Забур 91
91
Аллагьдиз шукур авуни шадвал гъун
1Киш йикъан сувар къейд авунин мани.
2Им шадвал я – шукур авун Реббидиз,
тариф авун тӀварцӀин Ви, Виридалай виневайди,
3экуьнахъ Ви регьимдикай ван алаз лугьун,
нянихъни Вахъ далу акализ хьуникай лугьун,
4цӀуд сим алай алат ягъиз
ва аваз гвай кинур ягъиз.
5Вучиз лагьайтӀа, я Ребби,
краралди Вуна Жуван шад авуна зун,
Ви гъилерин крарал за шадвилелди
ийизва чӀехи хвешивал.
6Ребби, вуч зурба я крар Ви,
вуч дерин я фикирар Ви!
7Ахмакьдаз чизвач,
акьазвач авамни абурун гъавурда.
8Векь хьиз, экъечӀнавайтӀани небгетар,
жезватӀани авадан небгетар,
абур квахьда даим яз.
9Хкажнава Вун, Ребби, даим яз.
10Ингье, рекьида Ви душманар, Ребби,
ингье, гила мад рекьида,
небгетар вирибур чукӀурда.
11Вуна заз къуват гана чӀурун жунгавдиз авай кьван,
таза чӀем гуьцӀна завай зейтундин, Живанди авуна.
12Зи вилериз акуна магълубвал зи душманрин,
зи япариз ван хьана абур ярх жедайвал,
заз акси яз къарагъайбур.
13Гьахъ-михьида цуьк ахъайзава,
хурмадин тарци хьиз,
хкаж жезва, муьтквер хьиз Либандин.
14 Реббидин КӀвале цанвайбуру
чи Аллагьдин гъенера цуьк ахъайда.
15Кьуьзуь чӀавузни жеда абур миже кваз,
таза яз, майва гъиз,
16Я Ребби,
Зи Хиласвилин къеле,
дуьз тирдакай
хабар гун паталди.
Currently Selected:
Забур 91: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
