Забур 34
34
Куьмек гунай дуьа
1 Давудан дуьа.
Ребби! Ягъа
язавайбурун зун,
дяве ая
захъ галаз дяве ийизвайбурухъ галаз!
2Яхъ къалханни кьеркь,
ша зи куьмекдиз.
3Хкаж ая зи геле къекъвезвайбурал
жидани нажах.
Лагь заз:
«Куьмек Зун я ви!»
4Регъуь хьуй чпиз, русвагь хьурай
зун рекьиз кӀанзавайбуруз.
Беябур хьана элкъуьрай кьулухъ
заз акси яз чӀуру фенд акъудзавайбур.
5Нагъвар хьиз хьурай абур, гарун хуравай,
Реббидин малаикди чукуррай абур.
6Абурун рехъ хьуй мичӀиди, цӀуьдгъуьндайди,
Реббидин малаикди чукуррай абур.
7Зал чил вегьейвиляй са себебни авачиз,
са себебни авачиз заз фур атӀайвиляй.
8Абурув хабарни авачиз агакьрай кьиникь –
абуру эгъвей фуруз чеб аватай,
абуру вегьей чил чпел хьуй аруш.
9Зун жеда шадвал ийиз Реббидал,
хвешивалда Адалай куьмек атунал.
10Михьи рикӀяй лугьуда за:
«Ребби! Ваз вуж ухшар я?
Вуна хуьзва
къуват авайбурукай зайифбур,
саиларни кесибар –
абур тарашзавайбурукай».
11Къарагънава инсаф течир шагьидар заз акси яз,
заз течирдакай жузазва завай.
12Хъсанвилин эвездай заз ийизва писвал,
закай етим ийизва.
13За, абур тӀазвайла, алукӀна шихер,
сив хуьз, за жув вегьена амандай.
Зи дуьа зи хийирдиз хьуй.
14Дустунихъ ва я стхадихъ хьиз,
за дерт чӀугуна.
За, гъам чӀугваз, кьил агъузна,
чӀугвазвай хьиз хажалат дидедихъ.
15Амма татаб жезвайла зун, шад жезвай абур,
абуру заз акси яз гаф-чӀал садзавай.
Заз течидай алчахри
зун барбатӀзавай галат тавуна,
16небгетри акъваз тавуна,
ягьанатар ийизвай,
зал, сарар экъисиз, хъуьрезвай.
17Агъа! Гьикьван килигда Вун и кардиз?
Абурун писвилерикай хиласа зун,
хиласа зи уьмуьр
и асланрикай!
18За шукурда Ваз чӀехи кӀватӀалда
кьадар авачир кьван халкьдин арада тарифда за Ви.
19Зал гъалиб тахьурай
са себебни авачиз заз ийизвайбур душманвал.
Ягьанатдин хъвер ийиз, вилеринбур тавурай
са себебни авачиз зун такӀанбуру.
20Хъсанвилихъ тухуникай рахазвач абур,
туькӀуьриз ава тапан тахсирар чилел алай
ислягьбуруз акси яз.
21Сивер, гьешер хьиз, ахъайна, заз лугьузва:
«Эхь, эхь, вири акуна чаз чи вилералди!»
22Ибур вири акуна Ваз, я Ребби,
чуькь тавуна акъвазмир.
Закай яргъаз жемир, Агъа.
23Хкаж хьухь, къарагъ зун хуьн паталди,
зи гьахъ кар паталди, зи Аллагь, Агъа.
24Зун гьахъ ая,
Ребби, Аллагь зи,
зал гъалибвал къачуз тамир.
25Абуру чпин рикӀяй лугьун тавурай:
«Эхь, вири гьакӀ я, чаз кӀан хьайивал!»
Лугьун тавурай:
«Чна ам туькьуьнна».
26Зи бедбахтвилел шадвалзавайбур
беябурвиле, айибда гьатрай!
Зи винел акьалтайбур
абу́р квадарна, русвагьдик акатрай!
27Зи гьахъвал кӀандайбуру
шадвиляйни хвешивиляй гьарай авурай!
ДатӀана лугьурай: «Ребби чӀехи я, Вичин лукӀраз
хъсанвал хьана кӀанзавай!»
28Зи меци Ви гьахъвиликай хабар гуз жеда,
гьар юкъуз Ви тарифда.
