1 โคลินโท 5
5
จิว-ปาง อ๋อย หฒุ เซี้ยม ไม้ หลวน ห่อง เญย สี่
1เยีย ไฮ์ เมี่ยน ก๊อง, เยียม เม่ย บัว บุด๋ง ม่าย ไม้ หลวน ห่อง เญย สี่. เลี่ยม กะเหญี่ย ไม้ เสียน เญย เมี่ยน หย่า ไม้ ม่าย น้าย หญู่ง สี่, เหว่ย หฒุ ม่าย ล่าน เมี่ยน เหธา นิ่น เญย ตะเหญ่ย หม่า ม่าย เจ๊า.#หฑั่ม เล์ย-หลัด 22:30 2ฮนั้ง หน่าย, เม่ย บัว ฝู่ง ไฮ่ โหฒว เหมา? เม่ย บัว หอบ หฒุ เฑ่า, หอบ หฒุ เญี้ยม ไม้ เฒ์ย? โหฒว น้าย หญู่ง สี่ เญย เมี่ยน อ๋อย หฒุ หฒุ่น ธ้วด จิว-ปาง มี่ง.
3ไม้ กุ๊น เยีย เญย ซิน เล่ย เม่ย บัว โก, เยีย เญย เฮญี้ยว หธ่อ เหธา เม่ย บัว เยียม. หย่า ฮนั้ง เยีย เหธา เม่ย บัว เยียม, เยีย ฒู้ง เซี้ยม ตี่ง โหฒว น้าย เต๋ย ไม้ หลวน ห่อง เญย สี่ วั้ว ล่าน เมี่ยน เญย ฒุ์ย. 4เม่ย บัว เต๊ง เฒี้ยว เยซู เญย บั๋ว กั๊บ ฒุ้น เญย เฒี่ยง โห่, เยีย เญย เฮญี้ยว หย่า เหธา เม่ย บัว เยียม, แอ๋ง ม่าย บัว เญย เฒี้ยว#5:4 ม่าย เต๋ย โล์-ฮนอย โซว ก๊อง เฒี้ยว เยซู. เญย ชะ เหธา เม่ย บัว เยียม. 5เม่ย บัว อ๋อย หฒุ เฒาะ น้าย เต้า เมี่ยน#5:5 ไฟ น้าย หญู่ง เมี่ยน. จิว ปุน ซาตาน เหมียด นิ่น เญย ซิน. ฮนั้ง หน่าย, เถา เฒี้ยว เยซู แอ๋ง ต้าย เญย ฮนอย ไฮ่ เหฌียว ตุ๊ นิ่น เญย ลี่ง ว่วน.
6เม่ย บัว ปู๋ง หว่า-เหมา เซ ไม้ หอบ. เม่ย บัว ไม้ ฮิ้ว ไฟ? ติ๊ เตียน ปี๊ง โหฒว ปุน เฒี่ยง ดุ้น ฌั้ว ปุ๊ด เหฑ่ง.#กาลาเทีย 5:9 7เม่ย บัว อ๋อย หฒุ เฒาะ ฒุ์ย เญย โล์-ปี๊ง กวั่ง, เหว่ย ปุน เม่ย บัว เป๋น ดุ้น ไม้ อัน ปี๊ง เญย เซียง-ฌั้ว. เม่ย บัว ฒู้ง เป๋น น้าย หญู่ง ฌั้ว หมี่ อ๊ะ. เหว่ย หฒุ บัว เญย เสีย แหม่ง ฒิบ เญย ปะกี ยู่ง ตอน, เซ กีตู่, ฒู้ง หฒุ เหฒี่ย ลิ์ว อ๊ะ.#ธ้วด อียิบ 12:5 8ฮนั้ง หน่าย, บัว ล่ม ฑ่อย เจี๋ย เสีย แหม่ง ฒิบ ม่าะ! ไม้ ตู๋ง หล่ง อัน โล์-ปี๊ง โหฒว ต้าย เญย ฌั้ว เจี๋ย ฒิบ, เหว่ย หฒุ โล์-ปี๊ง เป๊ย หฒุ ฒุ์ย, เป๊ย ฮยวัง เอ๊าะ. อ๋อย หฒุ หล่ง ไม้ อัน ปี๊ง เญย ฌั้ว เจี๋ย ฒิบ, ต้ง เป๊ย เฮญี้ยว หฒีง หย่า เป๊ย เฒียน เล์ย.#ธ้วด อียิบ 13:7; หฑั่ม เล์ย-หลัด 16:3
9เยีย เฟี้ย เฝียน บั๋ว เจี๋ย เม่ย บัว, ไม้ ตู๋ง เหธา ไม้ หลวน ห่อง เญย เมี่ยน โหฒว ต่อย. 10เยีย เญย เอ๋ย เล์ย เซ ไม้ เฒ์ย ก๊อง น้าย นอม ป้าม เกน เญย เมี่ยน, ต้ง โหฒว ไม้ หลวน ห่อง เญย สี่, เม้า กะน้าย, โหฒว หฒะ, ป๋าย หมิ่ว-ฝัง วั้ว เต๋ย. สี ก๊อง เยีย ก๊อง น้าย เต๋ย นอ, เม่ย บัว ฒู้ง อ๋อย หฒุ ธ้วด ป้าม เกน. 11เยีย เฟี้ย เฝียน บั๋ว เม่ย บัว, ม่าย ดาม เม่ง โหฒว เสียน เยซู เญย ก๋อ-โย์ว มป่า หธ่อ โหฒว ไม้ หลวน ห่อง เญย สี่, เม้า กะน้าย, ป๋าย หมิ่ว-ฝัง, ก๊อง โตะ เมี่ยน, ฮบ ติ๊ว ฆวิน, ไฟ เผียน เมี่ยน, ไม้ ตู๋ง เหธา น้าย หญู่ง เมี่ยน โหฒว ต่อย. เลี่ยม ไม้ ตู๋ง เหธา นิ่น หญั่น หฮนาง.
12-13กะเหญี่ย, ไม้ เสียน เญย เมี่ยน ไม้ เถา เยีย เซี้ยม. ทิน-ฮู่ง กั้น อ๋อย เซี้ยม นิ่น บัว. เม่ย บัว หอบ หฒุ เซี้ยม เญย เซ จิว-ปาง กะญั์ว เญย เมี่ยน ไม้ เฒ์ย? ฮนั้ง กีง-โซว ก๊อง นอ,
“ม่าย เมี่ยน หว่าย เมี่ยน เยียม เม่ย บัว บุด๋ง,
อ๋อย หฒุ หฒุ่น ธ้วด มี่ง.”#หฑั่ม เล์ย-หลัด 13:5; 17:7; 19:19; 22:21; 24:7
Currently Selected:
1 โคลินโท 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
