Mga Salmo 120
120
Nag-ampo hin Pakibulig
1Nagtawag ako ha Ginoo han nakada ako ha kakurian,
ngan ginbaton ako niya.
2Talwasa ako, O Ginoo,
tikang han mga buwaon ngan mga maglingo!
3Ano an bubuhaton han Dyos ha iyo nga mga buwaon?
Uunanhon niya pagkastigo ha iyo?
4Pinaagi hin magtarom nga mga pana hin sondalo,
pinaagi hin naglalaga nga mga baga!
5Sugad kamaraot hin pag-ukoy ha Mesec
an pag-ukoy tampo ha iyo,
o tampo han katawhan han Kedar!#120:5 MESEC…KEDAR: Duha ini nga magtay-aw nga mga dapit, kanay mga tawo gin-iisip nga mga magbangis.
6Nakag-ukoy ako hin maiha hin duro
upod hin katawhan nga nagdudumot han kalinaw!
7Karuyag nira in araway,
kon nagyayakan ako hiunong hin kalinaw.
Currently Selected:
Mga Salmo 120: MBBSAM
Highlight
Copy
Compare
Share
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
