Mga Salmo 99
99
Gilalabawi nga Hadi an Dyos
1An naghahadi amo na an Ginoo,
yana pakuroga na an mga tawo
igbaw'n mga kerubin an iya trono, hiya nalingkod, tuna bay-og hin duro.
2Gamhanan an Ginoo didto ha Sion,
hiya'n labaw han tanan nga mga nasod.
3Tanan magdayaw ngaran n'ya nga harangdon ngan dako ug hiya baraan gihapon.
4Gamhanan hadi,#99:4 Gamhanan hadi; ha Hebreo, An kusog han hadi. higugma mo'n matadong,
ha Israel hustisya im' ginparig-on;
ikaw an nagdara han pagkamatadong,
ngan pagtagad han ngatanan nga turopong.
5An Ginoo aton gud nga pagdayawon,
amo hiya an Ginoo nga Dyos naton,
didto han iyo trono aton singbahon,
pagkabaraan niya, aton pagdaygon!
6Moises ug Aaron iya kapadian,
ngan hi Samuel usa liwat han kadam-an
nga nag-ampo, nagsangpit han iya ngaran,
nagsangpit han Ginoo ngan ginbaton man.
7An iya paagi ha ira pagyakan,
harigi nga dampog an gintitikangan;
mga balaod niya ira gintuman,
an ginhatag niya nga kasugoanan.
8At' Ginoo nga Dyos ha ira nagbaton,
ikaw nga Dyos, ha ira mapasayloon;
kundi ikaw an nakastigo gihapon hadton ira mga pagkamasal-anon.
9An Ginoo nga aton Dyos pagdayawon,
didto han iya baraan gud nga pungtod#99:9 BARAAN NGA PUNGTOD: Kitaa an 2:6.
ngan angay gud hiya naton pagsingbahon,
kay baraan an Ginoo nga Dyos naton.
Currently Selected:
Mga Salmo 99: MBBSAM
Highlight
Copy
Compare
Share
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
