Забур 53
53
Куьмекдин паталай дуьа
1Манидаррин чӀехидаз. Симер алай алатар патал. Давудан шиир. 2Зифвийри атана Шаулаз: «Давуд чи патав чуьнуьх хьанва» лагьай чӀавуз.
3Аллагь! Жуван тӀварцӀелди куьмек це заз,
Жуван къуватдив гьахъ хъия зун!
4Аллагь! Ван хьухь зи дуьадин,
яб це зи мецин гафариз!
Макьамдин ара
5Къарагънава чарабур заз акси яз,
инсаф авачирбуруз зи чан къачуз кӀанзава –
Аллагьдикай
фикир тийизвайбуруз.
6Ингье Аллагь куьмек я заз,
Агъади зун мягькемзава.
7Ада зи душманрив
писвилин эвез ахгакьарда,
Ви гьакъикъивилин хатурдай
телефда абур.
8За хушуналди
гъида Ваз къурбанд.
Я Ребби! За Ви тӀварцӀиз шукурда,
вучиз лагьайтӀа ам хъсанди я.
9Вучиз лагьайтӀа вуна хвена зун
вири бедбахтвилерикай,
зун чӀехи гъалибвилив
килигнай зи душманриз.
Currently Selected:
Забур 53: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
