Mahendo 19
19
Pʼaulo unasumurira neno ra Mulungu Efeso
1Ukati Apolo ariphokala u Korito, Pʼaulo waenderera na charo, na achichira na itsʼi ya Asiya hata achifika mudzi wa Efeso, na kuko achendaonana na akuluphiri fulani. 2Pʼaulo achiauza achiaamba, “Vidze, mukale muriphokuluphira, mwakudza muchiphokera Roho wa Mulungu?” O achiudzidza achiamba, “Kʼahuphokerere! Na hata kʼahudzangwe kusikira kukala, kuna Roho wa Mulungu.” 3Pʼaulo achiauza kahiri achiaamba, “Kwani mwi mwabatizwa ubatizo uphio?” O nao achiudzidza achiamba, “Siswi hwabatizwa ubatizo wa Johana.” 4#Mat 3:11; Mar 1:4, 7, 8; Luk 3:4, 16; Joh 1:26, 27Phapho Pʼaulo achiaamba, “Johana waabatiza atʼu okala adzetya, na achiaambira o Ayahudi vivyo kukala, niamukuluphire Jeso, ariye wakala undakudza nyumaze.” 5O akuluphiri ariphosikira gago, ábatizwa kwa dzina ra Bwana Jeso. 6Ndo Pʼaulo achiaikira mikono achiavoyera. Roho wa Mulungu achiatsererera, nao achanza kugomba viryomo, na chisha achisema udzumbe wa Mulungu. 7Osi ákala ni atʼu afikao kumi na airi.
8Pʼaulo kuko wahenda myezi mihahu ya kwenda achenda sinagogini kugomba na kwalombera kwa dzulu ya Ufalume wa Mulungu photsʼi woga. 9Ela anjine ákala ana chiphurye, na achirema kukuluphira. Na chisha, achanza kugomba vii jamani dzulu ya Njira ya Bwana. Phapho Pʼaulo achiaricha, yiye achidziika kʼanda na aratʼu anafunzi a Bwana, na achikala achigomba na atʼu chila tsʼiku kwenye dzumba rokala richiuswa myonano ni Turano. 10Pʼaulo waenderera kuhenda vivyo hata achimala myaka miiri, na phapho atʼu osi a jimbo ra Asiya, Ayahudi na atʼu a makabila manjine, achiidima kusikira udzumbe dzulu ya Bwana.
Anangwa a Sekewa anaheza kulavya atʼu pʼepʼo
11Pʼaulo ariphokala u ko Efeso, waidimiswa ni Mulungu kuhenda vilinge vya kwangalaza. 12Maana, atʼu ákala achihwala hata vitambaa na nguwo zokala zichihumirwa ni yiye Pʼaulo achiziphirika kwa akongo, nao achiphozwa makongo gao, na aratʼu okala ana pʼepʼo, achilaiwa ni o pʼepʼo.
13Ndo Ayahudi fulani ákwenda hiku na hiku, achiheza kulavya pʼepʼo kwa kuhumira dzina ra Bwana Jeso. Ao ákala achiona mutʼu una pʼepʼo anaamba, “Ninakuchemera kwa dzina ra Jeso ariye Pʼaulo unasumurira ngumaze, laa!” 14Anangwa afungahe a kuhani mubomu wa Chiyahudi mumwenga aihiwaye Sekewa, ákala a kati ya ao okala achihenda vivyo. 15Ndo tsʼiku mwenga ariphohenda vivyo, pʼepʼo waaudzidza achiaamba, “Kala ni Jeso, ninamumanya. Pʼaulo naye, ninamumanya vivyo. Ela mwi heka tsʼimumanya! Hʼa bee nambirani, mu ano ani mwi?” 16Chisha, yiye mutʼu yekala una yiye pʼepʼo achiatinira osi achiagwavukira, na achiarima mukotse. Ndo achiapiga muno hata achiguvyuka-guvyuka, nao achilaa mairo mumo nyumbani, achichimbira phuphu.
