Забур 60
60
Далда гун паталай дуьа
1Манидаррин чӀехидаз. Симер алай алатар патал. Давудан дуьа.
2Я Аллагь! Зи шелдин ван ша!
Яб це зи дуьадиз!
3Минетзава за Ваз чилин къерехдилай,
ава зи рикӀ пелешвиле,
завай акьах тежер рагал
хкажна зун,
4гьикӀ лагьайтӀа Вун заз далда я,
мягькем къеле я душманрин хура.
5Даим уьмуьр тухурай за алачухда Ви,
Ви луварин хъендикай за далда кьунва.
Макьамдин ара
6Я Аллагь, Ваз ван хьанай вядер зи,
Ви тӀварцӀикай кичӀебурун ирс ганай заз Вуна.
7Пачагьдин уьмуьрдин йикъарал кӀукӀ гъваш,
Яргъи ая адан йисар несилдилай несилдал.
8Ацукьрай ам даим вилик Аллагьдин,
хуьх ам Жуван регьимдив
ва гьакъикъатдив.
9Гьа икӀ, датӀана тарифдин мани
лугьуда за тӀварцӀин Ви,
йикъа-йикъа вядер жуван
акъудда кьилиз.
Currently Selected:
Забур 60: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
