Кьурумда 7
7
Алачух паквилиз акъуддайла гудай садакьаяр
1Мусади Алачух эцигайдалай кьулухъ, ада ам ана авай вири къаб-къажахни галаз чӀем гуьцӀна паквилиз акъудна. Мадни ада вичихъ галай вири къаб-къажахни галаз къурбанган чӀем гуьцӀна паквилиз акъудна. 2Исраилдин регьберри, сихилрин кьиле акъвазнавайбуру, къелемдиз къачунин гьакъиндай жавабдарар тир тайифайрин регьберри садакьаяр гана. 3Абуру Реббидиз, ибур вири Алачухдин вилик эцигуналди, къав чӀугунвай ругуд дапураг ва цӀикьвед жунгав, гьар са регьбердин патай са жунгав ва гьар кьведан патай са дапураг гана.
4Реббиди Мусадиз лагьана: 5«Абурувай, Гьалтунин Алачухда къуллугъдай чӀавуз гъилик авун патал, а затӀар къачу. Абур левийрив, гьар садавай вичин къуллугъди тӀалабзавайди вуч ятӀа, гьам вахце».
6Мусади дапурагарни малар кьабулна ва абур левийрив вахгана. 7Ада кьве дапурагни кьуд мал, абурун къуллугъди тӀалабзавайвал, гершанийрив вугана 8ва кьуд дапурагни муьжуьд мал, абуру Итамаран, хахам Гьарунан хцин, гъилик кваз авур къуллугъди тӀалабзавайвал, мерарийрив вугана. 9Амма къегьатийрив Мусади са затӀни вуганач, вучиз лагьайтӀа къайгъудик кутунвайди абуру чпин къуьнераллаз ялна кӀанзавай пак тир къаб-къажах тир.
10Къурбангандивай чӀем гуьцӀайдалай кьулухъ, регьберри ам талукьарун патал къурбандар гьазурна ва абур къурбангандин патав гъана. 11Реббиди Мусадиз лагьанай эхир: «Гьар юкъуз регьберрикай сада къурбангандиз талукьарун патал вичин садакьа гъурай».
12Сад лагьай юкъуз Ягьудан тайифадай тир Аминадабан хва Нагьшуна садакьа авуна.
13Адан садакьа ибарат тир: ибадатханадин гьисабдалди вишни къанни цӀуд шекъелдин заланвал авай ва чеб фан къурбанд авун патал чӀем какадарна лап хъсан гъуьруьвди ацӀурнавай гимишдин кур ва пудкъанни цӀуд шекъелдин заланвал авай гимишдин бади; 14хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 15кунуг яз таза жунгав, гьер ва са йис хьанвай кьар, 16гунагьдай къурбанд яз са кьун 17ва суварин къурбанд яз кьве мал, вад гьер, вад кьун ва са йис хьанвай вад кьар. Аминадабан хва Нагьшунан садакьа гьа ихьтинди тир.
18Кьвед лагьай юкъуз садакьа Исахарин регьбер, Цуаран хва Натанаила гана.
19Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 20хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 21кунуг яз таза жунгав, гьер ва са йис хьанвай кьар, 22гунагьдай къурбанд яз са кьун 23ва суварин къурбанд яз кьве мал, вад гьер, вад кьун ва са йис хьанвай вад кьар. Цуаран хва Натанаилан садакьа гьа ихьтинди тир.
24Пуд лагьай юкъуз садакьа Забулунан тайифадин регьбер, Гьелунан хва Элиаба гана.
25Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 26хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 27кунуг яз таза жунгав, гьер ва са йис хьанвай кьар, 28гунагьдай къурбанд яз са кьун 29ва суварин къурбанд яз кьве мал, вад гьер, вад кьун ва са йис хьанвай вад кьар. Гьелунан хва Элиабан садакьа гьа ихьтинди тир.
30Кьуд лагьай юкъуз садакьа Рувенан тайифадин регьбер, Шедеуран хва Элицура гана.
31Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 32хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 33кунуг яз таза жунгав, гьер ва са йис хьанвай кьар, 34гунагьдай къурбанд яз са кьун 35ва суварин къурбанд яз кьве мал, вад гьер, вад кьун ва са йис хьанвай вад кьар. Шедеуран хва Элицуран садакьа гьа ихьтинди тир.
36Вад лагьай юкъуз садакьа Шимунан тайифадин регьбер, Цуришаддаян хва Шелуьмияла гана.
37Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 38хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 39кунуг яз таза жунгав, гьер ва са йис хьанвай кьар, 40гунагьдай къурбанд яз са кьун 41ва суварин къурбанд яз кьве мал, вад гьер, вад кьун ва са йис хьанвай вад кьар. Цуришаддаян хва Шелуьмиялан садакьа гьа ихьтинди тир.
42Ругуд лагьай юкъуз садакьа Гадан тайифадин регьбер, Дегуялан хва Элиасафа гана.
43Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 44хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 45кунуг яз таза жунгав, гьер ва са йис хьанвай кьар, 46гунагьдай къурбанд яз са кьун 47ва суварин къурбанд яз кьве мал, вад гьер, вад кьун ва са йис хьанвай вад кьар. Дегуялан хва Элиасафан садакьа гьа ихьтинди тир.
