Якьуб 2
2
Са пад кьаз алахъмир
1Зи стхаяр-вахар, Иса Месигьдихъ, баркалла алай чи Реббидихъ, ийизвай иман аваз хьуналди, са инсанар муькуьбурун вилик вине кьун тахьуй. 2Лугьун хьи, куьн кӀватӀ жезвай кӀвализ багьа парталар алай, тупӀухъ къизилдин закӀал галай касни кесиб ва чиркин парталар алай кас къведа. 3Куьне багьа парталар алайдаз килигна «Ша, буюр, ацукь и хъсан чкадал» лагьайтӀа, амма кесибдиз «Гьанал акъваз» ва я «Инал, зи кӀвачерив, ацукь» лагьайтӀа, 4куьне, чӀуру фикирар авай дуванбегриз элкъвена, садбур муькуьбурун вилик вине кьазвачни бес?
5Яб це, играми зи стхаяр-вахар, Аллагьди и дуьньяда кесибар хкянавачни мегер – абур имандалди девлет авайбур жедайвал ва абурукай Ада Вич кӀанибуруз хиве кьур Пачагьлугъдин ирссагьибар жедайвал? 6Куьне лагьайтӀа, кесибдиз нифрет ийизва. Куьн зулумдик кутазвайбур ва куьн дуванриз чӀугвазвайбур девлет авайбур тушни мегер? 7Квел алай иер ТӀвар русвагьзавайбур гьабур тушни мегер?
8Куьне рикӀивайни, «Жув хьиз жуван мукьув гвайдини кӀан хьухь»#Леви 19:18. кхьенвайвал, Къанундин кьилин къарардал амал ийизватӀа, куьне дуьз кар ийизва. 9Амма куьне садбурун вилик муькуьбур вине кьазватӀа, куьне гунагь ийизва, ва Къанунди куьн тахсиркарар яз винел акъудзава. 10Вири Къанундал амал ийиз, амма са карда гунагь ийидайдак вири Къанун чӀуру авунин тахсир ква. 11«Зинавал ийимир»#ЭхкъечӀун 20:14; Киххьей Къанун 5:18. лагьайда «Ягъна рекьимир»#ЭхкъечӀун 20:13; Киххьей Къанун 5:17. гафарни лагьанва. Вуна зинавал ийизвачтӀа, амма яна рекьизватӀа, вакай Къанун чӀурзавайди хьанва.
12АкӀ рахух ва акӀ ая хьи, гуя азадвал гузвай къанундалди, яни Шад Хабардалди куь дуван авун гьеле вилик кумайди хьиз. 13Регьим къалур тийизвайбуруз дувандини регьим ийидач. Регьим авайдаз дувандал Аллагьди инсаф ийида!
Иман ва крар
14Зи стхаяр-вахар, инсанди вичихъ иман ава лугьузватӀа, амма адав кьур крар авачтӀа, идакай вуч хийир ава? Ихьтин имандивай ам хиласиз жедани? 15Стхадихъ ва я вахахъ партал ва тӀуьн авачтӀа, 16ва квекай са ни ятӀани абуруз, «Саламатдиз фена жуваз чим акъуда ва тух жедалди неъ» лагьана, чпин муьгьтежвал авай са затӀни тагайтӀа, идакай вуч хийир ава? 17Иманни гьакӀ я: адахъ крар галачтӀа, ам кьенвайди я.
18Амма мумкин я, са ни ятӀани лугьун: «Садахъ иман ава, муькуьдахъ – крар». – «ГьакӀ ятӀа, заз крар галачир ви иман къалура. Амма завай ваз краралди зи иман къалуриз жеда. 19Аллагь сад тирдахъ вуна иман ийизва, им хъсан кар я. Амма чӀуру жинерни имандал ала ва зурзазва».
20Крар галачир имандикай хийир авачирди чир жез кӀандани ваз, я акьул авачир инсан? 21Вичин хва Исакь къурбангандал эцигунай чи бан-буба Ибрагьим адан крарин нетижа себеб яз гьахъ-михьивилиз акъудначирни бес? 22Адан иман ва адан крар къакъат тийиз сад садахъ галаз галкӀанвайбур тирди ваз аквазва, иллаки адан краралди адан иман вичин тамамвилив агакьна. 23Гьа икӀ Каламда авай ихьтин гафар кьилиз акъатна: «Ибрагьима Аллагьдихъ иман авуна, им адан гьахъ-михьивал яз кьабулнай»#Хьунухь 15:6.. Ибрагьимаз Аллагьдин дустни лагьанай. 24Са иман себеб яз ваъ, крарни себеб яз инсан гьахъ-михьивилиз акъудзавайди квез аквазва.
25Жасусар хушуналди кьабулна, абур маса рекьяй тӀуз ракъурай чӀавуз къагьбе Рагьаб адан крар себеб яз гьахъ-михьивилиз акъудначирни бес?
26ГьакӀ хьайила, руьгь галачир беден кьенвайди жедайвал, крар галачир иманни кьенвайди жеда.
