Забур 103
103
Халикьдиз шукур авун
1Шукур ая, зи рикӀ, Реббидиз!
Ребби, Аллагь зи, лап чӀехи я Вун ажайибдиз,
баркаллани гьайбат алчук хьанва Вал.
2Вуна Вал экв алукӀнава, партал хьиз,
пердеди хьиз, кьунва цавар,
3На Жуван КӀвал эцигнава ятарал,
циферикай дапураг ийизва Жуваз,
къекъвезва гарун луварал алаз.
4Гарарикай ийизва Вуна Жуван илчияр,
куькӀвенвай цӀукай ийизва жуваз лукӀар.
5Вуна чилин мягькем бине туькӀуьрна,
садрани ян ада тагун паталди.
6Лап эвелдилай авай гьуьл адал алчук хьана, либас хьиз,
дагъларилайни кьакьан яз акъвазнай ятар.
7Кьулухъди хъфена ятар
Вуна абуруз гьарайдалди,
Ви гугрумдин ван хьайила,
абур кьулухъди хъфена.
8Хкаж хьана дагъларал,
эвичӀна дерейриз,
Вуна чпиз гьазурнавай чкадиз.
9Вуна эцигна абурун вилик
элячӀ тежер часпарни,
абурувай мад чил хкьаз техжервал.
10Вуна вацӀар ракъурзава дерейриз,
абур авахьзава дагъларин арайрай.
11Абуру яд гузва тамун ничхирриз,
ана чпин къанихвал рекьизва вагьши ламари.
12Къваларив уьмуьр тухузва цаварин къушари,
тарарин пешерай ван къвезва манийрин.
13Жуван КӀваляй На яд гузва кӀунтӀариз;
чил тух жезва майвайралди крарин Ви.
14Вуна векь цана чӀехи ийизва малар паталди,
къацу хъчар – хийир патал инсандин,
ада чиляй вичиз тӀуьн акъудун патал,
15чехирни, рикӀ шад ийидай инсандин,
чӀемни, адан чинив нур гуз тадай,
фуни, адан рикӀ мягькем ийидай.
16Тух я тарар Реббидин,
Либандин муьткверар Ада цайи,
17чпин хилерал муг ийизвай къушари,
шамагъаж тарар, леглегриз муг тир.
18Кьакьан дагълар чӀурун цӀегьер патал я,
рагар далда я япатӀ-къуьрериз.
19Варцар къалурун патал эцигнава Ада варз,
чизва ракъиниз вич акӀидай пад.
20ЭкӀязава мичӀивал На, алукьзава йиф,
тамун ничхирар къекъвезва йифен хъендик.
21Жегьил асланри чпин гъуьрчехъ гъугъ ийизва,
тӀалабзава Аллагьдивай чпиз тӀуьн.
22Рагъ экъечӀзава, абур санал кӀватӀ жезва,
къаткизва чпин магъарада.
23ЭкъечӀзава инсан вичин кӀвалахдал,
няналди зегьмет чӀугвазва ада.
24Ребби, вуч гзаф я Ви крарин сан!
Абур вири Вуна Жуван камалдивди авуна:
Вуна халкьай затӀарив чил ацӀанва.
25Ингье чӀехи ва гегьенш гьуьл,
ана кьадар авач халкьай затӀариз,
гъвечӀи, чӀехи гьайванриз.
26Ана гимийри ийизва сирнав,
Ана къугъун паталди На халкь авур
ава ана аждагьанни.
27Абуру Вун вилив хуьзва вирида,
чпиз Вуна вахтунда тӀуьн гун патал.
28Вуна абуруз гузва – абуру къачузва,
Вуна Ви гъил ахъа хьайила –
берекатдив абур тух жезва.
29Вуна Ви чин чуьнуьхайтӀа,
кьазва абур велвелади.
Къакъуд авуртӀа абурун нефес,
рекьида абур, элкъвез руквадиз.
30Абуруз Ви Нефес ракъурайтӀа, кӀвачел акьалтда,
Вуна цӀийи хъийида чилин чин.
31Реббидин баркалла хьурай датӀана,
Шад хьурай Ребби Вичин крарал.
32Килигзава Ам чилиз – зурзазва чил,
ХкӀазва Ам дагъларик – абурай гум акъатзава.
33Лугьуда за мани Реббидиз
аламай кьван гагьда зал чан.
Манидалди тарифда за Аллагьдин
зун амай кьван береда.
34Адаз зи фикирар
виже къведайбур, хушбур хьуй:
Реббидикай фикириз
шад жеда зун.
35 Гунагькарар квахьрай чилин винелай,
небгетар тахьурай мад.
Шукур ая, зи рикӀ, Реббидиз!
Тариф ая Реббидин!
