Arumi 3
3
1Kunaavizani sambi ko kukala Muyahudi? Hebu kuno kubitwʼatsʼi, kokolani? 2Kuko kunaaviza muno, bee chisha chila upande. Chitʼu cha kwanza ni kwamba, Mulungu waangʼazira Ayahudi manenoge gosi, mana, waaona anakuluphirika. 3Ela ujeri ni kwamba, Ayahudi anjine ákala kʼaakuluphirika. Ndo mukale munaona Mulungu kʼakuluphirika kwa Ayahudi anjine kʼaakuluphirika? 4#Zab 51:4Ngʼo! Vivyo tsʼivyo kamare! Maana, hata chila mwanadamu akakala mulongo, ela Mulungu yiye ugomba ujeri ukati wosi. Vivi vinagwa sawa na Maandiko ga Mulungu gaambago,
“Ndo uwe u mujeri kwa gago unilumbirago,
na una haki ukati unilamulapho.”
5“Chikala madambi gehu ganamuhenda Mulungu aoneke ni mudzo, bemba siswi hunamuhenderatʼo, hebu tsʼivyo vivyo? Ndo yiye Mulungu achihutiya akili, undakala kʼana haki.” (Vivyo ndivyo aambavyo atʼu anjine.) 6Ngʼo! Vivyo tsʼivyo kamare! Maana, yiye Mulungu kala kʼana haki, angari kukala kʼaidima kuulamula urumwengu.
7Atʼu nikwenda akalumba akaamba, “Siswi huchihenda mai, atʼu hata ndipho anaona lwazu-lwazu kukala, Mulungu unahenda ga jeri kamare, na vivyo hukala hunamuhenda alikwe. Ndo kwadze sambi hulamulwe hu adambi vivyo?” 8Ndo ao naamanye kukala, vivyo ni sawa na kwamba, “Nahuhendeni mai, kwa hata madzo gadze.” Atʼu anjine ananiifya kwa kunilumbira kwamba, mimi nami ninagagomba gago. Ndo ao andatiywa akili kutuwirizana na gago makosa gao.
Kʼakuna mwenye haki mbere za Mulungu
9Ndo hwambedze sambi? Hukale sino Ayahudi hudziachira o anjine? Ngʼo! Maana, mimi nidzimuhadzira kare kukala, atʼu a makabila manjine na hata Ayahudi osi, anatawalwa ni dambi. 10#Zab 14:1-3; 53:1-3Gago ganagwa sawa na vifungu-vifungu vya Maandiko ga Mulungu vyambavyo:
“Kʼakuna mwenye haki mbere za Mulungu,
hata mumwenga kʼakuna!
11Kʼakuna mutʼu amumanyaye Mulungu jeri,
hebu amutsakulaye.
12Atʼu osi anamuricha Mulungu,
osi ni ai.
Kʼakuna ahendaye madzo,
ngʼo, kʼakuna hata mumwenga.”
13 #
Zab 5:9;
Zab 140:3
“Miro zao ni mbira zirizo lwazu,
milomo yao yigomba maneno ga kulemba,
na makanwa gao, gana utsungu dza wa mafira.”
14 #
Zab 10:7
“Milomo yao yi tele makarama ga kugwira.”
15 #
Isa 59:7, 8 “Atʼu ni atsangu kuulaga atʼu otsʼi makosa, kwahendera mauku atʼu.
16Phao phosi endapho anaturisa atʼu,
na kwahangamiza.
17Ao kʼaamanya kusagala na reri na atʼu.”
18 #
Zab 36:1
“Na kʼaamogopha Mulungu kamare.”
19Kufikira phapho hunaonani kukala, gago gosi goandikwa Shariyani, ga dzulu ya o atʼu ario a tsʼini za yo Shariya, hata ao kʼaana chitʼu cha kudzihehera hata chimwenga. Na chisha, hunaonani vivyo kukala, atʼu osi phapha duniani a tsʼini za ulamuli wa Mulungu. 20#Zab 143:2; Agal 2:16Maana, kʼakuna mutʼu aidimaye kuphokerwa ni Mulungu dza mwenye haki kwa unatuwa Shariya, hata itsʼiphokala, yinaahenda atʼu amanye ni adambi.
