Mga Salmo 138
138
Nag-ampo hin Pagpasalamat#HEBREO NGA ULOHAN: Kan David.
1Nagpapasalamat ak' ha im', Ginoo,
tikang gud han bug-os nga kasingkasing ko.
Nagkakanta ako pagdayaw ha imo,
atubangan han kadiyosan nga palso.
2Gin-atubang ko baraan mo nga Templo,
nayukbo nga nadayaw han ngaran nimo.
Tungod han imo gugma nga kadayonan,
ngan han imo pagkamatinumanon man.
Imo ginpakita nga labaw han tanan,
an im' mga sugo ngan an imo ngaran.#138:2 labaw…imo ngaran; ha Hebreo, darudako an imo sugo kay han ngatanan mo nga ngaran.
3Han akon pagtawag imo ginbaton man,
im' ak' ginpakusog han imo kakusgan.
4Ha tuna, Ginoo, tanan kahadian,
magdadayaw ha im' hira gud ngatanan.
Kay im' mga saad ira hinbatian,
5ira kakantahon imo binuhatan.
Magkanta han dako nim' nga kagamhanan,
6bisan kon an Ginoo hitaas gudman.
Hiya napaid han ubos an kahimtang,
han mapahitas-on di' h'ya katagoan.
7Kon ginlilibotan ak' hin kakurian,
im' gintatalwas han mga kataragman.
Mga kaaway ko im' inaatohan,
gintatalwas ako han im' kagamhanan.
8Tanan mo nga saad im' pagtutumanon,
O Ginoo, an im' gugma an padayon.
Hingpita gad adton imo gintikangan,
gintikangan nga buhat, di' mo talikdan.
Currently Selected:
Mga Salmo 138: MBBSAM
Highlight
Copy
Compare
Share
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
