Забур 88
88
Аллагьдинни Давудан икьрар
1Эзрагьи Этанан шиир.
2За датӀана регьимдикай Реббидин
мани лугьуда!
Жуван мецив за вири несилриз
Вахъ далу акализ хьуникай хабарар гуда.
3Куьз лагьайтӀа за лугьузва: «Ви регьимди
даим яз бине кутунва,
Вахъ далу акализ хьун цавар хьиз мягькем я».
4Вуна лугьузвай:
«КутӀунна За икьрар
Жува хкягъ авурбурухъ галаз санал,
Зи лукӀ Давудахъ галаз.
За Давудаз кьин кьуна:
5даим яз ви тухум мягькемда,
несилдилай несилдалди жеда ви тахтни».
Макьамдин ара
6Тарифзава цавари аламатрин Ви,
пакбурун кӀватӀалда, Ребби,
тариф ийизва Вахъ далу акализ хьунин.
7Цаварал вуж гекъиг жеда Реббидихъ галаз?
Цаварал алайбурукай
вуж Реббидиз ухшар жеда?
8Аллагьди кичӀ кутазва пакбурун кӀватӀалдик,
къваларив гвайбур паталдини Ам
къургъ гвайди я.
9Я Ребби, къуватрин Аллагь,
Къуватдай Вав агакьда вуж?
Вахъ къуват ава,
Ви вафади вун элкъуьрна кьунва.
10Вуна гьуьлуьн гъазабдал агъавалзава:
къарагъайла лепеяр, Вуна абур муьтӀуьгъзава.
11Гъалиб хьана Вун Рагьабал,
Вуна Жуван душманар мягькем гъилив чукӀурна.
12Цавар вибур я, чилни Види я,
Вуна алем ва анавай кьван вири арадал гъана.
13Кеферни кьибле Вуна халкь авуна;
Табар дагъдини Гьерман дагъди
шадвалзава Ви тӀварцӀел.
14Ви гъил мягькемди, къуват квайди я,
Ви эрчӀи гъил хкажнава.
15Адалатни гьахъ дуван
Ви тахтунин бине я,
регьимни гьакъикъат ква Ви вилик.
16Ви тариф авунин шад гьарай чизвай
халкь бахтавар я,
Ви чинин нурдик
къекъведа абур, я Ребби.
17Ви тӀварцӀин хатурдай яргъи югъди шад жеда абур,
аваз Ви гьахъвиле хкаж жеда,
18гьикӀ лагьайтӀа Вун абурун къуватрин баркалла я,
чи къудрат Ви ихтиярдалди я.
19Ребби чи арха я,
Исраилдин Пакди Пачагь я чи.
20Са мус ятӀани Ви керематда
Ваз вафа хуьзвайбуруз Вуна лагьанай:
«За аскердиз куьмек гана,
халкьдикай хкягъайди хкажна.
21Заз жагъана Зи лукӀ Давуд,
За адавай гуьцӀна пак чӀем.
22Гьадахъ галаз жеда Зи гъил,
гуда адаз къуватар За.
23Душманривай кӀаник кутаз жедач ам,
небгетдини дарда твадач ам.
24Адан вилик адан душманар барбатӀда За,
ам такӀанбур ярхарда.
25Вафани регьим Зи
адахъ галаз жеда,
Зи тӀварцӀелай адан къуват артух жеда.
26Адан чапла гъил За гьуьлел эцигна,
адан эрчӀи гъил вацӀарал эцигна.
27Заз эверда: „Вун Буба я зи, Аллагь я зи,
мягькем раг зи хиласвилин“.
28Адакай сифтегьанди ийида,
чилин пачагьрилай вине авайди.
29Жуван регьим ам паталди хуьда даим яз,
Зи икьрарни адахъ галаз жеда кӀевиди.
30Адан тухум даим жеда,
цавун йикъар хьиз жеда адан тахт.
31Адан эвледри алудайтӀа рикӀелай Къанун Зи,
Зи тагькимрал амал ийиз тахьайтӀа,
32За къалурай къайдаяр чӀурайтӀа,
Зи эмирар хуьз тахьайтӀа,
33гьа чӀавуз жаза гуда лашунив
абурун небгетвилерай,
ягъунар кьада абурун гунагьрай.
34Ам Жуван регьимдикай
магьрумдач михьиз,
Захъ далу акализ хьуникай
хкуддач ам.
35Жуван икьрар За чӀурдач,
За гайи гафни чӀур ийидач.
36Садра За кьин кьунай Жуван паквилел,
Давудаз таб ийизвач за а кьинелди.