Mulungu aaphokeravyo atʼu dza enye haki
21Ela vivi, Mulungu wangʼaza njira ya kwaphokerera atʼu dza enye haki photsʼi shariya, na yiyo ndiyolagwa pʼindi Maandikoni. 22#Agal 2:16Ndo ni kuchirira kumukuluphira Jeso Kʼirisito, ndiko kumuhendako Mulungu aaphokere atʼu dza enye haki. Na osi akuluphirao, ndio aphokerwao ni Mulungu dza enye haki. Ndo kʼakuna tafauti kamare kati ya Ayahudi, na atʼu a makabila manjine. 23Maana, atʼu osi áhenda dambi, na anaphungukirwa ni kukala na haki dza Mulungu. 24Ela kwa mbazi za Mulungu, atʼu osi anaidima kuphokerwa dza enye haki kwa njira ya Jeso Kʼirisito yekombola atʼu. 25Ndo Mulungu wamulavya Jeso Kʼirisito dza sadaka, kwa hata aahende atʼu asamehewe madambi gao. Na Mulungu usamehe atʼu madambi gao akuluphirapho kukala, yiye Jeso Kʼirisito wafa kwa dzulu yao. Mulungu wamutiya akili Jeso kwa aonyese kukala, wakala niaatiye akili o adambi, hata aripho pho pʼindi wavumirira hata kʼagatuwire mijali gago madambi gao. 26Ndo vivi, waonyesa vivyo yirivyo hakiye yamuhenda amutiye akili Jeso kwa dambi za atʼu, na yeyosi akuluphiraye yiyo sadaka ya Jeso, unaphokerwa ni Mulungu dza mwenye haki.
27Hukale hunaidima kudziunula sambi hukaamba, huna utʼu wowosi huriouhenda, urio unaidima kumuhenda Mulungu ahuphokere dza enye haki? Ngʼo! Maana, Mulungu uphokera atʼu kwa kuluphiro rao tu, ela tsʼi kwa mahendo gao. 28Ndo atʼu aphokerwa ni Mulungu dza enye haki kwa kumukuluphira Jeso Kʼirisito tu, ela tsʼi kwa kutuwa Shariya. 29Mwimwi nimumanye kukala, Mulungu ni wa atʼu osi, ela tsʼi wa Ayahudi hichiyao tu. 30#Kʼumb 6:4; Agal 3:20Maana, Mulungu wa jeri ni mumwenga, na yiye, o Ayahudi abitwʼaotsʼi, na atʼu a makabila manjine otsʼibitwʼatsʼi, osi undaaphokera dza enye haki kwa kuluphiro rao tu. 31Ndo vikale vivyo vinaimanisha Shariya kʼayina tende kwa sino huphokerwa ni Mulungu dza enye haki kwa kuluphiro? Ngʼo! Vivyo tsʼivyo kamare, hata hukala hunayiika Shariya phatʼuphe pha haki.
Currently Selected:
Arumi 3: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 3
3
1Kunaavizani sambi ko kukala Muyahudi? Hebu kuno kubitwʼatsʼi, kokolani? 2Kuko kunaaviza muno, bee chisha chila upande. Chitʼu cha kwanza ni kwamba, Mulungu waangʼazira Ayahudi manenoge gosi, mana, waaona anakuluphirika. 3Ela ujeri ni kwamba, Ayahudi anjine ákala kʼaakuluphirika. Ndo mukale munaona Mulungu kʼakuluphirika kwa Ayahudi anjine kʼaakuluphirika? 4#Zab 51:4Ngʼo! Vivyo tsʼivyo kamare! Maana, hata chila mwanadamu akakala mulongo, ela Mulungu yiye ugomba ujeri ukati wosi. Vivi vinagwa sawa na Maandiko ga Mulungu gaambago,
“Ndo uwe u mujeri kwa gago unilumbirago,
na una haki ukati unilamulapho.”
5“Chikala madambi gehu ganamuhenda Mulungu aoneke ni mudzo, bemba siswi hunamuhenderatʼo, hebu tsʼivyo vivyo? Ndo yiye Mulungu achihutiya akili, undakala kʼana haki.” (Vivyo ndivyo aambavyo atʼu anjine.) 6Ngʼo! Vivyo tsʼivyo kamare! Maana, yiye Mulungu kala kʼana haki, angari kukala kʼaidima kuulamula urumwengu.
7Atʼu nikwenda akalumba akaamba, “Siswi huchihenda mai, atʼu hata ndipho anaona lwazu-lwazu kukala, Mulungu unahenda ga jeri kamare, na vivyo hukala hunamuhenda alikwe. Ndo kwadze sambi hulamulwe hu adambi vivyo?” 8Ndo ao naamanye kukala, vivyo ni sawa na kwamba, “Nahuhendeni mai, kwa hata madzo gadze.” Atʼu anjine ananiifya kwa kunilumbira kwamba, mimi nami ninagagomba gago. Ndo ao andatiywa akili kutuwirizana na gago makosa gao.
Kʼakuna mwenye haki mbere za Mulungu
9Ndo hwambedze sambi? Hukale sino Ayahudi hudziachira o anjine? Ngʼo! Maana, mimi nidzimuhadzira kare kukala, atʼu a makabila manjine na hata Ayahudi osi, anatawalwa ni dambi. 10#Zab 14:1-3; 53:1-3Gago ganagwa sawa na vifungu-vifungu vya Maandiko ga Mulungu vyambavyo:
“Kʼakuna mwenye haki mbere za Mulungu,
hata mumwenga kʼakuna!