Currently Selected:
Забур 103: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Забур 103
103
Халикьдиз шукур авун
1Шукур ая, зи рикӀ, Реббидиз!
Ребби, Аллагь зи, лап чӀехи я Вун ажайибдиз,
баркаллани гьайбат алчук хьанва Вал.
2Вуна Вал экв алукӀнава, партал хьиз,
пердеди хьиз, кьунва цавар,
3На Жуван КӀвал эцигнава ятарал,
циферикай дапураг ийизва Жуваз,
къекъвезва гарун луварал алаз.
4Гарарикай ийизва Вуна Жуван илчияр,
куькӀвенвай цӀукай ийизва жуваз лукӀар.
5Вуна чилин мягькем бине туькӀуьрна,
садрани ян ада тагун паталди.
6Лап эвелдилай авай гьуьл адал алчук хьана, либас хьиз,
дагъларилайни кьакьан яз акъвазнай ятар.
7Кьулухъди хъфена ятар
Вуна абуруз гьарайдалди,
Ви гугрумдин ван хьайила,
абур кьулухъди хъфена.
8Хкаж хьана дагъларал,
эвичӀна дерейриз,
Вуна чпиз гьазурнавай чкадиз.
9Вуна эцигна абурун вилик
элячӀ тежер часпарни,
абурувай мад чил хкьаз техжервал.
10Вуна вацӀар ракъурзава дерейриз,
абур авахьзава дагъларин арайрай.
11Абуру яд гузва тамун ничхирриз,
ана чпин къанихвал рекьизва вагьши ламари.
12Къваларив уьмуьр тухузва цаварин къушари,
тарарин пешерай ван къвезва манийрин.
13Жуван КӀваляй На яд гузва кӀунтӀариз;
чил тух жезва майвайралди крарин Ви.
14Вуна векь цана чӀехи ийизва малар паталди,
къацу хъчар – хийир патал инсандин,
ада чиляй вичиз тӀуьн акъудун патал,
15чехирни, рикӀ шад ийидай инсандин,
чӀемни, адан чинив нур гуз тадай,
фуни, адан рикӀ мягькем ийидай.
16Тух я тарар Реббидин,
Либандин муьткверар Ада цайи,
17чпин хилерал муг ийизвай къушари,
шамагъаж тарар, леглегриз муг тир.
18Кьакьан дагълар чӀурун цӀегьер патал я,
рагар далда я япатӀ-къуьрериз.
19Варцар къалурун патал эцигнава Ада варз,
чизва ракъиниз вич акӀидай пад.
20ЭкӀязава мичӀивал На, алукьзава йиф,
тамун ничхирар къекъвезва йифен хъендик.
21Жегьил асланри чпин гъуьрчехъ гъугъ ийизва,
тӀалабзава Аллагьдивай чпиз тӀуьн.
22Рагъ экъечӀзава, абур санал кӀватӀ жезва,
къаткизва чпин магъарада.
23ЭкъечӀзава инсан вичин кӀвалахдал,
няналди зегьмет чӀугвазва ада.
24Ребби, вуч гзаф я Ви крарин сан!
Абур вири Вуна Жуван камалдивди авуна:
Вуна халкьай затӀарив чил ацӀанва.
25Ингье чӀехи ва гегьенш гьуьл,
ана кьадар авач халкьай затӀариз,
гъвечӀи, чӀехи гьайванриз.
26Ана гимийри ийизва сирнав,
Ана къугъун паталди На халкь авур
ава ана аждагьанни.
27Абуру Вун вилив хуьзва вирида,
чпиз Вуна вахтунда тӀуьн гун патал.
28Вуна абуруз гузва – абуру къачузва,
Вуна Ви гъил ахъа хьайила –
берекатдив абур тух жезва.
29Вуна Ви чин чуьнуьхайтӀа,
кьазва абур велвелади.
Къакъуд авуртӀа абурун нефес,
рекьида абур, элкъвез руквадиз.
30Абуруз Ви Нефес ракъурайтӀа, кӀвачел акьалтда,
Вуна цӀийи хъийида чилин чин.
31Реббидин баркалла хьурай датӀана,
Шад хьурай Ребби Вичин крарал.
32Килигзава Ам чилиз – зурзазва чил,
ХкӀазва Ам дагъларик – абурай гум акъатзава.
33Лугьуда за мани Реббидиз
аламай кьван гагьда зал чан.
Манидалди тарифда за Аллагьдин
зун амай кьван береда.
34Адаз зи фикирар
виже къведайбур, хушбур хьуй:
Реббидикай фикириз
шад жеда зун.
35 Гунагькарар квахьрай чилин винелай,
небгетар тахьурай мад.
Шукур ая, зи рикӀ, Реббидиз!
Тариф ая Реббидин!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024