Кьурумда 22
22
Магьабда акъвазун
(22–30 кьилер)
Балакьа Билъамаз эверун
1Исраилдин рухваяр Магьабдин дуьзенар галайвал фена ва Ярдандин патав Еригьандин къаншарда акъваз хьана.
2Ципаран хва Балакьаз Исраилди амарийриз вуч авунатӀа, вири акуна. 3Магьабвийриз Исраилдин халкьдихъай гзаф кичӀе хьана, вучиз лагьайтӀа абурун кьадар лап гзаф тир. Исраилдин рухвайрин вилик абуруз лап хаф янавай.
4Магьабвийри Мидияндин агъсакъалриз лагьана: «Малди чуьлда векь недайвал, и жемятдини чи къваларив вуч гватӀани, вири неда». Вич а чӀавуз Магьабдин пачагь тир Ципаран хва Балакьани 5Эфратдал алай Петурдиз Бегъаран хва Билъаман кьилив, адан хайи чилел, векилар ракъурна.
Балакьа лагьана: «Мисридай халкь экъечӀнава. Ада чилин чин михьиз кӀевнава ва зи къваларив ацукьнава. 6Тавакъу я, атана а халкь лянетдик кутур, вучиз лагьайтӀа адахъ зун патал гзаф къуват ава. Белки а чӀавуз залай абур кукӀвариз ва уьлкведай чукуриз алакьда. Вуна низ хийир-дуьа авуртӀа, гьам хийирдик жедайди, низ лянет авуртӀа, гьам лянетдик жедайди заз чизва эхир».
7Магьабдинни Мидияндин агъсакъалар кихлигунай гудай пулни къачуна рекье гьатна. Билъаман патав атайла, абуру Балакьа вуч лагьанатӀа вири адав агакьарна.
8«Ина йиф ая, – лагьана абуруз Билъама, – ва за квев Реббиди заз гайи жаваб агакьарда».
Магьабдин чӀехибур адан патав амукьна. 9Аллагь Билъаман кьилив атана ва жузуна: «Ви патав гвай а инсанар вужар я?»
10Билъама жаваб гана: «Балакьа, Ципаран хци, Магьабдин пачагьди, икӀ лугьуз зи кьилив ракъурнава: 11„Мисридай экъечӀай халкьди чилин чин михьиз кӀевнава. Атана заз абур лянетдик кутур. Белки гьа чӀавуз завай абурухъ галаз женг чӀугуна, абур чукуриз жеда“». 12Аллагьди Билъамаз лагьана: «Абурухъ галаз фимир. И халкьдиз лянет ийимир, вучиз лагьайтӀа ам хийир-дуьадик ква».
13Пакадин экуьнахъ Билъам къарагъна ва Балакьан чӀехибуруз лагьана: «Куь уьлкведиз ахлад, Реббиди зун квехъ галаз ахъаюн патал разивал ганач».
14Магьабдин чӀехибур Балакьан кьилив хтана ва лагьана: «Билъама чахъ галаз фин кьабулнач». 15Балакьа, чеб кьадардиз гзаф ва сифтебурулай вини мертебада авай маса чӀехибур ракъурна.
16Абуру, Билъаман кьилив атана, лагьана: «Балакьа, Ципаран хци, икӀ лугьузва: „Зи патав атуникай кьил къакъудмир. 17За ваз зи гъилелай гьуьрметда ва вуна вуч лагьайтӀани ийида. Ша, зун патал а халкьдиз лянет ая“».
18Амма Билъама Балакьан мукьуванриз жаваб гана: «Гьатта Балакьа заз вичин имаратра гьакьдай кьадар къизилни гимиш теклиф авунайтӀани, завай Реббидин, зи Аллагьдин, гафуниз акси яз гьич са затӀни ийиз жедачир. 19ЯтӀани, а муькуьбур хьиз, йифиз ина акъваз, за лагьайтӀа Реббиди заз мад вуч лугьудатӀа чирда».
20А йифиз Аллагь Билъаман кьилив атана ва лагьана: «Мад а инсанар ваз эверун патал атанва кьван, къарагъ ва абурухъ галаз алад, амма анжах За ваз вуч лагьайтӀа, гьам ая».
