Римвийриз 9
9
Исраил ва Аллагьди гайи гаф
1 Месигьдиз талукь касдиз кутугнавайвал, за гьакъикъат лугьузва ва табзавач. Заз и кардин гьакъиндай Пак Руьгьдин регьбервилик квай зи вижданди шагьидвалзава. 2Зун гзаф пашман я, ва зи рикӀ эхир авачир тӀалдив ацӀанва. 3-4Ивидалди заз багърияр тир зи стхайрин – исраилвийрин чкадал заз жув негь авунайтӀа ва Месигьдивай къакъуднайтӀа кӀандай. Хвавилин ихтиярар, баркалла ва Аллагьдихъ галаз Икьрарар гьабурув агакьнай, абуруз Къанун, Аллагьдиз ибадат авун ва Ада гайи гафар гьабуруз ганай. 5И халкьдин арадай бан-бубаяр акъатна, абурун арадай, инсандин тӀебиат хас яз, Месигь акъатнава. Адаз – виридан кьилел алай Аллагьдиз эбеди яз шукур хьурай. Амин.
6Амма им Аллагьдин Гаф къуватдай аватнава лагьай чӀал туш, вучиз лагьайтӀа Исраилдин вири халкь гьакъикъи Исраил туш. 7Ибрагьиман вири эвледар адан гьакъикъи веледар туш. Кхьенва: «Ви тухум Исакьа давамарда»#Хьунухь 21:12.. 8Им акӀ лагьай чӀал я хьи, Ибрагьиман вири эвледар Аллагьдин гьакъикъи веледар туш. Ибрагьиман гьакъикъи веледар Аллагьди гайи гаф низ талукь ятӀа, гьабур я. 9И гаф и жуьреда ганай: «Тайинарнавай вахтунда Зун хкведа, ва Саррадиз хва жеда»#Хьунухь 18:10..
10Амма неинки са им хьана. Рефигъадин#9:10 Рефигъа – Исакьан паб, кьветхверар тир Эсав Якьубан диде. кьве хцин бубани гьа сад тир – чи бан-буба Исакь. 11Амма гьеле кьветхверар хадалди ва абуру са вуч ятӀани хъсан ва я пис кар ийидалди – Аллагьди хкягъайди 12абурун крарилай ваъ, Эверзавайдалай Вичелай аслу хьун патал – Рефигъадиз лагьанай: «ЧӀехиди гъвечӀидаз лукӀ жеда»#Хьунухь 25:23.. 13Идакай кхьенвайвал хьана: «Заз Якьуб кӀан хьана, Эсав такӀан»#Малахи 1:2-3..
14Им вуч лагьай чӀал я? Яраб Аллагь гьахъ туш жал? Гьелбетда, ваъ! 15Ада Мусадиз лагьана:
«За низ регьим ийизватӀа, гьадаз регьим ийида,
низ инсаф ийизватӀа, гьадаз инсаф ийида» #
ЭхкъечӀун 33:19. .
16Гьавиляй метлеб инсандин гьевесдихъ ва я алахъунихъ ваъ, Аллагьдин регьимдихъ ава. 17Каламда Аллагьди фиръавандиз лугьузва: «Ви винел Зи къуват къалурун патал ва вири чилел Зи ТӀвар машгьур авун патал За вун хкажна»#ЭхкъечӀун 9:16.. 18Гьавиляй Аллагьди регьим кӀандайбуруз регьим ийизва, терсвал ийиз кӀанзавайбуруз терсвал ийизва.
Аллагьдин регьим ва Адан хъел
19Са ни ятӀани заз лугьун мумкин я: «АкӀ хьайила, вучиз Ада чак тахсир кутазва? Адан къастунин хура нивай акъвазиз жеда?» 20Бес вун вуж я кьван, инсан, Аллагьдихъ галаз гьуьжетар ийиз? Гъилерив авунвай затӀуни вич авунвай касдиз лугьузвани кьван: «Вуна вучиз зун ихьтинди яз авуна?» 21ХъенчӀин къапарин устӀардиз чепедин гьа са кӀусуникай гьуьрмет авайбурун межлисда ва я агъуз дережадин крара гъиликдай къаб-къажах гьазурдай ихтияр авачни кьван? 22Вичин хъел ва къуват къалуриз кӀанзавай Аллагьди Вичиз хъел гъизвайбур ва терг авун патал гьазурнавайбур яргъалди эхзавайла, вучда кьван? 23Вичиз регьим низ ийиз кӀанзаватӀа ва вуж Ада баркалла патал гьазурнаватӀа, гьабуралди виридаз Вичин баркалладин девлет къалурун патал Аллагьди икӀ ийиз хьайитӀа, вучда кьван? 24Ада эвер чаз ийизва, чун тек са чувудрикай ваъ, муькуьбурукайни я. 25Гьашидин ктабда Аллагьди лугьузвайвал жезва:
«За „Зи халкь“ лугьуда Зи халкь туширдаз;
кӀан тийизвайдаз „кӀаниди“ лугьуда» #
Гьаши 2:23. ,
26ва
«„Куьн Зи халкь туш“ лагьанвай чкада
абуруз „чан алай Аллагьдин рухваяр“ лугьуда» #
Гьаши 1:10. .
