Римвийриз 8
8
Руьгь галай уьмуьр
1Гила Иса Месигьдиз талукь тирбуруз са жуьрединни кар атӀун авач, 2вучиз лагьайтӀа уьмуьр гузвай Руьгьдин къанунди вун гунагьдинни ажалдин къанундикай Иса Месигьдин куьмекдалди азад авунва. 3Чи гунагькар тӀебиат табий ийиз тахьай Къанундилай алакь тавурди Аллагьди авуна. Ада Вичин Хва инсандин гунагькар бедендиз ухшар беденда аваз ракъурна ва, Адакай чи гунагьрай къурбанд авуналди, гунагьдиз кар атӀана. 4И кар Ада, гунагькар тӀебиатдив кьурвал ваъ, Руьгьдив кьурвал уьмуьр тухузвай чи арада Къанундин тагькимар кьилиз акъатун патал, авуна.
5Гунагькар тӀебиатдив кьурвал уьмуьр тухузвайбурун къанажагъди и тӀебиатдиз вуч кӀанзаватӀа гьадакай фикирзава, амма Руьгьдив кьурвал уьмуьр тухузвайбурун къанажагъди Руьгьдиз вуч кӀанзаватӀа – гьадакай. 6Гунагькар тӀебиатдай къвезвай къанажагъди ажалдихъ тухузва, амма Руьгьдай къвезвай фикирри уьмуьрдихъни ислягьвилихъ тухузва. 7Гунагькар къанажагъ Аллагьдихъ галаз душманвиле ава. А къанажагъ Аллагьдин Къанундиз табий жезвач, я адалай табий жез алакьни ийидач. 8Гьавиляй гунагькар тӀебиатдин гьукумдик кваз уьмуьр тухузвайбурувай Аллагьдиз хуш крар ийиз жезвач.
9Амма Аллагьдин Руьгь рикӀивайни квек кваз аватӀа, куьн гунагькар тӀебиатдин гьукумдик ваъ, Руьгьдин гьукумдик ква. Месигьдин Руьгь квачирди Адаз талукь туш. 10Месигь квек кваз аватӀа, куь беден гунагь себеб яз рекьида, амма Руьгьди куьн Аллагьдихъ галаз туьхкӀвейвиляй уьмуьрдив ацӀурда. 11Исадал кьейидалай кьулухъ чан Хкайдан Руьгь квек кваз уьмуьр тухузватӀа, Месигьдал кьейидалай кьулухъ чан Хкайда квек кваз уьмуьр тухузвай Вичин Руьгьдалди куь ажал галай беденрални чан хкида.
12Гьавиляй, стхаяр-вахар, гунагькар тӀебиатди чал илитӀзавай саягъда уьмуьр тухудайвал, чун адан буржуник квайбур туш. 13Куьне квел гунагькар тӀебиатди илитӀзавай саягъда уьмуьр тухузватӀа, куьн телеф жеда. Куьне Руьгьдалди гунагькар тӀебиатдин гьерекатар рекьизватӀа, квел чан жеда. 14Вучиз лагьайтӀа Аллагьдин Руьгьдин регьбервилик квай вири Аллагьдин веледар я. 15Квев агакьнавайди идалай кьулухъни кичӀевиле уьмуьр тухун патал ганвай ва квекай лукӀар ийидай руьгь ваъ, квекай Аллагьдин веледар ийидай Руьгь я, Адалди чун Аллагьдихъни элкъвена рахазва: «Абба! Буба чан!» 16Аллагьдин Руьгьдини чи руьгьдихъ галаз санал чун Аллагьдин веледар тирдан шагьидвалзава. 17Чун рикӀивайни Адан веледар ятӀа, чун Аллагьдин ирссагьибарни я, Месигьдихъ галаз Гьадан ирссагьибарни я. Чна адахъ галаз санал азаб чӀугвазватӀа, чал Адахъ галаз санал баркаллани къведа.