Currently Selected:
Якьуб 2: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Якьуб 2
2
Са пад кьаз алахъмир
1Зи стхаяр-вахар, Иса Месигьдихъ, баркалла алай чи Реббидихъ, ийизвай иман аваз хьуналди, са инсанар муькуьбурун вилик вине кьун тахьуй. 2Лугьун хьи, куьн кӀватӀ жезвай кӀвализ багьа парталар алай, тупӀухъ къизилдин закӀал галай касни кесиб ва чиркин парталар алай кас къведа. 3Куьне багьа парталар алайдаз килигна «Ша, буюр, ацукь и хъсан чкадал» лагьайтӀа, амма кесибдиз «Гьанал акъваз» ва я «Инал, зи кӀвачерив, ацукь» лагьайтӀа, 4куьне, чӀуру фикирар авай дуванбегриз элкъвена, садбур муькуьбурун вилик вине кьазвачни бес?
5Яб це, играми зи стхаяр-вахар, Аллагьди и дуьньяда кесибар хкянавачни мегер – абур имандалди девлет авайбур жедайвал ва абурукай Ада Вич кӀанибуруз хиве кьур Пачагьлугъдин ирссагьибар жедайвал? 6Куьне лагьайтӀа, кесибдиз нифрет ийизва. Куьн зулумдик кутазвайбур ва куьн дуванриз чӀугвазвайбур девлет авайбур тушни мегер? 7Квел алай иер ТӀвар русвагьзавайбур гьабур тушни мегер?
8Куьне рикӀивайни, «Жув хьиз жуван мукьув гвайдини кӀан хьухь»#Леви 19:18. кхьенвайвал, Къанундин кьилин къарардал амал ийизватӀа, куьне дуьз кар ийизва. 9Амма куьне садбурун вилик муькуьбур вине кьазватӀа, куьне гунагь ийизва, ва Къанунди куьн тахсиркарар яз винел акъудзава. 10Вири Къанундал амал ийиз, амма са карда гунагь ийидайдак вири Къанун чӀуру авунин тахсир ква. 11«Зинавал ийимир»#ЭхкъечӀун 20:14; Киххьей Къанун 5:18. лагьайда «Ягъна рекьимир»#ЭхкъечӀун 20:13; Киххьей Къанун 5:17. гафарни лагьанва. Вуна зинавал ийизвачтӀа, амма яна рекьизватӀа, вакай Къанун чӀурзавайди хьанва.
12АкӀ рахух ва акӀ ая хьи, гуя азадвал гузвай къанундалди, яни Шад Хабардалди куь дуван авун гьеле вилик кумайди хьиз. 13Регьим къалур тийизвайбуруз дувандини регьим ийидач. Регьим авайдаз дувандал Аллагьди инсаф ийида!
Иман ва крар
14Зи стхаяр-вахар, инсанди вичихъ иман ава лугьузватӀа, амма адав кьур крар авачтӀа, идакай вуч хийир ава? Ихьтин имандивай ам хиласиз жедани? 15Стхадихъ ва я вахахъ партал ва тӀуьн авачтӀа, 16ва квекай са ни ятӀани абуруз, «Саламатдиз фена жуваз чим акъуда ва тух жедалди неъ» лагьана, чпин муьгьтежвал авай са затӀни тагайтӀа, идакай вуч хийир ава? 17Иманни гьакӀ я: адахъ крар галачтӀа, ам кьенвайди я.
18Амма мумкин я, са ни ятӀани лугьун: «Садахъ иман ава, муькуьдахъ – крар». – «ГьакӀ ятӀа, заз крар галачир ви иман къалура. Амма завай ваз краралди зи иман къалуриз жеда. 19Аллагь сад тирдахъ вуна иман ийизва, им хъсан кар я. Амма чӀуру жинерни имандал ала ва зурзазва».
20Крар галачир имандикай хийир авачирди чир жез кӀандани ваз, я акьул авачир инсан? 21Вичин хва Исакь къурбангандал эцигунай чи бан-буба Ибрагьим адан крарин нетижа себеб яз гьахъ-михьивилиз акъудначирни бес? 22Адан иман ва адан крар къакъат тийиз сад садахъ галаз галкӀанвайбур тирди ваз аквазва, иллаки адан краралди адан иман вичин тамамвилив агакьна. 23Гьа икӀ Каламда авай ихьтин гафар кьилиз акъатна: «Ибрагьима Аллагьдихъ иман авуна, им адан гьахъ-михьивал яз кьабулнай»#Хьунухь 15:6.. Ибрагьимаз Аллагьдин дустни лагьанай. 24Са иман себеб яз ваъ, крарни себеб яз инсан гьахъ-михьивилиз акъудзавайди квез аквазва.
25Жасусар хушуналди кьабулна, абур маса рекьяй тӀуз ракъурай чӀавуз къагьбе Рагьаб адан крар себеб яз гьахъ-михьивилиз акъудначирни бес?
26ГьакӀ хьайила, руьгь галачир беден кьенвайди жедайвал, крар галачир иманни кьенвайди жеда.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024