Забур 78
78
Дяведин вахтунда Аллагьдин халкьдин дуьа
1Асафан мани.
Я Аллагь! Ви ирс кьуна
чара халкьари,
чиркин авуна Ви пак Ибадатхана,
Ярусалим харапӀайриз элкъуьрна.
2Абуру Ви лукӀарин мейитар
цавун къушари тӀуьн патал гана,
Ваз вафа хуьзвайбурун беденар гана
чилин ничхирриз.
3Абуру Ви инсанрин иви,
яд хьиз, экъична
Ярусалимдин вири патарихъ,
абур кучукдай садни авачир.
4Чи къуншийриз чун хъуьруьнар хьана,
чун элкъуьрна кьунвайбуру
чаз ахмурзава, ягьанатар ийизва.
5Ви хъел даим яз давам жедани, я Ребби?
Куда гьикьван яргъалди ви гъайра, цӀай хьиз?
6Жуван хъел экъича Вун течизвай халкьарал,
Ви тӀвар такьазвай пачагьлугърални,
7куьз лагьайтӀа абуру Якьубан эвледар тергна,
авуна чил адан ичӀи.
8Чи бан-бубайрин гунагьар твамир чи хиве,
тадидаказ Жуван регьим къалура,
куьз лагьайтӀа чи чара атӀанва.
9Чаз куьмек це, я Аллагь,
чун Хилас ийидайди,
Ви ТӀварцӀин баркалладин хатурдай.
Куьмек це чаз,
гъил къахчу чи гунагьрилай
Ви ТӀварцӀин хатурдай.
10Вуч патал халкьариз лугьуда:
«Гьинва Аллагь абурун?»
Чир хьурай халкьарин арада
чи вилериз акурай кьисас
экъичай ивидай лукӀарин Ви.
11ЦӀугъдин ван ша дустагъда авайбурун,
къуват квай гъилив хуьх чпиз кьиникь
кьисметнавайбур.
12Я Агъа, Ваз авур хкуьрун
иридра вахце къуншийрив чи!
13Чна, Ви халкьди, Ви яйлахдин хпери,
датӀана Ваз шукурар ийида,
Ви баркалладикай хабарар гуда
несилдай несилдиз.
Currently Selected:
Забур 78: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
