Кьурумда 26
26
Кьвед лагьай гъилера Исраилдин халкьдин кьадар тайинарун
1ТӀегъуьндилай кьулухъ Реббиди Мусадиз ва хахам Гьарунан хва Элазараз лагьана: 2«Аскервилин къуллугъдиз виже къведай, къад йис ва адалай гзаф хьанвай Исраилдин рухвайрин вири эл абурун бубайрин сихилар тирвал кьадар тайинара».
3Магьабдин дуьзенра, Ярдандин патарив, Еригьандин къаншарда Муса ва хахам Элазар абурухъ галаз рахана ва икӀ лагьана: 4«Реббиди Мусадиз эмир гайивал, къад йис ва адалай гзаф йисар хьанвай Исраилдин рухвайрин кьадар тайинара».
Ингье, чеб Мисридай экъечӀай исраилвияр:
5Исраилан сифте хва Рувенан эвледар:
Гьанахалай – гьенухийрин тухум;
Палудилай – палуйрин тухум;
6Гьецраналай – гьецранийрин тухум;
Кармидилай – кармийрин тухум;
7Ибур Рувенан тухумар я; вири 43730 итим къелемдиз къачунай.
8Палудин хва Элиаб тир, 9Элиабан рухваярни – Немуил, Датан ва Абирам. И Датанни Абирам элдин патай тайинарнавай ксар тир. Абур Мусадинни Гьарунан аксиниз экъечӀнай ва, абур Реббидин аксиниз экъечӀай чӀавуз, Къарагьан шерикар хьанай. 10Чил ахъа хьана ва абур туькьуьнна; Къарагьахъ галаз санал адан вири шерикарни кьена. ЦӀу кьве вишни яхцӀурни цӀуд кас терг авуна. Абур игьтиятвал патал хабардар авун хьанай. 11Амма Къарагьан рухваяр а юкъуз кьеначир.
12Чпин тухумар тирвал Шимунан эвледар:
Немуилалай – немуилрин тухум;
Яминалай – яминийрин тухум;
Яхиналай – яхинийрин тухум;
13Зерагьалай – зерагьрин тухум;
Шаулалай – шаулрин тухум;
14Ибур шимунийрин тухумар я; 22200 итим.
15Чпин тухумар тирвал Гадан эвледар:
Цефаналай – цефанрин тухум;
Гьагидилай – гьагийрин тухум;
Шунидилай – шунийрин тухум;
16Азнидилай – азнийрин тухум;
Эридилай – эрийрин тухум;
17Арадалай – арадрин тухум;
Арелиядилай – арелийрин тухум;
18Ибур Гадан тухумар я; 40500 итим къелемдиз къачунай.
19 Ягьудан рухваяр Эр ва Анан тир. Абур Къенанда кьенай.
20Чпин тухумар тирвал Ягьудан эвледар:
Шелагьалай – шелагьийрин тухум;
ПерецӀалай – перецӀрин тухум;
Зерагьалай – зерагьрин тухум;
21ПерецӀан эвледар:
Гьецраналай – гьецранрин тухум;
Гьамулалай – гьамулрин тухум;
22Ибур Ягьудан тухумар я; 76500 итим къелемдиз къачунай.
23Чпин тухумар тирвал Исахаран эвледар:
Таладилай – талайрин тухум;
Пувадилай – пунийрин тухум;
24Яшубадилай – яшубайрин тухум;
Шимраналай – шимранрин тухум;
25Ибур Исахаран тухумар я; 64300 итим къелемдиз къачунай.
26Чпин тухумар тирвал Забулунан эвледар:
Середалай – середрин тухум;
Эланалай – эланрин тухум;
Ягьлеилалай – ягьлеилрин тухум;
27Ибур забулунрин тухумар я; 60500 итим къелемдиз къачунай.
28Чпин тухумар Манашедилай ва Ифраималай Юсуфан эвледар:
29Манашедин эвледар:
Магьиралай – магьиррин тухум;
Магьир Гилеадан буба тир;
Гилеадалай – гилеадрин тухум.
30Ингье Гилеадан эвледар:
Язералай – язеррин тухум;
Гьелекьалай – гьелекьрин тухум;
31Асриялалай – асриялрин тухум;
Шехемалай – шехемрин тухум;
32Шемидалай – шемидрин тухум;
Гьефералай – гьеферрин тухум;
33Целафгьадахъ, Гьеферан хцихъ, рухваяр авачир; адахъ анжах рушар авай; абурун тӀварар Магьла, Нуа, Гьагла, Милка ва Тирца тир.
