Sirac 41
41
An Kamatayon
1An kamatayon! An panhunahuna la hini mapait para hin usa nga mainuswagon an kabuhi, himyang an pag-ukoy ngan may-ada niya mga hiagi, waray kagul-anan, ngan may-ada gana hin pagkaon.
2An kamatayon! An paghukom hini kinakarawat hin usa ka tawo nga kablas an pag-ukoy, nga masakiton, lagas na kaupay, lumos hin mga kabidoan, buta, ngan nawad-an na hin paglaom.#41:2 Ha Hebreo, buta…hin paglaom; ha Griego, masupilon ngan waray pagpailob.
3Ayaw kahadlok han kaladnganan han kamatayon. Panumdom nga inmabot an kamatayon ha ira nga una pa ha imo ngan maabot liwat ini hadton masunod pa ha imo. 4Iginbuot ini han Ginoo para han ngatanan nga buhi nga binuhat. Hin-o ka ngani nga masupak han karuyag han Gihahataasi? Didto han tuna han mga minatay, waray na manginginano kon nag-ukoy ka ba hin napulo ka tuig o 100 ka tuig o 1,000 ka tuig.
An Sangputanan han mga Magraogdaog
5An mga anak han mga makasasala, nga ginpatubo dida hin dapit nga waray pagkilala han Dyos, nahimo nga mga magdumot nga tawo. 6Nawawad-an hira han bisan ano nga ira nasunod ngan an ira sumusunod mag-uokoy dida hin makaaalo nga kinabuhi. 7Pagbabasulon han mga anak an ira mga kag-anak nga waray pagkilala han Dyos mahitungod hini nga ira kaarawdan.
8Ginhukman na kamo ha karat-an, kamo nga waray tuloohan nga mga tawo nga binmaya han Balaod han Gihahataasi. 9Kon may-ada niyo nga anak, aabotan hira hin disgrasya ngan waray mahibibilin dida ha iyo labot han kabidoan. May-ada malilipay ha kada kapupukan niyo#41:9 Ha Hebreo, kon may-ada…kapupukan niyo; ha Griego, Natawo kamo nga ginabaan. ngan bisan kahuman han iyo kamatayon, pagpapakaraoton la kamo gihapon. 10An nahimo tikang ha kawarayan,#41:10 Ha Hebreo, tikang ha kawarayan; ha Griego, tikang ha tuna. mabalik ngadto ha kawarayan; ngan amo ini an mahinanabo han mga diri nakilala han Dyos, paghuhukman hira basi maanaw.
11An lawas han tawo waray la gamit,#41:11 Ha Hebreo, An lawas…gamit; ha Griego, An kamatayon hin lawas ginkakabidoan. kundi an maupay nga dungog magpapadayon. 12Panalipdi an imo dungog; mauuna ka pa hin kamatay ngan magpapabilin ini nga imo dungog hin maiha kay han yinukot nga mga bahandi. 13An maupay nga kinabuhi may-ada katubtoban kundi an maupay nga dungog magpapabilin ha kadayonan.
An Angay Kaawdan
14Mga anak ko, tumana an akon igtututdo ha iyo ngan pag-ukoy kamo nga malinawon. An kinaadman nga diri ipinapagawas ha pulong sugad ini hin manggad nga gintago—nga duha waray mga gamit. 15An tawo nga magtabon han iya katuyawan mauruupay ini hiya hadton nagtitipig han iya kinaadman para la ha iya kalugaringon.
16Mga anak ko, pamati kamo ngan tututdoan ta kamo han mga higayon nga angay niyo kaawdan.#41:16 Ha Hebreo, Mga anak…kaawdan; ha Griego, Tahora niyo an akon isinisiring. Kon usahay diri ini nahimumutang ha kaangayan.
17Ha atubangan han iyo mga kag-anak, kaawod kamo han iyo maghilas nga panggawi. Ha atubangan hin punoan o importante nga tawo, kaawod kamo hin pagbinuwa.
18Ha atubangan han hukom, kaawod kamo han iyo masinupakon nga binuhatan.
Ha atubangan hin katirok o han kadam-an, kaawod kamo hin pagsupak han balaod.
Ha atubangan hi sangkay o kabulig, kaawod hin paglimbong.
19Ha atubangan han iyo amyaw, kaawod hin pangawat.
Kaawod hin diri pagtuman hin saad,#41:19 Ha Hebreo, hin diri pagtuman hin saad; ha Griego, han iyo kalugaringon ha atubangan han kamatuoran han Dyos.
hin pagsaray han iyo mga siko ha lamesa nga kaonan,
hin katihik kon pangangaroan kamo,
20hin diri pagbaton hin pangomusta
hin pagtutok ha babaye nga maraot an dungog,
21hin pagbaribad han hangyo hin iyo uropod,
hin pagpugong han katungod han iba,
hin pagtutok han asawa hin iba nga lalake,
22hin pagsingabot han iya oripon nga babaye (pahirayo han iya higdaan)
hin pagpakaalo han iyo kasangkayan,
hin pagsuson han mga regalo
23nga iyo kinakarawat, hin pagbuyagyag hin mga tinago.
Amo ini an mga panahon nga kinahanglan maawod kamo, ngan an mga tawo magtatahod ha iyo.