Currently Selected:
Забур 34: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 34
34
Куьмек гунай дуьа
1 Давудан дуьа.
Ребби! Ягъа
язавайбурун зун,
дяве ая
захъ галаз дяве ийизвайбурухъ галаз!
2Яхъ къалханни кьеркь,
ша зи куьмекдиз.
3Хкаж ая зи геле къекъвезвайбурал
жидани нажах.
Лагь заз:
«Куьмек Зун я ви!»
4Регъуь хьуй чпиз, русвагь хьурай
зун рекьиз кӀанзавайбуруз.
Беябур хьана элкъуьрай кьулухъ
заз акси яз чӀуру фенд акъудзавайбур.
5Нагъвар хьиз хьурай абур, гарун хуравай,
Реббидин малаикди чукуррай абур.
6Абурун рехъ хьуй мичӀиди, цӀуьдгъуьндайди,
Реббидин малаикди чукуррай абур.
7Зал чил вегьейвиляй са себебни авачиз,
са себебни авачиз заз фур атӀайвиляй.
8Абурув хабарни авачиз агакьрай кьиникь –
абуру эгъвей фуруз чеб аватай,
абуру вегьей чил чпел хьуй аруш.
9Зун жеда шадвал ийиз Реббидал,
хвешивалда Адалай куьмек атунал.
10Михьи рикӀяй лугьуда за:
«Ребби! Ваз вуж ухшар я?
Вуна хуьзва
къуват авайбурукай зайифбур,
саиларни кесибар –
абур тарашзавайбурукай».
11Къарагънава инсаф течир шагьидар заз акси яз,
заз течирдакай жузазва завай.
12Хъсанвилин эвездай заз ийизва писвал,
закай етим ийизва.
13За, абур тӀазвайла, алукӀна шихер,
сив хуьз, за жув вегьена амандай.
Зи дуьа зи хийирдиз хьуй.
14Дустунихъ ва я стхадихъ хьиз,
за дерт чӀугуна.
За, гъам чӀугваз, кьил агъузна,
чӀугвазвай хьиз хажалат дидедихъ.
15Амма татаб жезвайла зун, шад жезвай абур,
абуру заз акси яз гаф-чӀал садзавай.
Заз течидай алчахри
зун барбатӀзавай галат тавуна,
16небгетри акъваз тавуна,
ягьанатар ийизвай,
зал, сарар экъисиз, хъуьрезвай.
17Агъа! Гьикьван килигда Вун и кардиз?
Абурун писвилерикай хиласа зун,
хиласа зи уьмуьр
и асланрикай!
18За шукурда Ваз чӀехи кӀватӀалда
кьадар авачир кьван халкьдин арада тарифда за Ви.
19Зал гъалиб тахьурай
са себебни авачиз заз ийизвайбур душманвал.
Ягьанатдин хъвер ийиз, вилеринбур тавурай
са себебни авачиз зун такӀанбуру.
20Хъсанвилихъ тухуникай рахазвач абур,
туькӀуьриз ава тапан тахсирар чилел алай
ислягьбуруз акси яз.
21Сивер, гьешер хьиз, ахъайна, заз лугьузва:
«Эхь, эхь, вири акуна чаз чи вилералди!»
22Ибур вири акуна Ваз, я Ребби,
чуькь тавуна акъвазмир.
Закай яргъаз жемир, Агъа.
23Хкаж хьухь, къарагъ зун хуьн паталди,
зи гьахъ кар паталди, зи Аллагь, Агъа.
24Зун гьахъ ая,
Ребби, Аллагь зи,
зал гъалибвал къачуз тамир.
25Абуру чпин рикӀяй лугьун тавурай:
«Эхь, вири гьакӀ я, чаз кӀан хьайивал!»
Лугьун тавурай:
«Чна ам туькьуьнна».
26Зи бедбахтвилел шадвалзавайбур
беябурвиле, айибда гьатрай!
Зи винел акьалтайбур
абу́р квадарна, русвагьдик акатрай!
27Зи гьахъвал кӀандайбуру
шадвиляйни хвешивиляй гьарай авурай!
ДатӀана лугьурай: «Ребби чӀехи я, Вичин лукӀраз
хъсанвал хьана кӀанзавай!»
28Зи меци Ви гьахъвиликай хабар гуз жеда,
гьар юкъуз Ви тарифда.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024