Mga Salmo 47
47
May-ada Labaw Gud nga Punoan#HEBREO NGA ULOHAN: Salmo han banay ni Kora.
1Pamakpak na kamo nga may kalipayan,
kamo ngatanan gud nga mga katawhan;
hin pagdayaw an Dyos iyo goliatan,
hin dagko nga tingog iyo pagkantahan.
2An Ginoo angay niyo kahadlokan,
an Dyos nga Gilalabawi han Ngatanan.
Hiya amo an hadi nga dako gudman,
nga nagkahadi han bug-os kalibutan.
3Iya kita gintagan hin pagdarag-an,
kontra hin damo gud nga mga katawhan;
ngan iya ha aton nga ginpahadian,
adton damo hin duro nga kanasoran.
4Hiya an nagpili hin para ha aton,
hadton tuna nga aton gud panurundon;
ini an tuna nga pagtatag-iyahon,
hadton katawhan nga iya higugmaon.
5Napakadto na an Dyos han iya trono,
may mga gogliat hin kalipay didto,
ngan may-ada mga pagtrompeta'n dagko,
samtang nasaka na adto nga Ginoo.
6Pagkanta ngadto ha Dyos hin malipayon,
pagkanta hin pagdayaw ha hadi naton.
7Hadi'n Dyos han tanan nga kalibutanon,
pagdayawa hiya'n mga karantahon!
8Nalingkod adton Dyos nga amo'n Ginoo,
didto hadton iya baraan nga trono;
ngan iya ginhahadian tikang didto,
an ngatanan nga kanasoran hin tawo.
9Natim-os kahadian han kanasoran,
upod han katawhan#47:9 upod han katawhan; ha Hebreo, an katawhan. han Dyos ni Abraham.
Labaw kagamhanan han kasondalohan,
naghahadi hiya labaw han ngatanan.
Currently Selected:
Mga Salmo 47: MBBSAM
Highlight
Copy
Compare
Share
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Mga Salmo 47
47
May-ada Labaw Gud nga Punoan#HEBREO NGA ULOHAN: Salmo han banay ni Kora.
1Pamakpak na kamo nga may kalipayan,
kamo ngatanan gud nga mga katawhan;
hin pagdayaw an Dyos iyo goliatan,
hin dagko nga tingog iyo pagkantahan.
2An Ginoo angay niyo kahadlokan,
an Dyos nga Gilalabawi han Ngatanan.
Hiya amo an hadi nga dako gudman,
nga nagkahadi han bug-os kalibutan.
3Iya kita gintagan hin pagdarag-an,
kontra hin damo gud nga mga katawhan;
ngan iya ha aton nga ginpahadian,
adton damo hin duro nga kanasoran.
4Hiya an nagpili hin para ha aton,
hadton tuna nga aton gud panurundon;
ini an tuna nga pagtatag-iyahon,
hadton katawhan nga iya higugmaon.
5Napakadto na an Dyos han iya trono,
may mga gogliat hin kalipay didto,
ngan may-ada mga pagtrompeta'n dagko,
samtang nasaka na adto nga Ginoo.
6Pagkanta ngadto ha Dyos hin malipayon,
pagkanta hin pagdayaw ha hadi naton.
7Hadi'n Dyos han tanan nga kalibutanon,
pagdayawa hiya'n mga karantahon!
8Nalingkod adton Dyos nga amo'n Ginoo,
didto hadton iya baraan nga trono;
ngan iya ginhahadian tikang didto,
an ngatanan nga kanasoran hin tawo.
9Natim-os kahadian han kanasoran,
upod han katawhan#47:9 upod han katawhan; ha Hebreo, an katawhan. han Dyos ni Abraham.
Labaw kagamhanan han kasondalohan,
naghahadi hiya labaw han ngatanan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984