27 Яшая Исраилдикай икӀ лугьуз гьарайзава:
«Исраилдин рухваяр кьадардалди гьуьлуьн къум кьван яз хьайитӀани,
анжах тӀимилбур хилас жеда,
28 вучиз лагьайтӀа, Реббиди виликамаз малумарай кар
Вичи чилел кьетӀидаказ ва фад-фад кьилиз акъудда» #
Яшай 10:22-23. .
29Мадни Яшая виликамаз лагьайвал:
«Къуватрин Реббиди
сагъ яз амукьайбур са шумуд туначиртӀа,
чун Садумдиз ухшар жедай,
Гамур хьиз жедай чун» #
Яшай 1:9. .
Исраил ва Шад Хабар
30Гила чна вуч лугьун? Гьахъ-михьивилихъ камни къачун тавур мажусийрив гьахъ-михьивал агакьна. И гьахъ-михьивал имандай гузва. 31Муькуь патахъай, хкянавай Исраилди Аллагьдихъ галаз вич дуьз тухуз тадай Къанун жагъурзавай, амма абуруз Ам жагъанвач. 32Вучиз? Вучиз лагьайтӀа абуруз а гьахъ-михьивал имандив кьурвал ваъ, крарив кьурвал къачуз кӀан хьана. ГалкӀидай къванцихъ абурун кӀвач галкӀана. 33Идакай кхьенва:
«Ингье За Сигьандал кӀвач галкӀидай Къван эцигзава,
Раг эцигзава, вич себеб яз инсанар алукьдай,
амма Адахъ иман ийизвайдаз регъуь жедач» #
Яшай 8:14; 28:16. .
Currently Selected:
Римвийриз 9: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Римвийриз 9
9
Исраил ва Аллагьди гайи гаф
1 Месигьдиз талукь касдиз кутугнавайвал, за гьакъикъат лугьузва ва табзавач. Заз и кардин гьакъиндай Пак Руьгьдин регьбервилик квай зи вижданди шагьидвалзава. 2Зун гзаф пашман я, ва зи рикӀ эхир авачир тӀалдив ацӀанва. 3-4Ивидалди заз багърияр тир зи стхайрин – исраилвийрин чкадал заз жув негь авунайтӀа ва Месигьдивай къакъуднайтӀа кӀандай. Хвавилин ихтиярар, баркалла ва Аллагьдихъ галаз Икьрарар гьабурув агакьнай, абуруз Къанун, Аллагьдиз ибадат авун ва Ада гайи гафар гьабуруз ганай. 5И халкьдин арадай бан-бубаяр акъатна, абурун арадай, инсандин тӀебиат хас яз, Месигь акъатнава. Адаз – виридан кьилел алай Аллагьдиз эбеди яз шукур хьурай. Амин.
6Амма им Аллагьдин Гаф къуватдай аватнава лагьай чӀал туш, вучиз лагьайтӀа Исраилдин вири халкь гьакъикъи Исраил туш. 7Ибрагьиман вири эвледар адан гьакъикъи веледар туш. Кхьенва: «Ви тухум Исакьа давамарда»#Хьунухь 21:12.. 8Им акӀ лагьай чӀал я хьи, Ибрагьиман вири эвледар Аллагьдин гьакъикъи веледар туш. Ибрагьиман гьакъикъи веледар Аллагьди гайи гаф низ талукь ятӀа, гьабур я. 9И гаф и жуьреда ганай: «Тайинарнавай вахтунда Зун хкведа, ва Саррадиз хва жеда»#Хьунухь 18:10..
10Амма неинки са им хьана. Рефигъадин#9:10 Рефигъа – Исакьан паб, кьветхверар тир Эсав Якьубан диде. кьве хцин бубани гьа сад тир – чи бан-буба Исакь. 11Амма гьеле кьветхверар хадалди ва абуру са вуч ятӀани хъсан ва я пис кар ийидалди – Аллагьди хкягъайди 12абурун крарилай ваъ, Эверзавайдалай Вичелай аслу хьун патал – Рефигъадиз лагьанай: «ЧӀехиди гъвечӀидаз лукӀ жеда»#Хьунухь 25:23.. 13Идакай кхьенвайвал хьана: «Заз Якьуб кӀан хьана, Эсав такӀан»#Малахи 1:2-3..