Билъаман диши лам
21Пакамахъ Билъам къарагъна, диши ламраз пурар яна ва Магьабдин чӀехибурухъ галаз фена. 22Амма ам фейила, Аллагьдиз хъел атана, ва Реббидин Малаик адаз манийвал авун патал рекьел акъвазна. Билъам ламраллаз физвай, ва адахъ адан кьве вач-хъшани галай. 23Ламраз, гъиле къакъарай акъуднавай турни аваз, рекьел акъвазнавай Реббидин Малаик акурла, ам рекьелай чуьл галайвал элкъвена. Рекьел хкун патал Билъама ам гатаз хьана.
24И чӀавуз Реббидин Малаик рекьин кьве падни цлари кӀевнавай, кьве ципицӀ багъдин арадай физвай жигъирдал акъвазна. 25Реббидин Малаик акурла, лам цлав эгис хьана ва Билъаман кӀвач чуькьвена. Ада мад ам гатаз хьана.
26И чӀавуз Реббидин Малаик вилик фена, я эрчӀи патахъ, я чапла патахъ элкъвез тежедай дарискъал чкадал акъвазна. 27Реббидин Малаик акурла, Билъамни далудаллаз лам чилел ярх хьана, адазни хъел атана, ам вичин лашуналди гатана. 28И чӀавуз Реббиди ламран сив ачухна, ва ада Билъамаз лагьана: «За ваз вуч авуна хьи, вуна зун галаз-галаз пуд гъилера гатадайвал?» 29Билъама ламраз жаваб гана: «Вуна закай ягьанатар авуна! Зи гъиле тур авайтӀа, за вун исятда яна рекьидай». 30Ламра Билъамаз лагьана: «Бес зун вун къенин къалди датӀана зал акьахна физвай гьа ви лам тушни? Вахъ галаз ихьтин рафтарвал ийидай хесет зак гьич квайди тирни?» «Ваъ», – жаваб гана Билъама.
31И чӀавуз Реббиди адан вилер ачухна, ва адаз къакъарай акъуднавай турни гваз акъвазнавай Реббидин Малаик акуна. Ада метӀерал аватна, чин чилив агакьарна икрам авуна. 32Реббидин Малаикди адавай жузуна: «Вуна вуч себеб яз лам галаз-галаз пуд гъилера гатана? Зун инал ваз манийвал ийиз атанвайди я, вучиз лагьайтӀа ви рехъ Зи рикӀи кьун тавунвайди я. 33Ламраз Зун акуна, ва галаз-галаз пуд гъилера рекьелай элкъвена. Ам элкъуьн тавунайтӀа, За вун яна кьенвайди тир, амма адаз инсаф ийидай». 34Билъама лагьана: «За гунагь авуна. Вун заз манийвал авун патал рекьел акъвазнавайди заз чидачир. Амма гила, Вун нарази ятӀа, зун кьулухъди элкъведа». 35Реббидин Малаикди лагьана: «И ксарихъ галаз алад, амма рахунар анжах За ваз лагьайбур ая».
Билъамни Балакьан чӀехибурухъ галаз фена. 36Билъам къвезвай ван хьайила, Балакь ам кьабулун патал вичин чилин къерехда авай Арнандин сергьятдал алай магьабвийрин шегьердив кьван атана. 37Балакьа Билъамаз лагьана: «За ваз эверун патал ракъурначирни? Вучиз вун зи кьилив къвезвачир? Захъ ваз шей гуналди гьуьрмет ийидай къуват авачни?» 38«Ингье зун ви патав атанва, – жаваб гана Билъама. – Амма захъ ваз са вуч ятӀани лугьудай къуват ава жал? За анжах заз Аллагьди гьикӀ эмир авуртӀа, гьакӀ лугьун лазим я».
39Билъам Балакьахъ галаз санал Къирйат-Хуцаф шегьердиз фена. 40Балакьа малар ва хпер къурбанд авуна ва якӀун са пай Билъамаз ва адахъ галай чӀехибуруз ракъурна.
Билъама гайи сад лагьай хабар
41Пакадин экуьнахъ Балакьа Билъам вичихъ галаз Бамат-Багьалдал тухвана, ва анай адаз халкьдин са пай акуна.
