Забур 121
121
Зияратдин мани
1Зиярат ийидайла лугьудай мани. Давудан дуьа.
Шад хьана зун лагьайла заз:
«Ша Реббидин фин КӀвализ».
2Акъвазнава кӀвачер чи
ви варарив, Ярусалим.
3Ярусалим эцигнава
вири санал галкӀурнавай шегьер хьиз,
4аниз хкаж жезва тайифаяр,
тайифаяр Реббидин,
Исраилдин шагьидвилер тирвал,
шукур авун паталди Реббидин тӀварцӀиз.
5Ана ава дуванрин тахтар,
Давудан тухумдин тахтар.
6Ярусалимдиз саламатвал хьун патал дуьаяр ая:
«Хьурай вун кӀанибуруз хушбахтвал.
7Ви цлара саламатвал хьурай,
ви имаратра хушбахтвал хьурай».
8Зи хизандин, зи дустарин хатурдай
лугьуда за: «Саламатвал хьурай ваз!»
9Реббидин, чи Аллагьдин
КӀвалин хатурдай
ви сергьятра ваз хъсанвилер хьун
тӀалабзава за, Ярусалим.
Currently Selected:
Забур 121: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