Инлай кьулухъ жедай баркалла
18Чи гилан азабар, чаз инлай кьулухъ ахъа жедай баркалладив гекъигайла, за са затӀни тушиз гьисабзава. 19ГьикӀ лагьайтӀа халкь авунвай вирида сабур авачиз Аллагьдин веледар ашкара авун вилив хуьзва. 20-21Вучиз лагьайтӀа халкь авунвай вири затӀар уьмуьрдихъ мана авачирвилиз, хабарни такьуна, чеб муьтӀуьгъ Авурдан къастуналди табий авунай. Амма халкь авунвайдаз, Аллагьдин веледри къачудай хьтин баркалла алай азадвал къачун патал, кьиникьин гьукумдикай азад хьунин умуд ава.
22Халкь авунвай вирибуру икьван чӀавалди, аял хазвай папа хьиз, цӀугъ ийизвайди ва азият чӀугвазвайди чаз чизва, 23неинки са гьабуру, чна вилив хуьзвайдан замин яз Руьгь агакьнавай чнани къенепатай цӀугъ ийизва, сабур авачиз, чун веледвилиз кьабулунал, яни чун михьиз азад хьунал вил алаз акъвазнава. 24Чун хилас хьанва, амма им гьеле умуд я. Умуд, лагьайтӀа, вилиз аквазвайдахъ элкъвена жедач; са вуч ятӀа аквазватӀа, адак умуд кутун куьз я кьван? 25Чна таквазвайдак умуд кутазватӀа, чна ам сабурдивди дурум гваз вилив хвена кӀанда.
26ГьакӀ чаз чи вири зайифвилера Руьгьдини куьмек гузва. Чаз куьн гьакъиндай дуьа авуна кӀандатӀани чизвач, амма Руьгьди Вичи гафаралди лугьуз тежедай агьар чӀугуналди чи гьакъиндай тавакъу ийизва. 27РикӀер Чирзавайдаз Руьгьдин фикир чизва, вучиз лагьайтӀа Руьгьди Аллагьдин къастунихъ галаз разивиле аваз пакбурун гьакъиндай тавакъу ийизва.
Иса Месигьдихъ ийизвай иманда Аллагьдин муьгьуьббат
28Чаз чизва хьи, Аллагьди Вич кӀандайбур ва Вичин ниятдив кьурвал эвернавайбур патал вири хийирдиз элкъуьрзава. 29Исадикай гзаф стхайрин-вахарин арада Сад лагьай велед хьун патал, Аллагьди виликамаз чир хьайибуруз Вичин Хцин къаматдиз ухшарбур хьун тайинарни авуна. 30Вичи виликамаз тайинарайбуруз Ада эверни авуна, эверайбур гьахъ-михьивилиз акъудна ва гьахъ-михьивилиз акъуддайбурал баркаллани гъана.
31Чна идакай вуч лугьун? Аллагь чи патал алатӀа, нивай чаз аксивал ийиз жеда? 32Вичин Хцин гьайиф Татайда, амма Ам чун вири патал Гайида Адахъ галаз чаз вири гудачни бес? 33Аллагьди хкягъайбурук ни тахсир кутада? Гьахъ-михьивилиз акъудзавайди Аллагь я. 34Чаз нивай кар атӀуз жеда? Кьейиди Иса Месигь я; гьадалайни артух яз Адал чан хтана ва исятда Ам Аллагьдин эрчӀи гъилихъай ацукьнава. Ада чи гьакъиндай тавакъуни ийизва. 35Чун Месигьдин муьгьуьббатдивай куьвай къакъудиз жеда? Хажалатдивай ва я четинвилеривай? Чи геле къекъуьнивай ва я кашавай? КьецӀилвиливай ва я ажалдивай? 36Кхьенвайвал я:
«Ви паталай гьар юкъуз чун рекьизва,
кьасабханадиз гьалзавай хипериз хьиз
килигзава чаз» #
Забур 43:23. .
37Амма вири и крарал чун кӀан Хьайидан куьмекдалди чна лап чӀехи гъалибвал къачузва. 38-39Зун кӀевелай агъунва: Я ажалдивай, я уьмуьрдивай, я малаикривай, я гьукумривай, я алай аямдивай, я къведай аямдивай, я къуватривай, я кьакьанвиливай, я деринвиливай, я халкь авунвай кьван амайбурукай – са куьнивайни чун Аллагьди чи Ребби Иса Месигьди авур кардалди къалурай муьгьуьббатдивай къакъудиз жедач!