17Maneno gago gámanywa ni atʼu osi ko Efeso, kala Ayahudi hebu atʼu a makabila manjine. Ndo osi achiphenywa ni woga, na dzina ra Bwana Jeso richilikwa. 18Akuluphiri anji ádzilavya jamani, achisema enye maneno mai gokala achigahenda. 19Anjine okala ahenda utsai pho mwanzo, ákusanya vitabu vyao vya utsai achivyocha mbere za osi. Na ariphotara garama ya vitabu vivyo, áona yinafika vipande helufu mirongo mitsano vya pʼesa. 20Ndo gago mahendo gosi gauhenda udzumbe dzulu ya Bwana ukaze kugotʼa, na atʼu anji achikaza kuukuluphira.
21Gariphochira gago, Pʼaulo waamula kwenda Jerusalemu, ela achire na majimbo ga Makedonia na Akaya. Pʼaulo wapanga vivi mwakwe moyoni, “Nichifika kuko Jerusalemu, ni seti nende hata Rumi nako.” 22Ndo achiahuma aavizie airi, Tʼimoti na Erasito, amulongolere kwenda Makedonia. Ela yiye achisala ko Asiya kwa chiwango.
Atʼu a Efeso anabitʼa muyuwano
23Pʼaulo ariphokala udziahuma Tʼimoti na Erasito ela yiye usala ko Asiya, kwalairira muyuwano ubomu ko Efeso, kwa dzulu ya yiyo Njira ya Bwana. 24Kuko kwakala kuna mutʼu mumwenga yekala una chanda cha vyuma vya pʼesa, aihiwaye Demetiriyo. Yiye kaziye yakala ni kutengeza vidzumba vidide virivyo dza Hekalu. Vidzumba vivyo wakala uvitengezera yiye mulungu wa chiche aihiwaye Aritemi,#19:24 Aritemi rakala ni dzina ra pʼindi ra mulungu wa chiche wa Ayunani, ariye wakala unaonewa una widimi wa kureha chinamasi, na chivyazi. na kazi yiyo yakala yinamupatira Demetiriyo na ahendikazie, faida bomu. 25Ndo tsʼiku mwenga Demetiriyo waaiha phamwenga ahendikazie na anjine osi okala ana kazi dza yo yakwe na achiaamba, “Ahendikazi asena, mwimwi munamanya kukala, siswi bee hupata pʼesa kuchirira uu uchuzi wehu. 26Ela mba vino munasikira na kudzonera enye vivyo Pʼaulo aalembavyolembavyo atʼu anji, na kwagaluza akubali kukala, yiyi milungu huyitengezayo siswi adamu, tsʼi milungu kamare. Na gago bee tsʼi kwamba unagahenda phapha Efeso hicheye, ela hata ni Wagahenda karibu jimbo rosi ra Asiya. 27Bee manyani asena kukala, kuna hatari ya uchuzi wehu kuphurywa, na atʼu anaidima kona Hekalu ra Aritemi, ariye ni mulungu wehu mubomu wa chiche, kʼarina tende. Na gago gachihendeka, atʼu kʼaandawona kahiri o ubomu wa yiye Aritemi, ariye atʼu a Asiya na duniani kosi anamwabudu.”
28O atʼu ariphosikira gago, átsukirwa muno, na achanza kupiga kʼululu kwamba, “Mubomu ni mulungu Aritemi wa Aefeso!” 29Ndo mudzi wosi uchiudzala muyuwano. Ao atʼu achiagwira Gayo na Arisitako, achina Makedonia, ario ákala ákudza na yiye Pʼaulo, na achiuka nao mairo hata kutʼu kokala atʼu achihenda myonano. 30Pʼaulo wakala uhenza ende akagombe nao o atʼu, ela akuluphiri achimuziza. 31Na chisha, abomu anjine a riro jimbo ra Asiya ákala ni asenae, na ao nao achimuhumira udzumbe achimulombera atsʼidzizinze kwa kwenda ko wanja okala atʼu achihenda myonano. 32Atʼu okala akwenda kuko ákala anapiga kʼululu muno. Anjine ákala anagomba hiri, na anjine hirira hata uratʼu monano uchivurugika. Anji ao kʼaamanyire hata ákala adzonana phapho kwadze. 33Ndo phapho Ayahudi ámusukuma Alekizanda hata pho mbere za atʼu, na achanza kumwambira ra kugomba. Alekizanda achiunula mukono kwa apate nafasi ya kwahehera pho mbere za riratʼu duu ra atʼu. 34Ela o atʼu ariphomanya kukala, wakala ni Muyahudi, osini ápiga kʼululu chivimwenga kwa masaa mairi kwamba, “Mubomu ni mulungu Aritemi wa Aefeso!”
