2 Samuel 4
4
Apatey si Isboset
1Tinmakot si Isboset ya anak nen Saul nen nadngelan ton apatey ed Hebron si Abner, tan apagaan iray amin a totood Israel. 2Si Isboset walay duaran opisyal to a manangipanguloy idodogpa rad arum a lugar, a di Baana tan Recab, lalakin anak nen Rimon a taga Beerot tan kabyangay tribu nen Benjamin. (Say Beerot et nipapasen a kabyangay dalin nen Benjamin. 3Saray totoon manaayam diman nen saman et batik irad Gittaim a sikato lay panaayaman da nanlapud saman.)
4Say sakey a kabyangay boleg nen Saul et si Mefiboset a lakin anak nen Jonatan. Limay taon to nen inatey ira di Saul tan Jonatan. Nen say balitan nipaakar ed impatey da et sinmabin nanlapud Jezreel inalay managkomis si Mefiboset tan batik; balet diad panggaganat to naplag to, kanyan alopuy.
5Pinmikal si Recab tan si Baana, ta onla rad abung nen Isboset. Kagkaagewan so insabi ra, tan mamapainaway Isboset. 6Say biin mamapalin na trigo ed puirta et akatomeg insan akaogip, kanyan akaloob ira di Recab tan Baana ya anggapoy akalikas.#4:6 Sakey a dagdaan a patalus so tinmombuk ed birsikulo 6; diad tikston Hebreo Linmoob irad abung a sankaawit day trigo, insan da kinabil ed eges. Insan batik si Recab tan si Baana ya agi to. 7Kaloob da, talus day kuarton naogipan nen Isboset, insan da pinatey. Pinotut day olo to, inawit da, insan sanlabi ran nanakar ed Patar na Jordan. 8Inyawat da may olo ed kinen Ari David ed Hebron tan kuandad sikato, “Niay olo nen Isboset ya anak nen Saul a kalaban mo a mamapatey ed sika nen saman. Imbawian ka natan na Katawan ed kinen Saul tan saray kabyangay boleg to.”
9Inmebat si David ed sikara, “Mansamba ak ed ngaran na mabilay a Katawan, ya angyagel ed siak ed amin a kaatapan. 10Samay angibalitad siak diad Siclag na impatey nen Saul et abaloan ton sankaawit toy maung a balita. Siningkat ko tan impapatey ko. Sikato may tumang ya inter kod sikato lapud samay maung ya imbalita to! 11Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!” 12Ingganggan nen David iray sondalo to, et pinatey day Recab tan si Baana. Pinotut da ray lima tan saray sali ra, insan da ra ya insabit ed abay na dipositoy danum ed Hebron. Inala ra may olo nen Isboset, insan da impompon ed lobuk nen Abner diad Hebron.
Currently Selected:
2 Samuel 4: MBBPAN83
Highlight
Copy
Compare
Share
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