34Ибур Манашедин тухумар я; вири 52700 итим къелемдиз къачунай.
35Ингье чпин тухумар тирвал Ифраиман эвледар:
Шутелагьалай – шутелагьрин тухум;
Бехералай – бехеррин тухум;
Таханалай – таханрин тухум;
36Ингье Шутелагьан эвледар:
Эраналай – эранрин тухум;
37Ибур Ифраиман тухумар я; вири 32500 итим къелемдиз къачунай.
Ибур чпин тухумар тирвал Юсуфан эвледар я.
38Чпин тухумар тирвал Бунъяминан эвледар:
Беладилай – белайрин тухум;
Ашбелалай – ашбелрин тухум;
Ахирамалай – ахирамрин тухум;
39Шуфамалай – шуфамрин тухум;
Хуфамалай – хуфамрин тухум;
40Ардалай ва Наъманалай Беладин эвледар:
Ардалай – ардрин тухум;
Наъманалай – наъманрин тухум.
41Ибур Бунъяминан тухумар я; вири 45600 итим къелемдиз къачунай.
42Ингье чпин тухумар тирвал Данан эвледар:
Шугьамалай – шугьамрин тухум;
Ибур Данан тухумар я: 43абур вири шугьамрин тухумар тир; 64400 итим къелемдиз къачунай.
44Чпин тухумар тирвал Ашеран эвледар:
Йимнагьалай – йимнагьийрин тухум;
Ишвидилай – ишвийрин тухум;
Бериядилай – берийрин тухум;
45Бериядин эвледрилай лагьайтӀа:
Гьебералай – гьеберрин тухум;
Малкиялалай – малкиялрин тухум;
46Ашерахъ вичин тӀвар Серагь тир са руш авай.
47Ибур Ашеран тухумар я; 53400 итим къелемдиз къачунай.
48Чпин тухумар тирвал Нифталидин эвледар:
Ягьциялалай – ягьциялрин тухум;
Гунидилай – гунийрин тухум;
49Яцералай – яцеррин тухум;
Шилемалай – шилемрин тухум.
50Ибур Нифталидин тухумар я; вири 45400 итим къелемдиз къачунай.
51Вири санлай Исраилдин рухваяр 601730 итим авай.
52Реббиди Мусадиз лагьана: 53«Чил тухумрин арада инсанрин кьадардиз килигна ирс яз пайна кӀанда. 54ЧӀехи тухумдиз чӀехи ирс це, гъвечӀидаз лагьайтӀа – гъвечӀи. Гьар са тухумдал къелемдиз къачунвайбурун кьадардиз килигна гьалтрай. 55Чил чип вегьена пай авурай. Абурал белгенар бубайрин тайифайрин тӀварариз килигна гьалтда. 56Гьар са белген кьадардал атайла гзаф ва тӀимилбурун арада чип вегьена ирс яз пай авурай».
57Чпин тухумар тирвал къелемдиз къачунвай левияр: Гершаналай – гершанийрин тухум; Къегьаталай – къегьатрин тухум;
Мераридлай – мерарийрин тухум.
58Ингье левийрин тухумар:
ливнийрин тухум;
хевранрин тухум;
магьлийрин тухум;
мушийрин тухум;
къарагьрин тухум.
Къегьат Амраман бан-буба тир. 59Амраман папан тӀвар Яхебет тир, ам Левидин эвледрикай тир ва левийрин арада Мисрида дидедиз хьанай. Ада Амрамаз Гьарун, Муса ва абурун вах Мириам ханай. 60Гьарун Надабан ва Абигьудин, Элазаран ва Итамаран буба тир. 61Амма Надабани Абигьуди Реббидиз чара цӀай гъайила, абур кьенай.
62Къелемдиз къачунвай ва чпин са варз ва гьадалай гзаф йисар хьанвай левийрин итимрин кьадар 23000 кас тир. Абур амай Исраилдин рухвайрихъ галаз санал къелемдиз къачунвачир, вучиз лагьайтӀа абурал белген ирс яз гьалтнавачир.
63Ингье Мусадини хахам Элазара, абуру Исраилдин рухваяр Магьабдин дуьзенра, Ярдандин патарив, Еригьандин къаншарда къелемдиз къачурбур. 64Абурун арада Мусадини хахам Гьаруна, абур Синай кьурумда Исраилдин рухваяр къелемдиз къачур са касни авачир. 65Реббиди абур са рахунни алачиз кьурумда рекьида абуруз лагьанай эхир, ва абурукай са Яфунедин хва Калеб ва Нунан хва Шуай квачиз, гьич са касни амачир.
Currently Selected:
Кьурумда 26: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