35Musindikizowe, karani wa mudzi waidima kwanyamaza na achiaamba vivi, “Achina Efeso, ni ani yetsʼimanya kukala, mudzi uu wa Efeso, ndio umanyirirao Hekalu ra mulungu mubomu Aritemi, na chira chinyagoche chogwa kulaa dzulu? 36Gago ni maneno garigo kʼaphana aidimaye kugarema. Ndo bee hurirani mutsʼihende chitʼu chochosi photsʼililikana. 37Lolani vino mudziagwira aa atʼungwa na kwareha phapha, na tsʼi kwamba hata phanjine ányangʼanya vitʼu kulaa Hekaluni, hebu kumuhakana mulungu wehu wa chiche. 38Bee, Demetiriyo na ahendikazi anzie achikala ana malau na mutʼu yeyosi, vizimba vi kuko na alamuli. Kwa vivyo, naende akalumbane kuko. 39Na muchikala muna malau manjine, gago gaphirikeni kwenye monano wa halali. 40Mwimwi nimumanye kukala, hunaidima kulumbirwa hukaambwa, rero hudzibitʼa muyuwano. Na kʼahwidima kudzihehera bee, mana, kʼaphana ariye na chausa cha kumanyikana chodziricha hata hubitʼe muyuwano.” 41Unamarigiza kugomba gago, wautsamula o monano.
Currently Selected:
Mahendo 19: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Mahendo 19
19
Pʼaulo unasumurira neno ra Mulungu Efeso
1Ukati Apolo ariphokala u Korito, Pʼaulo waenderera na charo, na achichira na itsʼi ya Asiya hata achifika mudzi wa Efeso, na kuko achendaonana na akuluphiri fulani. 2Pʼaulo achiauza achiaamba, “Vidze, mukale muriphokuluphira, mwakudza muchiphokera Roho wa Mulungu?” O achiudzidza achiamba, “Kʼahuphokerere! Na hata kʼahudzangwe kusikira kukala, kuna Roho wa Mulungu.” 3Pʼaulo achiauza kahiri achiaamba, “Kwani mwi mwabatizwa ubatizo uphio?” O nao achiudzidza achiamba, “Siswi hwabatizwa ubatizo wa Johana.” 4#Mat 3:11; Mar 1:4, 7, 8; Luk 3:4, 16; Joh 1:26, 27Phapho Pʼaulo achiaamba, “Johana waabatiza atʼu okala adzetya, na achiaambira o Ayahudi vivyo kukala, niamukuluphire Jeso, ariye wakala undakudza nyumaze.” 5O akuluphiri ariphosikira gago, ábatizwa kwa dzina ra Bwana Jeso. 6Ndo Pʼaulo achiaikira mikono achiavoyera. Roho wa Mulungu achiatsererera, nao achanza kugomba viryomo, na chisha achisema udzumbe wa Mulungu. 7Osi ákala ni atʼu afikao kumi na airi.
8Pʼaulo kuko wahenda myezi mihahu ya kwenda achenda sinagogini kugomba na kwalombera kwa dzulu ya Ufalume wa Mulungu photsʼi woga. 9Ela anjine ákala ana chiphurye, na achirema kukuluphira. Na chisha, achanza kugomba vii jamani dzulu ya Njira ya Bwana. Phapho Pʼaulo achiaricha, yiye achidziika kʼanda na aratʼu anafunzi a Bwana, na achikala achigomba na atʼu chila tsʼiku kwenye dzumba rokala richiuswa myonano ni Turano. 10Pʼaulo waenderera kuhenda vivyo hata achimala myaka miiri, na phapho atʼu osi a jimbo ra Asiya, Ayahudi na atʼu a makabila manjine, achiidima kusikira udzumbe dzulu ya Bwana.