48Ирид лагьай юкъуз садакьа Ифраиман тайифадин регьбер, Амигьудан хва Элишама гана.
49Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 50хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 51кунуг яз таза жунгав, гьер ва са йис хьанвай кьар, 52гунагьдай къурбанд яз са кьун 53ва суварин къурбанд яз кьве мал, вад гьер, вад кьун ва са йис хьанвай вад кьар. Амигьудан хва Элишаман садакьа гьа ихьтинди тир.
54Муьжуьд лагьай юкъуз садакьа Манашедин тайифадин регьбер, Педацуран хва Гамалияла гана.
55Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 56хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 57кунуг яз таза жунгав, гьер ва са йис хьанвай кьар, 58гунагьдай къурбанд яз са кьун 59ва суварин къурбанд яз кьве мал, вад гьер, вад кьун ва са йис хьанвай вад кьар. Педацуран хва Гамалиялан садакьа гьа ихьтинди тир.
60КӀуьд лагьай юкъуз садакьа Бунъяминан тайифадин регьбер, Гидеунидин хва Абидана гана.
61Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 62хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 63кунуг яз таза жунгав, гьер ва са йис хьанвай кьар, 64гунагьдай къурбанд яз са кьун 65ва суварин къурбанд яз кьве мал, вад гьер, вад кьун ва са йис хьанвай вад кьар. Гидеунидин хва Абиданан садакьа гьа ихьтинди тир.
66ЦӀуд лагьай юкъуз садакьа Данан тайифадин регьбер, Амишадаян хва Агьиэзера гана.
67Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 68хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 69кунуг яз таза жунгав, гьер ва са йис хьанвай кьар, 70гунагьдай къурбанд яз са кьун 71ва суварин къурбанд яз кьве мал, вад гьер, вад кьун ва са йис хьанвай вад кьар. Амишадаян хва Агьиэзеран садакьа гьа ихьтинди тир.
72ЦӀусад лагьай юкъуз садакьа Ашеран тайифадин регьбер, Ахранан хва Пагияла гана.
73Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 74хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 75кунуг яз таза жунгав, гьер ва са йис хьанвай кьар, 76гунагьдай къурбанд яз са кьун 77ва суварин къурбанд яз кьве мал, вад гьер, вад кьун ва са йис хьанвай вад кьар. Ахранан хва Пагиялан садакьа гьа ихьтинди тир.
78ЦӀикьвед лагьай юкъуз садакьа Нифталидин тайифадин регьбер, Энанан хва Агьира гана.
79Ада садакьа яз вишни къанни цӀуд шекъелдин заланвал авай гимишдин кур ва, ибадатханадин гьисабдалди пудкъанни цӀуд шекъелдин заланвал авай, фан къурбанд авун патал чӀем какадарна лап хъсан гъуьруьвди ацӀурнавай яд хъичиндай гимишдин бади; 80хуш атирдин ни галай затӀаривди ацӀурнавай цӀуд шекъелдин заланвал авай къизилдин кур; 81кунуг яз таза жунгав, гьер ва са йис хьанвай кьар, 82гунагьдай къурбанд яз са кьун 83ва суварин къурбанд яз кьве мал, вад гьер, вад кьун ва са йис хьанвай вад кьар. Энанан хва Агьиран садакьа гьа ихьтинди тир.
84Талукьарун патал къурбангандивай чӀем гуьцӀай чӀавуз ингье Исраилдин регьберри авур садакьаяр: гимишдин цӀикьвед кур, гимишдин цӀикьвед бади ва къизилдин цӀикьвед кур. 85Гимишдин гьар са курунин заланвал вишни къанни цӀуд шекъел ва гьар са бадидин – пудкъанни цӀуд шекъел тир. Вири санлай и къаб-къажахдин заланвал ибадатханадин шекъелдин гьисабдай кьве агъзурни кьуд виш шекъел тир. 86Хуш атирдин ни галай затӀаривди ацӀурнавай къизилдин гьар са курунин заланвал ибадатханадин шекъелдин гьисабдай цӀуд шекъелдиз барабар тир. Вири санлай къизилдин курунин заланвал вишни къад шекъел тир. 87Кунугрин вири гьайванрин кьадар цӀикьвед таза жунгав, цӀикьвед гьер са йис хьанвай цӀикьвед кьар ва абуруз лазим фан къурбандарни тир. ЦӀикьвед кьун гунагьдай къурбанд авунай. 88Суварин къурбанддиз серф авунвай вири гьайванрин кьадарди къанни кьуд жунгав, пудкъад гьер, пудкъад кьун ва са йис хьанвай пудкъад кьар жезвай. Талукьарун патал къурбангандивай чӀем гуьцӀай чӀавуз авунвай садакьаяр гьа ихьтинбур тир.
89Муса Реббидихъ галаз рахун патал Гьалтунин Алачухдиз гьахьайла, адаз Икьрардин сандухдин «Гунагьар алудзавай чка» лугьудай къапсахдаллай кьве херупӀдин арадай вичихъ галаз Ребби рахадай ван къведай. Гьа икӀ Ам адахъ галаз рахадай.
Currently Selected:
Кьурумда 7: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