Currently Selected:
Кьурумда 22: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Кьурумда 22
22
Магьабда акъвазун
(22–30 кьилер)
Балакьа Билъамаз эверун
1Исраилдин рухваяр Магьабдин дуьзенар галайвал фена ва Ярдандин патав Еригьандин къаншарда акъваз хьана.
2Ципаран хва Балакьаз Исраилди амарийриз вуч авунатӀа, вири акуна. 3Магьабвийриз Исраилдин халкьдихъай гзаф кичӀе хьана, вучиз лагьайтӀа абурун кьадар лап гзаф тир. Исраилдин рухвайрин вилик абуруз лап хаф янавай.
4Магьабвийри Мидияндин агъсакъалриз лагьана: «Малди чуьлда векь недайвал, и жемятдини чи къваларив вуч гватӀани, вири неда». Вич а чӀавуз Магьабдин пачагь тир Ципаран хва Балакьани 5Эфратдал алай Петурдиз Бегъаран хва Билъаман кьилив, адан хайи чилел, векилар ракъурна.
Балакьа лагьана: «Мисридай халкь экъечӀнава. Ада чилин чин михьиз кӀевнава ва зи къваларив ацукьнава. 6Тавакъу я, атана а халкь лянетдик кутур, вучиз лагьайтӀа адахъ зун патал гзаф къуват ава. Белки а чӀавуз залай абур кукӀвариз ва уьлкведай чукуриз алакьда. Вуна низ хийир-дуьа авуртӀа, гьам хийирдик жедайди, низ лянет авуртӀа, гьам лянетдик жедайди заз чизва эхир».
7Магьабдинни Мидияндин агъсакъалар кихлигунай гудай пулни къачуна рекье гьатна. Билъаман патав атайла, абуру Балакьа вуч лагьанатӀа вири адав агакьарна.
8«Ина йиф ая, – лагьана абуруз Билъама, – ва за квев Реббиди заз гайи жаваб агакьарда».
Магьабдин чӀехибур адан патав амукьна. 9Аллагь Билъаман кьилив атана ва жузуна: «Ви патав гвай а инсанар вужар я?»
10Билъама жаваб гана: «Балакьа, Ципаран хци, Магьабдин пачагьди, икӀ лугьуз зи кьилив ракъурнава: 11„Мисридай экъечӀай халкьди чилин чин михьиз кӀевнава. Атана заз абур лянетдик кутур. Белки гьа чӀавуз завай абурухъ галаз женг чӀугуна, абур чукуриз жеда“». 12Аллагьди Билъамаз лагьана: «Абурухъ галаз фимир. И халкьдиз лянет ийимир, вучиз лагьайтӀа ам хийир-дуьадик ква».
13Пакадин экуьнахъ Билъам къарагъна ва Балакьан чӀехибуруз лагьана: «Куь уьлкведиз ахлад, Реббиди зун квехъ галаз ахъаюн патал разивал ганач».
14Магьабдин чӀехибур Балакьан кьилив хтана ва лагьана: «Билъама чахъ галаз фин кьабулнач». 15Балакьа, чеб кьадардиз гзаф ва сифтебурулай вини мертебада авай маса чӀехибур ракъурна.
16Абуру, Билъаман кьилив атана, лагьана: «Балакьа, Ципаран хци, икӀ лугьузва: „Зи патав атуникай кьил къакъудмир. 17За ваз зи гъилелай гьуьрметда ва вуна вуч лагьайтӀани ийида. Ша, зун патал а халкьдиз лянет ая“».
18Амма Билъама Балакьан мукьуванриз жаваб гана: «Гьатта Балакьа заз вичин имаратра гьакьдай кьадар къизилни гимиш теклиф авунайтӀани, завай Реббидин, зи Аллагьдин, гафуниз акси яз гьич са затӀни ийиз жедачир. 19ЯтӀани, а муькуьбур хьиз, йифиз ина акъваз, за лагьайтӀа Реббиди заз мад вуч лугьудатӀа чирда».
20А йифиз Аллагь Билъаман кьилив атана ва лагьана: «Мад а инсанар ваз эверун патал атанва кьван, къарагъ ва абурухъ галаз алад, амма анжах За ваз вуч лагьайтӀа, гьам ая».