Anangwa a Sekewa anaheza kulavya atʼu pʼepʼo
11Pʼaulo ariphokala u ko Efeso, waidimiswa ni Mulungu kuhenda vilinge vya kwangalaza. 12Maana, atʼu ákala achihwala hata vitambaa na nguwo zokala zichihumirwa ni yiye Pʼaulo achiziphirika kwa akongo, nao achiphozwa makongo gao, na aratʼu okala ana pʼepʼo, achilaiwa ni o pʼepʼo.
13Ndo Ayahudi fulani ákwenda hiku na hiku, achiheza kulavya pʼepʼo kwa kuhumira dzina ra Bwana Jeso. Ao ákala achiona mutʼu una pʼepʼo anaamba, “Ninakuchemera kwa dzina ra Jeso ariye Pʼaulo unasumurira ngumaze, laa!” 14Anangwa afungahe a kuhani mubomu wa Chiyahudi mumwenga aihiwaye Sekewa, ákala a kati ya ao okala achihenda vivyo. 15Ndo tsʼiku mwenga ariphohenda vivyo, pʼepʼo waaudzidza achiaamba, “Kala ni Jeso, ninamumanya. Pʼaulo naye, ninamumanya vivyo. Ela mwi heka tsʼimumanya! Hʼa bee nambirani, mu ano ani mwi?” 16Chisha, yiye mutʼu yekala una yiye pʼepʼo achiatinira osi achiagwavukira, na achiarima mukotse. Ndo achiapiga muno hata achiguvyuka-guvyuka, nao achilaa mairo mumo nyumbani, achichimbira phuphu.
17Maneno gago gámanywa ni atʼu osi ko Efeso, kala Ayahudi hebu atʼu a makabila manjine. Ndo osi achiphenywa ni woga, na dzina ra Bwana Jeso richilikwa. 18Akuluphiri anji ádzilavya jamani, achisema enye maneno mai gokala achigahenda. 19Anjine okala ahenda utsai pho mwanzo, ákusanya vitabu vyao vya utsai achivyocha mbere za osi. Na ariphotara garama ya vitabu vivyo, áona yinafika vipande helufu mirongo mitsano vya pʼesa. 20Ndo gago mahendo gosi gauhenda udzumbe dzulu ya Bwana ukaze kugotʼa, na atʼu anji achikaza kuukuluphira.
21Gariphochira gago, Pʼaulo waamula kwenda Jerusalemu, ela achire na majimbo ga Makedonia na Akaya. Pʼaulo wapanga vivi mwakwe moyoni, “Nichifika kuko Jerusalemu, ni seti nende hata Rumi nako.” 22Ndo achiahuma aavizie airi, Tʼimoti na Erasito, amulongolere kwenda Makedonia. Ela yiye achisala ko Asiya kwa chiwango.