Currently Selected:
Римвийриз 8: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Римвийриз 8
8
Руьгь галай уьмуьр
1Гила Иса Месигьдиз талукь тирбуруз са жуьрединни кар атӀун авач, 2вучиз лагьайтӀа уьмуьр гузвай Руьгьдин къанунди вун гунагьдинни ажалдин къанундикай Иса Месигьдин куьмекдалди азад авунва. 3Чи гунагькар тӀебиат табий ийиз тахьай Къанундилай алакь тавурди Аллагьди авуна. Ада Вичин Хва инсандин гунагькар бедендиз ухшар беденда аваз ракъурна ва, Адакай чи гунагьрай къурбанд авуналди, гунагьдиз кар атӀана. 4И кар Ада, гунагькар тӀебиатдив кьурвал ваъ, Руьгьдив кьурвал уьмуьр тухузвай чи арада Къанундин тагькимар кьилиз акъатун патал, авуна.
5Гунагькар тӀебиатдив кьурвал уьмуьр тухузвайбурун къанажагъди и тӀебиатдиз вуч кӀанзаватӀа гьадакай фикирзава, амма Руьгьдив кьурвал уьмуьр тухузвайбурун къанажагъди Руьгьдиз вуч кӀанзаватӀа – гьадакай. 6Гунагькар тӀебиатдай къвезвай къанажагъди ажалдихъ тухузва, амма Руьгьдай къвезвай фикирри уьмуьрдихъни ислягьвилихъ тухузва. 7Гунагькар къанажагъ Аллагьдихъ галаз душманвиле ава. А къанажагъ Аллагьдин Къанундиз табий жезвач, я адалай табий жез алакьни ийидач. 8Гьавиляй гунагькар тӀебиатдин гьукумдик кваз уьмуьр тухузвайбурувай Аллагьдиз хуш крар ийиз жезвач.
9Амма Аллагьдин Руьгь рикӀивайни квек кваз аватӀа, куьн гунагькар тӀебиатдин гьукумдик ваъ, Руьгьдин гьукумдик ква. Месигьдин Руьгь квачирди Адаз талукь туш. 10Месигь квек кваз аватӀа, куь беден гунагь себеб яз рекьида, амма Руьгьди куьн Аллагьдихъ галаз туьхкӀвейвиляй уьмуьрдив ацӀурда. 11Исадал кьейидалай кьулухъ чан Хкайдан Руьгь квек кваз уьмуьр тухузватӀа, Месигьдал кьейидалай кьулухъ чан Хкайда квек кваз уьмуьр тухузвай Вичин Руьгьдалди куь ажал галай беденрални чан хкида.
12Гьавиляй, стхаяр-вахар, гунагькар тӀебиатди чал илитӀзавай саягъда уьмуьр тухудайвал, чун адан буржуник квайбур туш. 13Куьне квел гунагькар тӀебиатди илитӀзавай саягъда уьмуьр тухузватӀа, куьн телеф жеда. Куьне Руьгьдалди гунагькар тӀебиатдин гьерекатар рекьизватӀа, квел чан жеда. 14Вучиз лагьайтӀа Аллагьдин Руьгьдин регьбервилик квай вири Аллагьдин веледар я. 15Квев агакьнавайди идалай кьулухъни кичӀевиле уьмуьр тухун патал ганвай ва квекай лукӀар ийидай руьгь ваъ, квекай Аллагьдин веледар ийидай Руьгь я, Адалди чун Аллагьдихъни элкъвена рахазва: «Абба! Буба чан!» 16Аллагьдин Руьгьдини чи руьгьдихъ галаз санал чун Аллагьдин веледар тирдан шагьидвалзава. 17Чун рикӀивайни Адан веледар ятӀа, чун Аллагьдин ирссагьибарни я, Месигьдихъ галаз Гьадан ирссагьибарни я. Чна адахъ галаз санал азаб чӀугвазватӀа, чал Адахъ галаз санал баркаллани къведа.