Currently Selected:
Sirac 41: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 41
41
An Kamatayon
1An kamatayon! An panhunahuna la hini mapait para hin usa nga mainuswagon an kabuhi, himyang an pag-ukoy ngan may-ada niya mga hiagi, waray kagul-anan, ngan may-ada gana hin pagkaon.
2An kamatayon! An paghukom hini kinakarawat hin usa ka tawo nga kablas an pag-ukoy, nga masakiton, lagas na kaupay, lumos hin mga kabidoan, buta, ngan nawad-an na hin paglaom.#41:2 Ha Hebreo, buta…hin paglaom; ha Griego, masupilon ngan waray pagpailob.
3Ayaw kahadlok han kaladnganan han kamatayon. Panumdom nga inmabot an kamatayon ha ira nga una pa ha imo ngan maabot liwat ini hadton masunod pa ha imo. 4Iginbuot ini han Ginoo para han ngatanan nga buhi nga binuhat. Hin-o ka ngani nga masupak han karuyag han Gihahataasi? Didto han tuna han mga minatay, waray na manginginano kon nag-ukoy ka ba hin napulo ka tuig o 100 ka tuig o 1,000 ka tuig.
An Sangputanan han mga Magraogdaog
5An mga anak han mga makasasala, nga ginpatubo dida hin dapit nga waray pagkilala han Dyos, nahimo nga mga magdumot nga tawo. 6Nawawad-an hira han bisan ano nga ira nasunod ngan an ira sumusunod mag-uokoy dida hin makaaalo nga kinabuhi. 7Pagbabasulon han mga anak an ira mga kag-anak nga waray pagkilala han Dyos mahitungod hini nga ira kaarawdan.
8Ginhukman na kamo ha karat-an, kamo nga waray tuloohan nga mga tawo nga binmaya han Balaod han Gihahataasi. 9Kon may-ada niyo nga anak, aabotan hira hin disgrasya ngan waray mahibibilin dida ha iyo labot han kabidoan. May-ada malilipay ha kada kapupukan niyo#41:9 Ha Hebreo, kon may-ada…kapupukan niyo; ha Griego, Natawo kamo nga ginabaan. ngan bisan kahuman han iyo kamatayon, pagpapakaraoton la kamo gihapon. 10An nahimo tikang ha kawarayan,#41:10 Ha Hebreo, tikang ha kawarayan; ha Griego, tikang ha tuna. mabalik ngadto ha kawarayan; ngan amo ini an mahinanabo han mga diri nakilala han Dyos, paghuhukman hira basi maanaw.
11An lawas han tawo waray la gamit,#41:11 Ha Hebreo, An lawas…gamit; ha Griego, An kamatayon hin lawas ginkakabidoan. kundi an maupay nga dungog magpapadayon. 12Panalipdi an imo dungog; mauuna ka pa hin kamatay ngan magpapabilin ini nga imo dungog hin maiha kay han yinukot nga mga bahandi. 13An maupay nga kinabuhi may-ada katubtoban kundi an maupay nga dungog magpapabilin ha kadayonan.
An Angay Kaawdan
14Mga anak ko, tumana an akon igtututdo ha iyo ngan pag-ukoy kamo nga malinawon. An kinaadman nga diri ipinapagawas ha pulong sugad ini hin manggad nga gintago—nga duha waray mga gamit. 15An tawo nga magtabon han iya katuyawan mauruupay ini hiya hadton nagtitipig han iya kinaadman para la ha iya kalugaringon.
16Mga anak ko, pamati kamo ngan tututdoan ta kamo han mga higayon nga angay niyo kaawdan.#41:16 Ha Hebreo, Mga anak…kaawdan; ha Griego, Tahora niyo an akon isinisiring. Kon usahay diri ini nahimumutang ha kaangayan.
17Ha atubangan han iyo mga kag-anak, kaawod kamo han iyo maghilas nga panggawi. Ha atubangan hin punoan o importante nga tawo, kaawod kamo hin pagbinuwa.
18Ha atubangan han hukom, kaawod kamo han iyo masinupakon nga binuhatan.
Ha atubangan hin katirok o han kadam-an, kaawod kamo hin pagsupak han balaod.
Ha atubangan hi sangkay o kabulig, kaawod hin paglimbong.
19Ha atubangan han iyo amyaw, kaawod hin pangawat.
Kaawod hin diri pagtuman hin saad,#41:19 Ha Hebreo, hin diri pagtuman hin saad; ha Griego, han iyo kalugaringon ha atubangan han kamatuoran han Dyos.
hin pagsaray han iyo mga siko ha lamesa nga kaonan,
hin katihik kon pangangaroan kamo,
20hin diri pagbaton hin pangomusta
hin pagtutok ha babaye nga maraot an dungog,
21hin pagbaribad han hangyo hin iyo uropod,
hin pagpugong han katungod han iba,
hin pagtutok han asawa hin iba nga lalake,
22hin pagsingabot han iya oripon nga babaye (pahirayo han iya higdaan)
hin pagpakaalo han iyo kasangkayan,
hin pagsuson han mga regalo
23nga iyo kinakarawat, hin pagbuyagyag hin mga tinago.
Amo ini an mga panahon nga kinahanglan maawod kamo, ngan an mga tawo magtatahod ha iyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984