Забур 46
46
Аллагь вири халкьарин винел пачагь я
1Манидаррин чӀехидаз. Къарагьан миресрин мани.
2Капар ягъа, вири халкьар,
эвер ая Аллагьдиз
шадвилин гьарайдив.
3Вуч къургъар гвайди я
виридалай Виневайди, Ребби,
чӀехи Пачагь вири чилел!
4Ада халкьар чаз муьтӀуьгъ авуна,
гадарна тайифаяр чи кӀвачерик.
5Ада чаз ирс хкяна –
Адаз гзаф кӀан хьайи
Якьубан сейливал.
Макьамдин ара
6Аллагь хкаж хьана
гьарайдикди шадвилин,
Ребби хкаж хьана
ванерикди крчар язавай.
7Тариф ая Аллагьдин, манияр лагь,
чи Пачагьдин тариф ая, манияр лагь!
8Аллагь вири чилерин Пачагь я;
Адаз мани лагь тарифдин.
9Аллагь пачагь я халкьарин винел,
ацукьнава Вичин пак тахтуна Аллагь.
10КӀватӀ жезва регьберар халкьарин
Ибрагьиман Аллагьдин халкь галаз,
куьз лагьайтӀа чилерин пачагьар
Аллагьдиз талукь я.
Ам абурал хкаж хьанва.
Currently Selected:
Забур 46: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
