Забур 89
89
КЬУД ЛАГЬАЙ КТАБ
(89–105-кьилер)
Аллагь даим я – инсандихъ кьиникь гала
1Аллагьдин инсан тир Мусадин дуьа.
2Агъа, Вун чи далда я
несилдилай несилдалди!
3Дагълар арадал къведалди,
Вуна чилни алем халкь ийидалди,
даимвилелай даимвилелди кьван
Аллагь Вун я.
4Инсан вуна руг хьунал хкизва,
лугьузва адаз: «Элкъуьгъ руквадиз, инсандин рухваяр».
5Вун патал агъзур йис, накьан югъ хьиз я,
акуна-такуна алатай.
6Акьалтнавай ци хьиз абур тухузва,
абур ахвар хьиз физва алатна,
абур векь хьиз я, экъечӀзавай экуьнахъ.
Пакаман кьиляй цуькзава ада,
къацу жезва ам,
нянихъ шуьткьвена кьуразва ам.
7Чун квахьзава Ви хъилекди,
Ви гъазабдик кутазва велвела.
8Чна авур чӀуру крар Жуван вилик эцигна Вуна
чи чинебан гунагьарни Жуван чинин нурдин
вилик эцигна.
9Ви хъилек кваз алатзава йикъар чи,
акьалтӀарзава чна чи йикъар са цӀугъ хьиз.
10Чаз жезвай йикъар – пудкъанни цӀуд йис,
къуват квайбурун йисарин кьадар кьудкъад йис жезва,
виридалай хъсан бере абурун
ава зегьметда ва хажалатда,
вучиз лагьайтӀа фад алатзава,
чнани лув хгуда.
11Низ чир хьана Ви хъилен къуват?
Ви вилик гьикьван чӀехи ятӀа кичӀевал,
гьакьван чӀехиди я Ви гъазабни.
12Чаз чи йикъар гьисаб ийиз чир ая,
кӀватӀун патал чна камал рикӀера.
13 Ребби, хъша элкъвена!
Гьикьван яргъалди давам хьурай икӀ?
Язух ша Ви лукӀарин.
14Жуван регьимдив ацӀура
чун гьар пакамахъ,
ша шад жен чун, шад ийин йикъар чи!
15Вуна чун ягъай йикъарай чун шад ая,
чал писвал ацалтай йисарай.
16Жуван кар къалура лукӀариз Жуван,
абурун аялризни Жуван гьуьрмет.
17Агъади, чи Аллагьди,
чин гуз хьурай чаз!
Мягькема чи гъилерин кар,
чи гъилерин карни мягькем ая.
Currently Selected:
Забур 89: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 89
89
КЬУД ЛАГЬАЙ КТАБ
(89–105-кьилер)
Аллагь даим я – инсандихъ кьиникь гала
1Аллагьдин инсан тир Мусадин дуьа.
2Агъа, Вун чи далда я
несилдилай несилдалди!
3Дагълар арадал къведалди,
Вуна чилни алем халкь ийидалди,
даимвилелай даимвилелди кьван
Аллагь Вун я.
4Инсан вуна руг хьунал хкизва,
лугьузва адаз: «Элкъуьгъ руквадиз, инсандин рухваяр».
5Вун патал агъзур йис, накьан югъ хьиз я,
акуна-такуна алатай.
6Акьалтнавай ци хьиз абур тухузва,
абур ахвар хьиз физва алатна,
абур векь хьиз я, экъечӀзавай экуьнахъ.
Пакаман кьиляй цуькзава ада,
къацу жезва ам,
нянихъ шуьткьвена кьуразва ам.
7Чун квахьзава Ви хъилекди,
Ви гъазабдик кутазва велвела.
8Чна авур чӀуру крар Жуван вилик эцигна Вуна
чи чинебан гунагьарни Жуван чинин нурдин
вилик эцигна.
9Ви хъилек кваз алатзава йикъар чи,
акьалтӀарзава чна чи йикъар са цӀугъ хьиз.
10Чаз жезвай йикъар – пудкъанни цӀуд йис,
къуват квайбурун йисарин кьадар кьудкъад йис жезва,
виридалай хъсан бере абурун
ава зегьметда ва хажалатда,
вучиз лагьайтӀа фад алатзава,
чнани лув хгуда.
11Низ чир хьана Ви хъилен къуват?
Ви вилик гьикьван чӀехи ятӀа кичӀевал,
гьакьван чӀехиди я Ви гъазабни.
12Чаз чи йикъар гьисаб ийиз чир ая,
кӀватӀун патал чна камал рикӀера.
13 Ребби, хъша элкъвена!
Гьикьван яргъалди давам хьурай икӀ?
Язух ша Ви лукӀарин.
14Жуван регьимдив ацӀура
чун гьар пакамахъ,
ша шад жен чун, шад ийин йикъар чи!
15Вуна чун ягъай йикъарай чун шад ая,
чал писвал ацалтай йисарай.
16Жуван кар къалура лукӀариз Жуван,
абурун аялризни Жуван гьуьрмет.
17Агъади, чи Аллагьди,
чин гуз хьурай чаз!
Мягькема чи гъилерин кар,
чи гъилерин карни мягькем ая.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024