โหฒว จั๋ง-โห่. ไม้ ตาน ม่าย ววม ฮนั้ง, ม่าย ววม หย่า ม่าย ฑย้าม. สีง ลี่ง กั้น โหฒว ฒอง-เหฒง ก๊อง น้าย เซ เฒียน อ๊ะ, เหว่ย หฒุ สีง ลี่ง กั้น หย่า ต้ง เฒียน เล์ย. 7ฮนั้ง หน่าย ม่าย ปัว หญู่ง โหฒว ฒอง-เหฒง. 8ม่าย สีง ลี่ง, ม่าย ววม, ม่าย ฑย้าม. น้าย ปัว หญู่ง โหฒว ฒอง-เหฒง ต๋อย เหฑ่ง. 9ป้าม เมี่ยน โหฒว ฒอง-เหฒง, บัว หย่า เสียน เญย. มป่า ทิน-ฮู่ง เถง นิ่น กั้น เญย ตอน โหฒว ฒอง-เหฒง, นิ่น โหฒว ฒอง-เหฒง หย่า เก้า โฮล. 10หาย เต้า เสียน ทิน-ฮู่ง เญย ตอน, วั้ว เต้า ม่าย ทิน-ฮู่ง เยียม นิ่น เญย เฮญี้ยว โหฒว ฒอง-เหฒง. หาย เต้า ไม้ เสียน ทิน-ฮู่ง, นิ่น โหฒว ปุน ทิน-ฮู่ง ก๊อง เญย หว่า ไม้ เฒียน, หลาย นิ่น ไม้ เสียน ทิน-ฮู่ง เถง นิ่น เญย ตอน โหฒว ฒอง-เหฒง เญย หว่า. 11ทิน-ฮู่ง โหฒว ฒอง-เหฒง เซ ต้ง น้าย. ทิน-ฮู่ง ปุน บัว ตุ๊ เหยียด ลิ์ว เญย แหม่ง. น้าย หญู่ง แหม่ง เซ เยียม นิ่น เญย ตอน ต้าย.#โยฮัน 3:36 12หาย เต้า ม่าย ทิน-ฮู่ง เญย ตอน, วั้ว เต้า ฯฒฯ ม่าย เฒี่ยง แหม่ง. หาย เต้า ไม้ ม่าย ทิน-ฮู่ง เญย ตอน, วั้ว เต้า ไม้ ม่าย เฒี่ยง แหม่ง อ๊ะ.
เหยียด ลิ์ว เญย แหม่ง
13เยีย เฟี้ย น้าย เต๋ย เจ๊า-โหล่ว ปุน เม่ย บัว เสียน ทิน-ฮู่ง เญย ตอน#5:13 กีก หว่า ก๊อง “ทิน-ฮู่ง เญย ตอน เญย บั๋ว”. เญย เมี่ยน, เหว่ย ปุน เม่ย บัว ฮิ้ว ตุ๊ เม่ย บัว ม่าย เหยียด ลิ์ว เญย แหม่ง. 14บัว ไฮ่ ปู๋ง หล่าง เญย เยียม ทิน-ฮู่ง เญย หฑะเฮมียน เหว่ย หฒุ บัว ฮิ้ว ตุ๊ บัว เอย เจี๊ยน นิ่น เญย เอ๋ย โท้ หาย หญู่ง, นิ่น ฯฒฯ หมวัง บัว. 15สี ก๊อง บัว ฮิ้ว ตุ๊ ไม้ กุ๊น บัว โท้ หาย หญู่ง ทิน-ฮู่ง อ๋อย หมวัง บัว นอ, บัว ฯฒฯ ฮิ้ว ตุ๊ บัว เถง นิ่น โท้ หาย หญู่ง บัว ฯฒฯ ตุ๊ วั้ว หญู่ง อ๊ะ.
16หาย เต้า ปวัด นิ่น เญย ก๋อ-โย์ว ป์าม ฒุ์ย มป่า ฒุ์ย ไม้ แก้ง หฒี่ ตุ๊ ปุน เมี่ยน หฒุ ไต่ นอ, อ๋อย หฒุ เถง นิ่น โท้ ทิน-ฮู่ง, ทิน-ฮู่ง ฯฒฯ ปุน นิ่น ม่าย เฒี่ยง แหม่ง. น้าย เยีย ก๊อง เถา ป์าม ไม้ หฒี่ ตุ๊ ไต่ เญย ฒุ์ย. มป่า ปุน เมี่ยน หฒี่ ตุ๊ ไต่ เญย ฒุ์ย หย่า ม่าย เญย. เยีย หย่า ไม้ บั๋ว เม่ย บัว เหว่ย น้าย หญู่ง ฒุ์ย เต๋า เก๋า. 17โหฒว ต่อง เญย สี่ เหยียด ฒู้ง เซ ฒุ์ย อ๊ะ. มป่า ไม้ หฒี่ ตุ๊ ปุน เมี่ยน ไต่ เญย ฒุ์ย หย่า ม่าย.
18บัว ฮิ้ว ตุ๊ ทิน-ฮู่ง เญย น่าม โญ์ว ไม้ ม่าย หาย เต้า หฒั่นๆ ป์าม ฒุ์ย, เหว่ย หฒุ ทิน-ฮู่ง เญย ตอน เปว เจี๊ยน นิ่น. ฮยวัง เอ๊าะ วั้ว เต้า หย่า ไม้ ไฮ่ ห่อย นิ่น. 19ไม้ กุ๊น ป้าม เกน เยียม ฮยวัง เอ๊าะ วั้ว เต้า เญย ปั์ว-เดี๊ย, บัว ฮิ้ว ตุ๊ บัว เป๋น ทิน-ฮู่ง เญย น่าม โญ์ว. 20บัว หย่า ฮิ้ว ตุ๊ ทิน-ฮู่ง เญย ตอน เหฌี่ย ต้าย ปุน บัว ไฮ่ เม่ง แปะ, ไฮ่ ฮิ้ว ตุ๊ เฒียน วั้ว เต้า ทิน-ฮู่ง. บัว เหธา เฒียน วั้ว เต้า จวั่ง แหม่ง เฒี่ยง, เซ เหธา นิ่น เญย ตอน, เยซู กีตู่. น้าย เซ เฒียน วั้ว เต้า ทิน-ฮู่ง หย่า ต้ง เหยียด ลิ์ว เญย แหม่ง.
21ฝุเจว๊ย อ้า! เม่ย บัว อ๋อย หฒุ ไฝ ฟิม เปว เจี๊ยน กั้น, ไม้ ตู๋ง มี่ง ธ้อย หมิ่ว-ฝัง อ๊ะ.
Currently Selected:
1 โยฮัน 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
