Забур 81
81
Аллагь виридалайни виневай Дуванбег я
1Асафан мани.
Аллагь кьилел акъвазнава чӀехи кӀватӀалдин,
аллагьрин юкьва дуван ийизва:
2«Гьикьван яргъалди куьне дуван ийида
гьахъ галачиз,
артух майил небгетриз къалуриз жеда?
Макьамдин ара
3Зайифдини етим хуьх,
зулумдик квайдазни кесибдаз
адалат къалура.
4Хиласа кесибдини муьгьтежди,
азад ая абур небгетрикай.
5Куь чирвал затӀни туш,
са куьнинни акьазвач куьн гъавурда.
Куьн къекъвезва мичӀивиле.
Чилин пунар чкадилай юзанва!
6За лагьана: „Куьн аллагьар я,
куьн вири аялар я виридалай Виневайдан“.
7Амма, вири инсанар хьиз, рекьида куьн,
гьакимар хьиз ярх жеда куьн».
8Къарагъ, Аллагь,
чилин дуван ая, вучиз лагьайтӀа
вири халкьар ирс я Ви.
Currently Selected:
Забур 81: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
