1 โคลินโท 4
4
กีตู่ เญย กง-โฒ่
1ฮนั้ง หน่าย, เม่ย บัว หอบ หฒุ ฝุน เยีย บัว โหฒว กีตู่ เญย โปว, หย่า ตุ๊ หฒิว โก๋ว ทิน-ฮู่ง เกม เจี๊ยน เญย เฒียน เล์ย. 2โหฒว น้าย หญู่ง โปว เก้า หล่ง เจี๊ยน เจี๋ย เซ อ๋อย หฒุ เหฒียบ ฒัวะ เญย โหฒว. 3เหว่ย เยีย นอ, เม่ย บัว ไฟ หาย เต้า หล่ง หาย หญู่ง ป้าม เมี่ยน เญย เล์ย เซี้ยม เยีย, เยีย ฝุน เซ ไฝ-ฟิ้ว เญย สี่. เลี่ยม เยีย กั้น หย่า ไม้ เซี้ยม เยีย กั้น อ๊ะ. 4เอย เยีย กั้น เญย เฮญี้ยว ไฮ์, เยีย ไม้ ม่าย ต่อง เญย ต๋อง, มป่า น้าย ไม้ เฒ์ย ปุน ธีง เยีย ไม้ ต่อง. ขูง เฒี้ยว กั้น ไฮ่ ตี่ง เยีย ต่อง ไฟ ไม้ ต่อง. 5ฮนั้ง หน่าย, เซี้ยม เญย เฒี่ยง โห่ ไม้ แก้ง เถา, ไม้ ตู๋ง ตี่ง หาย เต้า เญย ฒุ์ย. อ๋อย หฒุ ฒั้ว เฒี้ยว แอ๋ง ต้าย วั้ว หฒั่น, นิ่น หธีง ต้าย เซี้ยม ตี่ง. นิ่น อ๋อย เฒาะ ปี๋ง เจี๊ยน เยียม หฮมวัง กะญั์ว เญย สี่ ธ้วด ต้าย เยียม ฌัง. เมี่ยน เยียม เฮญี้ยว ฮนั้ม เญย สี่ นิ่น หย่า อ๋อย ปุน ธ้วด เหฑ่ง ต้าย. เถา วั้ว หฒั่น เอย ทิน-ฮู่ง ปวัด เก๊าะ-เมี่ยน ผุย ตุ๊ เธง, ทิน-ฮู่ง ฯฒฯ เธง อ๊ะ.
6ก๋อ-โย์ว อ่า, ก๊อง ลิ์ว น้าย เต๋ย เหยียด ฒู้ง สี่, เยีย เฒาะ ต้าย เป๊ย เยีย กั้น เหธา อาปอโล เหว่ย โหฒว หญู่ง เฒ้ย ปุน เม่ย บัว ฮิ้ว ตุ๊, ไม้ ตู๋ง เจี๋ย ด่าง กีง-โซว เญย หว่า. ฮนั้ง หน่าย, เม่ย บัว ฯฒฯ ไม้ โหฒว เหมา, ท่าย น้าย เต้า, หมั่ง เผีย วั้ว เต้า. 7หาย เต้า ปุน เม่ย โหฒว เก้า โฮล กั้น เต้า? เม่ย ม่าย หาย หญู่ง ไม้ เฒ์ย เม่ย ฒิบ ต้าย? วั้ว หญู่ง, สี ก๊อง เม่ย ฒิบ ต้าย, เม่ย เหว่ย หาย ติ่ว ปู๋ง หว่า-เหมา ฮนั้ง ไม้ เฒ์ย ฒิบ ต้าย นอ?