11Kʼakuna mutʼu amumanyaye Mulungu jeri,
hebu amutsakulaye.
12Atʼu osi anamuricha Mulungu,
osi ni ai.
Kʼakuna ahendaye madzo,
ngʼo, kʼakuna hata mumwenga.”
13 #
Zab 5:9;
Zab 140:3
“Miro zao ni mbira zirizo lwazu,
milomo yao yigomba maneno ga kulemba,
na makanwa gao, gana utsungu dza wa mafira.”
14 #
Zab 10:7
“Milomo yao yi tele makarama ga kugwira.”
15 #
Isa 59:7, 8 “Atʼu ni atsangu kuulaga atʼu otsʼi makosa, kwahendera mauku atʼu.
16Phao phosi endapho anaturisa atʼu,
na kwahangamiza.
17Ao kʼaamanya kusagala na reri na atʼu.”
18 #
Zab 36:1
“Na kʼaamogopha Mulungu kamare.”
19Kufikira phapho hunaonani kukala, gago gosi goandikwa Shariyani, ga dzulu ya o atʼu ario a tsʼini za yo Shariya, hata ao kʼaana chitʼu cha kudzihehera hata chimwenga. Na chisha, hunaonani vivyo kukala, atʼu osi phapha duniani a tsʼini za ulamuli wa Mulungu. 20#Zab 143:2; Agal 2:16Maana, kʼakuna mutʼu aidimaye kuphokerwa ni Mulungu dza mwenye haki kwa unatuwa Shariya, hata itsʼiphokala, yinaahenda atʼu amanye ni adambi.
Mulungu aaphokeravyo atʼu dza enye haki
21Ela vivi, Mulungu wangʼaza njira ya kwaphokerera atʼu dza enye haki photsʼi shariya, na yiyo ndiyolagwa pʼindi Maandikoni. 22#Agal 2:16Ndo ni kuchirira kumukuluphira Jeso Kʼirisito, ndiko kumuhendako Mulungu aaphokere atʼu dza enye haki. Na osi akuluphirao, ndio aphokerwao ni Mulungu dza enye haki. Ndo kʼakuna tafauti kamare kati ya Ayahudi, na atʼu a makabila manjine. 23Maana, atʼu osi áhenda dambi, na anaphungukirwa ni kukala na haki dza Mulungu. 24Ela kwa mbazi za Mulungu, atʼu osi anaidima kuphokerwa dza enye haki kwa njira ya Jeso Kʼirisito yekombola atʼu. 25Ndo Mulungu wamulavya Jeso Kʼirisito dza sadaka, kwa hata aahende atʼu asamehewe madambi gao. Na Mulungu usamehe atʼu madambi gao akuluphirapho kukala, yiye Jeso Kʼirisito wafa kwa dzulu yao. Mulungu wamutiya akili Jeso kwa aonyese kukala, wakala niaatiye akili o adambi, hata aripho pho pʼindi wavumirira hata kʼagatuwire mijali gago madambi gao. 26Ndo vivi, waonyesa vivyo yirivyo hakiye yamuhenda amutiye akili Jeso kwa dambi za atʼu, na yeyosi akuluphiraye yiyo sadaka ya Jeso, unaphokerwa ni Mulungu dza mwenye haki.
27Hukale hunaidima kudziunula sambi hukaamba, huna utʼu wowosi huriouhenda, urio unaidima kumuhenda Mulungu ahuphokere dza enye haki? Ngʼo! Maana, Mulungu uphokera atʼu kwa kuluphiro rao tu, ela tsʼi kwa mahendo gao. 28Ndo atʼu aphokerwa ni Mulungu dza enye haki kwa kumukuluphira Jeso Kʼirisito tu, ela tsʼi kwa kutuwa Shariya. 29Mwimwi nimumanye kukala, Mulungu ni wa atʼu osi, ela tsʼi wa Ayahudi hichiyao tu. 30#Kʼumb 6:4; Agal 3:20Maana, Mulungu wa jeri ni mumwenga, na yiye, o Ayahudi abitwʼaotsʼi, na atʼu a makabila manjine otsʼibitwʼatsʼi, osi undaaphokera dza enye haki kwa kuluphiro rao tu. 31Ndo vikale vivyo vinaimanisha Shariya kʼayina tende kwa sino huphokerwa ni Mulungu dza enye haki kwa kuluphiro? Ngʼo! Vivyo tsʼivyo kamare, hata hukala hunayiika Shariya phatʼuphe pha haki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in