37Адан тухум даим яз жеда,
жеда адан тахт, Зи вилик рагъ хьиз.
38Ам, варз хьиз, гьакъикъи шагьид хьиз,
даим яз цаварал тестикьна жеда».
Макьамдин ара
39Амма гила Вуна инкарна,
кьулухъди эцяна,
хъел атана Жуван гуьцӀуьрдикай.
40Вуна Жуван лукӀрахъ галаз кутӀунай
икьрар инкарна,
адан таж гадарна чилел,
41адан цлар хана кукӀварна,
адан къелеяр вири харапӀайриз элкъуьрна.
42Патавай физвай вирибуру чуьнуьхзавай адавай,
ам вичин къуншийри хъуьруьнриз вегьенва.
43Вуна адан мидяйрин эрчӀи гъил хкажнава.
Шадарнава адан вири душманар,
44Вуна адан турунин кӀвенкӀв патахъна,
куьмекнач адаз дяведа.
45Хъендик кутуна адан цӀарцӀар,
адан тахтни чилел ярх авуна.
46Вуна адан жегьилвилин
йикъар тӀимил авуна,
кутуна ам айибдик.
Макьамдин ара
47Гьикьван яргъалди, Ребби,
чуьнуьх хьана жеда Вун,
хъел, цӀай хьиз, куз жедани?
48РикӀел хкваш гьикӀ зи уьмуьр
фад алатна физватӀа.
Тек са легьзе паталди
На инсанар халкьнавани?
49Уьмуьр тухвай гьи касдиз акунач кьиникь?
Ада хилас авунани вич
агъа дуьньядин гъиликай?
Макьамдин ара
50Гьинава, Агъа, виликан регьим Ви?
Давудаз кьин кьунай Вуна
Вахъ далу акализ жедайвал.
51РикӀел хуьх, Агъа, ахмур Жуван лукӀарин,
тир чеб гзаф халкьарикай, –
гьам за жуван къене хуьзва,
52гьикӀ Ви душманар
пис рахазватӀа, я Ребби,
гьикӀ ийизватӀа абуру русвагь
гелер Ви гуьцӀуьрдин.
53Шукур хьуй Ваз, я Ребби,
даим яз!
Амин! Амин!
Currently Selected:
Забур 88: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 88
88
Аллагьдинни Давудан икьрар
1Эзрагьи Этанан шиир.
2За датӀана регьимдикай Реббидин
мани лугьуда!
Жуван мецив за вири несилриз
Вахъ далу акализ хьуникай хабарар гуда.
3Куьз лагьайтӀа за лугьузва: «Ви регьимди
даим яз бине кутунва,
Вахъ далу акализ хьун цавар хьиз мягькем я».
4Вуна лугьузвай:
«КутӀунна За икьрар
Жува хкягъ авурбурухъ галаз санал,
Зи лукӀ Давудахъ галаз.
За Давудаз кьин кьуна:
5даим яз ви тухум мягькемда,
несилдилай несилдалди жеда ви тахтни».
Макьамдин ара
6Тарифзава цавари аламатрин Ви,
пакбурун кӀватӀалда, Ребби,
тариф ийизва Вахъ далу акализ хьунин.
7Цаварал вуж гекъиг жеда Реббидихъ галаз?
Цаварал алайбурукай
вуж Реббидиз ухшар жеда?
8Аллагьди кичӀ кутазва пакбурун кӀватӀалдик,
къваларив гвайбур паталдини Ам
къургъ гвайди я.
9Я Ребби, къуватрин Аллагь,
Къуватдай Вав агакьда вуж?
Вахъ къуват ава,
Ви вафади вун элкъуьрна кьунва.
10Вуна гьуьлуьн гъазабдал агъавалзава:
къарагъайла лепеяр, Вуна абур муьтӀуьгъзава.
11Гъалиб хьана Вун Рагьабал,
Вуна Жуван душманар мягькем гъилив чукӀурна.
12Цавар вибур я, чилни Види я,
Вуна алем ва анавай кьван вири арадал гъана.
13Кеферни кьибле Вуна халкь авуна;
Табар дагъдини Гьерман дагъди
шадвалзава Ви тӀварцӀел.
14Ви гъил мягькемди, къуват квайди я,
Ви эрчӀи гъил хкажнава.
15Адалатни гьахъ дуван
Ви тахтунин бине я,
регьимни гьакъикъат ква Ви вилик.
16Ви тариф авунин шад гьарай чизвай
халкь бахтавар я,
Ви чинин нурдик
къекъведа абур, я Ребби.
