1 โยฮัน 4
4
อ๋อย หฒุ สัม ธ้วด สีง ลี่ง ไฟ เมี้ยน
1เยีย ฮนั้ม เญย ก๋อ-โย์ว อ้า! เมี่ยน ก๊อง นิ่น บัว ม่าย สีง ลี่ง, มป่า เม่ย บัว ไม้ ตู๋ง หละไกว้ เสียน. อ๋อย หฒุ เสย หมั่ง ก๋า, นิ่น บัว ม่าย เญย เซ เยียม ทิน-ฮู่ง ต้าย เฒ์ย ไฟ ไม้ เฒ์ย, เหว่ย หฒุ ม่าย จ๊า โต่ว หว่า เมี่ยน ธั้ม ไห่ ธ้วด มี่ง โย่ว ลู่ง เดี๊ย. 2น้าย ไฮ่ ปุน เม่ย บัว เฒียะ ตุ๊ เซ ทิน-ฮู่ง เญย สีง ลี่ง. หาย เต้า เหญี่ยม เยซู กีตู่ เหฌี่ย ต้าย เป๋น เต้า ป้าม เมี่ยน, วั้ว เต้า ม่าย เยียม ทิน-ฮู่ง ต้าย เญย สีง ลี่ง. 3มป่า หาย เต้า ไม้ เหญี่ยม เยซู, วั้ว เต้า ไม้ ม่าย เยียม ทิน-ฮู่ง ต้าย เญย สีง ลี่ง. นิ่น ม่าย เญย เซ ต้ง เยียม กีตู่ เญย วิน-วั้ง ต้าย เญย เมี้ยน. เม่ย บัว ไฮ์ ก๊อง วั้ว เต้า วิน-วั้ง อ๋อย ต้าย, นิ่น ฒู้ง ต้าย เยียม เจี๊ยน ป้าม เกน อ๊ะ.
4ฝุเจว๊ย อ้า! เม่ย บัว โหฒว ทิน-ฮู่ง เญย เมี่ยน หย่า ฮี่ง เจี๋ย วั้ว เต๋ย ฒุ่น จ๊า เล์ย เญย เมี่ยน หมี่ อ๊ะ. เหว่ย หฒุ เยียม เม่ย บัว เญย เฮญี้ยว วั้ว เต้า เซ เก้า เฮ้น เจี๋ย เยียม ป้าม เกน วั้ว เต้า. 5วั้ว เต๋ย ฒุ่น จ๊า เล์ย เญย เมี่ยน เกวย ป้าม เกน. เหว่ย น้าย นิ่น บัว ขูง ก๊อง ป้าม เกน เญย เจ๊า-โหล่ว ฮนั้ง. ป้าม เมี่ยน หย่า หมวัง นิ่น บัว. 6บัว เป๋น ทิน-ฮู่ง เญย เมี่ยน. หาย เต้า ฮิ้ว ตุ๊ ทิน-ฮู่ง, วั้ว เต้า ฯฒฯ หมวัง บัว. หาย เต้า ไม้ เป๋น ทิน-ฮู่ง เญย เมี่ยน, นิ่น หย่า ไม้ หมวัง บัว. ฮนั้ง หน่าย, บัว ฯฒฯ ไฮ่ สัม ตุ๊ ธ้วด ก๊อง เฒียน เล์ย เญย สีง ลี่ง เหธา ก๊อง จ๊า เล์ย เญย เมี้ยน.
ทิน-ฮู่ง โหฒว ฮนั้ม เมี่ยน เญย กอน
7ฮนั้ม เญย ก๋อ-โย์ว อ้า! บัว อ๋อย หฒุ ล่าน ฮนั้ม ล่าน เหว่ย หฒุ ฮนั้ม เมี่ยน น้าย หญู่ง เฮญี้ยว เซ เยียม ทิน-ฮู่ง ต้าย. หาย เต้า ฮนั้ม เมี่ยน, วั้ว เต้า โหฒว ทิน-ฮู่ง เญย น่าม โญ์ว หย่า ฮิ้ว ตุ๊ ทิน-ฮู่ง. 8หาย เต้า ไม้ ฮนั้ม เมี่ยน, วั้ว เต้า ไม้ ฮิ้ว ตุ๊ ทิน-ฮู่ง, เหว่ย หฒุ ทิน-ฮู่ง โหฒว ฮนั้ม เมี่ยน เญย กอน. 9ทิน-ฮู่ง ฮนั้ง น้าย นอ ปุน บัว ฮิ้ว ตุ๊ นิ่น ฮนั้ม เมี่ยน. นิ่น พ้าย นิ่น เญย โดะ ตอน เหฌี่ย ป้าม เกน, เหว่ย ปุน บัว ไฮ่ เขา นิ่น เญย ตอน ตุ๊ เฒี่ยง เจี๊ยน. 10ฮนั้ม เญย เจ๊า เซ ฮนั้ง น้าย. ไม้ เฒ์ย บัว ฮนั้ม ทิน-ฮู่ง. ทิน-ฮู่ง ฮนั้ม บัว ฯฒฯ พ้าย นิ่น เญย ตอน ต้าย ฟิ บัว เญย ฒุ์ย.