14Им вуч лагьай чӀал я? Яраб Аллагь гьахъ туш жал? Гьелбетда, ваъ! 15Ада Мусадиз лагьана:
«За низ регьим ийизватӀа, гьадаз регьим ийида,
низ инсаф ийизватӀа, гьадаз инсаф ийида» #
ЭхкъечӀун 33:19. .
16Гьавиляй метлеб инсандин гьевесдихъ ва я алахъунихъ ваъ, Аллагьдин регьимдихъ ава. 17Каламда Аллагьди фиръавандиз лугьузва: «Ви винел Зи къуват къалурун патал ва вири чилел Зи ТӀвар машгьур авун патал За вун хкажна»#ЭхкъечӀун 9:16.. 18Гьавиляй Аллагьди регьим кӀандайбуруз регьим ийизва, терсвал ийиз кӀанзавайбуруз терсвал ийизва.
Аллагьдин регьим ва Адан хъел
19Са ни ятӀани заз лугьун мумкин я: «АкӀ хьайила, вучиз Ада чак тахсир кутазва? Адан къастунин хура нивай акъвазиз жеда?» 20Бес вун вуж я кьван, инсан, Аллагьдихъ галаз гьуьжетар ийиз? Гъилерив авунвай затӀуни вич авунвай касдиз лугьузвани кьван: «Вуна вучиз зун ихьтинди яз авуна?» 21ХъенчӀин къапарин устӀардиз чепедин гьа са кӀусуникай гьуьрмет авайбурун межлисда ва я агъуз дережадин крара гъиликдай къаб-къажах гьазурдай ихтияр авачни кьван? 22Вичин хъел ва къуват къалуриз кӀанзавай Аллагьди Вичиз хъел гъизвайбур ва терг авун патал гьазурнавайбур яргъалди эхзавайла, вучда кьван? 23Вичиз регьим низ ийиз кӀанзаватӀа ва вуж Ада баркалла патал гьазурнаватӀа, гьабуралди виридаз Вичин баркалладин девлет къалурун патал Аллагьди икӀ ийиз хьайитӀа, вучда кьван? 24Ада эвер чаз ийизва, чун тек са чувудрикай ваъ, муькуьбурукайни я. 25Гьашидин ктабда Аллагьди лугьузвайвал жезва:
«За „Зи халкь“ лугьуда Зи халкь туширдаз;
кӀан тийизвайдаз „кӀаниди“ лугьуда» #
Гьаши 2:23. ,
26ва
«„Куьн Зи халкь туш“ лагьанвай чкада
абуруз „чан алай Аллагьдин рухваяр“ лугьуда» #
Гьаши 1:10. .
27 Яшая Исраилдикай икӀ лугьуз гьарайзава:
«Исраилдин рухваяр кьадардалди гьуьлуьн къум кьван яз хьайитӀани,
анжах тӀимилбур хилас жеда,
28 вучиз лагьайтӀа, Реббиди виликамаз малумарай кар
Вичи чилел кьетӀидаказ ва фад-фад кьилиз акъудда» #
Яшай 10:22-23. .
29Мадни Яшая виликамаз лагьайвал:
«Къуватрин Реббиди
сагъ яз амукьайбур са шумуд туначиртӀа,
чун Садумдиз ухшар жедай,
Гамур хьиз жедай чун» #
Яшай 1:9. .
Исраил ва Шад Хабар
30Гила чна вуч лугьун? Гьахъ-михьивилихъ камни къачун тавур мажусийрив гьахъ-михьивал агакьна. И гьахъ-михьивал имандай гузва. 31Муькуь патахъай, хкянавай Исраилди Аллагьдихъ галаз вич дуьз тухуз тадай Къанун жагъурзавай, амма абуруз Ам жагъанвач. 32Вучиз? Вучиз лагьайтӀа абуруз а гьахъ-михьивал имандив кьурвал ваъ, крарив кьурвал къачуз кӀан хьана. ГалкӀидай къванцихъ абурун кӀвач галкӀана. 33Идакай кхьенва:
«Ингье За Сигьандал кӀвач галкӀидай Къван эцигзава,
Раг эцигзава, вич себеб яз инсанар алукьдай,
амма Адахъ иман ийизвайдаз регъуь жедач» #
Яшай 8:14; 28:16. .
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024