Ester (Grigo) F
F
Anunotan nen Mardokeo so Kogip to
4 Insan inkuanen Mardokeo, “Say Dios so nanlapwan na sarayan amin a bengatla! 5 Nipanunot ed siak so kogip kon nipaakar ed sarayan amin. Timwa ya amiamiy bengatla: 6 say melag a sobul a nagmaliw ya ilog, say palbangon a nagmaliw a liwaway agew, tan say daakan a danum. Samay ilog et si Ester ya inasawa na ari tan impagmaliw ton riyna to. 7 Saramay duaran dragon et si Haman tan siak. 8 Saramay bansa et amin da ray totoon nantitipon a mamatey ed saray Judio. 9 Say bansak et say Israel a kinmerew na tulong ed Dios tan nilaban. Inlaban na Katawan iray totoo to! Inyagel to itayod sarayan amin a kaogsan tan nanggawa na saray ankakabaleg a milagro tan pakelaw ya ag nin balut agawa ed saray arum a bansa. 10 Onyay agawa, lapud imparaan na Dios so sakey a pansumpalan na saray dilin totoo to tan sananey so para saray arum a bansa. 11 Insan sinmabiy agew tan oras a pakagawa na sarayan duan pansumpalan; sinmabiy panaon a say Dios et nepeg ton sintinsiaan iray bansa. 12 Anunotan na Dios iray totoon pinili to, et pinilaan to ra. 13 Kanyan kapag taon, diad amin a panaon ya onsabi, mantitipon ed arap to iray amin a totoo na Dios diad kumalabin-apat tan kumalabinliman agew na bulan na Adar, tan maliket tan magayagan mansilibra ra.”
Say Samput
14 Diad kumapat a taon na panooley di Tolomeo tan Cleopatra, walay sakey a lakin manngaran na Dositeo, ya ibabaga ton sakey a parin Levita, ya inawit toy abitlan sulat nipaakar ed pista na Purim. Inolup nen anak ton si Tolomeo, tan imbawag da a tua yan sulat tan impatalus nen Lisimaco a lakin anak nen Tolomeo, a kabyangan na sakey a pamilya ed Jerusalem.
Currently Selected:
Ester (Grigo) F: MBBPAN83
Highlight
Copy
Compare
Share
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983