11ฮนั้ม เญย ก๋อ-โย์ว อ้า! ทิน-ฮู่ง ด่ง หน่าย ฮนั้ม บัว, บัว หอบ หฒุ ล่าน ฮนั้ม ล่าน. 12ไม้ ม่าย หาย เต้า ปวัด เจี๋ย ทิน-ฮู่ง.#โยฮัน 1:18 สี ก๊อง บัว ล่าน ฮนั้ม ล่าน นอ, ทิน-ฮู่ง เยียม บัว เญย เฮญี้ยว ฮนั้ม บัว ตุ้น ยุ่น ฑ่อย.
13ทิน-ฮู่ง ปุน นิ่น เญย สีง ลี่ง บัว, บัว ฯฒฯ ฮิ้ว ตุ๊ ตี่ง บัว เหธา ทิน-ฮู่ง จวั่ง แหม่ง เฒี่ยง, นิ่น หย่า เหธา บัว จวั่ง แหม่ง เฒี่ยง. 14เยีย บัว ปวัด เจี๋ย หย่า โหฒว ฒอง-เหฒง ก๊อง หฒั่ง เตี๋ย พ้าย นิ่น เญย ตอน ต้าย โหฒว ป้าม เมี่ยน เญย เหฌียว เฒี้ยว. 15หาย เต้า เหญี่ยม เยซู โหฒว ทิน-ฮู่ง เญย ตอน, ทิน-ฮู่ง ฯฒฯ เหธา วั้ว เต้า จวั่ง แหม่ง เฒี่ยง. วั้ว เต้า หย่า เหธา ทิน-ฮู่ง จวั่ง แหม่ง เฒี่ยง. 16ฮนั้ง หน่าย, บัว ฮิ้ว ตุ๊ หย่า เสียน ทิน-ฮู่ง ฮนั้ม บัว.
ทิน-ฮู่ง โหฒว ฮนั้ม เมี่ยน เญย กอน. หาย เต้า หฒั่นๆ ฮนั้ม ทิน-ฮู่ง หย่า ฮนั้ม กั้น เญย ก๋อ-โย์ว, วั้ว เต้า เหธา ทิน-ฮู่ง จวั่ง แหม่ง เฒี่ยง. ทิน-ฮู่ง หย่า เหธา วั้ว เต้า จวั่ง แหม่ง เฒี่ยง. 17ทิน-ฮู่ง ฮนั้ม บัว เถา ต้าว เถา เมว์ย, หธีง ต้าย เถา เซี้ยม ฒุ์ย วั้ว ฮนอย บัว ไฮ่ ปู๋ง หล่าง เญย เยียม ทิน-ฮู่ง เญย หฑะเฮมียน. เหว่ย หฒุ กีตู่ ฮนั้ง หาย นอ, บัว เยียม น้าย ลู่ง เดี๊ย หย่า ฮนั้ง วั้ว นอ. 18ทิน-ฮู่ง ฮนั้ม บัว, บัว ฯฒฯ ไม้ กั้ม เหฑีย หาย หญู่ง. ทิน-ฮู่ง ฮนั้ม บัว เถา ต้าว, กั้ม เหฑีย เญย เจ๊า ฯฒฯ ธ้วด เหฑ่ง หมี่ อ๊ะ, เหว่ย หฒุ กั้ม เหฑีย เญย เจ๊า เซ กั้ม เหฑีย อ๋อย หฒุ ตี่ง ฒุ์ย. ฮนั้ง หน่าย, หาย เต้า กั้ม เหฑีย, วั้ว เต้า หธ่อ ไม้ แก้ง ฮิ้ว ทิน-ฮู่ง ฮนั้ม นิ่น เถา ต้าว.
19บัว ฮนั้ม ทิน-ฮู่ง หย่า ฮนั้ม เมี่ยน เหว่ย หฒุ ทิน-ฮู่ง ฮนั้ม บัว ด่าง. 20หาย เต้า ก๊อง, “เยีย ฮนั้ม ทิน-ฮู่ง,” มป่า ฑอง กั้น เญย ก๋อ-โย์ว, วั้ว เต้า ขูง ก๊อง-แปะ ฮนั้ง. เหว่ย หฒุ หาย เต้า ไม้ ฮนั้ม หมั่ง ตุ๊ ปวัด เญย ก๋อ-โย์ว, นิ่น ไม้ ไฮ่ ฮนั้ม นิ่น หมั่ง ไม้ ปวัด เจี๋ย เญย ทิน-ฮู่ง. 21กีตู่ ปุน น้าย ติ้ว หลี่ง บัว, เซ หาย เต้า ฮนั้ม ทิน-ฮู่ง หย่า อ๋อย หฒุ ฮนั้ม กั้น เญย ก๋อ-โย์ว.
Currently Selected:
1 โยฮัน 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