Инлай кьулухъ жедай баркалла
18Чи гилан азабар, чаз инлай кьулухъ ахъа жедай баркалладив гекъигайла, за са затӀни тушиз гьисабзава. 19ГьикӀ лагьайтӀа халкь авунвай вирида сабур авачиз Аллагьдин веледар ашкара авун вилив хуьзва. 20-21Вучиз лагьайтӀа халкь авунвай вири затӀар уьмуьрдихъ мана авачирвилиз, хабарни такьуна, чеб муьтӀуьгъ Авурдан къастуналди табий авунай. Амма халкь авунвайдаз, Аллагьдин веледри къачудай хьтин баркалла алай азадвал къачун патал, кьиникьин гьукумдикай азад хьунин умуд ава.
22Халкь авунвай вирибуру икьван чӀавалди, аял хазвай папа хьиз, цӀугъ ийизвайди ва азият чӀугвазвайди чаз чизва, 23неинки са гьабуру, чна вилив хуьзвайдан замин яз Руьгь агакьнавай чнани къенепатай цӀугъ ийизва, сабур авачиз, чун веледвилиз кьабулунал, яни чун михьиз азад хьунал вил алаз акъвазнава. 24Чун хилас хьанва, амма им гьеле умуд я. Умуд, лагьайтӀа, вилиз аквазвайдахъ элкъвена жедач; са вуч ятӀа аквазватӀа, адак умуд кутун куьз я кьван? 25Чна таквазвайдак умуд кутазватӀа, чна ам сабурдивди дурум гваз вилив хвена кӀанда.
26ГьакӀ чаз чи вири зайифвилера Руьгьдини куьмек гузва. Чаз куьн гьакъиндай дуьа авуна кӀандатӀани чизвач, амма Руьгьди Вичи гафаралди лугьуз тежедай агьар чӀугуналди чи гьакъиндай тавакъу ийизва. 27РикӀер Чирзавайдаз Руьгьдин фикир чизва, вучиз лагьайтӀа Руьгьди Аллагьдин къастунихъ галаз разивиле аваз пакбурун гьакъиндай тавакъу ийизва.
Иса Месигьдихъ ийизвай иманда Аллагьдин муьгьуьббат
28Чаз чизва хьи, Аллагьди Вич кӀандайбур ва Вичин ниятдив кьурвал эвернавайбур патал вири хийирдиз элкъуьрзава. 29Исадикай гзаф стхайрин-вахарин арада Сад лагьай велед хьун патал, Аллагьди виликамаз чир хьайибуруз Вичин Хцин къаматдиз ухшарбур хьун тайинарни авуна. 30Вичи виликамаз тайинарайбуруз Ада эверни авуна, эверайбур гьахъ-михьивилиз акъудна ва гьахъ-михьивилиз акъуддайбурал баркаллани гъана.
31Чна идакай вуч лугьун? Аллагь чи патал алатӀа, нивай чаз аксивал ийиз жеда? 32Вичин Хцин гьайиф Татайда, амма Ам чун вири патал Гайида Адахъ галаз чаз вири гудачни бес? 33Аллагьди хкягъайбурук ни тахсир кутада? Гьахъ-михьивилиз акъудзавайди Аллагь я. 34Чаз нивай кар атӀуз жеда? Кьейиди Иса Месигь я; гьадалайни артух яз Адал чан хтана ва исятда Ам Аллагьдин эрчӀи гъилихъай ацукьнава. Ада чи гьакъиндай тавакъуни ийизва. 35Чун Месигьдин муьгьуьббатдивай куьвай къакъудиз жеда? Хажалатдивай ва я четинвилеривай? Чи геле къекъуьнивай ва я кашавай? КьецӀилвиливай ва я ажалдивай? 36Кхьенвайвал я:
«Ви паталай гьар юкъуз чун рекьизва,
кьасабханадиз гьалзавай хипериз хьиз
килигзава чаз» #
Забур 43:23. .
37Амма вири и крарал чун кӀан Хьайидан куьмекдалди чна лап чӀехи гъалибвал къачузва. 38-39Зун кӀевелай агъунва: Я ажалдивай, я уьмуьрдивай, я малаикривай, я гьукумривай, я алай аямдивай, я къведай аямдивай, я къуватривай, я кьакьанвиливай, я деринвиливай, я халкь авунвай кьван амайбурукай – са куьнивайни чун Аллагьди чи Ребби Иса Месигьди авур кардалди къалурай муьгьуьббатдивай къакъудиз жедач!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024