8เม่ย บัว หญู่งๆ ม่าย ฑ่อย เหฑ่ง อ๊ะ เอาะ? เม่ย บัว ปุ๊ด ฒ่อย เหฑ่ง อ๊ะ เอาะ? เม่ย บัว กั้น ตุ๊ โหฒว ฮู่ง ฮนั้ง อ๊ะ เอาะ? เยีย บัว ไม้ ตุ๊ โหฒว. เฝย ตุ๊ เม่ย บัว หฒะเก้ง โหฒว ฮู่ง, เยีย บัว ฯฒฯ ตุ๊ เหธา เจี๊ยน เม่ย บัว โหฒว. 9เยีย ฮนั้ม ต้าย ทิน-ฮู่ง ปุน เยีย บัว กง-โฒ่ เยียม ฆะฮ้า เจี๋ย, ฮนั้ง หฒุ ตี่ง ฒุ์ย ตอง หฒวัง ไต๋ ไต่ เญย เมี่ยน นอ, เหว่ย ปุน เหยียด ฒู้ง ฟิน-เมี่ยน เหธา ป้าม เมี่ยน หมั่ง อะหฑย่าว. 10เหว่ย กีตู่ เยีย บัว โหฒว เมี่ยน หฮงง เมี่ยน, มป่า เม่ย บัว เหธา กีตู่ จวั่ง แหม่ง เฒี่ยง ฯฒฯ ม่าย ธง-เม่ง อ๊ะ เอาะ? เยีย บัว เมา มป่า เม่ย บัว เฮ้น เอาะ? เยีย บัว หฒุ เมี่ยน หมั่ง เผีย มป่า เมี่ยน ท่าย เม่ย บัว เอาะ? 11เถา อี้ หฒั่น เยีย บัว เฮญี้ยว เซีย, จาง ฆ้าด. เยีย บัว ฒุ ลุย-โหว-ฮู้. เยีย บัว หฒุ เมี่ยน เบ๊าะ หย่า ไม้ ม่าย ตี้ง เฒ้บ ต๋อง. 12เยีย บัว หล่ง กั้น เญย ปั์ว โหฒว กง โค้ว เหว่ย ยู์ง กั้น เญย แหม่ง.#กง-โฒ่ 18:3 หฒุ เมี่ยน เหฒียว, เยีย บัว ปวัง หว่า นิ่น บัว. หฒุ เมี่ยน โหฒว โตะ, เยีย บัว เตี๊ย เจี๊ยน. 13หฒุ เมี่ยน ก๊อง หว่า-ฮู้, เยีย บัว ก๊อง หลง ปุน นิ่น บัว. เถา อี้ หฒั่น เยีย บัว โหฒว ป้าม เมี่ยน เญย หละฟับ-ฒา, หย่า โหฒว ป้าม เกน เญย กะน้าย-เตี้ยน.
14เยีย เฟี้ย น้าย เต๋ย หว่า ไม้ เฒ์ย เหว่ย ปุน เม่ย บัว ไญ้. เม่ย บัว เซ ฮนั้ง โหฒว เยีย กั้น เญย ฝุเจว๊ย นอ. เยีย ฯฒฯ เฟี้ย เฝียน ขวิน เม่ย บัว. 15ไม้ กุ๊น ม่าย เหยียด หว่าน เต้า ฟิน-แซง ต้อ เม่ย บัว กัน กีตู่, เม่ย บัว ขูง ม่าย ดุ เต้า เตีย ฮนั้ง. เม่ย บัว เหธา กีตู่ เยซู จวั่ง แหม่ง เฒี่ยง, เยีย ฯฒฯ ตุ๊ เป๋น เม่ย บัว เญย เตีย, เหว่ย หฒุ เยีย ต้อ คู้ เฝียน ต้าย บั๋ว เม่ย บัว. 16ฮนั้ง หน่าย, เยีย โท้ เม่ย บัว หฒวด เยีย เญย หญู่ง เฒ้ย โหฒว.#1 โคลินโท 11:1; ฟีลิบพอย 3:17 17เหว่ย น้าย เยีย พ้าย ทิโมไท มี่ง เม่ย บัว หน่าย. นิ่น เซ ฮนั้ง โหฒว เยีย เญย ตอน-ฮนั้ม หย่า เขา เฒี้ยว โหฒว เหฒียบ ฒัวะ เญย เมี่ยน. นิ่น อ๋อย เถง เม่ย บัว จั๋ง เยีย เหธา กีตู่ เยซู จวั่ง แหม่ง เฒี่ยง โหฒว เญย เจ๊า, เซ ฮนั้ง เยีย เยียม นอมๆ ต๋อง เญย จิว-ปาง หฌาว นอ.
18เยียม เม่ย บัว หน่าย ม่าย เต๋ย หล่าย เยีย ไม้ ไฮ่ เถา เม่ย บัว หน่าย ฯฒฯ โหฒว เหมา. 19มป่า สี ก๊อง เอย เฒี้ยว เญย เอ๋ย, ไม้ เล่า เยีย เถา เม่ย บัว หน่าย อ๊ะ. เถา วั้ว หฒั่น เยีย ฯฒฯ ตุ๊ ปวัด วั้ว เต๋ย โหฒว เหมา เญย เมี่ยน, หมั่ง ก๋า นิ่น บัว เญย ชะ ฮนั้ง หาย นอ, ไม้ เฒ์ย ขูง หมวัง นิ่น บัว ก๊อง เญย หว่า. 20เหว่ย หฒุ ทิน-ฮู่ง โหฒว เฒี้ยว กุ๊น เมี่ยน ปุน ธีง เยียม เมี่ยน ม่าย สีง ลี่ง เญย ชะ, ไม้ เฒ์ย เยียม เมี่ยน ก๊อง เญย หว่า. 21เม่ย บัว อ๋อย เยีย ฮนั้ง หาย นอ โหฒว? อ๋อย เยีย ต้อ เจี๊ยน ปย๊า-ปิน ต้าย ไฟ อ๋อย เยีย ม่าย เฮญี้ยว ฮนั้ม เมี่ยน, ส่วน ฒี่ง ส่วน เอ๋ย เญย ต้าย ไฟ?
Currently Selected:
1 โคลินโท 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