17Ви тӀварцӀин хатурдай яргъи югъди шад жеда абур,
аваз Ви гьахъвиле хкаж жеда,
18гьикӀ лагьайтӀа Вун абурун къуватрин баркалла я,
чи къудрат Ви ихтиярдалди я.
19Ребби чи арха я,
Исраилдин Пакди Пачагь я чи.
20Са мус ятӀани Ви керематда
Ваз вафа хуьзвайбуруз Вуна лагьанай:
«За аскердиз куьмек гана,
халкьдикай хкягъайди хкажна.
21Заз жагъана Зи лукӀ Давуд,
За адавай гуьцӀна пак чӀем.
22Гьадахъ галаз жеда Зи гъил,
гуда адаз къуватар За.
23Душманривай кӀаник кутаз жедач ам,
небгетдини дарда твадач ам.
24Адан вилик адан душманар барбатӀда За,
ам такӀанбур ярхарда.
25Вафани регьим Зи
адахъ галаз жеда,
Зи тӀварцӀелай адан къуват артух жеда.
26Адан чапла гъил За гьуьлел эцигна,
адан эрчӀи гъил вацӀарал эцигна.
27Заз эверда: „Вун Буба я зи, Аллагь я зи,
мягькем раг зи хиласвилин“.
28Адакай сифтегьанди ийида,
чилин пачагьрилай вине авайди.
29Жуван регьим ам паталди хуьда даим яз,
Зи икьрарни адахъ галаз жеда кӀевиди.
30Адан тухум даим жеда,
цавун йикъар хьиз жеда адан тахт.
31Адан эвледри алудайтӀа рикӀелай Къанун Зи,
Зи тагькимрал амал ийиз тахьайтӀа,
32За къалурай къайдаяр чӀурайтӀа,
Зи эмирар хуьз тахьайтӀа,
33гьа чӀавуз жаза гуда лашунив
абурун небгетвилерай,
ягъунар кьада абурун гунагьрай.
34Ам Жуван регьимдикай
магьрумдач михьиз,
Захъ далу акализ хьуникай
хкуддач ам.
35Жуван икьрар За чӀурдач,
За гайи гафни чӀур ийидач.
36Садра За кьин кьунай Жуван паквилел,
Давудаз таб ийизвач за а кьинелди.
37Адан тухум даим яз жеда,
жеда адан тахт, Зи вилик рагъ хьиз.
38Ам, варз хьиз, гьакъикъи шагьид хьиз,
даим яз цаварал тестикьна жеда».
Макьамдин ара
39Амма гила Вуна инкарна,
кьулухъди эцяна,
хъел атана Жуван гуьцӀуьрдикай.
40Вуна Жуван лукӀрахъ галаз кутӀунай
икьрар инкарна,
адан таж гадарна чилел,
41адан цлар хана кукӀварна,
адан къелеяр вири харапӀайриз элкъуьрна.
42Патавай физвай вирибуру чуьнуьхзавай адавай,
ам вичин къуншийри хъуьруьнриз вегьенва.
43Вуна адан мидяйрин эрчӀи гъил хкажнава.
Шадарнава адан вири душманар,
44Вуна адан турунин кӀвенкӀв патахъна,
куьмекнач адаз дяведа.
45Хъендик кутуна адан цӀарцӀар,
адан тахтни чилел ярх авуна.
46Вуна адан жегьилвилин
йикъар тӀимил авуна,
кутуна ам айибдик.
Макьамдин ара
47Гьикьван яргъалди, Ребби,
чуьнуьх хьана жеда Вун,
хъел, цӀай хьиз, куз жедани?
48РикӀел хкваш гьикӀ зи уьмуьр
фад алатна физватӀа.
Тек са легьзе паталди
На инсанар халкьнавани?
49Уьмуьр тухвай гьи касдиз акунач кьиникь?
Ада хилас авунани вич
агъа дуьньядин гъиликай?
Макьамдин ара
50Гьинава, Агъа, виликан регьим Ви?
Давудаз кьин кьунай Вуна
Вахъ далу акализ жедайвал.
51РикӀел хуьх, Агъа, ахмур Жуван лукӀарин,
тир чеб гзаф халкьарикай, –
гьам за жуван къене хуьзва,
52гьикӀ Ви душманар
пис рахазватӀа, я Ребби,
гьикӀ ийизватӀа абуру русвагь
гелер Ви гуьцӀуьрдин.
53Шукур хьуй Ваз, я Ребби,
даим яз!
Амин! Амин!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024