Atʼu a Efeso anabitʼa muyuwano
23Pʼaulo ariphokala udziahuma Tʼimoti na Erasito ela yiye usala ko Asiya, kwalairira muyuwano ubomu ko Efeso, kwa dzulu ya yiyo Njira ya Bwana. 24Kuko kwakala kuna mutʼu mumwenga yekala una chanda cha vyuma vya pʼesa, aihiwaye Demetiriyo. Yiye kaziye yakala ni kutengeza vidzumba vidide virivyo dza Hekalu. Vidzumba vivyo wakala uvitengezera yiye mulungu wa chiche aihiwaye Aritemi,#19:24 Aritemi rakala ni dzina ra pʼindi ra mulungu wa chiche wa Ayunani, ariye wakala unaonewa una widimi wa kureha chinamasi, na chivyazi. na kazi yiyo yakala yinamupatira Demetiriyo na ahendikazie, faida bomu. 25Ndo tsʼiku mwenga Demetiriyo waaiha phamwenga ahendikazie na anjine osi okala ana kazi dza yo yakwe na achiaamba, “Ahendikazi asena, mwimwi munamanya kukala, siswi bee hupata pʼesa kuchirira uu uchuzi wehu. 26Ela mba vino munasikira na kudzonera enye vivyo Pʼaulo aalembavyolembavyo atʼu anji, na kwagaluza akubali kukala, yiyi milungu huyitengezayo siswi adamu, tsʼi milungu kamare. Na gago bee tsʼi kwamba unagahenda phapha Efeso hicheye, ela hata ni Wagahenda karibu jimbo rosi ra Asiya. 27Bee manyani asena kukala, kuna hatari ya uchuzi wehu kuphurywa, na atʼu anaidima kona Hekalu ra Aritemi, ariye ni mulungu wehu mubomu wa chiche, kʼarina tende. Na gago gachihendeka, atʼu kʼaandawona kahiri o ubomu wa yiye Aritemi, ariye atʼu a Asiya na duniani kosi anamwabudu.”
28O atʼu ariphosikira gago, átsukirwa muno, na achanza kupiga kʼululu kwamba, “Mubomu ni mulungu Aritemi wa Aefeso!” 29Ndo mudzi wosi uchiudzala muyuwano. Ao atʼu achiagwira Gayo na Arisitako, achina Makedonia, ario ákala ákudza na yiye Pʼaulo, na achiuka nao mairo hata kutʼu kokala atʼu achihenda myonano. 30Pʼaulo wakala uhenza ende akagombe nao o atʼu, ela akuluphiri achimuziza. 31Na chisha, abomu anjine a riro jimbo ra Asiya ákala ni asenae, na ao nao achimuhumira udzumbe achimulombera atsʼidzizinze kwa kwenda ko wanja okala atʼu achihenda myonano. 32Atʼu okala akwenda kuko ákala anapiga kʼululu muno. Anjine ákala anagomba hiri, na anjine hirira hata uratʼu monano uchivurugika. Anji ao kʼaamanyire hata ákala adzonana phapho kwadze. 33Ndo phapho Ayahudi ámusukuma Alekizanda hata pho mbere za atʼu, na achanza kumwambira ra kugomba. Alekizanda achiunula mukono kwa apate nafasi ya kwahehera pho mbere za riratʼu duu ra atʼu. 34Ela o atʼu ariphomanya kukala, wakala ni Muyahudi, osini ápiga kʼululu chivimwenga kwa masaa mairi kwamba, “Mubomu ni mulungu Aritemi wa Aefeso!”
35Musindikizowe, karani wa mudzi waidima kwanyamaza na achiaamba vivi, “Achina Efeso, ni ani yetsʼimanya kukala, mudzi uu wa Efeso, ndio umanyirirao Hekalu ra mulungu mubomu Aritemi, na chira chinyagoche chogwa kulaa dzulu? 36Gago ni maneno garigo kʼaphana aidimaye kugarema. Ndo bee hurirani mutsʼihende chitʼu chochosi photsʼililikana. 37Lolani vino mudziagwira aa atʼungwa na kwareha phapha, na tsʼi kwamba hata phanjine ányangʼanya vitʼu kulaa Hekaluni, hebu kumuhakana mulungu wehu wa chiche. 38Bee, Demetiriyo na ahendikazi anzie achikala ana malau na mutʼu yeyosi, vizimba vi kuko na alamuli. Kwa vivyo, naende akalumbane kuko. 39Na muchikala muna malau manjine, gago gaphirikeni kwenye monano wa halali. 40Mwimwi nimumanye kukala, hunaidima kulumbirwa hukaambwa, rero hudzibitʼa muyuwano. Na kʼahwidima kudzihehera bee, mana, kʼaphana ariye na chausa cha kumanyikana chodziricha hata hubitʼe muyuwano.” 41Unamarigiza kugomba gago, wautsamula o monano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in