Билъаман диши лам
21Пакамахъ Билъам къарагъна, диши ламраз пурар яна ва Магьабдин чӀехибурухъ галаз фена. 22Амма ам фейила, Аллагьдиз хъел атана, ва Реббидин Малаик адаз манийвал авун патал рекьел акъвазна. Билъам ламраллаз физвай, ва адахъ адан кьве вач-хъшани галай. 23Ламраз, гъиле къакъарай акъуднавай турни аваз, рекьел акъвазнавай Реббидин Малаик акурла, ам рекьелай чуьл галайвал элкъвена. Рекьел хкун патал Билъама ам гатаз хьана.
24И чӀавуз Реббидин Малаик рекьин кьве падни цлари кӀевнавай, кьве ципицӀ багъдин арадай физвай жигъирдал акъвазна. 25Реббидин Малаик акурла, лам цлав эгис хьана ва Билъаман кӀвач чуькьвена. Ада мад ам гатаз хьана.
26И чӀавуз Реббидин Малаик вилик фена, я эрчӀи патахъ, я чапла патахъ элкъвез тежедай дарискъал чкадал акъвазна. 27Реббидин Малаик акурла, Билъамни далудаллаз лам чилел ярх хьана, адазни хъел атана, ам вичин лашуналди гатана. 28И чӀавуз Реббиди ламран сив ачухна, ва ада Билъамаз лагьана: «За ваз вуч авуна хьи, вуна зун галаз-галаз пуд гъилера гатадайвал?» 29Билъама ламраз жаваб гана: «Вуна закай ягьанатар авуна! Зи гъиле тур авайтӀа, за вун исятда яна рекьидай». 30Ламра Билъамаз лагьана: «Бес зун вун къенин къалди датӀана зал акьахна физвай гьа ви лам тушни? Вахъ галаз ихьтин рафтарвал ийидай хесет зак гьич квайди тирни?» «Ваъ», – жаваб гана Билъама.
31И чӀавуз Реббиди адан вилер ачухна, ва адаз къакъарай акъуднавай турни гваз акъвазнавай Реббидин Малаик акуна. Ада метӀерал аватна, чин чилив агакьарна икрам авуна. 32Реббидин Малаикди адавай жузуна: «Вуна вуч себеб яз лам галаз-галаз пуд гъилера гатана? Зун инал ваз манийвал ийиз атанвайди я, вучиз лагьайтӀа ви рехъ Зи рикӀи кьун тавунвайди я. 33Ламраз Зун акуна, ва галаз-галаз пуд гъилера рекьелай элкъвена. Ам элкъуьн тавунайтӀа, За вун яна кьенвайди тир, амма адаз инсаф ийидай». 34Билъама лагьана: «За гунагь авуна. Вун заз манийвал авун патал рекьел акъвазнавайди заз чидачир. Амма гила, Вун нарази ятӀа, зун кьулухъди элкъведа». 35Реббидин Малаикди лагьана: «И ксарихъ галаз алад, амма рахунар анжах За ваз лагьайбур ая».
Билъамни Балакьан чӀехибурухъ галаз фена. 36Билъам къвезвай ван хьайила, Балакь ам кьабулун патал вичин чилин къерехда авай Арнандин сергьятдал алай магьабвийрин шегьердив кьван атана. 37Балакьа Билъамаз лагьана: «За ваз эверун патал ракъурначирни? Вучиз вун зи кьилив къвезвачир? Захъ ваз шей гуналди гьуьрмет ийидай къуват авачни?» 38«Ингье зун ви патав атанва, – жаваб гана Билъама. – Амма захъ ваз са вуч ятӀани лугьудай къуват ава жал? За анжах заз Аллагьди гьикӀ эмир авуртӀа, гьакӀ лугьун лазим я».
39Билъам Балакьахъ галаз санал Къирйат-Хуцаф шегьердиз фена. 40Балакьа малар ва хпер къурбанд авуна ва якӀун са пай Билъамаз ва адахъ галай чӀехибуруз ракъурна.
Билъама гайи сад лагьай хабар
41Пакадин экуьнахъ Балакьа Билъам вичихъ галаз Бамат-Багьалдал тухвана, ва анай адаз халкьдин са пай акуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024